Loyiha boshqaruvi milliy agentligi Istiqbolli loyihalar milliy agentligi etib qayta tashkil etildi
Prezident farmoni bilan Loyiha boshqaruvi milliy agentligi Istiqbolli loyihalar milliy agentligi etib qayta tashkil etildi. Kripto-aktivlar aylanmasi sohasida yagona davlat siyosatini ishlab chiqish agentlikning ustuvor vazifalaridan biri etib belgilandi.
4 sotix yerni $30 mingga sotmoqchi bo‘lgan hokim yordamchisi va uning sinfdoshi ushlandi
Toshkent tumani hokimi yordamchisi va uning sinfdoshi 4 sotix yerni 30 ming dollarga sotmoqchi bo‘lganda ushlandi. Nurafshonda esa MCHJ rahbari 2 gektar yerni 500 ming dollarga sotmoqchi bo‘ldi. DXX, Bosh prokuratura huzuridag Departament va IIV noqonuniy yer oldi-sotdisi bilan bog‘liq bir qancha holatlarni aniqladi.
Fix Price yil boshidan buyon O‘zbekistondagi 12 ta do‘konini yopdi
Rossiyaning Fix Price diskaunterlar tarmog‘i yil boshidan buyon O‘zbekistondagi 12 do‘konini yopdi, yana 30 tasi o‘z faoliyatini davom ettirmoqda.
Ichimlik suviga asossiz hisoblangan to‘lovlar uchun kompensatsiya talab qilish huquqi berilmoqda
Iste’molchilarga ichimlik suvi bo‘yicha asossiz hisoblangan to‘lovlarning yarmi miqdorida kompensatsiya talab qilish huquqi berilmoqda. Ushbu kompensatsiya ichimlik suvi ta’minoti tashkilotidan undiriladi.
Texnikum bitiruvchilari OTMda o‘qishni davom ettirishi mumkin bo‘lgan ta’lim yo‘nalishlari ro‘yxati tasdiqlandi
Texnikum bitiruvchilari oliy ta’lim muassasalarining 2-bosqichidan o‘qishni davom ettirishi mumkin bo‘lgan bakalavriat ta’lim yo‘nalishlari ro‘yxati tasdiqlandi.
O‘qituvchi va shifokorlarning maoshi boshqa sohalarga qaraganda sekin o‘smoqda
So‘nggi besh yil ichida ta’lim sohasida o‘rtacha ish haqi 2,5 barobar oshdi, biroq mamlakatdagi o‘rtacha ish haqiga nisbatan farq 16,8 foizdan 26,5 foizgacha ko‘tarildi. Sog‘liqni saqlash sohasida esa tafovut asta-sekin qisqardi, ammo 2022 yil yanvar-mart oylarida u besh yil avvalgi ko‘rsatkichga qaytdi.
Go‘sht va yog‘ importiga nol darajali QQS stavkasi muddati uzaytirilishi mumkin
Bir qator oziq-ovqat mahsulotlari, jumladan, go‘sht, o‘simlik yog‘i va kartoshkani olib kirish va sotishda qo‘shilgan qiymat solig‘ining nol stavkasi 2022 yil oxirigacha uzaytirilishi rejalashtirilmoqda, — deya ma’lum qildi deputat Doniyor G‘aniyev. Banan, ananas va boshqa sitrus mevalari uchun import bojlari imtiyozlari ham uzaytirilishi mumkin.
JB tadqiqoti: O‘zbekiston mehnat bozorida gender tengsizligi bilan bog‘liq stereotiplar juda kuchli
Jahon banki tadqiqotlari O‘zbekistonda ishga qabul qilish jarayonida har ikki jins vakillariga nisbatan birdek kuchli diskriminatsiya mavjudligini ko‘rsatdi. Ish beruvchilar ish qidirayotganlarning jinsi, yoshi va tashqi ko‘rinishiga oid afzalliklarga urg‘u bergan holda, kamsituvchi xarakterga ega bo‘lgan reklama e’lonlarini joylashtiradilar. Tadqiqot mualliflarining ta’kidlashicha, mehnat bozorida gender tengsizligi bilan bog‘liq stereotiplar juda kuchli.
Qishloq xo‘jaligi korxonalariga yillik 14 foizda qarz beriladi
Prezident qarori bilan bog‘dorchilik va issiqxona xo‘jaligini rivojlantirish jamg‘armasiga 12 oy muddatga, 11 oylik imtiyozli davr bilan 300 mlrd so‘m budjet ssudasi ajratildi. Mazkur ssuda hisobidan qishloq xo‘jaligi korxonalariga qarz beriladi.
Samarqandda xorijlik sayyohni haqoratlagan mehmonxona menejeri 10 sutkaga qamaldi
Samarqanddagi mehmonxonalardan birining ish boshqaruvchisiga xorijlik sayyoh, IT-mutaxassisni haqoratlab, kamsitgani uchun 10 sutka ma’muriy qamoq jazosi tayinlandi.
Qirg‘iziston bilan chegarada yangi nazorat-o‘tkazish punktlari ochilishi mumkin
Qirg‘iziston tashqi ishlar vaziri lavozimiga nomzod Jeenbek Kulubayev Qirg‘iziston va O‘zbekiston chegarasida yana 3−4 ta nazorat-o‘tkazish punktlari ochilishi mumkinligini ma’lum qildi. Bu masala ikki davlat bosh vazirlari uchrashuvida ko‘tarilgan.
Andijon viloyatida 4 ballik zilzila qayd etildi
Andijon hududida sodir bo‘lgan 4,1 magnitudali zilzila Xonobod, Qo‘rg‘onepa, Jalaquduq va Xo‘jaobod tumanlarida ham sezildi.
“Уральские авиалинии” oktabr oyi oxirigacha O‘zbekistonga barcha reyslarni bekor qildi
“Уральские авиалинии” O‘zbekiston va MDHning yana uchta davlatiga oktabr oyi oxirigacha barcha reyslar bekor qilinishini ma’lum qildi. Kompaniya bu qarorni “Yevropa davlatlarining havo hududini yopishi” bilan izohladi.
27 aprel kuni O‘zbekistonda sodir bo‘lgan eng muhim xabarlar dayjesti
«O‘zkomnazorat»ga tayinlangan yangi boshliq, Tashqi ishlar vazirligidan ketgan Abdulaziz Kamilov, 30 aprel kuni bo‘ladigan xayriya hashari, O‘zbekistonda bolalarga nisbatan nojo‘ya harakatlar uchun javobgarlik kuchaytirilishi, qorako‘lchilik va ipakchilik uchun muddati uzaytirilgan imtiyozlar va boshqalar — «Gazeta.uz» ning 27 apreldagi eng muhim xabarlari dayjestida.
Abdulaziz Kamilov tashqi ishlar vaziri lavozimidan ozod qilindi
2012 yildan buyon tashqi ishlar vaziri lavozimida ishlab kelayotgan Abdulaziz Komilov prezident huzuridagi Xavfsizlik kengashi kotibi o‘rinbosari etib tayinlandi. TIV rahbarining vazifalarini bajarish Vladimir Norov zimmasiga yuklatildi.
Chiroqchida YPX inspektoriga qarshilik ko‘rsatgan shaxslarga jinoyat ishi ochildi
Chiroqchi tumanida jamoat tartibini saqlash bo‘yicha xizmat olib borayotgan YPX xodimlari va aholi o‘rtasida mojaro kelib chiqdi. Fuqarolardan biri inspektorning pogoni va bodikamerasini yulib olgan. Tuman prokuraturasi ularga nisbatan jinoyat ishi ochdi.
A’zam Abdullayev «O‘zkomnazorat» boshlig‘i vazifasini bajaruvchi etib tayinlandi
Hukumat qarori bilan A’zam Abdullayev Axborotlashtirish va telekommunikatsiya sohasida nazorat bo‘yicha davlat inspeksiyasi («O‘zkomnazorat») boshlig‘i vazifasini bajaruvchi etib tayinlandi. «O‘zkomnazorat»ning avvalgi rahbari ayrim ijtimoiy tarmoqlar bloklanishi ortidan lavozimidan chetlashtirilgan edi.
Prezident texnikumlar bo‘yicha alohida dastur ishlab chiqishni buyurdi
Prezident Shavkat Mirziyoyev texnikumlar bo‘yicha dastur ishlab chiqish topshirig‘ini berdi. Bunda agrar sohadagi barcha texnikumlar Qishloq xo‘jaligi vazirligi tizimiga o‘tkazilib, ulardagi o‘quv dasturlar, metodologiya, darsliklar va amaliyot tizimi butkul qayta ko‘rib chiqiladi.
Qorako‘lchilik va ipakchilik uchun berilgan imtiyozlar muddati uzaytirildi
Qorako‘lchilik mahsulotlarini yetishtiruvchilar uchun soliq va bojxona imtiyozlari 2026 yil 1 yanvargacha uzaytirildi.
Andijon tajribasi: tovuqlar tuxum tug‘yaptimi yoki muammo?
Andijon viloyatida aholini parrandachilikka keng jalb etish dasturi amalga oshirilmoqda. Davlat OAVlari har 100 ta tovuqdan 80 tasi tuxum tug‘ib, 2 mln so‘m (tuxum narxi 1500 so‘m bo‘lsa) sof foyda keltirishi mumkinligi haqida xabar bermoqda. Biroq ayrim aholi vakillari tovuqlar 30 donadan ko‘p tuxum qo‘ymayotgani, ba’zilari o‘lib ketayotgani va tuxum 700 so‘mdan sotilayotgani, shuning uchun ham zarar ko‘rayotganini aytishmoqda. Andijon hokimligi ushbu holatlar bo‘yicha munosabat bildirdi.
Qo‘shimcha imkoniyatlardan foydalanish uchun saytda ro‘yxatdan o‘ting