Samarqandda 8 kilogrammdan ortiq opiy giyohvandlik moddasi musodara qilindi
Urgut tumanida DXX xodimlari tomonidan giyohvandlik moddalari savdosi bilan shug‘ullanganlikda gumonlangan bir guruh shaxslar qo‘lga olindi. Ulardan Tojikistondan olib kelingan jami 8,3 kg opiy musodara qilindi.
Prezident Buxoroga tashrif buyuradi
Prezident Shavkat Mirziyoyev ikki kun davomida Buxoro viloyatida bo‘ladi. Tashrif davomida O‘zbekistonda tabiiy gaz va elektr energiyasidan oqilona foydalanish, oziq-ovqat xavfsizligini ta’minlash hamda inflyatsiyani jilovlash masalalari bo‘yicha videoselektor o‘tkazilishi kutilmoqda.
Toshkentda yana 8 ta avtobus yo‘nalishida kunlik reja bekor qilindi
Toshkentdagi yana 8 ta avtobus yo‘nalishi kunlik reja bekor qilingan holda brutto-shartnomalarga o‘tkazildi.
Endi advokat bo‘lish uchun 2 yillik ish staji talab etilmaydi
“Advokatura to‘g‘risida”gi qonunga o‘zgartirish kiritildi. Endi advokatlik litsenziyasini olish uchun yuridik mutaxassislik bo‘yicha kamida ikki yillik ish staji so‘ralmaydi. Faqat biror advokatlik tuzilmasida kamida 3 oy muddat stajirovka o‘tash kerak. Shundan so‘ng malaka imtihoni topshiriladi.
Markaziy bank so‘mning keskin qadrsizlanishiga izoh berdi
O‘zbekistonning qator banklarida dollar kursi 12 ming so‘mdan oshib ketdi. Markaziy bank holatni izohlab, asosiy savdo-hamkor davlatlar milliy valyutalarining sezilarli qadrsizlanishi ichki valyuta bozoridagi taklifga salbiy taʼsir o‘tkazganini qayd etdi.
“2023-yildan ham zarar bilan chiqadi”. “Milliy elektr tarmoqlari” nega faqat zararga ishlayotgani haqida
“O‘zbekiston milliy elektr tarmoqlari” 2022-yilda eng ko‘p zarar ko‘rgan davlat ulushdorligidagi korxona bo‘lganini elektr energiyasini qimmat olib, arzon sotgani bilan izohladi. Kompaniya 2021-yildan ham zarar bilan chiqqan. 2023-yildan ham zarar bilan chiqishi kutilmoqda.
Tijorat banklarida dollar kursi 12 000 so’mdan oshdi
Tijorat banklari 10-avgust kuni aholidan 1 AQSH dollarini 12 000−12 070 soʻmdan sotib olmoqda, sotuv kursi esa 12 120−12 135 soʻm. Banklarda dollar kursi birdan 400 soʻmga qimmatladi.
Buxoro viloyati hokimiga ikki o‘rinbosar tayinlandi
Jalol Arashov va Botirjon Shaxriyorov Buxoro viloyati hokimining o‘rinbosarlari etib tayinlandi.
Turkiyaning Cengiz Holding kompaniyasi O‘zbekiston prezidentiga 5,2 mlrd dollarlik loyihalarni taqdim etdi
Prezident Cengiz Holding kompaniyasining 5,2 mlrd dollarlik loyihalarini amalga oshirishni jadallashtirishni topshirib, Jizzaxda 520 MVt li IES qurilishini boshlab berdi. Turkiyalik investor Taxtaqoracha dovoni orqali tunnel qurish, konlarni o‘zlashtirish va energetika obyektlarini boshqarishni rejalashtirmoqda.
Qozog‘iston hukumati yandex.kz saytiga kirishni chekladi
Qozog‘iston hukumati yandex.kz saytini yopib qo‘ydi va “Yandeks”dan uning “maxsus organlar bilan o‘zaro aloqasi” haqida ma’lumot talab qildi. Kompaniya Rossiya maxsus xizmatlari Rossiyadan tashqarida foydalanuvchi ma’lumotlariga kirish imkoniga ega emasligiga ishontirdi. Keyinroq sayt qayta ishga tushirildi.
Shavkat Mirziyoyev Vladimir Putin bilan telefon orqali muloqot qildi
Shavkat Mirziyoyevning Vladimir Putin telefon orqali muloqotida O‘zbekiston bilan Rossiya o‘rtasidagi strategik sheriklik va ittifoqchilik munosabatlarini yanada rivojlantirish muhokama qilindi. Shuningdek, savdo-iqtisodiy hamkorlikni kengaytirish, gumanitar almashinuvni davom ettirishga e’tibor qaratildi.
9-avgust kuni O‘zbekistonda sodir bo‘lgan eng muhim voqealar dayjesti
36,4 mln nafarga yetgan aholi, Britaniyada Gulnora Karimovaning musodara qilingan 20 mln funt sterling mulki, Surxondaryoda “Farg‘ona azot” omborxonasidagi yong‘in, yosh qiznga uyatsiz harakat qilgan 63 yoshli erkak ushlangani, pichoqlab o‘ldirilgan 56 yoshli erkak va boshqalar — “Gazeta.uz"ning kun dayjestida.
Markaziy bank rahbariga kadrlar siyosati va rejim bo‘yicha o‘rinbosar tayinlandi
Ulug‘bek Nosirov O‘zbekiston Markaziy banki raisining yangi o‘rinbosari bo‘ldi, deya xabar berdi “Gazeta.uz” manbasi. U “kadrlar siyosati va rejim nazorati” uchun mas’ul bo‘ladi.
Qibrayda 13 yoshli qizning zo‘rlanishi to‘g‘risidagi ish sudga topshirildi
2019-yilda Qibray tumanida 13 yoshli qizning zo‘rlanishi bo‘yicha ish Jinoyat ishlari bo‘yicha Bo‘stonliq sudiga topshirildi. Qizning oilasi 2022-yilning bahoridan buyon gumonlanuvchini jinoiy javobgarlikka tortishga harakat qilmoqda. U iyul oyining oxirida hibsga olingan.
Eng daromadli va eng ko‘p zarar ko‘rgan davlat kompaniyalari nomi e’lon qilindi
Davaktiv 2022-yilda eng ko‘p foyda ko‘rgan top-30 va eng ko‘p zarar ko‘rgan top-20 ta davlat ulushi bo‘lgan kompaniyalar ro‘yxatini e’lon qildi. “Milliy elektr tarmoqlari” eng ko‘p zarar ko‘rgan kompaniya bo‘ldi. 2021-yilda foyda bilan chiqqan “Temir yo‘llar” va HET ham katta zarar ko‘rdi.
Buxoroda 5 kunlik chaqaloq ko‘chaga tashlab ketilgani aniqlandi
Qorako‘l tumanida 28 yoshli ayol 5 kunlik chaqalog‘ini ko‘chaga tashlab ketgani aniqlandi. IIB xodimlari tomonidan topilgan chaqaloq shifoxonaga yotqizilib, mutaxassislar nazoratiga olindi. Hozirda tergovga qadar tekshiruv harakatlari olib borilmoqda.
Qirg‘izistonning O‘sh viloyatida 60 ta masjid va madrasa yopildi
Qirg‘iziston Milliy xavfsizlik davlat qo‘mitasi O‘sh viloyatidagi 39 ta masjid va 21 ta diniy maktab qurilish qoidalarini buzgani va ta’limning yagona standartlari yo‘qligi sababli yopilganini ma’lum qildi. Mamlakatdagi diniy obyektlarda keng ko‘lamli tekshiruv o‘tkazilmoqda.
Toshkent viloyatida 56 yoshli erkak pichoqlab o‘ldirildi
Olmaliq shahrida 48 yoshli erkak 56 yoshli erkakni o‘zaro kelishmovchilik oqibatida pichoqlab o‘ldirdi. Gumonlanuvchi protsessual tartibda ushlangan.
Surxondaryoda “Farg‘ona azot”ga qarashli omborxonada yong‘in chiqdi
Termiz tumanida “Farg‘ona azot”ga qarashli ko‘mir saqlanadigan omborxona yonib ketdi. 5 ta qutqaruv ekipaji yong‘inni 1 soat davomida o‘chirdi. Hodisa oqibatida jabrlanganlar yo‘qligi aytilmoqda.
Toshkentda fuqaroni 51 ming dollar evaziga AQShga yubormoqchi bo‘lgan shaxslar ushlandi
Ikki shaxs AQShga ishga yuborish evaziga fuqarodan 51 ming dollar olayotgan vaqtda qo‘lga olindi. Firibgarlikda gumonlangan ushbu shaxslarga nisbatan jinoiy ish ochildi.
Qo‘shimcha imkoniyatlarga ega bulish uchun saytda ro‘yxatdan o‘ting