Samarqand viloyatining turizm salohiyati oshiriladi
Samarqand aeroportida 2023 yil 1 fevralgacha turistik axborot markazi tashkil etiladi. 2026 yil 1 yanvarga qadar tadbirkorlar 4 va undan yuqori yulduzli mehmonxonalar faoliyati uchun tovarlarni olib kirishda bojxona to‘lovlaridan ozod qilinadi.
Toshkent viloyatida 2,1 mln kVt-soat elektr energiyasidan noqonuniy foydalangan korxona aniqlandi
Yangiyo‘l tumanida joylashgan tekstil korxonasi 10,5 mingta xonadonning bir oylik iste’molini tashkil qiladigan elektr energiyasidan noqonuniy foydalangani aniqlandi. Buning natijasida energetika tizimiga 1,4 mlrd so‘m zarar yetkazildi.
Bayram kunlari aholi «svet» va gazdagi qarzdorlik uchun tarmoqdan uzilmaydi
Energetika vazirligi bayram kunlarida aholi elektr energiyasi va tabiiy gazdagi qarzdorlik uchun tarmoqdan ajratilmasligini ma’lum qildi. Iste’molchilar ushbu resurslar uchun bayram kunlari ham onlayn ravishda to‘lov qilishi mumkin.
Yil davomida ikkilamchi avtomobil bozori qanday o‘zgardi?
ITIM tahliliga ko‘ra, 2022 yil davomida ikkilamchi bozorda avtomobillar narxi o‘tgan yilning shu davriga nisbatan o‘rtacha 12−15 foizga oshdi. Bunda elektromobillar ulushi 2,3 foizni tashkil etdi. Sotuvdagi mashinalarning 70 foizi mahalliy avtomobillar hissasiga to‘g‘ri kelmoqda.
Toshkentda O‘zbekistonning bosh archasi porladi
Milliy kutubxona yaqinida O‘zbekistonning bosh archasi o‘rnatildi. U yerda mehmonlar uchun sun’iy muz maydoni mavjud hamda ko‘ngilochar dastur tashkil etildi.
Rossiyada 1 yoshli o‘zbekistonlik qiz o‘yinchoq batareykasini yutib yuborishi oqibatida vafot etdi
Sankt-Peterburgda batareykani yutib yuborgan o‘zbekistonlik 1 yoshli qiz taxminan 3 oy o‘tib vafot etdi. Ota-ona shifokorga murojaat qilmagan. Ular qizi yutib yuborgan jism tanani o‘z-o‘zidan tark etadi deb o‘ylagan.
Koreya Respublikasi «Olmaliq KMK»ga 12 mln dollar grant ajratadi
Joriy yilning 25 dekabr kuni Koreya Milliy Assambleyasi Olmaliq kon-metallurgiya kombinatiga 15 mlrd von ($12 mln) miqdoridagi grant ajratish bo‘yicha qaror qabul qildi. Mazkur mablag‘lar hisobidan o‘zbek-koreys ilmiy texnik markazi qoshida sanoat tajriba sexi tashkil etilishi rejalashtirilmoqda.
Sirdaryoda maktabga qayiqda qatnovchi qiz va oilasi uchun daryoda maxsus uskunali tros tortiladi
Tarmoqlarda yosh qizaloq maktabdan qaytishda Sirdaryo daryosidan qayiq orqali suzib o‘tayotgani aks etgan video ko‘plab muhokamalarga sabab bo‘lgandi. Viloyat hokimi v.b. Akmal Maxmudaliyev qiz va onasi bilan uchrashdi. Hokim ular uchun daryo qirg‘oqlarini bog‘lovchi maxsus uskunali tros tortilishini ma’lum qildi.
O‘zbekistonda 21 yoshgacha bo‘lgan shaxslarga tamaki va spirtli ichimliklar sotish taqiqlanadi
Senat 21 yoshgacha bo‘lgan shaxslarga tamaki mahsulotlari, elektron sigaretalar va spirtli ichimliklarni internet hamda savdo avtomatlar orqali sotishni taqiqlovchi qonun loyihasini ma’qulladi. Taqiqlar ro‘yxati sezilarli darajada kengaytirildi.
O‘zbekistonda bolalar va homilador ayollar mavjud bo‘lgan transportlarda chekish taqiqlanadi
O‘zbekistonda bolalar va homilador ayollar mavjud bo‘lgan transportlarda spirtli ichimliklar, tamaki va elektron sigaretalardan foydalanish taqiqlanadi. Yangi qonunga, eskisidan farqli o‘laroq, jamoat joylarining batafsil ro‘yxati kiritildi (Ro‘yxat).
Yer usti metro liniyasi faqat bir kun kech ish boshladi
Toshkent metropolitenining yer usti halqa liniyasida poyezdlar soat 07:10 dan harakatlana boshlashi haqida xabar berilgandi. «Gazeta.uz»ning aniqlik kiritishicha, bu tartib faqat bir kun — 28 dekabr uchun joriy etilgan.
O‘zbekistonda advokatlar qo‘shimcha qiymat solig‘i to‘lamaydi
Endilikda O‘zbekistonda advokatlar qo‘shimcha qiymat solig‘i to‘lamaydi. Bu haqdagi norma Qonunchilik palatasida o‘tgan yig‘ilishda qonun loyihasidan chiqarib tashlandi.
Banklarda dollarning sotish kursi 25 so‘mga arzonladi
Tijorat banklari 28 dekabr kuni aholidan 1 AQSh dollarini 11 145 — 11 210 so‘mdan sotib olmoqda, sotish kursi esa aksar banklarda 11 225 so‘m.
Bolalar o‘limi haqidagi ma’lumot Sog‘liqni saqlash vazirligidan yashirilgan — vazir
O‘zbekiston sog‘liqni saqlash vaziri Behzod Musayev «Dok-1 Maks» siropini qabul qilgan bolalar o‘limi haqidagi ma’lumotlar vazirlikdan yashirilganini aytdi. U 18 nafar bolaning ota-onasiga hamdardlik bildirib, uzr so‘radi.
O‘zbekistonlik ziyoratchilar Saudiya Arabistonida YTHga uchradi: 10 kishi jarohatlandi
Jidda-Madina yo‘lida O‘zbekistondan ziyoratchilarni olib ketayotgan avtobus haydovchisi rulda uxlab qolib, YTH sodir etdi. 50 ziyoratchidan 10 nafari jarohatlanib, kasalxonaga yotqizilgan.
27 dekabr kuni O‘zbekistonda sodir bo‘lgan eng muhim xabarlar dayjesti
«Dok-1 Maks» dorisi bo‘yicha jinoyat ishi qo‘zg‘atgan DXX,18 nafar bolani saqlab qololmagani uchun uzr so‘ragan SSV rahbari, senatorlar ma’qullagan davlat budjeti to‘g‘risidagi qonun, «Mahalla budjeti» tizimi, davlat xizmatchilari soni qanday kamaytirilishi va boshqalar — «Gazeta.uz»ning kun dayjestida.
«Dok-1 Maks» bilan bog‘liq holat bo‘yicha jinoyat ishi DXX tomonidan qo‘zg‘atildi
DXX Tergov boshqarmasi tomonidan 18 bola o‘limiga sababchi bo‘lgan «Dok-1 Maks» bilan bog‘liq holat bo‘yicha Quramax medical hamda «Dori vositalarini standartlashtirish ilmiy markazi» mansabdor shaxslariga nisbatan jinoyat ishi qo‘zg‘atildi. Gumonlanuvchilar DXX Tergov hibsxonasiga joylashtirilgan.
Senat «Huquqbuzarliklar profilaktikasi to‘g‘risida»gi qonunni rad etdi
Senatorlar IIV ishlab chiqqan «Huquqbuzarliklar profilaktikasi to‘g‘risida»gi qonunni rad etdi. Ular bir qator normalar boshqa qonunlarga mos kelmasligini, ba’zan zid ekanini aytdi. «Qonunning bunday shaklda qabul qilinishi jiddiy muammolarni keltirib chiqarishi mumkin», — dedi Tanzila Narbayeva.
Coca-Cola`ning yangi yil karvoni bayramni yetkazib beradi: archa, bayramona salyutlar va taomlar festivali
Humo Arena`da har oqshom mehttps://www.gazeta.uz/uz/admhmonlarni ertak, Coca-Cola karvoni, bayramona salyutlar, mazali taomlar va sehrli lahzalar kutmoqda.
O‘zbekiston va Yaponiya ekologiya sohasida hamkorlikni kengaytirish to‘g‘risida memorandum imzoladi
TIV rahbari Vladimir Norov boshchiligidagi delegatsiya 22−25 dekabr kunlari «Markaziy Osiyo + Yaponiya» muloqoti tashqi ishlar vazirlarining 9-yig‘ilishida ishtirok etish uchun Tokio shahrida bo‘ldi.
Qo‘shimcha imkoniyatlarga ega bulish uchun saytda ro‘yxatdan o‘ting