Toshkentdagi «Aziz ota» jome masjidi imom noibi ijtimoiy tarmoq orqali «samosud»ni yoqlab chiqish qilgani uchun ishdan olindi. Musulmonlar idorasi amaldagi qonunlarga zid ravishda zo‘ravonlikka chaqiruvchi bu kabi chiqishlarni qoraladi.
Turkiya prezidenti Pbs nashriga bergan intervyusi SHHT sammiti doirasida RF rahbari bilan bo‘lgan suhbatning taassurotlari haqida so‘z yuritdi. Shuningdek, u Rossiya va Ukraina o‘rtasidagi holat muammoli tus olayotgani, o‘zaro manfaatli kelishuv doirasida urushga tezroq barham berish kerakligini ta’kidladi.
O‘zbekiston va Qirg‘iziston prezidentlari telefon orqali muloqot qildi. Ular Qirg‘iziston-Tojikiston chegarasida yaqinda yuz bergan fojiali voqealarni muhokama qildi. Shavkat Mirziyoyev qurbon bo‘lganlarning oilalari va yaqinlariga chuqur hamdardlik bildirdi va ikki tomonlama kelishuvlarga erishilganini olqishladi.
Tashqi ishlar vaziri Vladimir Norov BMTning Nyu-Yorkda tashkilot bosh kotibi Antoniu Guterrish bilan uchrashdi. Bosh kotib O‘zbekiston va BMT o‘rtasida kengayib borayotgan hamkorlikni olqishladi. Guterrish O‘zbekiston tinchlik, xavfsizlik, inson huquqlari va iqlim kabi sohalarda ishonchli hamkor ekanini qayd etdi.
Sirdaryoda ikki shaxs fuqaroni mansabdor tanishlari orqali Irrigatsiya institutining Qarshi filialini tugatganlik to‘g‘risida diplom olib berishiga ishontirgan. Buxoroda ham turizm va madaniy meros texnikumiga o‘qishga kiritish evaziga fuqarolardan pul olgan shaxslar aniqlandi. Ularga nisbatan jinoyat ishi ochildi.
Maktab shahodatnomasini yo‘qotganlar uchun hujjat dublikatini masofadan turib olish xizmati yaratildi. Buning uchun yagona portalga (my.gov.uz) ariza yuboriladi. Dublikat elektron shaklda berilgach, maktabdan berilgan attestat o‘z kuchini yo‘qotadi.
Emomali Rahmon telefon orqali muloqotda Shavkat Mirziyoyevga tojik-qirg‘iz chegarasidagi voqealar rivoji haqida ma’lumot berdi.
AQSh dollarining so‘mga nisbatan rasmiy kursi 28,83 so‘mga arzonlab, 10 950,46 so‘m etib belgilandi. Shuningdek, rubl kursi ham pasaydi, yevro esa ko‘tarildi.
Shifokorlar oylik ish haqiga qo‘shimcha har oylik ustama to‘lanadigan 297 ta olis va chekka hudud ro‘yxati tasdiqlandi. Ularning maoshiga 2 mln so‘m ustama belgilanadi va ipoteka asosida uy-joy sotib olishda 50 foizigacha, biroq BHMning 500 barobaridan oshmagan qismi qoplab beriladi.
24 sentabr kuni Food City savdo majmuasi ulgurji bozor ochilishiga taklif qiladi. Ushbu bozorda savdo ertalabki soatlarda amalga oshiriladi.
Toshkent shahrining Yakkasaroy tumanida qurilish chiqindilarini ortib ketayotgan yuk mashinasi yangi qurilgan ko‘prikning chetiga ag‘darildi. Haydovchi qo‘lidan jarohat oldi. Hozirda ushbu yo‘lning bir qismi ta’mirlash uchun yopilgan.
AQSh hukumati O‘zbekiston va Tojikistonga «chegara xavfsizligi va terrorizmga qarshi kurash sohasida munosabatlarni chuqurlashtirish» bo‘yicha norasmiy kelishuv evaziga afg‘on samolyotlarining bir qismini berishi mumkin, deb yozadi Politico nashri.
Sardoba suv omborini loyihalashtirish va qurilishiga mas’ul bo‘lgan yana 29 kishiga nisbatan sud hukmi e’lon qilindi. Ularning 3 nafari 5 yildan 10 yilgacha qamaldi, qolgan 26 nafari esa jarimaga tortildi. Ularga shuningdek, 3 yil mansabdorlik va moddiy javobgarlik lavozimlarida ishlash taqiqlandi.
Toshkent davlat iqtisodiyot universitetida Indoneziya ta’lim universiteti bilan qo‘shma ta’lim dasturlari uchun qabul boshlandi. Qabul 21 sentabrgacha davom etadi.
«Davlat fuqarolik xizmati sohasida monitoring o‘tkazish tartibi to‘g‘risida»gi nizom loyihasi muhokama uchun portalga qo‘yildi. Nizom bilan davlat fuqarolik xizmati tizimida «Davlat fuqarolik xizmati to‘g‘risida»gi qonunga rioya etilishini ta’minlash maqsadida monitoring o‘tkazish tartibi belgilanishi kutilmoqda.
Parkent tumanidagi xonadonlarning birida XVI-XVII asrlarga oid mis tangalar topildi. Ularning soni 939 ta ekanligi aniqlanib, o‘rganish va davlatga topshirish uchun uy egalaridan olindi.
Namanganning Mingbuloq tumanida Lacetti yuqori tezlikda kelib, yo‘lning belgilanmagan qismidan yugurib o‘tayotgan 5-sinf o‘quvchisini urib yubordi. Qiz kasalxonada vafot etgan.
oktabr oyidan boshlab Ozarbayjonning yirik aviakompaniyasi Samarqandga yangi qatnovlarni yo‘lga qo‘yadi. Shaharga parvozlar haftaning seshanba va juma kunlari amalga oshiriladi. Shuningdek, Boku-Toshkent-Boku yo‘nalishi bo‘yicha parvozlar haftasiga 5 martagacha ko‘payadi.
Markaziy bank 20-sentabr kungi o‘zbek so‘mining AQSh dollariga nisbatan rasmiy kursini 10 979,29 so‘m etib belgiladi. Ushbu qiymatdan kelib chiqib tijorat banklari ham o‘z takliflarini yangiladi.
Invento UIS`ning yuqori malakali o‘qituvchilari maktabning tuzilishi va ota-onalarning farzandlarini o‘qitish jarayonida qatnashishlari nima uchun muhimligi haqida so‘zlab berishdi.
Qo‘shimcha imkoniyatlarga ega bulish uchun saytda ro‘yxatdan o‘ting