Oxirgi ikki oyda 40 ming fuqaro Toshkent propiskasini oldi
Yil boshidan beri Toshkent shahrida jami qariyb 50 ming nafar fuqaro doimiy ro‘yxatdan o‘tgan bo‘lsa, shundan may va iyun oylarining o‘zida 40 mingga yaqin nafar fuqaro doimiy ro‘yxatga kiritilgan.
Karantin talablarining yumshatilishi iqtisodiyot faollashuviga olib keldi
2020 yil aprel-iyun oylarida O‘zbekiston bank tizimida naqd pullar aylanmasi koronavirus pandemiyasi ta’sirida shakllandi. Iyun oyidagi ko‘rsatkich (14,6 trln so‘m) karantin sharoitidan oldingi davrdagi holatiga deyarli yaqinlashdi. Shu bilan birga, bu ko‘rsatkich keyingi oylarda “ijobiy tomonga o‘zgarishini kutish mumkin”, deb baholanmoqda.
Shavkat Mirziyoyev Nursulton Nazarboyevni 80 yoshlik yubiley bilan tabrikladi
Prezident Shavkat Mirziyoyev 6 iyul kuni Qozog‘iston Respublikasining Birinchi Prezidenti — Elboshi Nursulton Nazarboyevni 80 yoshlik yubileyi bilan tabrikladi.
DYHXX jarima maydonlari bo‘yicha onlayn tizimni ishga tushirdi
Toshkentda avtomashinalarni jarima maydonidan chiqarish uchun onlayn tizim sinov tariqasida ishga tushirildi. Endi dyhxx.uz sayti orqali qoidabuzarlik to‘g‘risidagi barcha ma’lumotlarni topish, hujjatlarni taqdim etish va jarimani to‘lash mumkin.
Yana 141 nafar kishida koronavurus aniqlandi (jami — 10284)
Koronavirus holatlari yana 141 taga ko‘payib, jami 10284 nafarga yetdi. Yangi holatlarning 75 nafari aholi orasida qayd etildi.
Toshkentlik 43 yoshli koronavirus bemori vafot etdi
Koronavirus infeksiyasiga chalingan 43 yoshli toshkentlik bemor (erkak kishi) o‘tkir nafas va yurak qon-tomir yetishmovchiligidan vafot etdi. COVID-19 asoratlaridan vafot etganlar soni 36 nafarga yetdi.
Chirchiq daryosi qirg‘og‘ida “Daryo bo‘yi Business city” loyihasi amalga oshirilishi ma’qullandi
Chirchiq daryosi qirg‘og‘ining 16 kilometrlik qismini 65−80 metrgacha toraytirish rejalashtirilmoqda. Hosil bo‘lgan bo‘sh yer maydonida “Daryo bo‘yi Biznes siti” loyihasi amalga oshirilib, u yerda ishlab chiqarish, savdo va xizmat ko‘rsatish ob’ektlari yaratiladi.
Jizzaxdagi YTHda avtobus ag‘darildi
Jizzax shahar markazida avtobus va Nexia avtomashinasi ishtirokida to‘qnashuv sodir bo‘lgan. 3 nafar yo‘lovchisi bor avtobus to‘qnashuv natijasida ag‘darilgan. To‘qnashuvda tan jarohati olganlar yo‘qligi aytilmoqda.
TIV Rossiya va Qozog‘iston chegaralarining ochilgani haqidagi xabarlarga ishonmaslikka chaqirdi
TIV Rossiya, Qozog‘iston va O‘zbekistonga kirishga qo‘yilgan cheklovlar o‘z kuchida qolayotganligi haqida xabar berdi. Rossiya Federatsiyasidagi O‘zbekiston fuqarolarini yolg‘on xabarlarga ishonmaslikka va yashash joylarida qolishga chaqirildi.
Samarqandda tug‘ilgan siam egizaklari vafot etdi
27 iyun kuni Samarqand viloyatida dunyoga kelgan siam egizaklari vafot etdi. Ularning o‘limiga nafas va yurak yetishmovchiligi sabab bo‘lgan.
172 nafar bemorda pnevmoniya jarayoni kuzatilmoqda
Koronavirusga qarshi kurashayotgan bemorlarning 172 nafarida pnevmoniya jarayoni kuzatilmoqda, deya xabar berdi Sog‘liqni saqlash vazirligi. Bemorlarning 285 nafarining ahvoli o‘rta og‘ir, 25 nafari og‘ir, 8 nafari esa o‘ta og‘ir ahvolda.
Hafta davomida harorat ko‘tarilishi kutilmoqda
7 iyuldan ish haftasining oxiriga qadar O‘zbekistonda havo issiq va quruq bo‘lishi kutilmoqda. Havo harorati kunduzi 34−39 darajagacha ko‘tariladi.
Tuman va shaharlar kesimida karantin hududlari ro‘yxati yangilandi
Respublika maxsus komissiyasi shahar va tumanlar bo‘yicha karantin darajalarini qayta ko‘rib chiqdi. Toshkent “sariq” hududda qoldi.
Auksion natijalarini rasmiylashtirish uchun QR-kodlar joriy etiladi
1 sentyabrdan boshlab barcha auksion savdolari natijalari QR-kodni qo‘llash orqali rasmiylashtiriladi. Shuningdek, “E-IJRO AUKSION” tizimida bir qator yangi tartiblar joriy etildi.
Dunyoning eng mashhur bastakorlardan biri Ennio Morrikone vafot etdi
Butun dunyoga mashhur italiyalik bastakor Ennio Morrikone 91 yoshda vafot etdi. U “Bir zamonlar Amerikada”, “Pianist haqida afsona” va boshqa taniqli kinolarga bastakorlik qilgan hamda kino san’atiga qo‘shgan hissasi uchun ikki marta “Oskar” mukofotiga sazovor bo‘lgan.
Mahalla va oilani qo‘llab-quvvatlash vazirining birinchi o‘rinbosari tayinlandi
Mahalla va oilani qo‘llab-quvvatlash vazirning birinchi o‘rinbosari etib Gulnora Marufova tayinlandi. U ilgari vazirlikning Ijtimoiy himoyaga muhtoj oilalar bilan ishlash boshqarmasi boshlig‘i lavozimida ishlab kelgan.
Sementni “yashil yo‘lak” tizimi orqali import qilish rejalashtirilmoqda
Monopoliyaga qarshi kurashish qo‘mitasi sementni import asosida respublikaga “yashil yo‘lak” tizimi orqali olib kirishni taklif qildi. Ko‘zlangan tartibga ko‘ra, olib kirilayotgan sementni sertifikatlashtirish, laboratoriya sinovidan o‘tkazish belgilangan. Nomuvofiq sement olib kirgan tadbirkorga javobgarlik tartibi ham belgilangan.
Dollarning rasmiy kursi ko‘tarildi
Dollarning rasmiy kursi 11 qimmatlab, jami 10 173 so‘m etib belgilandi. Yevro kursi ham deyarli 45 so‘mga ko‘tarildi va rubl kursi esa 3 so‘mga (142 so‘m) arzonladi.
Toshkentlik 67 yoshli erkak koronavirusdan vafot etdi
Koronavirus infeksiyasiga chalingan 67 yoshli toshkentlik bemor (erkak kishi) o‘tkir yurak qon-tomir va nafas yetishmovchiligidan vafot etdi. Ta’kidlanishicha, marhum 26 iyundan tomog‘ida og‘riq, tana harorati ko‘tarilgan, ammo shifokorga murojaat qilmasdan uyida davolangan. COVID-19 asoratlaridan vafot etganlar soni 35 nafarga yetdi.
Koronavirus bemorlari soni 10143 nafarga yetdi
Koronavirus bemorlari soni 123 nafarga ortib, jami 10143 kishini tashkil etmoqda. Yangi holatlarining 43 nafari Karantin markazida, 60 nafari Andijon viloyatida va 20 nafari Toshkent viloyatida qayd etildi.
Qo‘shimcha imkoniyatlardan foydalanish uchun saytda ro‘yxatdan o‘ting