«Sogdiana trans» Hayraton-Mozori Sharif temir yo‘liga yana 2 yil xizmat ko‘rsatadigan bo‘ldi
Termizda Afg‘oniston temir yo‘l boshqarmasi va «Sogdiana trans» o‘rtasida Hayraton-Mozori Sharif temir yo‘lida ekspluatatsiya ishlarini davom ettirish to‘g‘risida yangi kelishuv imzolandi. Yangi kelishuvga ko‘ra, «Sogdiana Trans» yana 2 yil mazkur temir yo‘lga xizmat ko‘rsatadi.
Tojikiston chegara o‘tish punktlarida koronavirus cheklovlari bekor qilindi
Tojikiston mamlakatda COVID-19 bo‘yicha epidemiologik vaziyatni barqarorlashgani, mamlakat aholisining emlanganlik darajasi yuqoriligi hamda mintaqa va xorijiy davlatlarda ushbu kasallik bilan bog‘liq vaziyatni normallashganini hisobga olib chegara o‘tish punktlarida koronavirus cheklovlarini bekor qildi.
Idoralararo tarif komissiyasiga iqtisodiyot va moliya vaziri rahbar bo‘ldi
O‘zbekistonda elektr va issiqlik energiyasiga tariflarni tartibga solish bilan shug‘ullanuvchi Vazirlar Mahkamasi huzuridagi Idoralararo tarif komissiyasiga Iqtisodiyot va moliya vaziri Sherzod Kudbiyev rahbar etib tayinlandi. Ilgari bu lavozimni bosh vazir o‘rinbosari Jamshid Qo‘chqorov egallab kelayotgan edi.
Samarqand, Xorazm va Farg‘onadagi 3 ta YTHda 4 kishi vafot etdi
2−6 fevral oralig‘ida Samarqand, Xorazm va Farg‘onada sodir bo‘lgan 3 ta yo‘l-transport hodisalari oqibatida 4 kishi vafot etdi.
DXX 3 ta viloyatda 11,4 kg giyohvand moddalarini musodara qildi
DXX Samarqand, Jizzax va Toshkent viloyatlarida giyohvand moddalari savdosi bilan bog‘liq holatlarni aniqladi. Barcha holatda giyohvandlik vositalari mamlakatga Tojikistondan kontrabanda yo‘li bilan olib kelingan. Gumonlanuvchilarga nisbatan jinoyat ishi qo‘zg‘atilgan.
Energetika vazirligi: Vodiy viloyatlaridagi gaz quyish shoxobchalari yopilmaydi, ular ishlashda davom etadi
Energetika vazirligi vodiy viloyatlaridagi «metan zapravkalar» yopilishi haqidagi xabarlarni rad etdi. Vazirlik gaz quyish shoxobchalari faoliyati mahalliy hokimliklar bilan kelishilgan jadvallarga asosan davom etishini ma’lum qildi.
Jizzaxda quvvati 220 MVt bo‘lgan quyosh elektr stansiyasi ishga tushiriladi
Prezident raisligidagi yig‘ilishda Jizzaxda 270 Megavatt quyosh energiyasi quvvatlari ishga tushirilishi aytildi. Jumladan, 220 Megavattli yirik quyosh stansiyasi quriladi. Buning hisobiga 236 mln kilovatt soat ishlab chiqarilib, tanqislik ortig‘i bilan qoplanadi, jami 71 million kub metr gaz tejalishi aytildi.
Nima tayyorlaymiz: Pastalar
Pomidorli qaylada pishirilgan tovuqli spagetti, «Arabyata», qaymoqli qaylada pishirilgan tovuqli sharchalar, Karbonaro pastasi va boshqalar — Zira.uz mazali va noodatiy uslubda tayyorlangan pastalar ro‘yxatini taqdim etadi.
Toshkent mahallalariga obodonlashtirish uchun 1 mlrd so‘mdan ajratiladi
Prezident Toshkentdagi 584 ta mahallaning har biriga O‘zbekiston tiklanish va taraqqiyot jamg‘armasidan 1 mlrd so‘mdan mablag‘ ajratishni tasdiqladi. Mablag‘lar infratuzilmani rivojlantirish va qattiq sovuqdan zarar ko‘rgan muhandislik-kommunikatsiya obyektlarini ta’mirlashga yo‘naltiriladi.
10 fevral kuni O‘zbekistonda sodir bo‘lgan eng muhim xabarlar dayjesti
Qamoqqa olingan Farmatsevtika agentligining sobiq direktori, Qirg‘izistondan O‘zbekistonga olib o‘tuvchi 2 ta tunnel, Open Budget uchun 1,7 trln so‘m pul, Jizzaxga borgan prezident, Turkiyada qariyb 80 kishini vayronalar ostidan olib chiqqan o‘zbek qutqaruvchilar va boshqalar — «Gazeta.uz»ning kun dayjestida.
Toshkent viloyatida Lacetti kanalga tushib ketdi
Ohangaron tumanida Lacetti noqulay ob-havo va yo‘llardagi muzlamalar sabab kanalga tushib ketdi. Viloyat FVB va PPX tomonidan mashina olib chiqildi. Voqea oqibatida jarohatlangan va halok bo‘lganlar yo‘q.
Sirdaryoda MCHJ rahbari, Andijonda esa 2 fuqaro yerni noqonuniy sotishda gumonlanmoqda
DXX Sirdaryo va Andijon viloyatlarida yerni mos ravishda 12,5 ming dollar va 148,2 mln so‘mga noqonuniy sotishga uringanlikda gumonlanganlarni qo‘lga oldi. Ularga nisbatan jinoyat ishi qo‘zg‘atilgan.
Samarqandda fuqarolarni AQShga jo‘natish evaziga $27 ming talab qilgan shaxslar ushlandi
Samarqandda fuqarolarni Yevropa va Meksika orqali AQShga yuborishni va’da qilib, 27 ming dollar talab qilganlikda gumonlanayotgan 2 nafar shaxs qo‘lga olindi. Ular yana bir kishidan 22 500 dollar olgani aytilmoqda.
Samarqandda elektr energiyasi hisobini sun’iy kamaytirib, davlatga 1,8 mlrd so‘m zarar yetkazgan tadbirkor aniqlandi
Toyloq tumanida tadbirkor elektr ta’minoti korxonasiga foydalangan elektr energiyasining sun’iy kamaytirgan hisobotlarini taqdim etib kelgani aniqlandi. Unga belgilangan tartibda choralar ko‘rilib, tegishli hujjatlar huquqni muhofaza qiluvchi organlarga taqdim etildi.
Tayyor mebel yasab, eksport qiluvchi tadbirkorlarga ijara haqining bir qismi qoplab beriladi
Fevraldan boshlab tayyor mebellarni eksport qiluvchi tadbirkorlarga xorijdagi ish joylari ijara xarajatlarining bir qismi to‘lab beriladi. Avval maydonning 100 kv metriga teng miqdordagi qismi qoplab berilardi, endi bu me’yor 250 kv mertga yetdi.
O‘zbekistonda ayrim tadbirkorlarga mol-mulkni sug‘urta qilish xarajatlarining bir qismi qoplab beriladi
Prezident farmoni bilan 1 yilda bir marotaba o‘rta tadbirkorlik subyektlariga mol-mulkni sug‘urta qilish xarajatlarining 50 foizigacha, biroq BHMning 20 baravaridan oshmagan qismi qoplab beriladi. Daromadi 10 mlrd so‘mdan kam bo‘lmagan tadbirkorlar uchun davlat xaridlarida 20 foizlik kvota joriy etiladi.
Suv hisobini onlayn rejimda monitoring qilish tizimi yo‘lga qo‘yiladi
2023 yilgi davlat dasturiga ko‘ra, jami 13 057 suv xo‘jaligi obyektlarida raqamli texnologiyalar joriy etilib, «Aqlli suv» qurilmalari o‘rnatiladi. Suvning hisobi onlayn rejimda monitoring qilinib, respublika bo‘ylab suvning aniq hisobini yuritish, foydalanish va operativ boshqarish imkoniyati oshiriladi.
Toshkentda yog‘ingarchilik tufayli yangi trotuar va veloyo‘laklarga shikast yetdi
Kuchli qor yog‘ishi va qattiq sovuqdan so‘ng Toshkentdagi yangi beton trotuarlar va veloyo‘laklar buzila boshladi. Hokimlik ularni ta’mirlash bo‘yicha reja ishlab chiqilgani, ob-havo yaxshilanishi bilan ish boshlanishini bildirdi.
O‘zbekiston va Afg‘oniston temir yo‘llari o‘rtasida yuk tashuvi tiklandi
Afg‘oniston temir yo‘l boshqarmasi va «Sogdiana trans» o‘rtasida Hayraton−Mozori-Sharif temir yo‘lining ekspluatatsiyasini davom ettirish bo‘yicha yangi shartnoma imzolandi. Mamlakatlar o‘rtasidagi qatnov shartnoma o‘z vaqtida bajarilmagani sababli to‘xtatilgandi.
Urganchda 10 mlrd so‘mdan ortiq kredit mablag‘larini o‘zlashtirishda gumonlanganlar qo‘lga olindi
Urganchda o‘tkazilgan tergovga qadar tekshiruvda ikkita MCHJ rahbari hududiy tijorat banki filialidan ajratilgan 5,8 va 4,5 milliard so‘m kreditni o‘zlashtirgani aniqlandi. Mazkur holat yuzasidan jinoyat ishlari qo‘zg‘atilib, tergov harakatlari o‘tkazilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting