Mashhur xonandaning voyaga yetmagan qizni zo‘rlagani haqidagi xabar bo‘yicha bayonot berildi
Bosh prokuratura mashhur xonandaning voyaga yetmagan qizni zo‘rlab, nomusiga tekkani haqidagi xabar bo‘yicha bayonot berdi. Kattaqo‘rg‘on tuman IIB huzuridagi Tergov bo‘limining jinoyat ishi qo‘zg‘atishni rad etish to‘g‘risidagi qarori bekor qilinib, qo‘shimcha tekshiruv harakatlarini olib borish belgilandi.
Sug‘urta polisi yonida bo‘lmagan haydovchilarning transport vositalarini ushlab turish tartibi bekor qilinadi
Senat Ma’muriy javobgarlik to‘g‘risidagi Kodeksining 291-moddasiga kiritilayotgan o‘zgartishni ma’qulladi. Unga ko‘ra, qonun kuchga kirgach, transport vositalari egalarining fuqarolik javobgarligini majburiy sug‘urta qilish bo‘yicha sug‘urta polisi yonida bo‘lmagan haydovchilar transport vositalarini boshqarganda ularning avtotransport vositalarini ushlab turish tartibi bekor qilinadi.
O‘zbekistonda 700 mingdan ortiq nogironligi bo‘lgan shaxslar istiqomat qiladi
Hozirgi kunda O‘zbekistonda 700 mingdan ortiq nogironligi bo‘lgan shaxslar istiqomat qilmoqda. Ularning 100 mingdan ortig‘i 16 yoshgacha bo‘lgan bolalardir. Senat ma’qullagan qonunga ko‘ra, endilikda nogironligi bo‘lgan shaxslar ta’lim olish, davolanish va boshqa masalalarda qator imtiyozlarga ega bo‘ladi.
Dam olish kunlari havo salqin bo‘ladi
Dam olish kunlari O‘zbekistonda ob-havo yog‘ingarchiliklarsiz bo‘lishi kutilmoqda. Faqat tog‘oldi va tog‘li hududlarda yomg‘ir yog‘ishi mumkin. Kunduzi harorat 27−32 daraja atrofida bo‘ladi.
Navalniyning zaharlanishi. Bu haqda nimalar ma’lum?
20 avgust kuni rossiyalik muxolifatchi, korrupsiyaga qarshi kurashish jamg‘armasi asoschisi Aleksey Navalniy og‘ir ahvolda jonlantirish bo‘limiga yotqizilgan edi. 22 avgust kuni koma holatida bo‘lgan siyosatchi Berlindagi «Sharite» klinikasiga olib kelindi. Keyinchalik esa siyosatchining «Novichok» deb nomlanuvchi modda bilan zaharlangani aniqlandi. Hozirda siyosatchi o‘ziga kelgan. Voqealar rivoji — «Gazeta.uz» nigohida.
Torg‘oq qushlari yana O‘zbekistonga uchib keldi
Sentyabr oyining boshidan beri Qashqadaryodagi Talimarjon suv ombori hududida har kuni 2000 dan ortiq torg‘oq qushlarini kuzatish mumkin. Ular — butunlay yo‘q bo‘lib ketish arafasida turgan dunyodagi eng noyob qushlardandir. O‘zbekiston Qushlarni muhofaza qilish jamiyati mavsumiy qushlar qo‘riqxonasini yaratish zarurligini ta’kidlamoqda.
Nogironligi bo‘lgan shaxslar uchun «to‘siqsiz muhit»ni shakllantirishimiz lozim — Senat raisi
Senat «Nogironligi bo‘lgan shaxslarning huquqlari to‘g‘risida"gi Qonunni ma’qulladi. Parlament yuqori palatasi raisi Tanzila Narbayeva mazkur yo‘nalishda amalga oshirilishi zarur bo‘lgan jihatlarga urg‘u berdi.
O‘zbekiston tashqi ishlar vaziri Moskvada SHHT TIVK yig‘ilishida ishtirok etdi
Tashqi ishlar vaziri Abdulaziz Komilov boshchiligidagi O‘zbekiston delegatsiyasi Moskvada Shanxay hamkorlik tashkilotiga a’zo davlatlar tashqi ishlar vazirlari kengashining navbatdagi yig‘ilishida ishtirok etdi. Uchrashuv yakunlari bo‘yicha delegatsiyalar rahbarlarini Rossiya prezidenti Vladimir Putin qabul qildi.
San’at muzeyi binosini rekonstruksiya qilish loyihasi konsepsiyasi tasdiqlandi
Hukumat komissiyasi yaponiyalik arxitektor Tadao Ando tomonidan ishlab chiqilgan San’at muzeyi binosini rekonstruksiya qilish loyihasi konsepsiyasini tasdiqladi. Muzeyga ajratilgan qo‘shimcha hududda yangi ko‘rgazma galereyasi quriladi. Mavjud binoning tomida esa yangi va eski binolarni ulash uchun xizmat qiluvchi oraliq joy — yashil terrasa barpo etiladi.
Bolalar bog‘chalari 14 sentyabrdan ochiladi
Bolalar ta’lim tashkilotlarini ochish jarayoni 14 sentyabrdan boshlanadi. Birinchi navbatda katta va tayyorlov guruhlari, oktyabrda — o‘rta, noyabrda — kichik guruhlar ochiladi.
10 ta hududda 248 kishi koronavirusga chalindi
O‘zbekistonning 10 ta hududida 248 kishida koronavirus tasdiqlanib, umumiy ko‘rsatkich 46 mingtaga yaqinlashdi. Eng ko‘p yangi holatlar Toshkent shahri (147 ta), Samarqand viloyati (47 ta), Andijon (14 ta) va Namangan (12 ta) viloyatlarida qayd etildi.
Kun davomida 749 kishida koronavirus aniqlandi
O‘zbekistonda ketma-ket to‘rtinchi kundirki koronavirus holatlari sonida ortish kuzatilmoqda. 10 sentyabr kuni yangi aniqlangan COVID-19 holatlari 749 tani tashkil etdi. Kasallikka chalinganlarning umumiy soni esa 45679 nafarga yetdi.
Eri tomonidan tahqirlangan samarqandlik ayolga viloyat hokimligi ikki xonali uy ajratadi
Eri tomonidan ayovsiz kaltaklanib, «pampers» yedirilgan samarqandlik ayolga viloyat hokimligi tomonidan ikki xonali uy ajratiladi. Shuningdek, ayol salomatligini tiklab olganidan so‘ng ishga joylashtiriladi.
O‘zbekistonda to‘rt mavsumda foydalanish mumkin bo‘lgan transformer paxta terim mashinasi ishlab chiqarilmoqda
Toshkent qishloq xo‘jaligi texnikasi zavodida AQSHning CNHI kompaniyasi bilan birgalikda TZST CE-220 paxta terish mashinasi — transformer ishlab chiqarilmoqda. Mazkur mashinadan chigit qadashdan tortib, hosilni yiqqunga qadar dala ishlarida foydalanish mumkin.
Toshkent viloyat yuqumli kasalliklar shifoxonasi bosh shifokoriga jinoyat ishi qo‘zg‘atildi
Toshkent viloyat yuqumli kasalliklar shifoxonasi bosh shifokori Guljahon Yo‘ldosheva 250 mln so‘mdan ziyod mablag‘larni talon-toroj qilish hamda mansabga sovuqqonlik bilan qarash ayblari bilan qamoqqa olindi. U Chirchiqdagi go‘zallik salonida qo‘lga olindi. Avgustda u shifoxona uchun uskunalar hamda tibbiy xodimlar uchun mukofot pullari berilmayotgani haqida ma’lum qilgan edi.
Qur’on ichiga giyohvand modda yashirgan shaxsning Diniy idora tizimida ishlamasligi ma’lum qilindi
«Jinoyat qilgan odamning dinga bo‘lgan munosabati har qanday holatda ham oldingi sahnaga olib chiqilmaslik kerak» — Musulmonlar idorasi Qur’oni karim ichiga giyohvand modda yashirgan shaxsning Diniy idora tizimida ishlamasligi haqida ma’lum qildi. Bu haqdagi xabarlarda tilga olingan «imom-xatib», «mulla» so‘zlari «shaxs», deb qayta tahrir qilindi.
7 ta tuman va 1 ta shahar IIBga yangi boshliqlar tayinlandi
Ichki ishlar vazirining shaxsiy tarkib bo‘yicha buyrug‘i bilan 7 ta tuman va 1 ta shahar ichki ishlar bo‘limlariga yangi boshliqlar tayinlandi.
AQSH Davlat departamenti — O‘zbekistonning sarmoyaviy muhiti to‘g‘risida
AQSH Davlat departamenti hisobotida keltirilishicha, O‘zbekistondagi investitsiya muhitga davlat monopoliyalarining ustunligi, davlat xaridlarida shaffoflikning yo‘qligi va davlat korxonalari tomonidan shartnoma majburiyatlarining izchil bajarilmasligi salbiy ta’sir ko‘rsatmoqda.
KIAning eng yangi modellari O‘zbekistondagi zavodda ishlab chiqariladi
Noyabrda Jizzaxdagi yangi zavodda KIA K5 va Seltos modellarini ishlab chiqarish ishlari boshlanadi. Kelgusida jahon brendlarining boshqa moddellarini ham ishlab chiqarishi kutilayotgan ADM-Jizzakh zavodining ishlab chiqarish quvvati birinchi bosqichda yiliga 25 000 avtomobilni, keyinchalik esa 100 000 avtomobilni tashkil etishi rejalashtirilgan.
USAID Buxoro viloyatidagi Yomonjar kanalini tiklashga ko‘maklashdi
AQSH Xalqaro taraqqiyot agentligi (USAID) Buxoro viloyatidagi Yomonjar kanalini qayta tiklash ishlarini moliyalashtirdi. 1978 yilda qazilgan kanalda gidropostlar qurilib, o‘zani betonlashtirildi.
Qo‘shimcha imkoniyatlardan foydalanish uchun saytda ro‘yxatdan o‘ting