Pedagoglarni majburiy mehnatga jalb qilganlik uchun alohida jinoiy javobgarlik belgilandi
Prezident o‘qituvchilarni mehnatga majburlaganlik uchun jinoiy va ma’muriy javobgarlikni belgilovchi va mehnatga noqonuniy aralashganlik uchun jazoni kuchaytiruvchi qonunni imzoladi. «Endi siz qonun himoyasidasiz», — deydi prezident Administratsiyasi rahbari o‘rinbosari Komil Allamjonov.
Bepul ichimlik, 5000 so‘m pul va 1 litr yog‘ — Open budget`da ovoz berish evaziga nimalar taklif etilmoqda?
«Tashabbusli budjet»da ovoz berish jarayoni 7 aprelda tugaydi. Fuqarolar ungacha o‘z loyihalariga ko‘proq ovoz to‘plash uchun turli usullardan foydalanmoqda. Jumladan, hisobni to‘ldirish, bepul ichimlik ulashish va hatto yog‘ berish ham kuzatilmoqda. «Gazeta.uz» jarayonga oid suratlar va postlarni jamladi.
Chimyon tog‘larida qor ko‘chish xavfi e’lon qilindi
Toshkent viloyati Chimyon tog‘larida 28−31 mart kunlarida qor ko‘chish xavfi e’lon qilindi.
Toshkentda bu yil bahorda issiq suvni 5 kunlik o‘chirishlari rejalashtirmayapti — Veolia Energy
Veolia Energy Tashkent bu yil bahorda poytaxtda issiq suvni 5 kunlik o‘chirishlarni rejalashtirmyotganini ma’lum qildi. Issiqlik tarmoqlarining gidravlik sinovlari keyinroqqa yoz-kuz mavsumida o‘tkaziladi.
Xorijda 55 ta referendum uchastkasi tuziladi — MSK
MSK Konstitutsiya bo‘yicha o‘tkaziladigan referendum uchun chet davlatlarda 55 ta uchastkalari tuzilishini ma’lum qildi. Xususan, Rossiyada 7 ta, Qozog‘iston va Xitoyda 3 tadan, AQSh, BAA, Germaniya, Janubiy Koreya, Saudiya Arabistoni, Turkiyada 2 tadan tashkil etiladi. Ular Toshkentdagi 14-okrugga biriktiriladi.
Davlat xaridlarida fevral oyida 25 mlrd so‘mlik qonunbuzilish holatlari aniqlandi — Antikorrupsiya agentligi
Antikorrupsiya agentligi fevralda davlat xaridlarida 25 mlrd so‘mlik qonunbuzilish holatlarini aniqladi. Xususan, Uzbekistan Airports, “Hududiy elektr tarmoqlari” Xorazm filiali, Toshkent viloyati Bolalar ko‘p tarmoqli tibbiyot markazi qonunbuzilishiga yo‘l qo‘ygan. Buyurtmachilarga taqdimnoma kiritildi.
“Taʼlim va kasb — 2023” xalqaro ko‘rgazmasi muvaffaqiyat yo‘lidagi birinchi qadam bo‘lishi mumkin
Aprel va may oylarida O‘zbekistonning to‘qqizta shahrida “Ta'lim va kasb — 2023” xalqaro ko‘rgazmasi bo‘lib o‘tadi. Unda turli mamlakatlardan 50 dan ortiq universitet vakillari ishtirok etadilar.
«Seniki. Meniki. Bizniki». Yangi Konstitutsiya bo‘yicha referendum kampaniyasi qanday ketmoqda? Foto
Aprelda bo‘lib o‘tadigan referendum arafasida O‘zbekiston bo‘ylab «Konstitutsiya — o‘zimizniki» shiori ostida targ‘ibot tadbirlari, konsert dasturlari o‘tkazilmoqda. Ularda estrada yulduzlari, sportchilar, rasmiylar va tadbirkorlar chiqish qilmoqda. Fotojamlanma.
O‘zbekistonlik harbiylar AQShdagi xalqaro musobaqada g‘olib bo‘ldi
AQShning Missisipi shtatida o‘tkazilgan «Eng ilg‘or jangchi-2023» musobaqasida Mudofaa vazirligi harbiy xizmatchilari — Tursunov Anvar va Azamat Kenjayev g‘olib bo‘ldi. Ular ommaviy qirg‘in qurollaridan himoyalanish, jismoniy tayyorgarlik sinovlari, artilleriya olovini boshqarish, insho yozish kabi shartlardan o‘tgan.
O‘zbekistonda rasmiy ijarada turadigan talabalar soni 80 mingdan oshgan — DSQ
DSQ O‘zbekistonda qancha talaba shartnoma tuzib ijarada turganini ma’lum qildi. 2023 yil 1 mart holatiga ko‘ra, 50 976 ta ijara shartnomalari tuzilgan. Ushbu shartnomalar bo‘yicha ijarada turuvchi talabalar soni 83 018 nafarga yetgan.
«Tashabbusli budjet»da Face ID va koeffitsiyentlarni joriy etish nazarda tutilmagan — Sherzod Kudbiyev
Iqtisodiyot va moliya vazirligi matbuot xizmati «Tashabbusli budjet»da Face ID tizimi va ko‘paytirish koeffitsiyentlarini joriy etish rejasi haqida xabar bergandi. Vazir Sherzod Kudbiyev o‘z xodimlarini «salgina noprofessional sharh berganlikda» ayblab, hozircha bunday o‘zgarishlar nazarda tutilmaganini bildirdi.
Navbahor Hamidova raqibining diskvalifikatsiya qilinishi hisobiga JCHda bronza medalini oldi
Boks bo‘yicha Hindistonda o‘tgan JCHda o‘zbekistonlik Navbahor Hamidova chorak finalda jazoirlik Imane Xelifga yutqazib qo‘ygandi. Biroq yarim finalchi Xelif genetik holati sababli o‘yindan diskvalifikatsiya qilindi. Natijada bronza medali o‘zbekistonlik sportchiga nasib etdi.
Hafta davomida havo o‘zgarib turadi
Hafta davomida harorat +20…+27 daraja atrofida bo‘ladi. Seshanba-payshanba kunlari esa ayrim hududlarda yomg‘ir yog‘ib, momaqaldiroq kuzatiladi. Shimolda va cho‘l hududlarda shamol tezligi kuchayib, chang-to‘zon bo‘lishi mumkin.
Qoraqalpog‘istonda 44 yoshli erkakni poyezd bosib ketdi
Qo‘ng‘irot-Toshkent yo‘nalishida harakatlangan poyezd Ellikqal’a tumanida 44 yoshli erkakni bosib ketdi. Voqeaga fuqaroning ehtiyotsizlik oqibatida temiryo‘lga chiqib qolgani sabab bo‘lgan.
Toshkent-Andijon-Toshkent yo‘nalishida qo‘shimcha qatnovlar qo‘yildi
6, 13, 20, 27 aprel kunlari 60/59-sonli Toshkent-Andijon-Toshkent yo‘nalishida qo‘shimcha 4 ta reys harakati yo‘lga qo‘yildi.
Shvetsiyadan O‘zbekistonga birinchi marta Interpol qidiruvidagi shaxs ekstraditsiya qilindi
Interpol tomonidan firibgarlikda gumonlangan erkak Shvetsiyadan O‘zbekistonga ekstraditsiya qilindi. Bu tashkilot qidiruvidagi shaxslarni ushbu mamlakatdan O‘zbekistonga olib kelish bo‘yicha birinchisi bo‘ldi.
Samarqandda fuqarolarni $24 ming evaziga Kanadaga yuborishda gumonlangan ayol ushlandi
DXX va IIB Samarqandda fuqarolarni $24 ming evaziga Kanadaga jo‘natishda gumonlangan ayolni ushladi. U kelishilgan puldan 4 ming dollar olgan vaqtda qo‘lga tushgani aytilmoqda.
Toshkentdan qatnovchi ba’zi mahalliy va xorijiy poyezdlar jadvali vaqtincha o‘zgardi
27 martdan 15 aprelgacha Toshkentdan harakatlanuvchi bir nechta mahalliy va xorijiy yo‘lovchi poyezdlar harakati jadvaliga o‘zgartirish kiritildi. Bunga ko‘prikda ta’mirlash ishlari olib borilayotgani sabab bo‘ldi.
Banklarda dollarning sotish kursi 11 485 so‘mgacha ko‘tarildi
Tijorat banklari 27 mart kuni aholidan 1 AQSh dollarini 11 280 — 11 415 so‘mdan sotib olmoqda, sotish kursi esa 11 440 — 11 485 so‘m.
Toshkentda Malibu YTHga uchrab, daraxtga «osilib qoldi»
Toshkentning Shota Rustaveli ko‘chasida YTHga uchragan Malibu vertikal holatda daraxtga «osilib qoldi». YHXB haydovchi boshqaruvni yo‘qotganini ma’lum qildi. Bir yo‘lovchi jarohatlangan.
Qo‘shimcha imkoniyatlardan foydalanish uchun saytda ro‘yxatdan o‘ting