Har 10 nafar o‘smirdan biri maktabi bilan aloqani his qilmaydi — tadqiqot
YUNISEF o‘smirlarning ruhiy salomatligini o‘rganish bo‘yicha O‘zbekiston tarixidagi ilk tadqiqot natijalarini taqdim etdi. Unga ko‘ra, o‘quvchilarning katta qismi (15,4%) o‘rtacha va o‘ta og‘ir bezovtalik va depressiyadan (9,8%) aziyat chekmoqda. Tadqiqot xulosasi va tavsiyalari — «Gazeta.uz» materialida.
Og‘ir atletika bo‘yicha Osiyo chempionatida yana bir o‘zbekistonlik 3 ta medalni qo‘lga kiritdi
Og‘ir atletika bo‘yicha Osiyo chempionatida -102 kg vazn toifasida qatnashgan o‘zbekistonlik Sharofiddin Amriddinov 1 ta oltin va 2 ta kumush medalini qo‘lga kiritdi. Avvalroq Adhamjon Ergashev terma jamoa hisobiga 3 ta oltin medal keltirgandi.
Uchko‘prikda o‘z yerlaridan «ixtiyoriy» voz kechgan 16 nafar fermerning arizalari bekor qilinadi — Adliya vazirligi
Uchko‘prik tuman hokimligi binosida bir vaqtning o‘zida 16 nafar fermer o‘z yerlaridan «ixtiyoriy» voz kechish uchun ariza rasmiylashtirgani ma’lum bo‘ldi. Buning uchun notarius ham hokimlikka chaqirilgan. Adliya vazirligi buni prezident farmoniga zid deb topdi va arizalarni bekor qilish bo‘yicha choralarni boshladi.
O‘zbekiston va Qirg‘iziston birgalikda yengil avtomobillar ishlab chiqarishni rejalashtirmoqda
O‘zbekiston va Qirg‘iziston qishloq xo‘jaligi texnikasi va yengil avtomobillarni birgalikda ishlab chiqarish bo‘yicha shartnomani tayyorlaydi. Tomonlar dori vositalari va tibbiyot buyumlari muomalasi sohasida ham hamkorlik qilishga kelishib oldi.
Shavkat Mirziyoyev shaxtadagi portlash munosabati bilan Turkiya prezidentiga hamdardlik yo‘lladi
O‘zbekiston prezidenti Turkiya shimolidagi shaxtada yuzaga kelgan portlashda insonlar qurbon bo‘lgani munosabati bilan mamlakat prezidentiga hamdardlik yo‘lladi. So‘nggi ma’lumotlarga ko‘ra, 41 kishi halok bo‘ldi.
«Maqsad — ayollar oldidagi to‘siqlarni bartaraf etish». Aziza Umarova mentoring dasturi haqida
YeTTB hamda SmartGov konsalting byurosi hamkorlikda O‘zbekistonda tadbirkor ayollar uchun mentoring dasturini ishga tushirdi. Unda tajribali tadbirkorlar biznesga endi kirib kelayotgan xotin-qizlarga ko‘maklashadi. Loyiha ayollar duch kelayotgan to‘siqlarni bartaraf etishga qaratilgan, dedi Aziza Umarova.
Toshkentda «Better Cotton Initiative» NNTning vakolatxonasi ochiladi
Tanzila Narbayeva «Better Cotton Initiative» (BCI) nodavlat notijorat tashkiloti menejeri Reychel Bekket bilan uchrashdi. Unda BCI`ning Toshkentdagi vakolatxonasini tez kunlarda ta’sis etish yuzasidan kelishuvga erishildi.
16 oktabr kuni Islom Karimov, Afrosiyob va Sharof Rashidov ko‘chalari 5 soatga yopiladi
Yakshanba kuni «Business Run» marafoni o‘tkazilishi sabab Islom Karimov, Afrosiyob hamda Sharof Rashidov ko‘chalari soat 06:00 dan soat 11:00 gacha yopiladi.
O‘zbekistonlik atletlar Osiyo chempionatida yana 2 oltin medalni qo‘lga kiritdi
Quvaytda o‘tayotgan yengil atletika bo‘yicha yoshlar o‘rtasidagi Osiyo chempionatida ko‘pkurash bahslarida Nodir Norboyev, balandlikka sakrash dasturida Barnoxon Sayfullayeva oltin medal oldi. Avvalroq, 15 yoshli Sharifa Davronova uzunlikka sakrash bahsida oltin medalga ega chiqqandi.
Chirchiqda bankomatlarni buzishga uringan harbiylar IIVda xizmat qiladi — Mudofaa vazirligi
Toshkent viloyatida 3 nafar harbiy xizmatchi bankomatlarni buzishga uringani xabar qilingandi. Mudofaa vazirligi qo‘lga olinganlar vazirlikka aloqasi yo‘qligini, ular IIV Qorovul qo‘shinlari harbiy xizmatchilari ekanini ma’lum qildi.
Pensiya olish huquqiga ega bo‘ladigan xodimlar ro‘yxati tuziladi
Hukumat qarori bilan «Davlat pensiyalarini tayinlash va to‘lash tartibi to‘g‘risidagi nizom» tasdiqlandi. Hujjat pensiya bilan bog‘liq barcha yuridik masalalarni tartibga soladi.
Namanganda $200 mingni noqonuniy ravishda xorijga olib chiqib kutayotgan shaxs ushlandi
«Namangan-Nanay» yo‘nalishi bo‘ylab harakatlanayotgan Cobalt avtomobili to‘xtatilganda, salon qismida 200 ming AQSh dollari borligi aniqlanib, protsessual tartibda rasmiylashtirib olindi. Fuqaro pullarni noqonuniy ravishda Qirg‘izistonga o‘tkazmoqchi bo‘lgani aytilmoqda.
Nima tayyorlaymiz: Ochiq piroglar
Jeymi Oliver retseptidagi kish, sabzavotli, tovuq va pomidorli kish, pishloq-qo‘ziqorinli usti ochiq pirog, tunets balig‘i va ismaloq solib pishirilgan kish va boshqalar — Zira.uz noodatiy taomlarni xush ko‘ruvchilar uchun mazali ochiq piroglar retseptlari ro‘yxatini taqdim etadi.
Rahmon Putindan Markaziy Osiyoga SSSR vaqtida bo‘lganigidek muomala qilmaslikni so‘radi
Tojikiston prezidenti Emomali Rahmon MDH sammitida RF rahbari Vladimir Putinga uning mamlakati Rossiya manfaatlariga doimo hurmat bilan munosabatda bo‘lgani hamda o‘zaro hurmatni xohlashini aytdi. U RFdan Markaziy Osiyo mamlakatlariga sobiq Ittifoq vaqtida bo‘lganidek munosabat qilmasligini so‘radi.
Surxondaryoda mashina boshqargan 14 yoshli bola YTHga uchradi, tengdoshi vafot etdi
Sho‘rchi tumanida 14 yoshli voyaga yetmagan fuqaro Nexia avtomashinasi bilan YTH sodir etdi. Oqibatda mashinadagi 2008 yilda tug‘ilgan o‘smir halok bo‘ldi.
Namanganda sinf rahbari 5 sinf o‘quvchisini xatti-harakatlari sabab kaltakladi
Davlatobod tumanidagi 58-maktabda «Geografiya» fani o‘qituvchisi o‘zi rahbarlik qilayotgan 5-«v» sinfdagi o‘quvchini xatti-harakatlaridan norozi bo‘lib, kaltakladi. Holat bo‘yicha sud tibbiy ekspertizasi tayinlandi. XTV matbuot kotibi o‘qituvchilardan har qanday holatda og‘ir va vazminlik saqlashni so‘radi.
14 oktabr kuni O‘zbekistonda sodir bo‘lgan eng muhim xabarlar dayjesti
MDH davlatlarini savdodagi to‘siqlarni tezkor bartaraf etishga chaqirgan O‘zbekiston, narxi oshgan turar-joylar, Volkswagen urib yuborishi natijasida vafot etgan 64 yoshli ayol, ajralishlar soni ko‘paygani, bir nechta elektron raqamli imzoga ega bo‘lish imkoniyati va boshqalar — «Gazeta.uz»ning kun dayjestida.
Bir shaxs bir nechta elektron raqamli imzoga ega bo‘lishi mumkin
Yangi tahrirdagi Elektron raqamli imzo to‘g‘risidagi qonun qabul qilindi. Unga ko‘ra, jismoniy va yuridik shaxslar bir nechta elektron imzoga ega bo‘lishi mumkin, faqat u 2 yilga beriladi. Har bir kalitning sertifikati alohida ro‘yxatga olinadi.
Qoraqalpog‘istondagi namoyishlarda qatnashganlikda gumonlangan yana 38 kishi oilasi bag‘riga qaytarildi
Qoraqalpog‘istondagi namoyishlarda ishtirok etganlikda gumonlangan yana 38 kishi oilalari bag‘riga qaytarildi. Ular Jo‘qorg‘i Kenges raisining so‘rovi va deputatlik kafolatlari asosida hibsxonadan chiqarildi. Avvalroq 34 nafar gumondor ham ozodlikka chiqarilgandi.
Samarqandda Volkswagen urib yuborgan 64 yoshli ayol vafot etdi
Samarqandda Volkswagen piyodalar o‘tish joyidan o‘tayotgan ayolni urib yubordi. Piyoda voqea joyida vafot etdi. Haydovchi esa piyodani ko‘rmay qolganini aytdi.
Qo‘shimcha imkoniyatlardan foydalanish uchun saytda ro‘yxatdan o‘ting