Shavkat Mirziyoyev Islom Karimov xotirasiga hurmat bajo keltirdi
Prezident Shavkat Mirziyoyev Toshkent shahridagi birinchi prezident Islom Karimov haykali poyiga gulchambar qo‘ydi.
Nima tayyorlaymiz: qarsildoq sneklar
Eng qarsildoq, mazali va eng asosiysi tabiiy sneklar retseptlarini Zira.uz tayyorlab qo‘ygan ro‘yxatdan topishingiz mumkin.
Doniyor Kadirov prezident maslahatchisi o‘rinbosari etib tayinlandi
Ichki ishlar vaziri o‘rinbosari Doniyor Kadirov prezident maslahatchisiga o‘rinbosar bo‘ldi. U mazkur lavozimda boshqa ishga o‘tkazilgan Ulug‘bek Tashxodjayevning o‘rnini egalladi.
O‘zbekiston bir qator davlatlar bilan aviaqatnovga qo‘yilgan cheklovni 1-martga qadar uzaytirdi
O‘zbekiston va sakkizta davlat — Buyuk Britaniya, Italiya, Germaniya, Daniya, Avstriya, Avstraliya, Niderlandiya va Janubiy Afrika o‘rtasidagi xalqaro aviareyslarga cheklov yana bir oyga cho‘zildi.
Vazir Dilmurod Nabiyev lavozimidan ozod etildi
Prezident farmoni bilan jismoniy tarbiya va sport vaziri Dilmurod Nabiyev boshqa ishga o‘tishi munosabati bilan lavozimidan ozod etildi.
Jahon yangiliklari dayjesti
Qozog‘istonda korrupsiyada ayblangan amaldorlarni ko‘cha tozalash orqali jazolash taklif qilingani, Xitoyda davlat kompaniyasi sobiq rahbarining korrupsiya va xotinbozlik uchun qatl etilgani, AstraZeneca vaksinasini 65 yoshdan oshganlarga qo‘llamaslik tavsiya qilingani va boshqa yangiliklar — «Gazeta.uz»ning jahon yangiliklari dayjestida.
«TEMIRYO'L SUG’URTA» ga Standard&Poor's agentligi tomonidan xalqaro reyting berildi
«TEMIRYO'L SUG’URTA» 2002 yildan buyon o‘z faoliyatini amalga oshirib keladi va xalqaro reytingga ega bo‘lgan O‘zbekistonning birinchi nodavlat sug‘urta kompaniyasi hisoblanadi. Kompaniyaga Standard&Poor's agentligi tomonidan «B+» darajada baholandi. «TEMIRYO'L-SUG'URTA» universal sug‘urta kompaniyasi bo‘lib, u sizga bozorda talabgir majburiy va ixtiyoriy sug‘urta xizmatlarining barcha turlarini taqdim etadi (reklama huquqlari asosida).
Ko‘p qavatli uylarda yashaydiganlar garajlari uchun soliq to‘laydi
Davlat soliq qo‘mitasi vakili jismoniy shaxslar ham ko‘p qavatli uylar oldidagi avtoturargoh uchun soliq to‘lashini ma’lum qildi. Uning aytishicha, turargoh uchun alohida kadastr hujjati ham rasmiylashtiriladi.
Sud «Universam» binosi joylashgan yerni tortib olish bo‘yicha Toshkent hokimi qarorini bekor qildi
Toshkent tumanlararo ma’muriy sudi Yunusobod tumanidagi 65 ta tadbirkorga tegishli bino va inshootlar joylashgan yerni («Universam») olib, «Urban Developers»ga berish to‘g‘risidagi Toshkent hokimi qarorini haqiqiy emas deb topdi.
Maktab ta’limini takomillashtirish bo‘yicha g‘oyalar portali ochildi
XTV maktab ta’limini rivojlantirish bo‘yicha g‘oyalar va takliflar portalini ishga tushirdi. Portalda ta’lim sifatini oshirish, inklyuziya, innovatsiya, maktab infratuzilmasi va boshqalarga oid g‘oyalarini taqdim etish mumkin.
Deputatlar saylov kunini ko‘chirishga oid qonunni qabul qildi, hujjat Senatga yuboriladi
Qonunchilik palatasi saylov kunini ko‘chirish bo‘yicha Konstitutsiyaga o‘zgartish kiritishga oid qonunni qabul qildi. Hujjat Senatga yuboriladi. Agar Senat ham ushbu qonun loyihasini ma’qullab, prezident imzo cheksa, unda 2021 yilga prezident saylovlari 24 oktyabrga to‘g‘ri kelishi mumkin.
Dam olish kunlari havo qizishi kutilmoqda
Dam olish kunlari respublika bo‘yicha iliq ob-havo bo‘lishi kutilmoqda. Yakshanba kuni ba’zi joylarda yomg‘ir yog‘adi. O‘rtacha kecha-kunduzlik havo harorati o‘rtacha ko‘p yillik qiymatlardan 4−6 darajaga yuqori bo‘ladi.
Jazo muddatini o‘tayotgan mahkumlarga OTMga kirish imkoniyati beriladi
Qamalguniga qadar OTMda ta’lim olgan fuqarolar endilikda o‘qishni davom ettirishi mumkin bo‘ladi. Bundan tashqari, jazoni o‘tash davrida OTMga kirish imkoniyati ham berilishi va ularga alohida jazoni o‘tash tartibini joriy etish ko‘zda tutilgan.
The Guardian: 7 nigeriyalik O‘zbekistonga futbol o‘ynash uchun aldov yo‘li bilan olib kelingan
The Guardian nashri ma’lumotiga ko‘ra, nigeriyalik 7 nafar yosh yigit o‘zini futbol agenti deb tanishtirgan shaxs tomonidan O‘zbekistonga aldov yo‘li bilan olib kelingan. Ularga professional futbolda faoliyat boshlashlari uchun yordam berish va’da qilingan.
«Shavkat Mirziyoyev Karimovdan qolgan diktaturani yo‘qotdi» — Qirg‘iziston prezidenti
Qirg‘izistonning yangi saylangan prezidenti Sadir Japarov BBC’ga bergan intervyusida prezidentlik muddati davomida avtoritar hokimiyat o‘rnatish xohishi yo‘qligini aytib, O‘zbekiston misolini keltirdi. «Karimov davrida kuchli diktatura edi. Shavkat Mirziyoyev kelgach, diktaturani olib tashlab, dunyoga eshigini ochdi. Agar diktatura o‘rnataman desa, Karimovning diktaturasini davom ettirsa bo‘lardi. Davom ettirmadi-ku. Bu har bir odamning o‘ziga bog‘liq», — dedi Japarov.
Shavkat Mirziyoyev «O‘zbekiston uchun 100 g‘oya» loyihasini taklif qildi
Prezident iqtidorli yoshlarni kashf qilish va ularning tashabbuslarini qo‘llab-quvvatlash maqsidida «O‘zbekiston uchun 100 g‘oya» loyihasini ilgari surdi. Har bir hududdan 100 tadan g‘oya — jami 1400 ta g‘oya yig‘ilishi kutilmoqda.
Valyutalarning rasmiy kursi kunlik belgilanadi
Markaziy bank endilikda valyutalar kursini har bank ish kunida belgilab boradi. Hozir valyutalar kursi har seshanba kuni yangilanadi.
Navoiydagi YTH oqibatida 3 kishi vafot etdi
Nurota tumanida «Cobalt» yo‘ldan chiqib ketishi oqibatida 3 kishi vafot etdi. Tirik qolgan bir nafar fuqaro turli jarohatlar bilan og‘ir ahvolda shifoxonaga yotqizilgan.
Farg‘onada Lasetti piyodani urib yubordi, piyoda vafot etdi
Farg‘ona viloyati Uchko‘prik tumanida fuqaro M.M. boshqaruvidagi «Lacetti-2» avtomashinasi qatnov qismini kesib o‘tayotgan piyoda ayolni urib yuboradi. Ayol olgan tan jarohatlari natijasida voqea joyida vafot etgan.
Jazoni o‘tayotgan fuqarolar videoaloqa orqali qarindoshlari bilan muloqot qila oladi
Jazoni o‘tayotgan mahkumlar endilikda videokonferensaloqa orqali qarindoshlari bilan onlayn rejimda uchrasha oladilar. Ushbu imkoniyatni yo‘lga qo‘yish uchun barcha jazoni ijro etish muassasalari optik tolali aloqa kanallari bilan ta’minlanadi.
Qo‘shimcha imkoniyatlardan foydalanish uchun saytda ro‘yxatdan o‘ting