Yangi avtobus va elektrobuslar xarid qilinishi tufayli Toshkent shahrida avtobus yo‘lovchilari soni keskin oshdi. May oyida kuniga o‘rtacha 782 ming yo‘lovchi tashildi, bu o‘tgan yilning shu oyiga nisbatan 63 foizga ko‘p degani.
DXX “Xorazm yo‘l qurilish” bo‘lim boshlig‘ini tadbirkordan 48 ming dollar olayotganda, Xivada esa Davlat kadastrlari palatasi xodimini yer sotib olgan fuqarodan 60 ming dollar olayotgan vaqtda qo‘lga oldi.
Xalqaro mehnat tashkiloti va Xalqaro moliya korporatsiyasi O‘zbekistonda Better Work (Yaxshiroq ish) dasturini ishga tushirdi, bu mamlakatdagi to‘qimachilik va tikuvchilik fabrikalarida mehnat me’yorlariga rioya etilishini ta’minlashga yordam beradi.
Tijorat banklari 14-iyun kuni aholidan 1 AQSh dollarini 11 390−11 470 so‘mdan sotib olmoqda, sotuv kursi esa 11 490−11 520 so‘m.
Qo‘qon shahridagi “Buyuk Ipak yo‘li” bozorida yonib ketgan do‘konlar 15 kunda qayta qurib beriladi. Viloyat hokimligiga ko‘ra, qurilish ishlari uchun tadbirkorlardan pul olinmaydi. Barcha ishlar bozor ma’muriyati hisobidan amalga oshiriladi.
Toshkentdagi elektr uzilishlari sababini aytgan “HET” korxonasi mas’uli, meros bo‘yicha sudga arz qilgan Islom Karimovning o‘g‘li, “Anhor-Lokomotiv” bog‘ida attraksiondan tushib ketgan 2 fuqaro, 4 soatda o‘chirilgan Qo‘qondagi bozorda sodir bo‘lgan yirik yong‘in va boshqalar — “Gazeta.uz”ning kun dayjestida.
Qirg‘izistonda MDH davlatlarida qidiruvda bo‘lgan shaxslarni tanib olish tizimi ishga tushirildi. Iyun oyi boshidan buyon mamlakatda O‘zbekiston va Rossiyaning to‘rt nafar fuqarosi hibsga olingan.
Uzbekistan Airports rahbari Ra’no Jo‘rayeva Urganch aeroportini modernizatsiya qilish va rivojlantirish, Buxoro aeroportini rekonstruksiya qilish bo‘yicha ikkita loyiha tayyorlanayotganini ma’lum qildi. Kuzda xususiy sheriklarni tanlash bo‘yicha tanlovlar o‘tkazilishi kutilmoqda.
Buxoroda Osiyo xalqaro universiteti talabasi ijarada yashagan uyning 6-qavatidan o‘zini tashlab, halok bo‘ldi. 18 yoshli qizning o‘z joniga qasd qilishi sabablari bo‘yicha taxminlar ishlab chiqilib, tekshirilmoqda.
OTP Bank “Ipotekabank”ning O‘zbekiston Iqtisodiyot va moliya vazirligiga tegishli aksiyalardan 75 foizini rasman sotib oldi. Aksiyalarning qolgan 25 foizi 3 yillik muddatda sotib olinadi.
Oliy Majlis Senatida Surxondaryo viloyatidan bo‘shab qolgan o‘ringa viloyat hokimi Ulug‘bek Qosimov saylandi.
O‘zbekiston birinchi prezidentining o‘g‘li Pyotr Karimov Tatyana Karimovaga nisbatan sudga meros bo‘yicha da’vo arizasi kiritdi.
Ukrainaning Krivoy Rog shahridagi turar joy binosi tunda Rossiya armiyasi tomonidan o‘qqa tutildi. Hujum oqibatida kamida 6 kishi halok bo‘lgan, yana 25 kishi yaralangan.
S&P reyting agentligi O‘zbekiston suveren kredit reytingini BB- (barqaror kutilma) darajasida o‘zgarishsiz qoldirdi. Agentlik prognoziga ko‘ra, 2023−2026-yillarda mamlakat YAIMining real o‘sishi o‘rtacha 5,4 foizni, aholi jon boshiga YAIM hajmi 2023-yilda 2400 dollarni tashkil etadi.
“Xitoy-Qirg‘iziston-O‘zbekiston” multimodal transport yo‘lagi bo‘ylab Xitoyning Landjou stansiyasidan Toshkentga 30 ta konteynerdan iborat ilk blok poyezdi harakati yo‘lga qo‘yildi. Qiymati 2,5 mln dollarni tashkil etuvchi yuk poyezdi 15 kunda kelishi belgilangan.
Saylovoldi tashviqotini Nukusdan boshlagan O‘zLiDePdan prezidentlikka nomzod Shavkat Mirziyoyev Urganchga keldi.
Pul yuvish, poraxo‘rlik va korrupsiya xavfini cheklash uchun Credit Suisse bankirlariga xavf darajasi yuqori mamlakatlardan yangi mijozlarni jalb qilish taqiqlandi. Ro‘yxatda O‘zbekiston ham bor.
Toshkent shahrining Shayxontoxur tumanidagi “Anhor-Lokomotiv” bog‘idagi attraksiondan ayol va erkak yiqilib, kasalxonaga yotqizildi. Qayd etilishicha, ular xavfsizlik kamarini taqmagan.
Qoraqalpog‘istonda Lacetti qarama-qarshi yo‘nalishiga chiqib ketib, Labo bilan to‘qnashdi. Oqibatida 2 kishi halok bo‘ldi, yana 2 kishi shifoxonaga yotqizildi.
Yashnobod, Sergeli, Mirobod, Chilonzor, Yakkasaroy va Yunusobod tumanlarining ayrim hududlarida 13-iyun kuni elektr energiyasi “ta’minlash hamda elektr tarmoqlaridagi avariyaviy holatlarni oldini olish maqsadida” vaqtincha o‘chiriladi.
Qo‘shimcha imkoniyatlarga ega bulish uchun saytda ro‘yxatdan o‘ting