Yakshanba kuni yomg‘ir yog‘ishi kutilmoqda
Shanba kuni Rossiyadan nam va salqin havo massalari kirib kela boshlaydi. Yakshanba kuni barcha hududlarda bulutlilik kuchayib, yomg‘ir yog‘ishi, momaqaldiroq bo‘lishi mumkin. Kechasi va ertalab havo biroz salqinlashadi.
“Toshkentga qaytmaysan”. Prezident — Samarqand hokimiga
Prezident “Samarqandda ishlash qiyinligini bilgan va Toshkentga qaytmoqchi bo‘lgan” Samarqand shahri hokimi Fazlididin Umarovni ko‘pchilik maqtashini aytdi. “Toshkentga qaytmaysan, shuni bilgin”, — dedi Shavkat Mirziyoyev DSQ raisining sobiq birinchi o‘rinbosariga.
Yangi ko‘p qavatli binolar boshqaruvchi tashkilotsiz foydalanishga qabul qilinmaydi
Prezident qaroriga ko‘ra, quruvchi tashkilotlar qurilishi tugallangan uyni boshqarish uchun boshqaruvchi tashkilotni jalb qilishlari shart. Busiz uy foydalanishga qabul qilinmaydi.
Toshkent shahri kengashi 360 mlrd so‘mdan ortiq mablag‘ni taqsimlash bo‘yicha qaror qabul qildi. Pullar nimaga sarflanadi?
Poytaxt kengashi mahalliy budjetdan 360 mlrd so‘mdan ortiq pulni taqsimlash qarorini qabul qildi. Mablag‘ kam ta’minlangan oilalarga ipotekalarni moliyalashtirish, Nukusda avariyaviy uylarni ta’mirlash, idora va mansabdorlarning noqonuniy harakatlari ortidan yetgan zararni qoplash kabi maqsadlarga sarflanadi.
O‘zbekiston elchixonasi Ukrainani Mustaqillik kuni bilan tabrikladi
O‘zbekistonning Kiyevdagi elchixonasi “ukrain do‘stlar”ni Mustaqillik kuni bilan tabriklab, “osmoni tinch bo‘lishi, abadiy gullab-yashnashi va farovonlikni” tiladi.
Putin Prigojin samolyoti halokati bo‘yicha izoh berdi
RF prezidenti Tver viloyatidagi aviahalokatda vafot etganlarning oila a’zolariga hamdardlik bildirdi. Yevgeniy Prigojin haqida o‘tgan zamonda gapirar ekan, uni “murakkab taqdirli odam” va “iqtidorli tadbirkor” deb atadi. Uning qo‘shimcha qilishicha, ekspertiza vaqt talab etadi.
“Qishda svet o‘chganda hech kim Turdimov demaydi, Mirziyoyev qayoqqa qarayapti, deydi” — prezident
Prezident Samarqand viloyatida elektr taqchilligi 2022-yildagidan ko‘proq bo‘lishi mumkinligidan ogohlantirdi. U viloyat hokimi va uning o‘rinbosari, shuningdek, energetika vazirining birinchi o‘rinbosarini tanqid qildi. “Qishda svet o‘chganda hech kim Turdimov demaydi, Mirziyoyev qayoqqa qarayapti, deydi”, — dedi u.
24-avgust kuni O‘zbekistonda sodir bo‘lgan eng muhim voqealar dayjesti
Narxi o‘zgarmagan metan “zapravka”dagi gaz narxi, guruh bosqichiga qur’a tashlangan Osiyo Chempionlar ligasi, farg‘onalik 20 yoshli kelinchakning o‘limi tafsilotlari, talabalar yotoqxonasiga joylashish uchun onlayn ariza topshirish va boshqalar — “Gazeta.uz”ning kun dayjestida.
Toshkent chorrahalaridagi “tuzoq”lar bilan bog‘liq vaziyat ishchi guruh tomonidan o‘rganiladi
O‘zbekiston IIV YHXX, Transport vazirligi va Toshkent hokimligi chorrahalarda juda ko‘plab haydovchilar jarimaga tortilishiga sabab bo‘layotgan “tuzoqlar” bilan bog‘liq vaziyatni o‘rganish bo‘yicha ishchi guruh tuzildi.
Turkmanistonning yangi elchisi O‘zbekistonda ish boshladi
Turkmanistonning yangi elchisi Shadurdi Meredov O‘zbekiston tashqi ishlar vaziri Baxtiyor Saidovga ishonch yorliqlari nusxalarini topshirdi.
Photomate va Solar Nature kompaniyalari hamkorlik memorandumi imzolashdi
O‘zbekistonda muqobil energetikani rivojlantirish maqsadida Photomate va Solar Nature kompaniyalari quyosh invertorlarini yetkazish va ularga xizmat ko‘rsatish bo‘yicha o‘zaro hamkorlikni yo‘lga qo‘yishdi.
Yaponiya “Fukusima-1” AES suvini okeanga to‘kishni boshladi
Yaponiya “Fukusima-1” AESning tozalangan radioaktiv suvini okeanga to‘kishni boshladi. Jarayon 30 yildan ortiq davom etishi kutilmoqda. MAGATE rejani xavfsiz deb tan oldi. Xitoy esa okeanga tashlanishiga qarshi chiqdi va yapon dengiz mahsulotlari importini to‘xtatib qo‘ydi.
Turkiya Markaziy banki asosiy stavkani 25 foizgacha oshirdi
Turkiya Markaziy banki asosiy stavkani birdaniga 750 bazis punktiga — 17,5 foizdan 25 foizgacha oshirdi. Mamlakat regulyatori inflyatsiya prognozining sezilarli yaxshilanishiga erishilgunga qadar zaruratga qarab pul-kredit siyosatini qattiqlashtirishda davom etmoqchi.
Aprel-iyun oylarida O‘zbekiston banan importini keskin oshirdi — EastFruit
EastFruit portaliga ko‘ra, 2023-yil aprel-iyun oylarida O‘zbekistonga 37,9 ming tonna banan import qilindi. Bu o‘tgan yilning shu davriga nisbatan 63 foizga, 2021-yilning shu davriga nisbatan esa 2,8 barobarga ko‘proq. May oyidan boshlab banan narxi oldingi yillarga nisbatan eng past darajaga tushgan.
Metan “zapravka”larda tabiiy gaz narxi oshgani yo‘q — Energetika vazirligi
Tarmoqlarda metan “zapravka”larning yopiqligi, ochiqlarida uzun navbatlar yuzaga kelayotgani va gaz narxi ko‘tarilgani haqida xabarlar tarqaldi. Energetika vazirligi respublika bo‘yicha “zapravka”larga tabiiy gaz talabga asosan yetkazib berilayotgani va uning narxi oshmaganini ma’lum qildi.
O‘zbekiston eksportchilari uchun valyuta nazorati yumshatilmoqda
Senatorlar summa bir savdo shartnomasi bo‘yicha yetkazib beriladigan mahsulot qiymatining 5% idan oshmasa, eksportyorlarga aktivlar repatriatsiyasi ta’minlanmagani uchun jarima solinmasligi bo‘yicha o‘zgarishlarni ma’qulladi. Iqtisodiyot vaziri o‘rinbosari limit tanlovi va nega uni oshirib bo‘lmasligini tushuntirdi.
Senat ijara va lizing to‘g‘risidagi qonunlarga o‘zgartirishlar kiritishni ma’qulladi. Nimalar o‘zgarmoqda?
So‘nggi yillarda O‘zbekistonda avtomobil ijarasi yoki lizing bo‘yicha firibgarlik holatlari ko‘paydi. Senatorlar ijaraga olingan obyektni mulk qilib oladigan ijarachilar huquqini himoya qilishga qaratilgan o‘zgartirishlarni ma’qulladi. Lizingga oluvchining roziligisiz obyektni tasarruf etish ham taqiqlanmoqda.
Toshkentda 4-sentabrdan metro poyezdlari oraliq vaqti qisqaradi, avtobuslar soni oshiriladi
4-sentabrdan metrodagi poyezdlar harakati oraliq vaqti 1,5−5 daqiqagacha qisqarishi va’da qilinmoqda. “Toshshahartransxizmat” esa avtobuslar sonini 86 tagacha ko‘paytirib, qo‘shimcha yana 9 ta yangi yo‘nalish tashkil qilishni rejalashtirmoqda.
Senat “Yer qa’ri to‘g‘risida”gi qonunni rad etdi
Senatorlar “Yer qa’ri to‘g‘risida”gi qonunni rad etdi. Bunga hujjatdagi ayrim normalarning tadbirkorlik faoliyati erkinligi va daxlsizligiga oid kafolatlariga zidligi, korrupsiyaviy holatlarni keltirib chiqarishi mumkinligi va boshqa kamchiliklar sabab bo‘ldi.
Osiyo Chempionlar ligasi guruh bosqichiga qur’a tashlandi
O‘zbekistonning “Paxtakor”, “Nasaf”, “Navbahor” va AGMK futbol klublari OCHLning 2023/2024-yilgi mavsumi guruh bosqichidagi raqiblari nomini bilib oldi. AGMK tarkibiga Karim Benzemani qo‘shib olgan “Al-Ittihod” bilan, “Navbahor” esa Neymar bilan shartnoma tuzgan “Al-Hilol” bilan o‘ynaydigan bo‘ldi.
Qo‘shimcha imkoniyatlardan foydalanish uchun saytda ro‘yxatdan o‘ting