Prezident — arxitektura va qurilish sohasidagi korrupsiya, shuningdek, raqamlashtirishning zarurligi haqida
So‘nggi ikki yilda davlat dasturlari doirasida 3 mingdan ziyod qurilishdan atigi 182 tasida tender o‘tkazilgan. Chunki tender jarayonlari murakkab va unda narx arzonligi birlamchi. Qurilish tashkilotining malakasi, sifat masalasi past o‘rinlarda qolib ketgan. Prezident 1 noyabrgacha qurilish korxonalarining moliyaviy ko‘rsatkichlari, to‘lov qobiliyati, davlat xaridlari, ishchi-xodimlar malakasi kabi ma’lumotlarni qamrab oluvchi yagona platformani ishga tushirish vazifasini qo‘ydi.
Biznes va aholini qo‘llab-quvvatlash to‘g‘risidagi yangi farmon imzolandi
Prezident farmoni bilan soliq imtiyozlari va preferensiyalari muddatlari uzaytirildi, umumiy ovqatlanish sohasi va ijara beruvchilar aylanmadan olinadigan soliqdan ozod qilindi, ularga boshqa yengilliklar ham berildi.
«Nasaf» o‘z logotipini almashtirdi
«Nasaf» futbol klubi o‘z logotipini o‘zgartirdi — qanotlari bilan to‘pni quchayotgan humo qushining o‘rniga olov purkayotgan ajdaho qaytarildi. Shuningdek, jamoa yangi mavsum uchun sport formasini taqdim etdi.
2020 yilda «Oltin to‘p» mukofoti topshirilmaydi
COVID-19 pandemiyasi sababli bu yil sayyoraning eng yaxshi futbol o‘yinchisi aniqlanmaydi. «Oltin to‘p» mukofot ta’sis etilganidan beri birinchi marta topshirilmaydi.
Tez yordam xodimlari qo‘shimcha rag‘batlantiriladi
Kuchaytirilgan tartib davrida tez tibbiy yordam xodimlari maoshlariga oylik qo‘shimcha moddiy rag‘batlantirish to‘lovlari belgilanadi. Unga ko‘ra, vrach xodimlar — 2,5 mln so‘m, o‘rta tibbiyot xodimlari — 1,5 mln so‘m va haydovchilar — 1 mln so‘m oladigan bo‘ldi.
UzAuto tez tibbiy yordam avtomobillarini SSVga taqdim etdi
Aholining tibbiy yordamga o‘sgan ehtiyojini qondirish maqsadida UzAuto 27 ta ISUZU D-Max va 250 dona Chevrolet Damas avtomobillari bazasida maxsus jihozlangan tez tibbiy yordam avtomobillari taqdim etdi. Shuningdek, Volkswagen Caddy tez tibbiy yordam mashinasi keyingi haftadan yetkazib beriladi.
Xabarovsk gubernatorini qo‘llab-quvvatlash uchun namoyishlar bo‘lib o‘tmoqda
Rossiyaning Xabarovsk o‘lkasi gubernatori Sergey Furgal 2000 yillar boshida uyushtirilgan suiqasdda gumon qilinib, qo‘lga olindi. 10 mingdan ortiq Xabarovsk aholisi bunga qarshilik bildirish uchun ommaviy namoyishlarga chiqishdi. Sergey Furgalning nima uchun qo‘lga olinganligi bo‘yicha siyosatshunos va ekspertlar fikri.
Yana 183 nafar kishida koronavurus aniqlandi (jami — 17149)
Koronavirus bemorlari soni 183 nafarga ortib, jami 17149 kishini tashkil etmoqda. Yangi holatlarning 29 nafari Karantin markazidagi (barchasi xorijdan kelgan) fuqarolar orasida, 154 nafari Toshkent shahrida aniqlandi.
Qishloq xo‘jaligi vaziri — uni sudga bergan Sulton Tex Group atrofidagi vaziyat haqida
Qishloq xo‘jaligi vaziri Jamshid Xodjayev uni va hukumatning boshqa a’zolarini sudga bergan Sulton Tex Group korxonasi atrofidagi vaziyatga izoh berdi. Vazir fermerlar manfaati yirik korxonalar manfaati kabi muhim ekanini ta’kidladi. Shu bilan birga, ishlab chiqarishning klaster shaklida barcha ishtirokchilarning huquq va majburiyatlarini belgilab beruvchi normativ-huquqiy hujjatlar haligacha mavjud emasligini tan oldi.
Yana ikki nafar koronavirus bemori vafot etdi
Koronavirus infeksiyasiga chalingan 51 yoshli va 42 yoshli toshkentlik bemorlar o‘tkir nafas va yurak qon-tomir yetishmovchiligidan vafot etdilar. COVID-19 asoratlaridan vafot etganlar soni 90 nafarga yetdi.
Bank va OTM filiallarini ochish, atom sohasida hamkorlik — Vengriya delegatsiya tashrifi natijalari
Vengriya tashqi iqtisodiy aloqalar va tashqi ishlar vazirining O‘zbekistonga tashrifi davomida atom sohasida hamkorlik, OTP banki va Debrecen universiteti filiallarini ochish, «O‘zbekiston-Vengriya-YeI» formatidagi hamkorlik va boshqa masalalar muhokama qilindi.
Toshkentda tez yordamga murojaat qilayotganlar soni uch barobarga oshdi
Toshkentdagi tez tibbiy yordam xizmatiga murojaatlar soni uch baravar ko‘payib, kuniga 6 mingtaga yetdi. Tez yordam mashinalari soni esa 178 dan 300 gacha oshirildi.
Samarqanddagi YTHda ikki kishi vafot etdi
Samarqandda DAF yuk mashinasi va Lacetti to‘qnashuvi oqibatida yengil avtomobil haydovchisi va yo‘lovchisi hodisa joyida vafot etdi.
Ish kunlari davomida issiq va quruq ob-havo kutiladi
Ish kunlari davomida O‘zbekistonda ob-havo issiq va quruq bo‘ladi. Harorat kunduzi 35−40 daraja, kechasi 20−25 daraja bo‘ladi. Respublikaning janubiy va cho‘l zonalarida havo harorati 42 darajaga yetadi.
20 mln bepul VPN foydalanuvchilarining ma’lumotlari internetda ochiqlandi
Internetda 20 mln bepul VPN xizmatlari foydalanuvchilari to‘g‘risidagi ma’lumotlar ochiqlandi. Himoyalanmagan serverda foydalanuvchilarning elektron pochta manzillari, shifrlangmagan parollari, IP va uy manzillari, smartfon modellari va aloqa vositalarining identifikatorlari mavjud.
Dollarning rasmiy kursi yana ko‘tarildi
Dollarning rasmiy kursi 15 so‘mga qimmatlab, jami 10 210 so‘m etib belgilandi. Yevro kursi deyarli 148 so‘mga ko‘tarildi, rubl kursi esa deyarli 2 so‘mga (142 so‘m) arzonlashdi. AQSH milliy valyutasini qimmatlashishi beshinchi hafta kuzatilmoqda.
Isroil O‘zbekistonga yangi elchi tayinladi
Zexavit Ben-Gilel Isroilning O‘zbekistondagi yangi elchisi etib tayinlandi. U 2017 yildan beri Isroilning mamlakatdagi diplomatik vakolatxonasini boshqargan Eduard Shapiraning o‘rnini egallaydi.
O‘zbekistonda iyun oyida eng ko‘p «Cobalt» avtomobili ishlab chiqarildi
O‘zbekistonda so‘nggi 6 oyda deyarli 38 ming ta «Cobalt» avtomobili ishlab chiqarildi. Bu ko‘rsatkich o‘tgan yilning shu davriga nisbatan 154,2 foizga o‘sgan. Iyun oyining o‘zida 7557 ta «Cobalt» ishlab chiqarilgan.
Shavkat Mirziyoyev mamlakatga kislorod konsentratorlarini yetkazish bo‘yicha topshiriq berdi
Prezident kislorod konsentratorlari va pulsoksimetrlarni O‘zbekistonga tezkor yetkazish bo‘yicha choralar ko‘rishni topshiriq berdi. Buning uchun, agar kerak bo‘lsa, maxsus samolyot ajratilishi, tadbirkorlar tomonidan kislorod konsentratorlarini O‘zbekistonga olib kirish tartib-taomillarini yengillashtirish choralari ko‘rilishi lozimligi qayd etildi.
COVID-19 bemorlari bilan ishlayotgan shifokorlar ish haqini joyida oladi
Shavkat Mirziyoyev pandemiyaga qarshi kurashni kuchaytirishga qaratilgan bir qator topshiriqlar berdi. Xususan, koronavirus bemorlari bilan ishlayotgan shifokorlar ish xaqini joyida olish tizimi joriy etiladi, shifoxonalarni qo‘shimcha O‘SV apparatlari va boshqa uskunalar, dori-darmon bilan ta’minlash, yangi davolash o‘rinlarini ko‘paytirish, PSR-tahlil natijalarini tezlashtirish choralari belgilandi.
Qo‘shimcha imkoniyatlardan foydalanish uchun saytda ro‘yxatdan o‘ting