O‘zbekistonda «Yevro-4» va «Yevro-5» dizel yonilg‘ilari ishlab chiqarish yo‘lga qo‘yildi
30 martdan boshlab Buxoro neftni qayta ishlash zavodida O‘zbekistonda ilk bora «Yevro-4» va «Yevro-5» sinfli ekologik toza hamda sifatli dizel yonilg‘isining ishlab chiqarilishi yo‘lga qo‘yildi.
Dizel yonilg‘isining narxi 300 so‘mga pasaydi
3 apreldan boshlab, «O‘zbekneftgaz» yoqilg‘i quyish shoxobchalarida dizel yonilg‘isi narxi 300 so‘mga arzonlashadi. Buxoro neftni qayta ishlash zavodida «Yevro-4» va «Yevro-5» sinfli ekologik toza hamda sifatli dizel yonilg‘isi ishlab chiqariladi.
Bloger «Mehr-shafqat va salomatlik» jamg‘armasiga 30 mln so‘m xayriya qildi
Huquqshunos va bloger Xushnudbek Xudoyberdiyev Telegram-kanalida o‘tkazgan reklama aksiyasidan tushgan 30 mln so‘mni «Mehr-shafqat va salomatlik» jamg‘armasiga o‘tkazib berdi.
Maktab bitiruvchilari uchun Yagona test sinovlari joriy etilishi mumkin
O‘zbekistonda maktab bitiruvchilari uchun yakuniy imtihonlar va bakalavriatga kirish sinovlari birlashtirilishi mumkin. Yagona test sinovlarida qoniqarli natija ko‘rsatgan bitiruvchilar qo‘shimcha test sinovlarisiz OTMlarga kirish tanlovida qatnashadi.
Karantin qoidabuzarligi bilan bog‘liq holatlar 19 mingdan oshdi
O‘zbekistonda karantin qoidalariga amal qilmaslik bilan bog‘liq jami 19 843 ta holat aniqlandi.
Turkiya o‘zbek furalariga mamlakatga kirishga ruxsat berdi
Gruzin-turk chegarasida ushlanib qolgan o‘zbek fura haydovchilariga O‘zbekistondan chiqqan kunlaridan boshlab 14 kun o‘tganidan keyin Turkiyaga kirishga ruxsat berildi.
Hindiston kompaniyasi Andijonda dori ishlab chiqarishni yo‘lga qo‘yadi
Hindistonning Cadila Pharmaceuticals kompaniyasi «Andijon-farm» EIZ hududida farmatsevtika korxonasi tashkil etishga 50 mln dollar sarmoya kiritadi.
Toshkentdagi xayriya tadbirlari markazi o‘z ishini boshladi
Toshkentdagi «O‘zekspomarkaz»da ish boshlagan xayriya tadbirlarini muvofiqlashtirish markazi 2 aprel kuni poytaxtdagi 350 ta xonadonga 8 turdagi oziq-ovqat mahsulotlarini tarqatadi. Ularni yetkazish uchun har bir tumanga 2 tadan — jami 22 ta «Damas» avtomashinasi ajratilgan.
Koronavirus bemorlari soni 190 nafarga yetdi
O‘zbekistonda yana 3 kishida koronavirus infeksiyasi tasdiqlandi va bemorlar soni jami 190 nafarga yetdi.
O‘zbekistonda koronavirus aniqlangan bemorlar soni 187 kishiga yetdi
O‘zbekistonda koronavirus infeksiyasi aniqlangan shaxslar soni 6 taga oshib, 187 nafarni tashkil etmoqda. Virusologiya institutida davolanayotgan 90 nafar bemorning 23 tasida pnevmoniya alomatlari bor. 5 nafar bemorning ahvoli og‘ir, ulardan 2 nafarining ahvoli esa barqaror og‘ir deya baholanmoqda.
Afg‘onistonga ham insonparvarlik yordami yuborildi
O‘zbekiston koronavirusga qarshi kurashishda yordamlashish uchun insonparvarlik yordami yubordi.
O‘zbekistonda COVID-19 tasdiqlangan holatlar soni 181 taga yetdi
O‘zbekistonda koronavirus infeksiyasi tasdiqlangan bemorlar soni 8 nafarga oshib, jami 181 kishiga yetdi.
O‘zbekiston Qirg‘izistonga insonparvarlik yordami jo‘natdi
O‘zbekiston Qirg‘izistonga un, oziq-ovqat mahsulotlari va infeksiyadan himoya vositalaridan iborat insonparvarlik yordami jo‘natdi.
Tibbiyot xodimlari karantindan chiqqanlarni raqslar bilan kuzatib qo‘yishdi (video)
Tibbiyot xodimlari «Chotqol» sanatoriyasida karantindan chiqarilgan 212 fuqaroni raqs tushgan holda kuzatib qo‘yishdi. Video.
Koronavirusga qarshi kurash bo‘yicha xayriya tadbirlarini markazlashtirish tavsiya etildi
1 apreldan yakka tartibda xayriya tadbirlarini o‘tkazish vaqtincha taqiqlandi. Ehtiyojmand oilalarga xayriya yordamlari markazlashtirilgan holda yetkaziladi. Ushbu ishga NNT va ko‘ngillilar (volontyor) qo‘shilishga chaqirildi.
1 apreldan O‘zbekistonda «samoizolyatsiya» tartibi joriy etiladi
O‘zbekistonda 1 apreldan boshlab «o‘zini yakkalash» (samoizolyatsiya) hayot tarzi joriy etiladi. Zarurat bo‘lgan taqdirdagina yaqin atrofdagi dorixona, oziq-ovqat va birinchi galdagi tovarlar do‘koniga chiqishga ruxsat etiladi. 65 yoshdan yuqori bo‘lgan fuqarolarga uyidan tashqariga chiqish qat’iyan man etiladi.
Qirg‘iziston sog‘liqni saqlash vaziri va bosh vazir o‘rinbosari lavozimlaridan ozod etildi
Qirg‘izistonda koronavirusga qarshi kurash bo‘yicha chora-tadbirlar qoniqarsiz tashkillashtirilganligi uchun bosh vazirning o‘rinbosari Oltinoy Omurbekova va Sog‘liqni saqlash vaziri Kosmosbek Cholponbayev o‘z lavozimlaridan ozod etildi.
O‘zbekistonda yana 4 nafar koronavirus bemori tuzaldi
Virusologiya institutida davolanayotgan 4 nafar koronavirus bemori butunlay sog‘aydi. O‘zbekistonda koronavirusdan tuzalgan bemorlar soni 12 kishiga yetdi.
Payariq tuman hokimi karantinga olindi
Samarqand viloyati Payariq tuman hokimi D. Musinov koronavirus infeksiyasi qayd etilgan paytda Turkiyada xizmat safarida bo‘lgani uchun karantinga olingan. Uning sog‘lig‘ida hech qanday salbiy o‘zgarishlar yo‘q va karantin davri tugagandan so‘ng ish faoliyatini davom ettiradi.
O‘zbekiston byudjetni qo‘llab-quvvatlash uchun OTBdan 1 mlrd dollar so‘radi
O‘zbekistonda koronavirus pandemiyasi tufayli byudjetni qo‘llab-quvvatlash uchun Osiyo taraqqiyot bankidan 1 mlrd dollargacha miqdorda mablag‘ ajratishni so‘radi. OTB prezidenti O‘zbekiston bosh vazir o‘rinbosari Sardor Umurzoqovga videokonferensiya orqali ushbu jarayonni tezlashtirishini ma’lum qildi.
Qo‘shimcha imkoniyatlardan foydalanish uchun saytda ro‘yxatdan o‘ting