Banklar 3-noyabr uchun dollarning yangi qiymatini e’lon qildi
Dollarning rasmiy kursi Markaziy bank tomonidan 11 108,03 so‘m etib belgilangandan so‘ng, tijorat banklari ham o‘z takliflarini yangiladi.
11-noyabrdan Qoraqalpog‘istonda maktab o‘quvchilarini bepul ovqat bilan ta’minlash boshlanadi
Qoraqalpog‘iston Respublikasi XTV maktablarda boshlang‘ich sinf o‘quvchilariga bepul ovqat berish 11-noyabrdan boshlanishini ma’lum qildi. Jarayonlar hukumatning tegishli nizomi buzilishi ortidan g‘olib deb topilgan lotlar bekor qilinishi oqibatida kechikkan.
2 noyabr kuni O‘zbekistonda sodir bo‘lgan eng muhim xabarlar dayjesti
Sammit sabab yana yopiladigan Samarqand aeroporti, Sho‘rchida o‘quvchilar uyda o‘qitilayotganini tanqid qilgan Sardor Umurzakov, Toshkent va Qashqadaryodagi suv toshqini, Muzrabotning sobiq hokimiga jinoyat ishi qo‘zg‘atilgani, prezident Administratsiyasida yangi tayinlov va boshqalar — «Gazeta.uz»ning kun dayjestida.
Andijonda 40 mlrd so‘mdan ortiq elektr energiyasidan noqonuniy foydalangan mayning-ferma aniqlandi
Iqtisodiy jinoyatlarga qarshi kurashish departamenti tomonidan Andijon tumanida 845 dona «Bitmain» mayning qurilmalarini o‘rnatgan ferma aniqlandi. Elektr energiyasidan noqonuniy foydalanish natijasida davlatga 40,4 mlrd so‘m zarar yetkazilgan.
Qasim-Jomart Toqayev yanvar voqealari ishtirokchilariga amnistiya to‘g‘risidagi qonunni imzoladi
Qozog‘iston prezidenti Qasim-Jomart Toqayev yanvar voqealari ishtirokchilarining bir qismi amnistiya qilinishi haqidagi qonunni imzoladi. Og‘ir jinoyat sodir etgan shaxslarga nisbatan sudlar tomonidan tayinlangan jazo to‘rtdan uch qismga, o‘ta og‘ir jinoyatlar uchun esa ikki baravar kamaytiriladi.
Toshkentda YPX inspektori ogohlantirishlarga bo‘ysunmagan «Nexia-2» oynasini sindirdi
Tarmoqlarda Toshkentda YPX inspektori Nexia-2 avtomobili oynasini sindirayotgani aks etgan video tarqaldi. Poytaxt IIBB YHXB holatni haydovchi 4 marta ogohlantirishga bo‘ysunmagani va eshikni ichkaridan qulflab olgani bilan izohladi. Holat yuzasidan haydovchi jarimaga tortildi.
MB rahbari — budjet taqchilligi va inflyatsiyaning aloqasi haqida
Davlat xarajatlarining oshishi ortidan inflyatsiya prognozlardan yuqori darajada shakllanmoqda, dedi MB raisi. Regulyator budjet taqchilligi 4,2−4,5 foizga o‘sishini kutmoqda, hukumat esa 4% bo‘lishini e’lon qildi. Mamarizo Nurmuratov inflyatsiyani ushlab turishda budjet konsolidatsiyasining roli oshganini ta’kidladi.
Tojikiston bilan chegaradagi «Jartepa» bojxona postida 5−12 noyabr kunlari cheklov o‘rnatiladi
Samarqandning O‘zbekiston — Tojikiston chegarasidagi «Jartepa» chegara bojxona postida 5−12 noyabr kunlari fuqarolar va transport vositalari harakatlanishi vaqtinchalik cheklanadi. Bunga binolarni kapital ta’mirlash va hududda obodonlashtirish ishlari olib borilayotgani sabab qilib ko‘rsatildi.
Hukumat limitga moslasha olmayotgani uchun deputatlardan budjet taqchilligining cheklangan miqdorini oshirishni so‘radi
Hukumat budjet taqchilligining amaldagi cheklangan miqdoriga moslasha olmayapti, shu bois parlamentdan uni 4 foizgacha oshirishni so‘radi, bu esa davlat xarajatlarining 8 trln so‘mga oshishini anglatadi. Jamshid Qo‘chqorovning aytishicha, kelasi yilgi budjet loyihasini tayyorlash ishlari qariyb yakuniga yetgan.
Qashqadaryoda ham kuchli yomg‘ir sabab yo‘llarga suv toshib chiqdi
Chorshanba kuni yog‘gan kuchli yomg‘ir sabab Qashqadaryo viloyatining Kitob, Qamashi, G‘uzor va Dehqonobod tumanlaridagi ariqlar, lotoklar hamda boshqa suv o‘tkazish inshootlarida yig‘ilgan yomg‘ir suvlari toshib chiqdi. FVV aholi va xonadonlarga ziyon yetmaganini ma’lum qildi.
Toshkentda suv toshishining yagona sababi yo‘l va ariqlarga chiqindi tashlanishi bilan bog‘liq — poytaxt hokimligi
2 noyabr kuni kuchli yomg‘ir yog‘ishi oqibatida Toshkentning ayrim ko‘chalarida suv toshishi kuzatildi. Shahar hokimligi ushbu toshqinlarga yagona sabab sifatida aholi tomonidan yul va ariqlarga tashlangan chiqindilarni ko‘rsatmoqda. Drenaj tizimining holati haqida esa ma’lumot berilmagan.
O‘zbekiston valyuta birjasida ilk marotaba fyuchers bitimlari imzolandi
O‘zbekiston respublika valyuta birjasi (O‘zRVB) platformasida «Asakabank» va «Qishloq qurilish bank» ishtirokida ilk bor valyutaviy fyuchers shartnoma bitimlari tuzildi. Eskpiratsiya muddati noyabr oyida belgilangan kelishuvlar in-house elektron savdo maydonida tashkil etildi.
«Maktab tiklanmasa, bolalar hokimiyat binosida o‘qishadi». Sardor Umurzakov Sho‘rchida o‘quvchilar uyda o‘qitilayotganini tanqid qildi
Prezident Administratsiyasi rahbari Sho‘rchida o‘quvchilar uyda o‘qitilayotganini keskin tanqid qildi. Tuman hokimiga hayfsan berildi, uning o‘rinbosari va XTB boshlig‘i ishdan bo‘shatildi. «Zudlik bilan vaziyat o‘zgarmasa, bolalar hokimiyat binosida ta’lim olishadi», — dedi Sardor Umurzakov.
Tuproqsiz sun’iy muhitda o‘simliklarni yetishtirish uskunalarini sotib olishga subsidiya beriladi
Hukumatning tegishli qarori bilan gidroponika (tuproqsiz sun’iy muhit) usulida ozuqa yetishtirish uskunalarini xarid qilish xarajatining 20 foizi, jumladan, uskuna qiymatining 100 mln so‘mdan oshmagan qismini respublika budjetidan qoplab berishni ko‘zda tutuvchi vaqtinchalik nizom tasdiqlandi.
«Permakrizis» Collins lug‘ati talqiniga ko‘ra yil so‘zi deb topildi
Collins English Dictionary tuzuvchilari «uzoq davom etadigan beqarorlik» ma’nosini anglatuvchi «permakrizis» atamasini yil so‘zi sifatida tanladi.
Muzrabot tumani sobiq hokimiga nisbatan jinoyat ishi qo‘zg‘atildi
Surxondaryoda Muzrabot tumanining sentabrda ishdan olingan sobiq hokimi Erkin Alimov davlat mablag‘larini o‘zlashtirish, mansab vakolatini suiiste’mol qilishda gumonlanmoqda. U 4,2 gektar yerni qarindoshlariga rasmiylashtirgani, banklar ham uning qarindoshlariga 166 mlrd so‘mlik kredit ajratgani aytilmoqda.
Botir Kudratxodjayev harbiy prokuror lavozimiga tayinlandi
Xorazm viloyati prokurori lavozimida faoliyat yuritib kelgan Botir Kudratxodjayev bosh prokuror o‘rinbosari — harbiy prokuror lavozimiga tayinlandi.
To‘lov xizmatlari barcha turdagi to‘lovlarni qabul qilishni qayta tikladi
To‘lov xizmatlari seshanba oqshomida ta’minotchilarga to‘lov, QR-kod bo‘yicha to‘lov va joylardagi to‘lov xizmatlarini qayta tikladi. Apelsin servisi hamkorlardan mahsulot va xizmatlarning identifikatsion kodlarini 15 noyabrga qadar taqdim etishni so‘radi.
Onix savdosining birinchi kunida 28 mingdan ortiq shartnoma imzolandi
Chevrolet Onix avtomobili sotuvi boshlangan kuni 28 mingdan ortiq mijoz uni xarid qilish uchun shartnoma imzoladi (umumiy tuzilgan shartnomalar soni 30 mingta yaqin). Biroq, avtomobil «Uzavto Motors» vakili 2021 yilda aytganidek, 9−12 ming dollar emas, balki 13−16 ming dollar atrofida sotilmoqda.
Germaniya «Yallama» chegara bojxona postiga qariyb 100 ming dollarlik texnik vositalar berdi
Germaniya xalqaro agentligi — GIZ Davlat bojxona qo‘mitasining «Yallama» chegara bojxona postiga qiymati salkam 100 ming AQSh dollarini tashkil qiluvchi bojxona nazoratining texnik vositalari taqdim etdi.
Qo‘shimcha imkoniyatlardan foydalanish uchun saytda ro‘yxatdan o‘ting