O‘zbekiston 20 yoshgacha bo‘lgan yoshlar terma jamoasi jahon chempionatini mag‘lubiyat bilan boshladi. Argentina jamoasiga qarshi o‘yinda o‘zbekistonliklar hisobni birinchi bo‘lib ochgan bo‘lsa-da, so‘ng ikkita gol o‘tkazib yubordi (statistika, foto, video).
Qozog‘istonda “KamAZ” va Toyota Ipsum avtomobili ishtirokidagi YTHda to‘rt nafar O‘zbekiston fuqarosi halok bo‘ldi, yana ikki yo‘lovchi shifoxonaga yetkazildi. Mart oyi boshidan beri Qozog‘istonda uchta YTHda kamida 10 nafar o‘zbekistonlik halok bo‘lgan.
Xitoy tomoni Xitoy fuqarolari uchun O‘zbekistonga 10 kun muddatga vizasiz kirish siyosatini yuqori baholab, o‘zbekistonliklarning XXRga kirishini ham soddalashtirish choralarini ko‘rishga tayyor ekanini bildirdi.
Yakkabog‘da ikki kishi Kunjutlitepa arxeologiya yodgorligida tepalik tuprog‘ini surib tashlashi oqibatida obyekt qayta tiklanmaydigan darajaga kelib qolgan. Bu harakatlari uchun fuqarolar 47,5 mlrd so‘m jarimaga tortildi, shuningdek, ulardan birining 3,5 yilga ozodligi cheklandi.
Muzrabot tumanida mastligi aytilgan erkakni urib, unga kuch ishlatgan IIB xodimi “mansab vakolatidan chetga chiqqan” deb topildi va harakatlari yuzasidan jinoyat ishi qo‘zg‘atildi. Tergovning borishini prokuratura nazoratga olgan.
AQSh Rossiyaga qarshi yangi sanksiyalar kiritdi: “qora ro‘yxat”da 100 dan ortiq kompaniya, o‘nlab jismoniy shaxslar, shuningdek, eksport embargosi ostida bo‘lgan 1000 dan ortiq turli tovarlar mavjud. Rossiya TIV bunga javoban 500 nafar amerikalik, jumladan, Barak Obamaning mamlakatga kirishini taqiqladi.
Kasaba uyushmalari federatsiyasi tomonidan Surxondaryoning Sariosiyo tumanida 200 o‘rinli sanatoriy qurilmoqda. 7 qavatli binoning umumiy qiymati 110 mlrd so‘mga teng.
2022-yilda Olmazor tumani IIO inspektorini o‘ldirgan shaxs 14 yil 6 oyga qamaldi. Sudlanuvchiga ko‘ra, u turmush o‘rtog‘i inspektorning mashinasiga chiqqanidan so‘ng rashk sababli qotillikka qo‘l urgan.
Toshkent viloyatida YPX xodimlarining mashinalariga 360 darajada qoidabuzarliklarni aniqlovchi maxsus qurilma o‘rnatildi. U tezlikni oshirgan, svetoforga amal qilmagan, to‘xtash, to‘xtab turish va boshqa qoidalarni buzgan mashinalarni aniqlaydi.
Miroboddagi 147-maktabda plastik idishlar, polietilen paketlar, konfet o‘ramlari va boshqa materiallardan tayyorlangan liboslar tanlovi bo‘lib o‘tdi. Tadbirdan maqsad bolalar va kattalar e’tiborini ekologik muammolarga qaratish, deydi maktab direktori.
Qizlarni aldov yo‘li bilan olib borib, ularni fohishalikka majburlashda ayblanayotgan ayol Kuala-Lumpurdan Toshkentga olib kelindi.
O‘rik qo‘shib tayyorlangan tvorogli pirog, mevali desert, o‘rikli galeta, keks va boshqalar — Zira.uz shirin va foydali mevalardan biri bo‘lgan o‘rikli pishiriqlar ro‘yxatini taqdim etadi.
Sirdaryoda EXEED avtomobillarini ishlab chiqarish zavodi ishga tushirildi. Zavodda uchta EXEED premium modeli — LX va TXL krossoverlari va VX yo‘ltanlamasini ishlab chiqarish rejalashtirilmoqda. Brend ishlab chiqaruvchisi esa Asaka Motors hisoblanadi.
Prezident saylovini o‘tkazish uchun 174,1 mlrd so‘m ajratilishi, kambag‘allikni qisqartirishda 4 ta asosiy yo‘nalish, Nukus voqealari bo‘yicha apellyatsiya sudi tafsilotlari, O‘zbekiston budjetini qo‘llab-quvvatlash uchun Germaniyaning KfW bankidan 500 mln yevro kredit va boshqalar — “Gazeta.uz”ning kun dayjestida.
Xalqaro moliya korporatsiyasi O‘zbekistonga Toshkentning energiya taqsimlash tizimini modernizatsiya qiluvchi investorni aniqlash bo‘yicha xalqaro tender o‘tkazishda yordamlashadi.
Xitoy rahbari Si Szinpin Sian shahrida bo‘lib o‘tgan sammitda Markaziy Osiyo davlatlari bilan savdo va energetikani rivojlantirishga chaqirdi hamda hamkorlikning sakkiz yo‘nalishini taklif qildi.
Turkiyaning Trendyol kompaniyasi va Guzar kompaniyalar guruhi o‘rtasida hamkorlik memorandumi imzolandi.
Prezident Shavkat Mirziyoyev ramziy tugmani bosib, 3,3 mlrd dollarlik 15 ta loyihani — avtomobil va elektromobillar, metall mahsulotlari, tibbiy buyumlar ishlab chiqarish va boshqa quvvatlarni ishga tushirdi va yangi korxonalar qurilishiga start berdi. Shuningdek, u Xitoy biznesi vakillari bilan ham uchrashdi
Bosh vazir o‘rinbosari Jamshid Qo‘chqorov hukumatning kambag‘allikka qarshi kurashishdagi asosiy yo‘nalishlarini ma’lum qildi. Unga ko‘ra, qishloq xo‘jaligini isloh qilish, qishloqlarda tadbirkorlikni yaxshilash, infrastrukturani rivojlantirish hamda urbanizatsiyani qo‘llab-quvvatlash ustuvor yo‘nalishlar hisoblanadi.
Qoraqalpog‘iston voqealari bo‘yicha apellyatsiya sudida asosiy figurant Dauletmurat Tajimuratov suddan Xorazm huquq-tartibot idoralaridan “Nukusda Ichki ishlar vazirligida qiynoqlar bo‘lganmi yoki yo‘q?” savoliga javob olishni so‘radi. Sud Bosh prokuraturaga ichki ekspertiza o‘tkazish uchun xat yubordi.
Qo‘shimcha imkoniyatlarga ega bulish uchun saytda ro‘yxatdan o‘ting