«Inson huquqlari uchun mas’uliyatni zimmaga olish kerak» — Amnesty International
O‘zbekistonda inson huquqlari sohasidagi yaxshilanishlar bilan bir qatorda, so‘z erkinligi, uyushmalar va tinch yig‘ilishlar erkinligiga nisbatan cheklovlar saqlanib qolmoqda, deyiladi Amnesty International hisobotida. Dunyoda so‘z, vijdon erkinligi, yig‘ilish erkinligi va boshqa erkinliklarga nisbatan tazyiq kuchaymoqda, deya ta’kidladi inson huquqlari tashkiloti.
Maishiy texnikalarni markirovkalash aprel oyida boshlanadi
15 apreldan maishiy texnika vositalarini majburiy raqamli markirovkalash joriy etiladi.
35 ta OTMga rektorlarni lavozimga tayinlash yoki ozod etish vakolati berilishi mumkin
Moliyaviy mustaqillik berilgan oliy ta’lim muassasalariga rektorlarni lavozimga tayinlash yoki ozod etish vakolati berilishi mumkin. Shuningdek, 5 xil toifadagi shaxslarning ta’lim tashkilotlarida pedagog sifatida faoliyat olib borishini taqiqlash taklif qilinmoqda.
Toshkentda avtomobil haydash «juda qo‘rqinchli» — Buyuk Britaniya elchisi
«Dunyoning boshqa hech bir mamlakatida men ikki tomonlama qatnov o‘rtasidagi burilib olishlarga duch kelmaganman, bu juda qo‘rqinchli», — dedi Buyuk Britaniyaning O‘zbekistondagi elchisi Tim Torlou. Uning so‘zlariga ko‘ra, ko‘chalarning to‘g‘ri dizayni, cheklangan tezlikka rioya qilish va haydovchilikka o‘qitishni qayta ko‘rib chiqish vaziyatni yaxshilashi mumkin.
«Kutganimizchalik arzon emas ekan» — Belarusdan O‘zbekistonga kelgan IT-mutaxassislarining dastlabki taassurotlari
Ukrainada urush boshlanganidan so‘ng O‘zbekistonga ko‘chib kelgan bir nechta IT-mutaxassislar o‘zlarining dastlabki taassurotlari bilan bo‘lishdi. Dasturchilar, nega aynan O‘zbekistonni tanlashgani, yashash sharoiti, ijara narxining qimmatligi haqida fikr bildirishgan.
Ko‘chmas mulk ijara shartnomasi faqat elektron shaklda hisobga qo‘yiladi
Ko‘chmas mulk ijara shartnomasi endilikda faqat elektron shaklda hisobga qo‘yiladi. Hukumat tasdiqlagan ma’muriy reglamentga ko‘ra, ijaraga beruvchi ko‘chmas mulk shartnomasini tuzilganidan 3 kundan kechiktirmay soliq organida hisobga qo‘yishi, ijarachi esa uni besh kun ichida tasdiqlashi shart.
Jismoniy shaxslar to‘lov hujjatlariga STIR o‘rniga JSHSHIRni kiritadi
9 apreldan boshlab jismoniy shaxslar to‘lov hujjatlariga soliq to‘lovchining identifikatsiya raqami o‘rniga JSHSHIRni ko‘rsatishlari kerak bo‘ladi.
Intellektual mulkning buzilishiga qarshi kurash biznesni bo‘g‘ish deb hisoblanar ekan, bu norozilikni keltirib chiqaraveradi — IMA
Intellektual mulk agentligi yirik kompaniyalar vakillari o‘z brendlarini soxtalashtirilishdan qanday himoya qilishlari haqidagi fikrlarini o‘rtoqlashgan «Gazeta.uz» materialiga javoban, qalbakilashtirishga qarshi qanday choralar ko‘rilayotgani va nima uchun huquqbuzarliklarga qat’iy jazo qo‘llashdan o‘zini tiyib turganini ma’lum qildi.
Hokimlarga o‘z hududida radar o‘rnatish huquqi beriladi
Prezident qarori bilan tuman (shahar) hokimliklariga o‘z hududlaridagi avtomobil yo‘llarida yo‘l harakati qoidalari buzilishini qayd etuvchi maxsus avtomatlashtirilgan foto va video dasturiy-texnik vositalarini o‘rnatish huquqi berilmoqda. Shuningdek, tumanlar va shaharlardagi aholi gavjum hududlarda piyodalar o‘tish joylariga piyodalar boshqaradigan svetoforlar o‘rnatiladi.
O‘zbekistonda «Xavfsiz yo‘l» indeksi joriy etiladi
Respublikaning barcha tuman va shaharlarida «Xavfsiz yo‘l» indeksi joriy qilinadi. Unda hududlarning yo‘l infratuzilmasi va yo‘l harakati qoidalariga rioya qilish holati 29 ta indikator bo‘yicha har chorakda baholanadi. Shunga ko‘ra, tuman va shaharlar «yashil», «sariq» va «qizil» toifalarga ajratiladi.
1 dekabrdan haydovchilar qoidabuzarligi uchun jarima ballarni hisoblash boshlanadi
Prezident qaroriga muvofiq, 1 dekabrdan haydovchilar qoidabuzarligi uchun jarima ballarni hisoblash boshlanadi. Unga ko‘ra, bir yilda qoidabuzarliklari 12 balldan oshgan haydovchi ma’lum muddatga avtomobil boshqarish huquqidan mahrum bo‘ladi. Qoida buzmagan haydovchilarga esa bonus ballari beriladi.
«Tashabbusli budjet» loyihasining ilk mavsumi g‘oliblari e’lon qilindi
1 aprel kuni «Tashabbusli budjet» loyihasining ilk mavsumi yakunlandi hamda g‘oliblar e’lon qilindi. Natijalarga ko‘ra, ushbu mavsum davomida fuqarolar jo‘natgan jami 70 mingga yaqin tashabbusdan 2215 tasi g‘olib bo‘ldi. Ushbu loyihalarga ovoz berish jarayonlarida esa 6,7 mln kishidan ko‘proq aholi ishtirok etdi. G‘olib deb topilgan tashabbuslarning 34 foizi umumta’lim maktablarini ta’mirlash loyihalari bo‘ldi.
Mart oyida aholi va tadbirkorlarning inflyatsion kutilmalari sezilarli oshdi
Mart oyida kelgusi 12 oy uchun aholi va tadbirkorlik subyektlarining inflyatsion kutilmalari mos ravishda 15 foiz va 15,4 foizgacha ko‘tarildi. Respondentlar narxlarga oshiruvchi bosim ko‘rsatishi mumkin bo‘lgan asosiy omillar siftida valyuta kursining o‘zgarishi, yoqilg‘i va transport xizmatlarining narxlari qimmatlashishi kabilarni keltirishgan. Yil boshida MB 2022 yilda inflyatsiya 9 foizdan past bo‘lishini prognoz qilgandi.
4 aprel kuni O‘zbekistonda sodir bo‘lgan eng muhim xabarlar dayjesti
Xodimlarni shtat qisqarishidan ogohlantirgan Adliya vazirligi, karantin vaqtida hisoblanmagan pensiyalarni to‘liq to‘lab berilishi, qilichbozlik bo‘yicha ilk o‘zbekistonlik jahon chempioni, Oksana Chusovitinadan yana yangi sovrin, hafta issiq bo‘lishi kutilayotgani, QR-kodli chek uchun Surxondaryoda «samosud» qilingan jurnalist va boshqalar — «Gazeta.uz» ning 4 apreldagi eng muhim xabarlari dayjestida.
O‘zbekiston Fransiya bilan aviaqatnovlarni qayta tiklamoqda
Oradan ikki yil o‘tib Uzbekistan Airways Toshkentdan Parijga bo‘lgan muntazam aviareyslarni qayta tiklamoqda. 29 apreldan 10 iyunga qadar qatnovlar haftasiga ikki marta amalga oshiriladi.
Bolalarni 2 yoshdan bog‘chalarga qabul qilish tartibi belgilandi
Maktabgacha ta’lim vazirligi ma’lum qilishicha, 2 yoshdan bog‘chalarga qabul qilish pullik xizmat ko‘rsatish shaklida amalga oshiriladi. Bog‘cha rahbari va ota-ona o‘rtasida shartnoma tuziladi, bola 3 yoshga to‘lgach shartnoma bekor qilinadi. 2 yoshli bolalar guruhi dam olish kunlarida va ish kuni tugagandan keyin ham ishlashiga ruxsat beriladi.
Dollarning rasmiy kursi yana ko‘tarildi
Dollarning so‘mga nisbatan rasmiy kursi 3,89 so‘mga ko‘tarilib, 11 408,50 so‘mga teng bo‘ldi. Yevro va rubl kurslari esa yana pasaydi.
Toshkent shahar hakamlik sudi sudyasi pora olganlikda gumon qilinmoqda
Toshkent shahar hakamlik sudi sudyasi ishni javobgarning foydasiga hal qilib berish evaziga 4 ming dollar talab qilib, shundan 2,5 ming dollarni olganida qo‘lga tushgani aytilmoqda. Gumondorga nisbatan jinoyat ishi qo‘zg‘atildi.
«Orqaga qaytish bo‘ldi, lekin ijobiy narsalar hali ham ko‘p». Buyuk Britaniya elchisi O‘zbekistondagi so‘z erkinligi haqida
«Bu so‘nggi bir necha yil ichida ko‘proq orqaga ketgan sohalardan biri. Lekin ijobiy narsalar hali ham ko‘p», — dedi Buyuk Britaniyaning Toshkentdagi elchisi Tim Torlot O‘zbekistondagi so‘z erkinligi bilan bog‘liq vaziyatni tasvirlar ekan. Uning so‘zlariga ko‘ra, jurnalistlar va blogerlar unchalik gapirishni xushlamaydigan muammolar hali ham mavjud.
Adliya vazirligi o‘z tizimidagi rahbar va xodimlarni shtat qisqarishidan ogohlantirdi
Adliya vazirligi o‘z tizimidagi rahbar va xodimlarni ehtimoliy ishdan bo‘shatilish haqida ogohlantirdi. 207 nafar tuman va shahar adliya bo‘limi boshliqlari, 207 nafar DXM direktorlari bilan mehnat shartnomasi bekor qilinishi mumkin. «Maqbullashtirish va shtat qisqarishi asosan rahbar lavozimlar hisobiga to‘g‘ri kelmoqda, tumandagi va xizmat ko‘rsatuvchi bironta shtat qisqarmadi», — deyiladi xabarda.
Qo‘shimcha imkoniyatlardan foydalanish uchun saytda ro‘yxatdan o‘ting