Toshkentda yuk avtomobillari uchun cheklovlar o‘rnatilishi mumkin
Toshkent shahrida yuk avtomobillari uchun ertalab va kechqurun cheklovlar o‘rnatilishi mumkin. Bu haqda Toshkent shahar IIB YHXB tomonidan xalq deputatlari Toshkent shahar kengashiga taklif kiritilgan.
«Bu mening avtomobilim, degan tushuncha oddiy hol bo‘lib qolgan» — Akmal Burxonov xizmat mashinalari haqida
Korrupsiyaga qarshi kurashish agentligi rahbari Akmal Burxonov davlat xizmatchilarining xizmat mashinalaridan shaxsiy va oilaviy maqsadlarda foydalanishi odatiy holga aylanganini ta’kidladi. U hokimlar tomonidan byudjet mablag‘lari hisobidan qimmat mashinalarni sotib olish holatlari oz emas, o‘nlab yuz berganini ma’lum qildi.
Turkmaniston gazeta va jurnallarning qog‘oz shaklida nashr etilishini cheklaydi
1 yanvardan boshlab Turkmanistonning gazeta va jurnallari faqat elektron shaklda chiqadi. Qog‘oz shakldagilarga pensiya yoshdagilargina obuna bo‘lishlari mumkin. Barcha davriy nashrlarga maxsus dastur orqali kirish mumkin bo‘ladi.
Toshkentdagi Techno Continental korxonasida yong‘in yuz berdi
Toshkent shahri Yashnaobod tumanida joylashgan «Texnokontinental» MCHJ korxonasidagi ishlab chiqarish jarayonida ishlatiladigan siqilgan gazning sizib chiqishi natijasida yong‘in yuzaga keldi. Korxona xodimlaridan bir guruhi termik jarohat olgan. Hodisa ro‘y bergan joyda vaziyatni o‘rganish uchun respublika ishchi guruhi faoliyat olib bormoqda.
Afg‘onistondagi zilzila O‘zbekistonda ham sezildi
26 noyabr kuni Toshkent vaqti bilan 22:27 da Afg‘onistonda sodir bo‘lgan zilzila O‘zbekiston hududida ham sezildi.
«Mashinani ishonchnoma orqali boshqarish kelajakda tarixga aylanishi kerak» — Adliya vaziri
Adliya vaziri Ruslanbek Davletov onlayn muloqot o‘tkazib, fuqarolarning savollariga javob berdi. Onlayn muloqotda adliya vaziri ishonchnoma orqali avtomobil boshqarish kabi muammolar to‘g‘risida gapirayotib, «ishonchnoma kabi hujjatlar, o‘ylaymizki, kelajakda tarixga aylanadi» deya aytib o‘tdi. Ilk bora tashkil etilgan ushbu muloqotga fuqarolardan 1500 ga yaqin savol kelib tushgan.
«Vazir haftada ikki kun Toshkentda o‘tirishi mumkin» — Shavkat Mirziyoyev
«Qashqadaryodagi 3,3 mln aholi davlat rahbarining havotirini, davlat rahbarining befarq emasligini, ko‘magini sezishi kerak», — dedi prezident. Uning so‘zlariga ko‘ra, vazir haftada ikki kun Toshkentda o‘tirishi, qolgan kunlari viloyatda bo‘lishi kerak.
Yakson qilmang
Ommaviy axborot vositalarining vazifasi — jamoatchilik fikrini yetkazib turish va muammolarni muhokama qilish orqali ularning hal qilinishiga hissa qo‘shishdan iborat. Ularning «og‘zini yopish»ga urinishlar hokimiyat uchun ham, butun jamiyat uchun ham halokatli oqibatlarga olib keladi. Komil Jalilov maqolasi.
Andijonda fuqaroni qiynoqqa solib, uning o‘limiga sababchi bo‘lgan IIO xodimlariga sud hukmi o‘qildi
Andijon shahrida fuqaroni qiynoqqa solib, uning o‘limiga sababchi bo‘lgan ichki ishlar organlari xodimlariga nisbatan Oliy sud hukmi o‘qildi. Aybdorlarga 10, 9 va 8,5 yilga ozodlikdan mahrum qilish jazosi tayinlandi.
1 dekabrdan nimalar o‘zgaradi?
Ma’muriy ishlarni ko‘rib chiqish vakolatining jinoyat ishlari bo‘yicha sudlarga o‘tayotgani, umumta’lim fanlarini bilish darajasini baholashning milliy test tizimi, kommunal sohadagi qoidabuzarliklar nazoratining Departamentga topshirilayotgani va boshqalar — 1 dekabrdan nimalar o‘zgaradi?
Xalq ta’limi vaziri «sohaga adashib kirib qolganlar»ga boshqa ish topishni tavsiya qildi
1,5 mln abituriyentning 23 foizini bu yilgi maktab bitiruvchilari tashkil etgan bo‘lsa, ular davlat granti kvotasining 50 foizini egallagan. «Abituriyentlarning natijasi maktab bitiruvchilarinikidan anchagina orqada», — dedi Sherzod Shermatov. Vazir, shuningdek, o‘z ishini eplay olmayotgan va «sohaga adashib kirib qolgan» pedagoglarga o‘ziga boshqa ish topishni tavsiya qildi.
Yadro tadqiqotlari birlashgan institutiga O‘zbekistonning to‘laqonli a’zoligi tiklandi
Yadro tadqiqotlari birlashgan institutiga a’zo davlatlar Muxtor vakillar qo‘mitasi O‘zbekistonning to‘laqonli a’zoligini tikladi. Endilikda O‘zbekiston yadro texnologiyalari, yadroviy tibbiyot, axborot texnologiyalari va materialshunoslik yo‘nalishlarida kadrlar tayyorlay oladi.
Bo‘stonliq va Zominda yangi dor yo‘llari quriladi
Bo‘stonliq va Zominda quriladigan yangi dor yo‘llari qurilishini Avstriyaning Doppelmayr kompaniyasi amalga oshirishi ma’lum bo‘ldi. Xabar berilishicha, Zominda ikkita gondol-kreslo tipidagi dor yo‘li hamda tog‘-chang‘i trassalariga xizmat ko‘rsatish uchun uchta ko‘taruvchi moslama quriladi.
Fransiya TIV Tog‘li Qorabog‘ respublikasini tan olmasligini e’lon qildi
Fransiya o‘zini e’lon qilgan Tog‘li Qorabog‘ Respublikasini tan olmaydi, deb xabar berdi mamlakat tashqi ishlar vazirligi. Avvalroq, Fransiya Senati hukumatni Tog‘li Qorabog‘ni tan olishga undaydigan rezolyutsiya qabul qilgan edi.
Bosh prokuratura Trailblazer sotib olinganini rad etdi
Bosh prokuratura UzAuto Motors`dan Lacetti, Equinox va Trailblazer sotib olgani haqidagi xabarlarga izoh berar ekan, Trailblazer sotib olinganini rad etdi. Shuningdek, ushbu avtomobillar qanday maqsadlarda va qaysi manbalar hisobiga olinganini oshkor qildi.
Farg‘ona viloyatidan Rossiyaga pomidor va qalampir olib kirishga taqiqni bekor qilish bo‘yicha choralar ko‘rilmoqda
Farg‘ona viloyatidan Rossiyaga pomidor va qalampir olib kirishga taqiqni bekor qilish choralari ko‘rilayotgani ma’lum qilindi. Qayd etilishicha, ushbu mahsulotlarda aniqlangan ToBRFV o‘simliklar virusining yangi shtammi O‘zbekiston hududida ilgari aniqlanmagan.
Jahon yangiliklari dayjesti
BAAdan Isroilga birinchi to‘g‘ridan-to‘g‘ri aviaqatnov, Fransiya Senatining Tog‘li Qorabog‘ Respublikasini tan olgani, BAA 13 ta davlat fuqarolariga viza berishni to‘xtatgani va boshqa yangiliklar — «Gazeta.uz»ning jahon yangiliklari dayjestida.
2021 yilda soliq siyosati qanday bo‘ladi — Moliya vazirligi loyihasi
2021 yilga mo‘ljallangan soliq siyosatida asosiy soliq stavkalarini saqlab qolish, aksiz solig‘i, yer solig‘i, jismoniy shaxslardan olinadigan daromad solig‘i stavkalarini Soliq kodeksiga kiritish, 73 xil tovarga aksiz solig‘ini bekor qilish, eksport qiluvchilarni qo‘llab-quvvatlash va boshqa choralar ko‘zda tutilgan. Qonun loyihasi Moliya vazirligi tomonidan tayyorlangan.
Davlat xizmatchilarining huquqiy savodxonligi tekshirilishi mumkin
Hukumat qarori loyihasiga ko‘ra, 2021 yil 1 yanvardan boshlab davlat xizmatchilari har uch yilda bir martta huquqiy savodxonlik bo‘yicha onlayn test sinovlaridan o‘tishadi. Normativ-huquqiy hujjatlarning minimal bazasini bilish sinovlaridan vazirlar, hokimlar, davlat qo‘mitalari, idoralar va boshqa davlat tuzilmalari rahbarlari o‘tkaziladi.
Davlat tadbiri mehmonlarini ovqatlantirish uchun qariyb 1,5 mlrd so‘m sarflangan
24 yanvar kuni prezidentning parlamentga yo‘llagan murojaatnomasiga bag‘ishlangan tadbirni Xalqaro kongress markazida tashkillashtirish uchun 1,76 mlrd so‘m sarflangan. Xarajatlarning katta qismi — deyarli 1,5 mlrd so‘mi mehmonlarni ovqatlantirishga to‘g‘ri kelmoqda.
Qo‘shimcha imkoniyatlardan foydalanish uchun saytda ro‘yxatdan o‘ting