Dunyoda har 40 soniyada bir kishi o‘z joniga qasd qiladi — JSST
Har yili dunyoda 800 ming kishi o‘z joniga qasd qiladi — bu har 40 soniyada bitta holat degani. Deyarli 80% holatlar daromad darajasi kam va o‘rtacha bo‘lgan mamlakatlarga to‘g‘ri keladi. JSST Butunjahon o‘z joniga qasd qilishning oldini olish kuni munosabati bilan bu borada mamlakatlarga berilgan tavsiyalarni eslatib o‘tdi.
Juma kunigacha havo salqin bo‘lishi kutilmoqda
Chorshanba kunidan boshlab butun O‘zbekiston bo‘ylab haroratning pasayishi, shamol tezligining kuchayishi va qisqa muddatli yomg‘ir yog‘ishi kutilmoqda. Shanba kunigacha kunduzgi harorat 27 daraja atrofida bo‘ladi.
Ikki nafar erkakni do‘pposlagan qiz bo‘yicha qo‘zg‘atilgan jinoyat ishi tugatildi
Namanganda ikki nafar erkakni do‘pposlagan qizga nisbatan ochilgan jinoyat ishi tugatildi. Gulsanam Alijonovaning muqaddam sudlanmaganligi, jabrlanuvchilarning da’vosi yo‘qligi, Yoshlar ittifoqi kafilligini inobatga olib, jinoyat ishini tugatishga qaror qilindi.
Dollarning rasmiy kursi yana ko‘tarildi
AQSH milliy valyutasining rasmiy kursi 21 so‘mga qimmatlab, jami 10 295 so‘m etib belgilandi. Yevro va rubl kurslari ham bir oz ko‘tarildi.
DTM test natijalarini e’lon qilishdagi texnik xatolik haqida xabar berdi
Davlat test markazi ba’zi abituriyentlarning test natijalarini e’lon qilishda texnik xatoga yo‘l qo‘yilganini tan oldi. Hozirda muammo bartaraf qilingan va natijalar yangilangan, deya aniqlik kiritdi DTM.
Toshkentdagi qaysi maktablar kunduzgi darslarni qayta tiklaydi: ro‘yxat
14 sentyabrdan boshlab Toshkent shahridagi 318 ta maktabning atigi 141 tasi o‘quv yilini an’anaviy shaklda (ro‘yxat) qayta tiklamoqda. Qolgan maktablar «Onlayn-maktab» (telekanallar va dasturlar jadvali) darslari orqali boshlaydi.
O‘zbekiston va Shveysariya Gulnora Karimova mablag‘larini qaytarish shartlarini kelishishdi
O‘zbekiston va Shveysariya Gulnora Karimova hisoblaridan musodara qilingan pul mablag‘larini qaytarish shartlari bo‘yicha kelishuvga erishishdi. Mablag‘lar «xalq hayotini yaxshilashga sarflanishi», jarayon esa shaffoflik va hisobdorlik tamoyillari asosida tashkil etilishi lozim.
Maktab o‘quvchilari bilimini baholash bo‘yicha PISA tadqiqotlarida ishtirok etish O‘zbekistonga nima beradi
2022 yilda O‘zbekistondagi ta’lim sifati xalqaro PISA dasturi doirasida baholanadi. Rossiyalik mutaxassis Galina Kovaleva O‘zbekiston ta’lim sifatini baholashga tayyorgarlik ko‘rishda qanday yordam ko‘rsatilayotgani, postsovet ta’lim tizimlari tomonidan olingan «o‘rtacha ko‘rsatkichdan past» natijalar va qanday baholash natijalarini kutish mumkinligi haqida o‘z fikrlari bilan bo‘lishdi.
12 sentyabr kuni O‘zbekistonda 578 ta yangi COVID-19 holati qayd etildi
12 sentabr kuni O‘zbekistonda 578 kishining koronavirusga chalingani tasdig‘ini topdi. Jami holatlar esa 46 850 taga yetdi. Ayni paytda O‘zbekiston aniqlangan holatlar soni bo‘yicha MDH davlatlari orasida to‘rtinchi, dunyoda 57-o‘rinni egallab turibdi.
Rustam Jo‘rayev Qo‘l jangi federatsiyasiga rahbar etib saylandi
Milliy gvardiya qo‘mondoni Rustam Jo‘rayev O‘zbekiston huquqni muhofaza qilish organlarining Qo‘l jangi federatsiyasi raisi lavozimiga saylandi.
Škoda Kodiaq oktyabr oyida O‘zbekiston bozoriga sotuvga chiqadi
Škoda brendi O‘zbekiston bozoriga yetti kishilik Kodiaq krossoveri bilan kirib kelmoqda. Rossiyadagi zavodda ishlab chiqarilgan avtomobilni xaridorlarga oktyabrdan yetkazib berish boshlanadi.
Uyda tayyorlaymiz: kotlet va garnirlar
Eng sara kotletlar va ularga mazali garnirlarni Zira.uz tayyorlab qo‘ygan ro‘yxatdan topishingiz mumkin.
Kun davomida 593 ta koronavirus holati aniqlandi
O‘zbekistonda kun davomida 593 ta koronavirus holati aniqlanib, umumiy ko‘rsatkich 46,2 mingdan oshdi.
Yoshlar an’anaviy giyohvand moddalar o‘rniga psixotrop tabletkalarni iste’mol qilishga o‘tmoqda
O‘zbekistonda yoshlar an’anaviy giyohvand moddalardan voz kechib, psixotrop va kuchli ta’sir qiluvchi moddalar iste’moliga o‘tmoqda, deya ma’lum qildi ichki ishlar vaziri o‘rinbosari. Uning so‘zlariga ko‘ra, mamlakatda qariyb 5900 nafar giyohvand moddalar iste’mol qiluvchi yoshlar ro‘yxatga olingan. Ularning katta qismi Andijon va Farg‘ona viloyatlari hamda Toshkent shahrida.
Xotin-qizlar va jurnalistlarga nisbatan sudlov mexanizmi erkaklar va amaldorlarga qaraganda tezkor va shiddatliroq — Saida Mirziyoyeva
“Xotin-qizlar va jurnalistlarga nisbatan sudlov mexanizmi tezkor va shiddatli bo‘lib, bor kuchi bilan ishlayotganini ko‘rish men uchun og‘ir. Erkaklar va amaldorlarga kelganda bu tizim ko‘pincha to‘xtab qoladi”, — dedi Saida Mirziyoyeva. U o‘g‘il farzandli bo‘lgani va ismi Shavkatjon ekanini ma’lum qildi.
11 sentyabrdan Qozog‘iston bilan muntazam aviaqatnovlar tiklandi
11 sentyabrdan Qozog‘iston bilan muntazam aviaqatnovlar rasman tiklandi. Air Astana aviakompaniyasining Olmaota — Toshkent — Olmaota reysi samolyoti Islom Karimov nomidagi «Toshkent» xalqaro aeroportiga kelib qo‘ndi.
Bir qator hududlarning chegaralari o‘zgartirildi
Toshkent shahri tarkibida Yangihayot, Namangan shahri tarkibida Davlatobod tumanlarini tashkil etish to‘g‘risidagi Oliy Majlis Senati qarorlari tasdiqlandi.
Mashhur xonandaning voyaga yetmagan qizni zo‘rlagani haqidagi xabar bo‘yicha bayonot berildi
Bosh prokuratura mashhur xonandaning voyaga yetmagan qizni zo‘rlab, nomusiga tekkani haqidagi xabar bo‘yicha bayonot berdi. Kattaqo‘rg‘on tuman IIB huzuridagi Tergov bo‘limining jinoyat ishi qo‘zg‘atishni rad etish to‘g‘risidagi qarori bekor qilinib, qo‘shimcha tekshiruv harakatlarini olib borish belgilandi.
Sug‘urta polisi yonida bo‘lmagan haydovchilarning transport vositalarini ushlab turish tartibi bekor qilinadi
Senat Ma’muriy javobgarlik to‘g‘risidagi Kodeksining 291-moddasiga kiritilayotgan o‘zgartishni ma’qulladi. Unga ko‘ra, qonun kuchga kirgach, transport vositalari egalarining fuqarolik javobgarligini majburiy sug‘urta qilish bo‘yicha sug‘urta polisi yonida bo‘lmagan haydovchilar transport vositalarini boshqarganda ularning avtotransport vositalarini ushlab turish tartibi bekor qilinadi.
O‘zbekistonda 700 mingdan ortiq nogironligi bo‘lgan shaxslar istiqomat qiladi
Hozirgi kunda O‘zbekistonda 700 mingdan ortiq nogironligi bo‘lgan shaxslar istiqomat qilmoqda. Ularning 100 mingdan ortig‘i 16 yoshgacha bo‘lgan bolalardir. Senat ma’qullagan qonunga ko‘ra, endilikda nogironligi bo‘lgan shaxslar ta’lim olish, davolanish va boshqa masalalarda qator imtiyozlarga ega bo‘ladi.
Qo‘shimcha imkoniyatlardan foydalanish uchun saytda ro‘yxatdan o‘ting