Oliy Majlis Qonunchilik palatasi xususiy mulk daxlsizligini ta’minlashga qaratilgan qonun loyihasini ko‘rib chiqmoqda. Yer uchastkalarining hokimlar tomonidan olib qo‘yilishini taqiqlash, hech kim sud qarorisiz mulk huquqidan mahrum qilishga yoki uni cheklab qo‘yishga haqli emasligi qonunda mustahkamlanmoqda.
Toshkentning nima uchun «sariq» karantin hududida qolayotganiga izoh berildi. Sanitariya-epidemiologik osoyishtalik agentligi vakilining aytishicha, hozirda faqat kasallik o‘choqlari izolyatsiya qilinmoqda. Jumladan, poytaxtdagi 42 ta mahalla «qizil» zonaga kiritilgan.
Toshkent xorijlik mutaxassislar (ekspatlar) yashashi uchun eng arzon shaharlardan biri deb topildi. Hongkong va Ashxobod esa yashash uchun eng qimmat shaharlar qatoridan o‘rin oldi.
Prezident Shavkat Mirziyoyev iqtisodiyot barqarorligini ta’minlash uchun 8 ta asosiy yo‘nalishni sanab berdi. Qambag‘allikni qisqartirish va bandlikni oshirish, bank tizimidagi islohotlarni jadallashtirish shular jumlasidan.
Andijonda bir necha kun muqaddam birinchi farzandini dunyoga keltirgan yosh ona viloyat perinital markazi yerto‘lasida o‘z joniga qasd qildi.
Farg‘ona viloyati hokimi Shuhrat G‘aniyev va Botken viloyati gubernatori Alisher Abdurahmonov ishtirokida amaliy uchrashuv o‘tkazildi. Unda, Qirg‘iziston delegatsiyasi mamlakat hududidan So‘x tumani hamda Shohimardon va Yordon qishloqlariga aholining erkin borib-kelishida hech qanday to‘siq yoki muammolar bo‘lmasligini ta’kidlab o‘tdi.
Norma.uz ekspertlari hisob-kitobiga ko‘ra, import qilingan yengil avtomobillarning narxi pasayishi kutilmoqda. Bunga, joriy etilayotgan utilizatsiya yig‘imlariga qaramasdan, aksiz solig‘ining bekor qilinishi ta’sir ko‘rsatadi.
Qirg‘izistonning sobiq bosh vaziri Sapar Isoqov davlat ob’ektlarini rekonstruksiya qilishda korrupsiyaga yo‘l qo‘yganlikda aybdor deb topilib, 18 yilga ozodlikdan mahrum etildi.
Koronavirus bemorlari soni 27 nafarga ortib, jami 4547 kishini tashkil etmoqda. Yangi kasallanish holatlarining 21 nafari Karantin markazidagi fuqarolar orasida, 6 holatda esa (Toshkent shahri 1, Qashqadaryo viloyati 1, Toshkent viloyati 4) aholi orasida aniqlandi.
O‘zbekistonda kun davomida 80 kishida koronavirus infeksiyasi aniqlanib, jami 4520 taga yetdi. Yangi holatlarning 25 tasi poytaxt, Toshkent va Navoiy viloyatlarida aholi orasida qayd etildi.
Davlat granti asosida o‘qiyotgan talabalarni 3 yilga kambag‘allik darajasi yuqori bo‘lgan hududlarga ishlash uchun yo‘naltirish taklif qilindi.
Hajviya, satira, askiya borasida san’at chegaralanmasligi kerak — Madaniyat vazirligi «Sho‘rdanak» va «Qalpoq» hajviy guruhi a’zolarining YHXB xodimlaridan kechirim so‘raganiga yuzasidan munosabat bildirdi.
Huawei kompaniyasi tana haroratini o‘lchash imkoniyatiga ega Honor Play 4 Pro smartfonini taqdim etdi. Smartfon kamerasiga infraqizil o‘lchagich o‘rnatilgan bo‘lib, u -20 dan 100 darajagacha bo‘lgan haroratni o‘lchay oladi.
Surxondaryoda “Jihodchilar” guruhi faoliyatiga chek qo‘yildi. Uning a’zolari Rossiyada mehnat muhojirlari sifatida yashash vaqtida terrorchilik tashkilotlari ta’siriga tushib, uylariga qaytganidan keyin ekstremistik materiallarni tarqatib kelgan, deya xabar berdi IIV.
Taxiatosh tumani hokimi lavozimida ishlagan Farxat Allambergenov Qoraqalpog‘iston Respublikasi prokurori etib tayinlandi.
1 noyabrdan bojxona yuk deklaratsiyasini rasmiylashtirish vaqti 3 sutkadan 1 kungacha qisqartiriladi. Avtomobil chegara bojxona postlarida esa xavflarni boshqarish tizimi joriy etiladi. Shuningdek, bojxona xodimlariga tovarlar va transport vositalarini joyida tekshirishga ruxsat berildi. Prezident farmonida bojxona tizimidagi kutilayotgan asosiy o‘zgarishlar.
O‘zbekistonda yana 34 kishida koronavirus infeksiyasi aniqlanib, jami holatlar 4482 taga yetdi. Yangi kasallanish holatlarining barcha Karantin markazidagi fuqarolar orasida qayd etilgan.
KXDR 9 iyun kunidan boshlab Janubiy Koreya bilan barcha mavjud aloqa kanallarini to‘xtatishini e’lon qildi. Shimoliy Koreyaning bunday qarorga kelishiga Janubiy Koreya tomonidan tashviqot varaqalari jo‘natilgani sabab bo‘ldi. 2018 yildan birinchi bor Pxenyan rasmiy Seulning telefon qo‘ng‘iroqlariga javob bermadi.
Prezident “Informatika” faniga “Bir million dasturchi” loyihasiga doir yo‘nalishlarni kiritish bo‘yicha ko‘rsatma berdi. Barcha hududlarda IT bo‘yicha kamida 100 ta o‘quv markazi ochilib, ularda dasturlash asoslari, elektron savdo va grafikli dizayn bo‘yicha qisqa muddatli o‘quv kurslari tashkil etiladi.
Jizzax viloyatida maktab va bolalar bog‘chalari yaqinida tezlikni cheklovchi yo‘l belgisini o‘rnatish taklif etildi. Ta’lim muassasalari yaqinida eng yuqori tezlikning soatiga 50 km bo‘lishi kutilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting