Aleksey Navalniy 19 yilga ozodlikdan mahrum etildi
Qattiq rejimdagi koloniyada 9 yillik qamoq jazosini o‘tayotgan rossiyalik muxolifatchi Aleksey Navalniy 19 yilga maxsus rejimli koloniyaga hukm qilindi. Uning aytishicha, u umrbod qamoq jazosini o‘tayotganini juda yaxshi tushunadi va 19 raqami esa ruslarni qo‘rqitish uchun mo‘ljallangan.
Azon.uz faoliyatini to‘xtatdi
Islom dini mavzusiga ixtisoslashgan Azon.uz sayti o‘z faoliyatini to‘xtatdi. Bu haqda loyiha asoschisi Mubashshir Ahmad ma’lum qildi. Nashrning ijtimoiy tarmoqlardagi veb-sayti va sahifalari ochilmay qoldi. Azon TV YouTube sahifalaridan diniy videolar olib tashlandi.
FVVning yong‘in nazorati organlariga qo‘shimcha vakolatlar berildi
Vazirlar Mahkamasi qarori bilan FVV davlat yong‘in nazorati organlariga obyektlarda bir yilda ko‘pi bilan bir martadan tekshiruv o‘tkazish vakolati berildi. Shuningdek, 50 nafardan ko‘p odam to‘planadigan obyektlarda har chorakda kamida bir marotaba monitoring va profilaktika tadbirlari o‘tkaziladi.
Davr Bank 2023-yilning birinchi yarmida rekord darajadagi daromadni qayd etgani haqida xabar berdi
Davr Bank kredit portfeli 25% ga, depozit portfeli esa 21% ga o‘sdi. Bank prognoz qilishicha, yil oxiriga qadar foyda taxminan 40 mln dollarni tashkil etadi.
SSV Toshkentdagi egizak chaqaloqlar o‘limi sabablarini ma’lum qildi
Sog‘liqni saqlash vazirligi Toshkent shahridagi tug‘uruqxonada egizak chaqaloqlar o‘limi sabablarini ma’lum qildi. Unga ko‘ra, homiladorlik og‘ir asoratlar bilan kechgan, homila ichi infeksiyasi va homilaning bachadonda ko‘ndalang joylashuvi kuzatilgan.
Toshkent viloyatida 13 yoshli qizning zo‘rlanishi bo‘yicha ish sudga oshirildi
Bahorda 2019-yilda Qibrayda 13 yoshli qiz qo‘shnisi tomonidan zo‘rlangani haqida xabar berilgan edi. Ish sudga oshirildi. Qizning AQShda yashovchi oilasi ishni sudga oshirish uchun ko‘p kuch sarfladi, qator to‘siqlar va hatto tahdidlarga duch keldi.
Samarqandda 42 nafar fuqaro salatdan zaharlandi
Urgutdagi to‘yda qatnashgan 42 nafar fuqaro mayonezli salat iste’mol qilib, zaharlandi. Salatlar to‘ydan bir kun avval tayyorlangani va muzlatgichda saqlanmagani aniqlandi.
“Do‘stlik-2” bekatida erkak bosh kiyimini olish uchun metro relsiga tushdi
“Do‘stlik-2” metro bekatida erkak metro yo‘liga tushib qolgan bosh kiyimni olish uchun poyezd yo‘liga tushdi. Unga nisbatan bayonnoma rasmiylashtirildi.
Nima tayyorlaymiz: Lavash
Meksikancha burrito, lavash va pishloqdan qilingan chipslar, beyti kebab, lavash hamda malinadan rulet va boshqalar — Zira.uz lavash xamiridan tayyorlangan turli noodatiy taomlarni tayyorlab ko‘rishni taklif qiladi. Retseptlar.
O‘zbekiston-Finlyandiya pedagogika institutiga rektor tayinlandi
Shahzoda Negmatova O‘zbekiston-Finlyandiya pedagogika institutining rektori etib tayinlandi. U tayinlovga qadar Samarqand davlat universiteti Yoshlar masalalari va ma’naviy-ma’rifiy ishlar bo‘yicha birinchi prorektori lavozimida faoliyat yuritgan.
“„Arizangni qaytib ol“, „Oilada bo‘ladi-ku“, deyishmasin”. Senat raisi — oiladagi zo‘ravonliklar haqida
Senat raisi Tanzila Narbayeva oiladagi zo‘ravonlar jinoiy javobgarlikka tortilishi, qonuniy jazosini olishi shartligini ta’kidladi. “Mahallalardagi faollaringiz hech qachon: „arizangni qaytib ol“, „oilada bo‘ladi-ku“ deyishmasin. O‘sha zo‘ravon jazosini olishi shart”, — dedi u Xotin-qizlar qo‘mitasi rahbariga.
4-avgust kuni O‘zbekistonda sodir bo‘lgan eng muhim voqealar dayjesti
7 yilga qamalgan Bloger Abduqodir Mo‘minov, dam olish kunlari asta-sekin pasayadigan harorat, O‘zbekistonda haligacha ishlatilayotgan 400 ga yaqin nosoz lift, ZoodPay`ga qarshi ish ochgan Raqobat qo‘mitasi, Surxondaryo hokimi va maktab direktori janjaliga munosabat va boshqalar — “Gazeta.uz"ning kun dayjestida.
Buxgalteriya autsorsingi biznes uchun samarali yechim bo‘lishi mumkin
Buhexpert kompaniyasi vakillari buxgalteriya autsorsingi biznesga qanday yordam berishi haqida so‘zlab berishdi.
Bloger Abduqodir Mo‘minov 7 yil 3 oy muddatga qamaldi
Jinoyat ishlari bo‘yicha Mirobod tuman sudi bloger Abduqodir Mo‘minovga 3 yil muddatga jurnalistik (blogerlik) faoliyati bilan shug‘ullanish huquqidan mahrum qilgan holda 7 yil 3 oy muddatga ozodlikdan mahrum qilish jazosini tayinladi. Tayinlangan jazoni umumiy tartibli koloniyada o‘tattirilish belgilandi.
Cobalt, Lacetti va Damas uchun shartnoma tuzish qayta tiklandi. Yangi komplektatsiyalar taqdim etildi
UzAuto Motor yetti oydan ko‘proq vaqt o‘tgach, Cobalt, Lacetti va Damas uchun shartnoma tuzishni qayta boshladi, shuningdek, Style Plus pristavkali yangi komplektatsiyalarni taqdim etdi. Avtomobillarni topshirish vaqtini qisqartirish uchun kompaniya “ishlab chiqarish jadvali bo‘yicha sotish tizimi”ni joriy qilmoqda.
Kuchli ta’sir ko‘rsatuvchi “pregabalin” preparatini tarqatib kelgan guruh fosh qilindi
DXX va Bojxona qo‘mitasi Xitoydan pochta orqali kuchli ta’sir ko‘rsatadigan “pregabalin” preparatini olib kirib, ijtimoiy tarmoqlar orqali sotib kelgan guruhni fosh qildi. 75,7 kg preparat musodara qilindi.
Chirchiqdagi qishloq xo‘jaligi mashinasozligi klasteri traktor ishlab chiqarishni boshladi
Chirchiqdagi qishloq xo‘jaligi mashinasozligi klasteri traktorlar ishlab chiqarishni boshladi, mahalliylashtirish darajasi 25 foizni tashkil etmoqda. Zavod yiliga 15 mingta traktor, tirkama va boshqa texnikalarni ishlab chiqarish quvvatiga ega.
Toshkent IIBB Freedom Payments kompaniyasida bo‘lgan tekshiruvga izoh berdi
Toshkent shahar ichki ishlar bosh boshqarmasi Freedom Payments kompaniyasida bo‘lgan tekshiruv fuqarolarning plastik kartasidan 12 mlrd so‘m o‘g‘irlangani bo‘yicha tergovga bog‘liqligini ma’lum qildi. Pul to‘lov tizimi orqali xorijga chiqib ketgan, shu sabab organlar tergov tadbirlarini o‘tkazmoqda, deyiladi izohda.
Raqobat qo‘mitasi ZoodPay`ga qarshi ish ochdi
Raqobatni rivojlantirish qo‘mitasi ZoodPay platformasiga qarshi tashkilotning 99 foiz aksiyasi BAAdagi Zooduz kompaniyasiga sotilgani sababli ish qo‘zg‘atdi. Qo‘mita kompaniyaga nisbatan Ma’muriy javobgarlik to‘g‘risidagi kodeksda belgilangan javobgarlikni qo‘llash choralarini ko‘radi.
Ulug‘bek Lapasov O‘zbekistonning BMTdagi doimiy vakili bo‘ldi
Ulug‘bek Lapasov O‘zbekistonning Birlashgan Millatlar Tashkilotidagi doimiy vakili lavozimiga tayinlandi. U bunga qadar Jenevadagi BMT bo‘linmasi va boshqa xalqaro tashkilotlardagi doimiy vakil sifatida ishlab kelayotgandi.
Qo‘shimcha imkoniyatlardan foydalanish uchun saytda ro‘yxatdan o‘ting