«Oskar-2023» mukofoti g‘oliblari e’lon qilindi
AQShda «Oskar» mukofotining 95-marosimida Brendan Freyzer eng yaxshi aktyor («Kit»), Mishel Yeo («Hammasi har joyda va birdan») esa yilning eng yaxshi aktrisasi deb e’lon qilindi. Eng yaxshi badiiy film «Hammasi har joyda va birdan», eng yaxshi hujjatli film esa «Navalniy» kinokartinasi bo‘ldi.
O‘zbekistonda yosh oilalar daromadining ko‘proq qismini qarz to‘lashga sarflaydi — PMTI
PMTI o‘tkazgan so‘rovga ko‘ra, yosh oilalar daromadining ko‘proq qismini qarz to‘lashga sarflayotganini ma’lum qilgan. O‘zbekistonda insonlarning daromadlari 30 yoshgacha tez o‘sishi, eng yuqori nuqtasi taxminan 30−50 yosh oralig‘ida saqlanib turishi va 60 yoshdan so‘ng keskin pasayishi aniqlangan.
Toshkentda 2 ta yirik chinor yoqib yuborildi
Poytaxtning Yangihayot tumanida 2 ta yirik chinor noma’lum shaxslar tomonidan yoqib ketildi. Ekoboshqarma holatni o‘rganmoqda. «Daraxtlar qurilish uchun yoqilgani haqidagi taxminlar haqiqatga mos emas», — deya izoh berdi boshqarma.
Yanina Kuskova Italiyadagi velopoygada kumush medalni qo‘lga kiritdi
O‘zbekistonlik velopoygachi Yanina Kuskova Italiyada o‘tkazilgan veloshosse bo‘yicha ko‘pkunlik poygada kumush medalga ega chiqdi. Sportchi, shuningdek, musobaqaning «Eng yaxshi yosh poygachisi» deb topildi.
Shavkat Mirziyoyev Surxondaryoga tashrif buyuradi
13 mart kuni prezident Shavkat Mirziyoyev Surxondaryo viloyatiga tashrif buyuradi. Davlat rahbari xalq deputatlari viloyat kengashi sessiyasida ishtirok etadi, sanoat va qishloq xo‘jaligi bilan tanishadi, harbiy maskanlarda ham bo‘ladi.
Samarqandda qiziga o‘qituvchi tegajog‘lik qilganini aytib, tuhmat qilgan ayol jarimaga tortildi
Kattaqo‘rg‘onlik ayol qiziga o‘qituvchi tegajog‘lik qilganini aytgandi. Sud buning tuhmat ekanini bildirib, ayol va o‘qituvchi bilan yoqalashgan qizning otasiga jarima belgiladi.
O‘zbekistonda amaldorlarning xizmat safarlari va tadbirlarda sovg‘a olishi taqiqlandi
Davlat fuqarolik xizmatchisi tomonidan xalqaro va boshqa rasmiy tadbirlarda sovg‘a olish tartibi belgilandi. Unga ko‘ra, amaldorlar O‘zbekistondagi xizmat safarlari va tadbirlarda sovg‘a olishi mumkin emas. Xorijda olingan sovg‘a qiymati 1,2 mln so‘mdan ko‘p bo‘lsa, u davlat organi balansiga kirim qilinadi.
Banklarda dollarning sotish kursi 11 460 so‘mgacha oshdi
Tijorat banklari 13 mart kuni aholidan 1 AQSh dollarini 11 340 — 11 380 so‘mdan sotib olmoqda, sotish kursi esa 11 420 — 11 460 so‘m.
Farg‘onada o‘quvchi qiz o‘zini 16 qavatli uy tomidan tashlamoqchi bo‘ldi
Farg‘onada 14 yoshli qiz o‘zini 16 qavatli uyning tomidan tashlamoqchi bo‘ldi. Uni IIB va FVV xodimlari tomdan sog‘-omon tushirib oldi. Voqeaga qizning o‘gay otasi bilan janjallashib qolgani sabab bo‘lgani aytilmoqda.
O‘zbekiston harbiylari Pokistonda o‘tkazilgan xalqaro armiya o‘yinlarida g‘olib bo‘ldi
O‘zbekiston harbiylari Pokistonda o‘tkazilgan «Jamoaviy ruh» 6-xalqaro armiya o‘yinlarida qatorasiga uchinchi marta g‘olib bo‘ldi. Keyingi o‘rinlarni Saudiya Arabistoni, Qozog‘iston va Tailand jamoalariga nasib etdi.
SSV tizimidagi qator rahbarlar lavozimidan ozod etildi
SSV rahbari Amrillo Inoyatov o‘tkazgan hay’at yig‘ilishida O‘zmedimpeks kompaniyasi direktori, Bolalar milliy tibbiyot markazi direktori v.b. va boshqarmalar boshliqlari ishdan olindi. Bunga ularning topshiriqlarni o‘z vaqtida bajarmagani va yo‘nalishida yetarli natija ko‘rsatmagani sabab bo‘lgan.
Futbol: O‘zbekiston U-20 Osiyo kubogi yarim finaliga chiqdi va JCH yo‘llanmasini qo‘lga kiritdi
O‘zbekiston 20 yoshgacha bo‘lgan yoshlar terma jamoasi futbolchilari avstraliyalik raqiblarini mag‘lub etib, Osiyo kubogi yarim finaliga yo‘l oldi. Qolaversa, terma jamoa jahon chempionati yo‘llanmasini qo‘lga kiritdi.
Bahodirjon Sidiqov yana «O‘zbekneftgaz»ga rahbar etib tayinlandi
2019−2020 yillarda «O‘zbekneftgaz» boshqaruvi raisi bo‘lgan Bahodirjon Sidiqov yana kompaniyaga rahbar bo‘ldi.
Farhod Mannopov vafotidan so‘ng Star Med Center klinikasi faoliyati vaqtincha to‘xtatildi
SSV vayner Farhod Mannopov o‘limi bo‘yicha laborator tahlil va MSKT tekshiruvlari natijalarini e’lon qildi. Aytilishicha, bemorga rinoseptoplastika amaliyoti uchun narkoz berilgan, biroq operatsiya davrida ahvoli yomonlashib, o‘lim qayd etilgan. Hozirda Star Med Center klinikasi faoliyati vaqtincha to‘xtatilgan.
11 mart kuni O‘zbekistonda sodir bo‘lgan eng muhim xabarlar dayjesti
Toshkentda relsdan chiqib ketgan yuk poyezdi vagonlari, yana chang bo‘roni, hali ham shohsupada turgan 47 yoshli atlet Oksana Chusovitina, MIBning yangi rahbari, bosh vazirga matbuot kotibi, Buxoroda avtobusda qizga tegajog‘lik qilgan yigitning 15 sutkaga qamalgani va boshqalar — «Gazeta.uz»ning kun dayjestida.
Toshkentda uchta avtomobil ishtirokidagi to‘qnashuvda ikki kishi halok bo‘ldi
Toshkentda Changan yuk mashinasi yo‘l chetida turgan Matiz, so‘ngra Cobalt bilan to‘qnashdi. Hodisa natijasida Matiz’ning ikki yo‘lovchisi halok bo‘ldi.
YeI uchinchi davlatlar orqali Rossiyaga sanksiya texnologiyalari tranziti ustidan nazoratni kuchaytiradi
Yevropa Ittifoqi ilg‘or Yevropa texnologiyalari va Rossiya Ukrainada harbiy maqsadlarda foydalanishi mumkin bo‘lgan boshqa tovarlar importini keskin oshirgan davlatlarga murojaat qilishni rejalashtirmoqda. Gap Turkiya, BAA hamda Sharqiy Yevropa va Markaziy Osiyoning boshqa davlatlari haqida ketayotgan bo‘lishi mumkin.
Toshkent viloyatida Salavkiylar sarkardasining noyob ko‘zasi topildi
Bo‘ka tumanidan yunon ma’budasi tasviri tushirilgan ko‘za topildi. Uning miloddan avvalgi III asrga tegishli ekani aytilmoqda.
Oksana Chusovitina sport gimnastikasi bo‘yicha Jahon kubogida kumush medalni qo‘lga kiritdi
47 yoshli atlet Oksana Chusovitina Bokuda o‘tayotgan sport gimnastikasi bo‘yicha Jahon kubogining 3-bosqichida kumush medalga ega chiqdi. Bungacha o‘tgan 2 bosqichda u 2 ta bronza medaliga sazovor bo‘lgandi.
2023 yilda budjetga xususiylashtirishdan 10 trln so‘m tushishi mumkin — Iqtisodiyot va moliya vazirligi
2023 yilda davlat aktivlarini xususiylashtirish O‘zbekiston davlat budjetiga 10 trln so‘m daromad keltiradi, deb taxmin qilmoqda Iqtisodiyot va moliya vazirligi. Bu oldingi yilgi prognozga nisbatan 66,6 foizga ko‘p. Daromadlar davlat budjeti taqchilligini qoplashga yo‘naltiriladi.
Qo‘shimcha imkoniyatlardan foydalanish uchun saytda ro‘yxatdan o‘ting