Yanvar-iyun oylarida O‘zbekistonga 4,8 mlrd dollar xorijiy investitsiyalar kiritilgan
Yanvar-iyun oylarida O‘zbekiston umumiy hajmi 4,8 mlrd dollar xorijiy investitsiyalar jalb qildi, bundan 3,2 mlrd dollari to‘g‘ridan-to‘g‘ri xorijiy investitsiyalarga to‘g‘ri keldi. Investitsiyalar kiritish bo‘yicha Rossiya, Xitoy, Germaniya va Turkiya yetakchilik qildi. Iqtisodchi Behzod Xoshimov to‘g‘ridan-to‘g‘ri xorijiy investitsiyalar hajmi XVJ prognozidan 4,2 barobar yuqori bo‘lganiga e’tibor qaratdi.
Koronavirus holatlari 18 mingdan oshdi
Koronavirus bemorlari soni 290 nafarga ortib, jami 18171 kishini tashkil etmoqda. Yangi holatlar Toshkent shahrida, Andijon, Surxondaryo, Namangan, Qashqadaryo va Xorazm viloyatlarida qayd etildi. Shu bilan birga, yana bir koronavirus bemori vafot etdi.
Pandemiya davrida qaysi turdagi jinoyatlar soni oshgani ma’lum qilindi
Pandemiya davrini o‘z ichiga olgan yarim yil mobaynida O‘zbekistonda bezorilik, firibgarlik, o‘g‘irlik, giyohvand vositalariing noqonuniy aylanishi, qo‘shmachilik, fohishaxona saqlash bilan bog‘liq jinoyatlar soni oshdi.
Prezident «talon-torojlik va korrupsiya avj olgan» kadastr sohasi bo‘yicha yig‘ilish o‘tkazdi
Prezident Shavkat Mirziyoyev so‘nggi o‘n kunda 16 nafar rahbar ishdan bo‘shatilgan, «talon-torojlik va korrupsiya avj olgan» kadastr sohasiga bag‘ishlab yig‘ilish o‘tkazdi. Davlat rahbari tizimga raqamli texnologiyalarni joriy etish bo‘yicha topshiriqlar berdi.
Namanganda «Xalq banki» xodimlari 11 kishi nomiga kredit olib, o‘zlashtirib yubordi
Namanganda «Xalq banki» xodimlari 11 kishini xabardor qilmasdan, ular nomiga 200 mln so‘m kredit ajratib, o‘zlashtirib yuborgani aniqlandi.
Deputat UzAuto Motors ga qarshi: tez yordam uchun Damas narxlari va xayriya muammosi bilan bog‘liq ayblovlar
Deputat Rasul Kusherbayev UzAuto Motors kompaniyasini Damas larni «ot narxlarida» sotishda va koronavirus pandemiyasi bilan bog‘liq og‘ir ahvolga e’tibor bermaslikda aybladi. «O‘zavtosanoat» ning ta’kidlashicha, kompaniya xayriya maqsadida 37 mlrd so‘mdan ko‘proq mablag‘ ajratgan. Lekin kompaniya deputatlar tomonidan ishlab chiqilgan «Xayriya to‘g‘risida» gi qonun sababli xayriyaga undan ko‘proq sarflay olmasligini aytmoqda.
Beruniyda ekinlari suvsiz qolgan aholi Nukus-Toshkent yo‘lini to‘sib qo‘ydi
Qoraqalpog‘istonning Beruniy tumanida aholi ekinlarini sug‘orish uchun suv kelmagani sababli Nukus-Toshkent magistral yo‘lini yopib qo‘ydi. Tuman hokimi va boshqa mutasaddilar voqea joyiga kelib, masala qisqa vaqtda ijobiy hal etildi.
Fanlar akademiyasining ikki nafar olimi hayotdan ko‘z yumdi
Markaziy bank raisining sobiq o‘rinbosari, iqtisodiyot fanlari doktori Ashur Qodirov va taniqli olim, akademik Sattor Tursunmuhammedov olam o‘tdi.
Rasman tasdig‘ini topgan koronavirus holatlari 17 755 taga yetdi (+165)
O‘zbekistonda koronavirusga chalingani rasman tasdiqlangan bemorlar soni 165 nafarga oshib, umumiy ko‘rsatkich 17 755 taga yetdi. Yangi kasallanish holatlarining asosiy qismi — 104 tasi Toshkentda, 54 tasi esa Andijonda aniqlandi.
Parkentda karantin qoidalarini buzganlarga 397,6 mln so‘mlik jarimalar yozilmagani aniqlandi
Parkent tumanida karantin qoidalarini buzgan 86 kishiga istisno tariqasida 397,6 mln so‘mlik jarimalar tayinlanmagani aniqlandi.
O‘zbekiston tashqi savdo aylanmasi hajmi 18,2 foizga kamaydi
2020 yilning birinchi yarmida O‘zbekistonning tashqi savdo aylanmasi 15,8 mlrd dollarni tashkil etib, o‘tgan yilning mos davriga nisbatan 18,2 foizga pasaydi. Jumladan, eksport — 22,6 foizga, import — 15 foizga kamaydi.
O‘zbekiston va Xitoy COVID-19 vaksinasini birgalikda sinovdan o‘tkazishi mumkin
Xitoyning Sinopharm Group kompaniyasi koronavirus vaksinasi sinovlarining yakuniy bosqichini O‘zbekistonda o‘tkazish taklifini bildirdi. Yangi vaksina BAAda ham sinovdan o‘tkaziladi.
Quvayt O‘zbekistonga tibbiyot muassasalarini jihozlashga 5,6 mln dollar ajratadi
Quvayt jamg‘armasi O‘zbekiston tibbiyot muassasalarini koronavirusga qarshi kurashda zarur asbob-uskunalar bilan jihozlash uchun 5,6 mln dollar ajratishni ma’qulladi.
Alisher Qodirov xorijdan vatandoshlarni olib kelishni to‘xtatishni taklif qildi
«Milliy tiklanish» partiyasi lideri Alisher Qodirov Isroil tajribasiga suyangan holda xorijdan O‘zbekiston fuqarolarini olib kelishni to‘xtatish, ularni turgan mamlakatlarida davolanishlarini moliyalashtirishni taklif qildi. Avvalroq prezident Shavkat Mirziyoyev xorijda qolgan barchani qaytarishga va’da bergan edi.
O‘zbekiston muhandis-maslahatchilar uyushmasi uchta OTM bilan memorandum imzoladi
Toshkent Davlat texnika universiteti (TDTU), Toshkent arxitektura-qurilish instituti (TAQI) va Toshkent kimyo texnologiya instituti (TKTI) talabalarda kasbiy mahoratni oshirish va amaliy ko‘nikmalarni rivojlantirish sohasida O‘zbekiston muhandis-maslahatchilar uyushmasi (O‘zMMU) bilan hamkorlik qiladi.
O‘zbekiston elchisi Portugaliya prezidentiga ishonch yorliqlarini topshirdi
O‘zbekistonning Fransiyadagi elchisi Sardor Rustamboyev bir vaqtning o‘zida Portugaliyada ham elchi etib tayinlandi. 20 iyul kuni u Portugaliya prezidentiga ishonch yorlig‘ini topshirdi.
A. Navoiy nomli DAKT bosh rassomi hayotdan ko‘z yumdi
Alisher Navoiy nomidagi O‘zbekiston davlat akademik katta teatri bosh rassomi, xizmat ko‘rsatgan madaniyat xodimi Zubaydulla Botirov 57 yoshda hayotdan ko‘z yumdi. U 10 yildan ortiq Mustaqillik kuniga bag‘ishlangan bayram tantanalarida sahnalashtiruvchi rassom sifatida ishlagan.
Qirg‘izistonda sodir bo‘lgan zilzila O‘zbekistonda ham sezildi
O‘zbekiston hududida kuchsiz zilzila qayd etildi. Yer osti silkinishlari o‘chog‘i Qirg‘izistonda joylashgan bo‘lib, zilzila Farg‘onada 4 ball bilan sezildi.
Qator futbolchilarda COVID-19 aniqlangani sababli Superliganing keyingi turi qoldirildi
«Paxtakor», «Buxoro» hamda «Surxon» futbol klublarining o‘ndan ziyod o‘yinchilarida koronavirus infeksiyasi aniqlangani sababli Superliga uchrashuvlari 28 iyulga qadar to‘xtatiladi.
Koronavirus holatlari 17,6 mingga yaqinlashdi
Koronavirus bemorlari soni 276 nafarga ortib, jami 17590 kishini tashkil etmoqda. Yangi holatlar Toshkent shahrida, Qoroqalpog‘istonda, Andijon, Namangan, Sirdaryo, Jizzax va Navoiy viloyatlarida qayd etildi. Shu bilan birga, yana bir koronavirus bemori vafot etdi.
Qo‘shimcha imkoniyatlardan foydalanish uchun saytda ro‘yxatdan o‘ting