Tijorat banklarida dollarning sotish kursi yana qimmatladi
Tijorat banklari 7 yanvar kuni aholidan 1 AQSh dollarini 11 240 — 11 350 so‘mdan sotib olmoqda, sotish kursi esa 11 375 so‘m.
Surxondaryoda 3 ta mashina ishtirokidagi YTHda bir kishi vafot etdi
Sariosiyo tumanida Nexia, Spark va Gentra o‘zaro to‘qnashdi. Oqibatda Nexia haydovchisi shifoxonada vafot etdi.
Nima tayyorlaymiz: Pishiriqlar
Olmali, tvorogli pirojkalar, marmar keks, «qahva donalari» pechenesi, «San-Sebastyan» shokoladli chizkeyki, kokos qirindisi qo‘shilgan tvorogli toblatma, pistalik paxlava va boshqalar — Zira.uz mazali va noodatiy pishiriqlar ro‘yxatini taqdim etadi.
Samarqand davlat tibbiyot universitetining Jizzax filiali tashkil etiladi
Samarqand davlat tibbiyot universitetining Jizzax filiali tashkil etiladi. 2023/2024 o‘quv yilidan Jizzax davlat pedagogika universitetining ayrim ta’lim yo‘nalishlaridagi talabalariga o‘qishini ushbu filialda davom ettirishga ruxsat beriladi.
Buxorodagi savdo majmuasida yong‘in sodir bo‘ldi
G‘ijduvon tumanidagi savdo majmuasida yong‘in kelib chiqdi. 8 ta qutqaruv ekipaji 2,5 soat davomida yong‘inni o‘chirdi. Hodisa oqibatida majmuaning 250 kvadrat metr maydoni yondi.
Toshkent — Termiz va Toshkent — Urganch yo‘nalishida qo‘shimcha poyezd qatnovlari yo‘lga qo‘yiladi
Qishki ta’til kunlari uzaytirilishi munosabati bilan 16−20 yanvar kunlari Toshkent — Termiz — Toshkent va Toshkent — Urganch — Toshkent yo‘nalishida qo‘shimcha poyezd qatnovlari yo‘lga qo‘yiladi.
Toshkent hokimi shahar xizmatlari sovuq kunlarda qanday ishlashi bo‘yicha ko‘rsatmalar berdi
Toshkent hokimi shahar xizmatlarining anomal sovuq kunlardagi faoliyatiga bag‘ishlangan yig‘ilish o‘tkazdi. U asosiy faoliyatdan chalg‘itadigan majlislar o‘tkazishni taqiqladi. Ko‘chalar zudlik bilan qordan tozalanadi. Jamoat transportidan foydalanish uchun qulay shart-sharoitlar yaratilishi kerak.
6 yanvar kuni O‘zbekistonda sodir bo‘lgan eng muhim xabarlar dayjesti
Xotini va 5 oylik bolasini o‘ldirib, o‘zini osgan erkak, zoopark xodimini tishlab o‘ldirgan ayiq, laboratoriya sinovidan to‘liq o‘tmagan «Dok-1 Maks» va «Ambronol», Qozog‘istondagi yanvar voqealarida qatnashgan o‘zbekistonliklar, anomal sovuqda uydan ishlash taklifi va boshqalar — «Gazeta.uz»ning kun dayjestida.
Azamat Fazilov prezident Administratsiyasiga ishga o‘tdi
Iqtisodiy rivojlanish vazirligi Departamenti boshlig‘i Azamat Fazilov O‘zbekiston prezidenti Administratsiyasi ijro apparati bosh maslahatchisi lavozimiga tayinlandi.
Yotoqxonaga ta’til tugashidan oldin kelgan talabalarga sharoit yaratiladi
Oliy ta’lim, fan va innovatsiyalar vazirligi qishki ta’til uzaytirilishidan oldin OTM yotoqxonalariga kelgan talabalarga uzaytirilgan ta’tilni ota-onalari bilan o‘tkazishni tavsiya qildi. Qaytishga imkoniyati bo‘lmaganlarga esa yotoqxonada sharoit yaratilishi mumkinligi aytildi.
O‘zbekiston, Qirg‘iziston va Qozog‘iston o‘rtasida Qambarota-1 GES qurilishi bo‘yicha «yo‘l xaritasi» imzolandi
Bishkekda O‘zbekiston, Qirg‘iziston va Qozog‘iston energetika vazirlari Qambarota-1 GES qurilishi loyihasi bo‘yicha «yo‘l xaritasi»ni imzoladi. GES Markaziy Osiyo mamlakatlarini elektr energiyasi bilan ta’minlashi hamda mintaqaning suv ta’minotini barqarorlashtirishi kutilmoqda.
«19,5 mlrd so‘mga 5 ta davlat qo‘riqxonasining boshqaruv tizimi yaxshilanadi» — Tabiat resurslari vazirligi
2023 yilda Tabiat resurslari vazirligiga qarashli 5 ta qo‘riqxonaning boshqaruv tizimi yaxshilanadi. Bu ishlar uchun davlat budjetidan 19,5 mlrd so‘m ajratilmoqda. «Mazkur mablag‘ga fotoqopqonlar, dronlar, kameralar sotib olinadi, ilmiy salohiyat va laboratoriyalar kuchaytiriladi», — dedi vazirlik vakili.
Surxondaryodagi YTH oqibatida 1 yoshli bola va uning onasi vafot etdi
Uzun tumanida «VAZ 21011» avtomobili «KamAZ» bilan to‘qnashdi. Hodisa oqibatida yo‘lovchi ayol va uning 2022 yil tug‘ilgan bolasi vafot etdi.
Jizzaxdagi koloniyadan qochgan 2 mahkum Qirg‘iziston bilan chegarada qo‘lga olindi
Zafarobod tumanidagi 30-son jazoni ijro etish manzil-koloniyasidan qochgan ikki mahkum bir kundan keyin Andijon viloyatining chegara hududlaridan birida ushlanib, vaqtincha saqlash hibsxonasiga joylashtirildi.
Namangan va Andijon aeroportlari vaqtincha yopildi
Quyuq tuman tufayli ko‘rishning yomonlashishi Namangan va Andijon aeroportlari faoliyatini cheklab qo‘ydi. Reyslar o‘zgartirilgan yo‘nalish bo‘yicha amalga oshirilmoqda.
«Yuksalish» harakati anomal sovuqda masofaviy ishlashga o‘tishga chaqirdi
«Yuksalish» harakati davlat va xususiy sektordagi ish beruvchilarni anomal sovuq kunlarda, agar xodimlarning ish joyida bo‘lishiga ehtiyoj bo‘lmasa, uydan ishlashiga ruxsat berishga, jamoat transportining uzluksiz harakatini ta’minlashga chaqirdi.
O‘zbekistonda bemorlar shifoxonalarda o‘rtacha 6 kun davolanmoqda
Davlat statistika qo‘mitasi ma’lumotlariga ko‘ra, 2022 yilning 1 yanvar holatiga O‘zbekistonda bemorlarning statsionar davolash muassasalarida o‘rtacha davolanish davomiyligi 6 kunni tashkil etdi.
«Dok-1 Maks» va «Ambronol» dorilari belgilangan tartibda laboratoriya sinovidan o‘tmagan — DXX
«Dori vositalarini standartlashtirish ilmiy markazi» mas’ullari «Dok-1 Maks» va «Amboronol» dorilarini tartib bo‘yicha laboratoriya sinovidan o‘tkazmagani aniqlandi. Oqibatda sifatsiz dori sotuvga chiqqan. Hozirda «Quramax Medisal» va ilmiy markazning jami 4 xodimi gumonlanuvchi sifatida hibsga olindi.
Toshkentda mijoz talashgan makler hamkasbini jarohatladi
Chilonzor tumanida mijoz talashgan makler hamkasbini noma’lum jism bilan jarohatladi. Oqibatda jabrlanuvchi qorin oldi devori sanchilib kesilgan jarohati, taloq va buyrak shikastlanishi bilan shifoxonaga murojaat qilgan.
Qoraqalpog‘istonda Cobalt va Nexia-2 to‘qnashuvi oqibatida bir kishi vafot etdi
Kegeyli tumanida Cobalt va Nexia-2 ishtirokida yo‘l-transport hodisasi sabab haydovchilardan biri vafot etdi. Ikki kishi shifoxonaga yotqizildi.
Qo‘shimcha imkoniyatlardan foydalanish uchun saytda ro‘yxatdan o‘ting