2021-yilda O‘zbekistonga keltirilgan “Dok-1 Maks” siropi partiyasida ham zaharli moddalar bo‘lgan
2021-yilda O‘zbekistonga olib kelingan asal ta’mli “Dok-1 Maks” siropi tarkibida ham zaharli etilenglikol moddasi bo‘lgan. Bu Marion Biotech dorilarini qabul qilgan kamida 65 bolaning o‘limi bo‘yicha sud majlisida ma’lum qilindi.
Qozog‘istondagi g‘isht zavodlarida 60 dan ortiq O‘zbekiston fuqarolari mehnat qulligida saqlangani aniqlandi
Qozog‘iston politsiyasi Chimkentdagi g‘isht zavodlarida noqonuniy ravishda ushlab turilgan 60 dan ortiq O‘zbekiston fuqarosini mehnat qulligidan ozod qildi. Zavodlar egalari qo‘lga olindi.
O‘zbekiston FVV rahbari o‘rinbosari Toshkent FVB boshlig‘i etib tayinlandi
O‘zbekiston favqulodda vaziyatlar vaziri o‘rinbosari lavozimida ishlab kelgan Muxtar Muxitdinov Toshkent Favqulodda vaziyatlar boshqarmasi boshlig‘i bo‘ldi.
O‘zbekiston Milliy gvardiyasi va IIO xodimlari ekologik reydlar o‘tkazishni boshladi
Ekologik huquqbuzarlarni jarimaga tortish vakolatiga ega bo‘lgan Milliy gvardiya va IIO, xususan, chiqindilarni noto‘g‘ri joyga tashlashning oldini olish maqsadida reydlar o‘tkazishni boshladi. Bunday huquqbuzarliklar haqida 1354 raqamiga qo‘ng‘iroq qilib yoki Tozalik loyihasi boti orqali ham xabar berish mumkin.
“O‘zbekiston temir yo‘llari” bundan xulosa chiqaradi degan umiddaman. Gollandiyalik bloger — pora evaziga “apgreyd” haqida
Niderlandiyalik sayyoh Tom Grond pora evaziga chipta sinfini “ko‘tarib bergan” poyezd boshlig‘i ishdan bo‘shatilganidan afsusdaligini aytdi. “Kompaniya oynadagi aksiga qarashi kerak”, deb yozgan sayyoh chipta toifasini oshirish uchun barcha rasmiy urinishlari zoye ketgani uchun pora berishga majbur bo‘lganini bildirdi.
10−11-sinf o‘quvchilari uchun 4 ta yo‘nalishda tanlov fanlari belgilandi
Maktablarning yuqori sinf o‘quvchilari uchun 4 ta yo‘nalishda tanlov fanlari belgilandi. Ular qaysi yo‘nalishni tanlasa, o‘sha fanlar chuqurlashtirib o‘qitiladi. Keyingi o‘quv yilidan tanlov fanlari ko‘payadi.
Surxondaryoda teplovoz urib ketgan Spark haydovchisi vafot etdi
Surxondaryo viloyatida yo‘lovchi poyezdi Spark bilan to‘qnashdi. YTHga yengil avtomobil haydovchisi yo‘l harakati qoidalarini buzgani sabab bo‘ldi. Avtomobil haydovchisi vafot etgan. Poyezd yo‘lovchilari jabrlanmagan.
Shavkat Mirziyoyev xalqaro sa’y-harakatlarni “Yashil ipak yo‘li” doirasida bog‘lashni taklif qildi
O‘zbekiston prezidenti “Bir makon, bir yo‘l” forumida so‘zlagan nutqida Markaziy Osiyo va Ipak yo‘li mamlakatlari iqtisodiyot tarmoqlarini “yashil” taraqqiyot talablari asosida transformatsiya qilish, shuningdek, “Yashil moliyalashtirish” jamg‘armasini tashkil etishni taklif qildi.
FeedUp fastfud tarmog‘i Akfa Group tarkibiga kirdi
Akfa Group FeedUp fastfud tarmog‘ining 50 foiz ulushini sotib oldi. Akfa Group`ning, shuningdek, KFC Uzbekistan`da ham ulushi bor.
Toshkent viloyatida 13 yoshli qizni zo‘rlagan erkak 15 yilga qamaldi
Qibrayda 2019-yilda 13 yoshli qiz 27 yoshli qo‘shnisi tomonidan zo‘rlangani haqida xabar berilgan edi. Sud jinoyatchiga nisbatan 15 yil muddatga ozodlikdan mahrum qilish jazosi tayinladi.
Prezident Xitoyning qator kompaniyalari rahbarlari bilan uchrashdi
Xitoyning CAMCE kompaniyasi O‘zbekistondagi loyihalar portfelini gidrotexnik inshootlar qurish bilan kengaytirmoqchi. China Energy infratuzilmani modernizatsiya qilishda qatnashishi, State Grid esa yuqori voltli elektr uzatish liniyalarini qurishi mumkin. Mirziyoyev ushbu kompaniyalar rahbarlari bilan uchrashdi.
AQSh elchisi — Afg‘onistondan O‘zbekistonga 2021-yilda o‘tgan 40 dan ortiq harbiy aviatexnika haqida
2021-yil avgustida Afg‘onistondan O‘zbekistonga noqonuniy olib o‘tilgan 22 ta harbiy samolyot va 24 ta vertolyot taqdiri hamon AQSh va O‘zbekiston rasmiylari tomonidan muhokama qilinmoqda, deya AQShning Toshkentdagi elchisi Jonatan Xenik “Gazeta.uz”ga ma’lum qildi. Harbiy aviatexnikalar Surxondaryoda qolmoqda.
O‘zbekistonda 2026-yil oxiridan hashamatli sayyohlik poyezdi qatnovi yo‘lga qo‘yiladi
Italiyaning Arsenale kompaniyasi 66 nafar yo‘lovchiga mo‘ljallangan sayyohlik poyezdini ishlab chiqadi va quradi. U 2026-yil oxiridan boshlab Toshkent−Samarqand−Buxoro−Xiva yo‘nalishida harakatlana boshlaydi.
Toshkentdagi Singapur institutida 600 nafarga yaqin talaba kursdan qoldirilgani haqidagi xabarlar yuzasidan izoh berildi
Toshkentdagi Singapur menejmentni rivojlantirish institutining 600 nafarga yaqin talabasi kursdan qoldirilgani haqidagi xabarlardan so‘ng OTM rektori izoh berdi. Uning yozishicha, 532 nafar talaba akademik nizom talablarini qo‘pol ravishda buzgan. Rektor ularning masalasi tahlil etilishini qayd etdi.
Isroil — Falastin urushining 12-kuni. Asosiy yangiliklar
G‘azodagi “Al-Ahli” shifoxonasiga qilingan hujum mamlakatlar va xalqaro tashkilotlar tomonidan keskin qoralandi. Voqeadan so‘ng Yaqin Sharqning bir qancha davlatlarida ommaviy noroziliklar boshlandi. Iordaniyada o‘tishi kerak bo‘lgan AQSh prezidenti hamda Misr va Falastin rahbarlari sammiti bekor qilindi.
“Bu dahshatli zo‘ravonlik harakatini keskin qoralaymiz” — O‘zbekiston TIV G‘azodagi kasalxonaga berilgan zarba haqida
18-oktabrga o‘tar kechasi G‘azo sektoridagi “Al-Ahli” kasalxonasiga zarba berilishi oqibatida yuzlab odamlar halok bo‘ldi. O‘zbekiston TIV buni “dahshatli zo‘ravonlik” deb atadi. “Buni xalqaro gumanitar huquqning qo‘pol buzilishi deb hisoblaymiz”, — deyiladi vazirlik xabarida.
Andijonda paxta xirmonida yong‘in sodir bo‘ldi. Vazirlik yong‘inda 12 kg paxta yonganini aytmoqda
Baliqchi tumanida paxta qabul qilish maskanidagi xirmonda yong‘in sodir bo‘ldi. Qishloq xo‘jaligi vazirligi yong‘inda 12 kg paxta yonganini aytmoqda. Lekin voqea aks etgan videoda bir xirmon to‘liq yonib, yong‘in ikkinchi xirmonga ham o‘tganini ko‘rish mumkin.
AQSh YeIdan O‘zbekiston fuqarolaridan tranzit vizalarini talab qilishni so‘radi
Bloomberg xabar qilishicha AQSh prezidenti administratsiyasi Yevropa Ittifoqidan O‘zbekiston va Tojikiston fuqarolaridan tranzit vizalarini talab qilishni so‘radi. Bunga bir guruh muhojirlar “ISHID”ga aloqador shaxslar yordamida AQShga kirib kelgani voqeasi sabab bo‘lgan.
UzAuto Motors sotuvda bo‘lmagan Lacetti, Damas, Labo va Cobalt narxlarini oshirdi
UzAuto Motors kompaniyasi ommabop avtomobillar bo‘lgan Lacetti, Damas, Labo va Cobalt narxlarini oshirgani ma’lum bo‘ldi. Biroq kompaniya bu haqida rasmiy ma’lumot bermagan.
WSJ: Ukraina ilk bor ATACMS raketalaridan Rossiya pozitsiyalariga zarba berdi
Ukraina harbiylari ilk bor AQSh tomonidan taqdim etilgan ATACMS raketalarini Rossiya qo‘shinlari pozitsiyalariga qarshi qo‘lladi, deb yozmoqda Wall Street Journal. Raketalarning kichik partiyasi yaqinda yashirincha Ukrainaga yetkazilgan edi.
Qo‘shimcha imkoniyatlardan foydalanish uchun saytda ro‘yxatdan o‘ting