Shavkat Mirziyoyev mamlakat mafkurasining asosiy g‘oyasini nimalar tashkil etishini sanab o‘tdi. «Biz yaratayotgan yangi O‘zbekistonning mafkurasi ezgulik, odamiylik, gumanizm g‘oyasi bo‘ladi», — dedi prezident.
Qirg‘izistonning saqlash sharoiti yo‘qligi uchun Pfizer vaksinasini ishlatishdan bosh tortgani, Germaniyaning karantin choralarini 15 fevralga qadar uzaytirishi, Turkiyaning koronavirusga qarshi ommaviy emlashning ikkinchi bosqichiga o‘tgani va boshqa yangiliklar — “Gazeta.uz"ning jahon yangiliklari dayjestida.
«Ijod» jamoat fondi negizida Ma’naviyat va ijodni qo‘llab-quvvatlash fondini tashkil etiladi. 120 mlrd so‘m ajratilishi ta’kidlandi. Yig‘ilishda ma’naviyat va ma’rifat sohasi ixtisosliklarini fanlar klassifikatoriga kiritish, bu yo‘nalish bo‘yicha yetuk kadrlar tayyorlash bo‘yicha topshiriqlar ham berildi.
Shavkat Mirziyoyev «eng katta xavf — bu aksariyat odamlarimizda loqaydlik va beparvolik kuchayib borayotganida», deya ta’kidladi. Hozirgi zamonda ma’naviy nuqtai nazardan «uxlab yotish»ga, loqayd bo‘lishga hech kimning haqqi yo‘qligi aytildi.
Prezident yaqinda tayinlangan oliy ta’lim vaziri Abduqodir Toshqulovga ko‘p vazifalar berganligini ta’kidladi. «Agar unga qandaydir rektor yoqmasa, u rektor ketadi. Men unga katta vazifalar yukladim. U uxlamay ishlaydi», — dedi davlat rahbari. Shavkat Mirziyoyev rektorlar dars bermasligini tanqid qilib, dars bermagan taqdirda tarbiya va madaniyat masalalari bilan shug‘ullanish lozimligini ta’kidladi.
Andijonda bloger ayol QK sobiq rahbarlariga oid jinoiy ishni tajribasiz sudya ko‘rayotgani, unga kiritilgan iltimosnoma va arizalar rad etilgani uchun sudlanuvchilar va o‘zi ochlik e’lon qilishini aytdi. «O‘zbekistonda haqiqatga erishish uchun och qolib, o‘ladigan bo‘lsam, shunga ham roziman», — dedi u. Sudyalar oliy kengashi uning qarorini vaziyatga siyosiy tus berib, bosim o‘tkazishga urinish deb baholadi.
Xo‘jaobod tumanida yashovchi fuqaro Yo.R. 9-sinfligidan buyon otasi tomonidan zo‘rlab kelinganligini ta’kidlamoqda. Uning aytishicha, voqeadan xabardor qo‘shnilar, qarindoshlar, ichki ishlar organlari xodimlari va mahalla mutasaddilari bu holatga befarq bo‘lgan. Hodisa yuzasidan prokuratura tekshiruvi boshlandi.
G‘ulomjon Murodxo‘jayev Namangan viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari etib tayinlandi.
Xalq deputatlari Jizzax viloyat Kengashida Jizzax viloyati hokimiga ikkita yangi o‘rinbosarlar nomzodlari ma’qullandi.
Jizzax shahar hokimi lavozimiga Xolmurodov Komil nomzodi shahar deputatlari tomonidan ma’qullandi. U bungacha Mirzacho‘l tuman hokimi bo‘lgan
Xalq deputatlari Toshkent shahar kengashi deputatlariga hududlardagi aholini qiynab kelayotgan muammolarni hal qilish uchun 2 mlrd so‘mdan ajratiladi. Bunda 60 ta deputatga ja’mi 120 mlrd so‘m mablag‘ ajratilishi ko‘zda tutilmoqda.
«Yuventus» futbol klubi Shomurodovning transferi borasida «Jenoa» klubi bilan muzokaralarga kirishgan. Turinliklar o‘zbekistonlik futbolchini kishki transfer oynasining o‘zidayoq safiga qo‘shib olishi mumkin.
Ekologiya va atrof-muhitni muhofaza qilish inspeksiyasining xulosasisiz, Qarshi shahar hokimligi tomonidan 10 gektar maydonda kichik sanoat zonasini barpo etish uchun 2874 tup daraxt noqonuniy kesildi.
Toshkent shahridagi Chilonzor tumanida piyodalar o‘tish yo‘lagidan o‘tayotgan 57 yoshli M.T.ni mikroavtobus urib yubordi. Piyoda voqea joyida vafot etgan. Holat yuzasidan jinoiy ish qo‘zg‘atildi.
2021 yilgi Davlat dasturi loyihasiga ko‘ra, Tashqi siyosiy faoliyat konsepsiyasi takomillashtirilishi ko‘zda tutilgan. Hujjat 2012 yil sentyabr oyida qabul qilingan, lekin hozir Milliy qonunchilik bazasida mavjud emas.
Ichimlik va issiq suv tarmoqlariga ulanish hamda hisoblagichlarni qiyoslash xizmatlarini ko‘rsatishda kommunal tashkilotlar tomonidan 20 mingga yaqin qonunbuzilish holatlariga yo‘l qo‘yilgan. Aksariyat qonunbuzarliklar Toshkent, Xorazm, Farg‘ona viloyatlari hamda Toshkent shahriga to‘g‘ri kelmoqda. DXA kommunal tashkilotlarni ogohlantirdi.
Sudandagi G‘arbiy Darfur provinsiyasining Geneyna shahrida yuzaga kelgan to‘qnashuvlar oqibatida 129 nafar inson vafot etgan va 198 kishi jarohatlangan. Zo‘ravonliklar 16 yanvar kuni Geneyna shahrida yashovchi fuqaroning o‘ldirilishidan so‘ng boshlangan.
Farg‘ona viloyatida 19 yoshli qiz va ayol olib ketilib, asossiz ushlab turilgani va zo‘rlangani haqida xabar tarqalgan. Viloyat prokuraturasi ushbu holatni tasdiqlanmaganini ma’lum qildi.
Jizzax viloyati hokimining birinchi o‘rinbosari va «Agrobank» viloyat boshqarmasi boshlig‘i Zafarobod va Mirzacho‘l tumanlariga hokimlikka tayinlandi. Eski hokimlarning boshqa ishga o‘tgani xabar qilindi.
2019 yil 5 avgustdan 2020 yil 31 dekabr kuniga qadar «tonirovka uchun» jami 82 125 ta ruxsatnoma berilgan va 302 mlrd 635 mln so‘m pul mablag‘lari undirilgan.
Qo‘shimcha imkoniyatlarga ega bulish uchun saytda ro‘yxatdan o‘ting