Buxoroda darslar 16-yanvardan boshlanadigan bo‘ldi
Buxoro viloyati hokimligi ota-onalar murojaatiga ko‘ra maktab, oliy o‘quv yurtlari va o‘rta maxsus ta’lim muassasalarining ochilishini 16-yanvarga ko‘chirish to‘g‘risida qaror qabul qildi. Avvalroq darslar 11-yanvardan boshlab yuborilgandi.
Prokuror Tajimuratovga 18 yil, Kallixanovaga esa — 11 yil berishni so‘radi
Davlat ayblovchisi Nukus voqealari bo‘yicha asosiy ayblanuvchilar bo‘lgan Dauletmurat Tajimuratovga 18 yil, Lolagul Kallixanovaga esa 11 yil qamoq jazosini berishni so‘radi. Ish bo‘yicha boshqa sudlanuvchilarga kamroq muddat, faqat ikki gumondorga — uy qamog‘i jazosi so‘raldi.
NOTAM tizimidagi nosozlik tufayli AQShda minglab reyslar kechiktirildi
AQShda uchuvchilarga ma’lumot tarqatuvchi NOTAM tizimidagi nosozlik tufayli barcha ichki reyslarga taqiq joriy etildi. 6000 dan ortiq reyslar kechiktirildi, 1000 ga yaqin reyslar bekor qilindi. Hozirda taqiq olib tashlangan.
11 yanvar kuni O‘zbekistonda sodir bo‘lgan eng muhim xabarlar dayjesti
Qayerda qachon o‘qish boshlanishi ro‘yxati, maktablar ochilishiga munosabatlar va bo‘sh sinfxonalar, ko‘chalarda ehtiyotkor bo‘lishga chaqirgan FVV, bekor qilingan aviareyslar, noqonuniy faoliyat yuritayotgan 2 ta «zapravka», Jizzaxda elektromobil ishlab chiqarilishi va boshqalar — «Gazeta.uz»ning kun dayjestida.
Jahon banki O‘zbekiston iqtisodiyotining 2023 yilda o‘sish prognozini o‘zgarishsiz qoldirdi
2022 yilda O‘zbekiston YAIM o‘sishi, Jahon banki ma’lumotlariga ko‘ra, 5,7 foizni tashkil etdi. JBning 2023 yil uchun mamlakat prognozi o‘zgarishsiz qoldi — 4,9 foiz. Markaziy Osiyo uchun savdo yo‘llarining o‘zgarishi Ukrainadagi urushning salbiy oqibatlarini qisman yumshatishi mumkin, deb hisoblaydi bank.
Anomal sovuq tufayli siquv kompressor stansiyalarida avariyali to‘xtalishlar kuzatilmoqda — «O‘zbekneftgaz»
Anomal sovuq tufayli zavod va boshqarmalarning siquv kompressor stansiyalaridagi gaz haydash agregatlarida avariyali holatda to‘xtashlar kuzatildi, deya xabar qildi «O‘zbekneftgaz». Mutaxassislar gaz qazib olishning qisqarishiga yo‘l qo‘ymaslik choralarini ko‘rmoqda.
Shavkat Mirziyoyev 6 mlrd dollarlik mahalliylashtirish loyihalarini amalga oshirish bo‘yicha topshiriq berdi
Prezident O‘zbekistonda jami 6 mlrd dollarlik mahalliylashtirish loyihalarini amalga oshirish bo‘yicha topshiriq berdi. Biroq uning bajarilish muddati belgilanmagan. Iqtisodchi Mirkomil Xolboyev so‘nggi yillarda o‘zini oqlamagan mahalliylashtirish siyosatini tanqib qilib, uni saratonga o‘xshatdi.
Qozog‘istonda sovuq tufayli yo‘lda qolib ketgan avtobuslardan 69 nafar O‘zbekiston fuqarosi evakuatsiya qilindi
Aktobe viloyatida noqulay ob-havo sharoiti tufayli yo‘lda qolib ketgan ikkita yo‘lovchi avtobusidan 69 nafar o‘zbekistonlik evakuatsiya qilindi. Ular umumta’lim maktabi va masjidga vaqtincha joylashtirildi.
FVV aholini ko‘chalarda ehtiyotkorona harakatlanishga chaqirdi
Rasmiylar aholiga muzlar erib tushishi va daraxt shoxlarining qulashidan ehtiyot bo‘lishni, hushyorlik uchun ko‘chada quloqchin taqib yurmaslikni, aholi turar joylariga kirishda transport vositalarining tezligini kamaytirishni tavsiya qildi.
Xotin-qizlar va bolalar huquqlarini himoya qilishda javobgarliklar kuchaytirilmoqda
O‘zbekistonda xotin-qizlar, bolalar va keksa yoshdagi ota-onalar huquqlarini himoya qiluvchi qonun loyihasi ishlab chiqildi. Unga ko‘ra, 18 yoshga to‘lmaganlarning nomusiga tegish, zo‘rlik ishlatib, jinsiy ehtiyojni qondirish uchun javobgarlik kuchaytirilmoqda. Xususan, ularga nisbatan amnistiya qo‘llanmaydi.
«Farzandim sinf bo‘yicha darsga borgan yagona o‘quvchi bo‘libdi». Tarmoqdagilar maktablar ochilishi haqida nimalar demoqda?
11 yanvar kuni O‘zbekistondagi ko‘p maktablarda ustozlar o‘quvchilar kelmagani tufayli, bo‘sh sinf xonalariga dars o‘tdi. Bunga bir kun avval yarim tunda chiqqan maktablarda o‘qish boshlanishi haqidagi xabarlar sabab bo‘ldi. «Gazeta.uz» tarmoqdagilar bu holatga bildirgan munosabatlarni bir materialga jamladi.
Toshkent shahrida Yevropa kiyigini hujjatlarsiz olib yurgan fuqaro aniqlandi
«Yangihayot» blokmaskani (Surum)da 2 fuqaro mashinada yo‘qolib ketish xavfi ostida bo‘lgan bir bosh Yevropa kiyigini hujjatsiz olib yurgani aniqlandi. Jonivor vaqtinchalik saqlash uchun Toshkent hayvonot bog‘iga topshirildi.
Bog‘chalarning barcha xodimlari ta’til kunlari ham ishda bo‘lishi kerak — Maktabgacha va maktab ta’limi vazirligi
Maktabgacha va maktab ta’limi vazirligi ta’til kunlarida ham bolalar bog‘chalarining barcha xodimlari (oshpazlar bundan mustasno) ish joylarida bo‘lishi kerakligini ma’lum qildi. «Qo‘shimcha ta’til kunlari faqat tarbiyalanuvchilar uchun», — deyiladi xabarda.
Ayrim mahalliy aviareyslar bekor qilindi. Ba’zi xalqaro qatnovlar esa kechikmoqda
Uzbekistan Airways noqulay ob-havo sharoiti tufayli Istanbul, Moskva, Sankt-Peterburg kabi shaharlarga qo‘yilgan reyslar kechikib amalga oshirilishini ma’lum qildi. Shuningdek, mahalliy aviaqatnovlarning ham ayrimlari bekor qilindi.
Banklar dollarning sotish kursini 20 so‘mga oshirdi
Tijorat banklari 11 yanvar kuni aholidan 1 AQSh dollarini 11 260 — 11 330 so‘mdan sotib olmoqda, sotish kursi esa 11 360 so‘m.
Qayerda qachon o‘qish boshlanadi?
Vazirlar Mahkamasi bayoniga asosan hududdagi ob-havo sharoitlarini inobatga olgan holda hokimliklarga ta’lim tashkilotlarida qishki ta’til davrini uzaytirish yoki uzaytirmaslik vakolati berildi. Shu munosabat bilan darslar viloyatlarda turlicha — 11, 12, 13, 16 hamda 18 yanvardan boshlanmoqda (ro‘yxat).
Toshkent viloyatida noqonuniy faoliyat yuritayotgan 2 ta «zapravka» aniqlandi
Energetika vaziri Jo‘rabek Mirzamahmudov boshchiligidagi ishchi guruh Ohangaron tumanida noqonuniy faoliyat yuritayotgan «zapravka»larni aniqladi. AGTKSHlarning uskunalari foydalanishga yaroqsizligi, elektr energiyasidan jami 111 mln so‘m qarzdorligi ma’lum bo‘ldi.
Jizzaxda 1 sentabrgacha elektromobil ishlab chiqarish yo‘lga qo‘yiladi
Prezident raisligida o‘tgan videoselektorda avtomobilsozlik tarmog‘ida o‘sishni ta’minlash uchun 2023 yil 1 sentabrga qadar Jizzaxda elektromobil ishlab chiqarishni yo‘lga qo‘yish va Andijonda zamonaviy quyuv sexini, Chirchiqda qishloq xo‘jaligi mashinasozlik klasterini to‘liq quvvatga chiqarish topshirildi.
Samarqandda “Jiguli” va avtobus to‘qnashishi oqibatida 2 kishi halok bo‘ldi
Paxtachi tumanida VAZ-21013 haydovchisi avtobus yo‘liga chiqib ketishi natijasida YTH sodir bo‘ldi. Oqibatda “Jiguli” haydovchisi va yo‘lovchisi vafot etdi. Yana uch kishi jarohatlari bilan shifoxonaga yotqizildi.
Toshkentda pullik avtoturargohlarni o‘rnatish bilan kim shug‘ullanadi?
Toshkent shahar hokimi poytaxtning 10 ta markaziy ko‘chasida birinchi pullik avtoturargohlar tizimini yaratishni ma’qulladi. Loyiha 10 yilga tuzilgan davlat-xususiy sheriklik shartnomasi asosida Kasy Park kompaniyasi tomonidan amalga oshiriladi.
Qo‘shimcha imkoniyatlarga ega bulish uchun saytda ro‘yxatdan o‘ting