O‘zbekistondan 80 ta davlatga 180 xil meva-sabzavot eksport qilinmoqda
Farg‘onada Jahon banki, YeI va boshqalar hamkorligida tashkil etilgan Meva-sabzavotchilik II forumida O‘zbekistondan 80 ta davlatga 180 xil meva-sabzavot eksport qilinayotgani aytildi. Forum davomida bu ro‘yxatni kengaytirish imkoniyatlari, mavjud muammolarga yechimlar muhokama qilindi.
Farg‘onada bank g‘aznachisi bankomatdagi 212,8 mln so‘mni talon-toroj qilgani aytilmoqda
“Xalq banki” Quvasoy filiali g‘aznachisi o‘ziga biriktirilgan bankomatdan 212,8 mln so‘mni talon-toroj qilgani aytilmoqda. Holat bo‘yicha jinoyat ishi qo‘zg‘atilib, tergov harakatlari o‘tkazilmoqda.
Banklarda dollar kursi 11 680−11 710 so‘m etib belgilandi
Tijorat banklari 4-avgust kuni aholidan 1 AQSh dollarini 11 590−11 650 so‘mdan sotib olmoqda, sotuv kursi esa 11 680−11 710 so‘m.
O‘zbekistonda chuchuk suvning qariyb 90 foizi qishloq xo‘jaligida foydalaniladi — Senat
O‘zbekistonda chuchuk suvning qariyb 90 foizi qishloq xo‘jaligida foydalanilib, har gektarga suv sarfi texnologik ilg‘or davlatlarga nisbatan 2−2,5 barobar ko‘p. Bu haqda Senati Kengashining navbatdagi majlisida ma’lum qilindi.
Namanganda oilaviy bog‘cha bolalari tortdan zaharlandi
Uychi tumanidagi “Gulshan” oilaviy bog‘chasida 15 nafar bola tug‘ilgan kun uchun olib kelingan tortdan zaharlanib, shifoxonaga yotqizildi. Viloyat maktabgacha va maktab ta’limi boshqarmasining xabar berishicha, hozirda bolalarning hammasi sog‘lom va ular yana bog‘chaga qaytarilgan.
Tahlil: Yo‘l o‘tkazgichlar qancha ko‘p joy egallab, shaharni qanchalik yomonlashtiradi va qashshoqlashtiradi?
Toshkentda 12 ta yangi yo‘l o‘tkazgich qurish rejalashtirilmoqda. Bunga xalqning o‘nlab trillion so‘m mablag‘lari sarflanadi. Ko‘prik va tunnellar ulkan maydonlarni egallab, shaharni parchalab tashlaydi va kattaroq transport muammolarini keltirib chiqaradi. Buni yangi qurilgan yo‘l o‘tkazgichlar misolida ko‘rsatamiz.
Mirishkor tumaniga yangi hokim tayinlandi
Qashqadaryo viloyatining Mirishkor tumaniga Fayzullo G‘ulomov hokim etib tayinlandi. U bunga qadar Agrosanoat inspeksiyasining viloyat boshqarmasi boshlig‘i lavozimida ishlagan.
Surxondaryoda maktab direktori viloyat hokimi bilan tortishdi
Sariosiyo tumanidagi maktab direktori ishdan bo‘shatilganini e’lon qilgan Surxondaryo hokimi bilan tortishdi. OAV uning 10 kunga qamoqqa olingani, chiqqanidan keyin yana ushlangani haqida xabar berdi. Maktab ta’limi vaziri direktor hibsdan ozod etilgani va o‘z lavozimida ishlashda davom etishini ma’lum qildi.
Farg‘ona viloyati hokimiga yangi birinchi o‘rinbosar tayinlandi
Xabib Sirojitdinov yaqinda prezident tomonidan ishdan bo‘shatilgan Avaz O‘rinboyev o‘rniga Farg‘ona viloyati hokimining birinchi o‘rinbosari etib tayinlandi.
Reuters: Rossiya armiyasiga Qozog‘istondan ko‘ngillilarni jalb qilishni boshladi
Ukrainadagi urush avj olishi fonida Rossiya o‘z armiyasi uchun Qozog‘istondan ko‘ngillilarni yollashni boshladi, deb yozmoqda Reuters. Internetdagi reklama mamlakat aholisiga “aniq yo‘naltirilgan” va shartnoma imzolangandan keyin 5000 dollardan ortiq to‘lov taklif qilinmoqda.
Freedom Payments ofisiga niqobli odamlar kelgani aytilmoqda
Toshkentdagi Freedom Payments (Freedom Pay) xorijiy kompaniyasi ofisiga niqob taqqan shaxslar kelgani aytilmoqda. Bir necha xodim hibsga olingan. Sabablari hozircha noma’lum.
3-avgust kuni O‘zbekistonda sodir bo‘lgan eng muhim voqealar dayjesti
Turkmanistonga boradigan Shavkat Mirziyoyev, Toshkentda jamoat transportida yo‘lkira oshishi, avtobus bilan to‘qnashib ketgan Malibu, Chotqol qo‘riqxonasidan yangi kadrlar, yana lavozimi o‘zgargan vazirlar, 5,5 yil ichida ko‘pxotinlilik uchun sudlangan 38 kishi va boshqalar — “Gazeta.uz"ning kun dayjestida.
Xitoy bolalarning smartfonlarda internetdan foydalanish vaqtini cheklamoqchi
Xitoy hukumati “voyaga yetmaganlar uchun xavfsiz va sog‘lom internet muhitini yaratish” maqsadida 18 yoshgacha bo‘lgan bolalarning mobil qurilmalarda internetdan foydalanish vaqtini cheklashni rejalashtirmoqda.
Toshkent aeroportida yangi taksi xizmatlari faoliyati yo‘lga qo‘yiladi
Uzbekistan Airports Toshkent aeroporti uchun yana uchta taksi operatorini jalb qilmoqchi — xalqaro terminalning umumiy zali va CIP-zal hamda mahalliy terminal uchun. Hozirda xalqaro terminalning uchib kelish zaliga birgina aeroport taksi operatori xizmat ko‘rsatmoqda.
Toshkent jamoat transportida yo‘lkira narxlari oshishi kutilmoqda
Yaqin kunlarda poytaxt jamoat transportidan foydalanish uchun yo‘lkira narxlari oshishi kutilmoqda. Transport kartasidan to‘lov 1600 so‘m, naqd pul va bank kartasidan to‘lov esa 2000 so‘mgacha oshadi. Shuningdek, yo‘lovchilarga kunlik, oylik va yillik moslashuvchan tarif rejalari taklif etiladi.
Zoyir Mirzayev Toshkent viloyatining ikki tumani hokimlarini ishdan bo‘shatdi
Toshkent viloyati hokimi Zoyir Mirzayev Zangiota va Bekobod tumanlari hokimlarini o‘z arizasiga ko‘ra lavozimidan ozod etdi. Bir kun avval prezident o‘sha hududlarda sanoat ishlab chiqarishi pasayganini tanqid qilgan edi.
Toshkent viloyatiga yangi prokuror tayinlandi
Adliya katta maslahatchisi Sirojiddin Eshquvvatov Toshkent viloyati prokurori lavozimiga tayinlandi. U bunga qadar Andijon viloyati prokurori bo‘lgan.
Markaziy bank raisi — aholini kreditlash hajmining o‘sishi va iqtisodiyotdagi qarz yuki haqida
Aholiga kredit berish hajmi ularning daromadlaridan tezroq o‘sib bormoqda, bu esa iqtisodiyotdagi qarz yuki ortayotganidan dalolat beradi, dedi Markaziy bank raisi. Uning aytishicha, chakana kreditlashda “qizib ketish”ning oldini olish uchun tartibga soluvchi chora-tadbirlarni ko‘rish boshlangan.
Toshkentda Malibu avtobus bilan to‘qnashib ketdi
Toshkentning Mirzo Ulug‘bek shohko‘chasida Malibu yengil avtomobili qayrilib olmoqchi bo‘lgan Yutong avtobusi bilan to‘qnashib ketdi.
Iyulda O‘zbekistonda harorat +40 darajadan yuqori kunlar soni ko‘p bo‘ldi
Iyul oyida O‘zbekistonda harorat ko‘p yillik o‘rtacha qiymatlarga nisbatan +40 daraja va undan yuqori kunlar ko‘p bo‘ldi: Toshkentda 8 kun (me’yor 2 kun), Termizda 24 kun (me’yor 16 kun), Nukusda 8 kun (me’yor 4 kun). Eng issiq iyul oyi reytingida esa 2019 va 2021-yillarning iyul oylaridan so‘ng uchinchi bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting