Mushtlashuv ishtirokchilari hamda fohishaxona tashkilotchilariga sud hukmi o‘qildi
Sud Toshkent shahar Yunusobod tumanida pichoq qo‘llanilgan oktabr mojarosi ishtirokchilari, shuningdek, Toshkent viloyatida fohishaxona tashkil etgan shaxslarga nisbatan hukmni o‘qib eshittirdi. Ularning ikki nafari qamaldi, yana ikki nafarining ozodligi cheklandi, bir nafari esa ozod qilindi.
«Zarafshon» milliy tabiat bog‘ida yong‘in sodir bo‘ldi
Jomboy tumanidagi «Zarafshon» milliy tabiat bog‘iga qarashli o‘rmonda yong‘in kelib chiqdi. Uni 6 ta yong‘in-qutqaruv ekipaji 2 soatdan ko‘proq vaqtda bartaraf etdi. Hodisa oqibatida tan jarohati olgan va halok bo‘lganlar yo‘qligi aytildi.
Yil boshidan beri iste’molchilarga 180,5 mlrd so‘m keshbek to‘landi
Soliq qo‘mitasi yil boshidan 27 iyunga qadar iste’molchilarga jami 180 mlrd so‘m keshbek to‘lab berdi. Keshbek cheklarini taqdim etish bo‘yicha Korzinka, Havas va Makro savdo do‘konlari yetakchilik qilmoqda.
Samarqandda uksus ichgan ayol o‘z joniga qasd qilish darajasiga yetkazilgan bo‘lishi mumkin
Samarqandda 29 yoshli ayol uksusdan zaharlanib, vafot etgan holat yuzasidan o‘zini o‘zi o‘ldirish darajasiga yetkazish moddasi bilan jinoyat ishi qo‘zg‘atildi. Uni qaynonasi kamsitib kelgani aytilmoqda. Marhumadan oldingi kelin ham o‘z joniga qasd qilgani ma’lum bo‘ldi.
Toshkent dunyoning eng arzon shaharlari Top-10 taligidan joy oldi
AQShning «Mercer» kompaniyasi dunyoning eng qimmat va eng arzon shaharlari reytingini e’lon qildi. Unga ko‘ra, Gonkong eng qimmat shahar deb topilgan bo‘lsa, Anqara esa eng arzon shahar deya e’tirof etildi. Toshkent esa arzon shaharlarning Top-10 taligida yettinchi o‘rinni band qildi.
O‘zbekistonlik merganlar xalqaro musobaqada ikkinchi o‘rinni egalladi
Turkiyada 12 davlat o‘rtasida o‘tkazilgan merganlik bo‘yicha xalqaro musobaqada o‘zbekistonlik harbiylar ikkinchi o‘rinni egalladi. Ular lazerli masofa o‘lchagichdan foydalanmasdan harakatlanayotgan vertolyot va qayiqdan turib nishonlarni yo‘q qilishdi. Turk hakamlari O‘zbekiston jamoasi mahoratini yuqori baholadi.
«Snos» ortidan mulk egasiga yetkazilgan noqulayliklar uchun ham qo‘shimcha to‘lov to‘lanadi
Prezident yer uchastkalarini olib qo‘yish tartib-tamoyillariga oid qonunni imzoladi. Hujjat bilan qaysi holatlar jamoat ehtiyoji deb e’tirof etilishi va nimalarga kompensatsiya to‘lanishi belgilanmoqda. Qolaversa, mulk egasiga yetkazilgan noqulayliklar uchun obyektning 5 foizi miqdorida qo‘shimcha to‘lov to‘lanadi.
«Endi hech kim osonlikcha birovning uyini „snos“ qila olmaydi» — Ruslanbek Davletov
Adliya vaziri Ruslanbek Davletov prezident imzolagan yer uchastkalarini olib qo‘yish tartib-tamoyillari to‘g‘risidagi qonun «xalqni bir necha yildan buyon qiynab kelgan muammolarga barham berishini» ta’kidladi. Hujjat kompensatsiya turlarini belgilab beradi va 3 mlnga yaqin uyni buzilishidan sug‘urtalaydi.
Qamoqdan chiqqan fuqarolarga 9,2 mln so‘m yordam puli beriladi
O‘zbekistonda ozodlikdan mahrum etish jazosini o‘tab bo‘lgan fuqarolarga «dastlabki ijtimoiy-moddiy yordam paketi» doirasida 9,2 mln so‘m pul beriladi. Uni olish uchun esa fuqaro tadbirkorlik, me’morchilik, hunarmandchilik yo‘nalishlaridagi o‘z loyihasini maxsus komissiyaga taqdim etishi kerak.
Ikki hududda chet el valyutasini noqonuniy tarzda sotishga uringan shaxslar ushlandi
Toshkent va Jizzax viloyatlarida chet el valyutasini noqonuniy tarzda muomalaga kiritganlikda gumonlangan shaxslar qo‘lga olindi. Ikki holatda jami 8700 dollarni 95 mln so‘mga ayirboshlashga chek qo‘yildi. Gumondorlarga nisbatan jinoyat ishi qo‘zg‘atildi.
Prezident U23 Osiyo kubogining uch nafar sovrindorini mukofotladi
O‘zbekistonda 30 iyun — Yoshlar kuni munosabati bilan futbol bo‘yicha U23 Osiyo kubogining uch nafar sovrindori — Xusain Norchayev, Hojimat Erkinov va Jasurbek Jaloliddinov «Kelajak bunyodkori» medali bilan mukofotlandi. Qolaversa, bokschi Elnur Abduraimov «Mard o‘g‘lon» mukofoti bilan taqdirlandi.
TIVda madaniy va sport diplomatiyasidan foydalanadigan boshqarmasi tashkil etildi
Tashqi ishlar vazirligi tizimida “yumshoq kuch” vositalari, jumladan, xalq, madaniy va sport diplomatiyasidan faol foydalanadigan boshqarma tashkil etildi. Unga vazir maslahatchisi Anvar Abduxalimov rahbarlik qiladi. Boshqarma xalqaro fond va muzeylardan milliy madaniy meroslarni qaytarishda ham ishtirok etadi.
Amazon kompaniyasi xodimasi Shahlo Xodjayeva «Kelajak bunyodkori» medali bilan taqdirlandi
Prezident «Gazeta.uz» ning «Xorijdagi o‘zbekistonliklar» loyihasi qahramoni Shahlo Xodjayevani «Kelajak bunyodkori» medali bilan mukofotladi. U AQShning Amazon kompaniyasida biznes-tahlil bo‘yicha muhandis sifatida faoliyat yuritadi.
SES: Niqob rejimi hozircha joriy etilgani yo‘q, ammo niqob taqish tavsiya etiladi
Oxirgi vaqtlar koronavirusga chalinayotganlarning 90 foizi — emlanmagan kishilar. SES hozircha niqob rejimi joriy etilmagani, biroq «salomatlik va xavfsizlik uchun» niqob taqish tavsiya etilishini ma’lum qildi. Prezident ishtirokidagi yig‘ilishlarda rasmiylar niqob ko‘rinish bermoqda.
Uzbekistan GTL zavodida ilk sintetik dizel ishlab chiqarildi
Uzbekistan GTL zavodida O‘zbekiston neft va gaz-kimyosi sanoatining tarixida birinchi sintetik GTL dizel mahsuloti ishlab chiqarilishi yo‘lga qo‘yildi. Avvalroq mazkur zavodda ilk sintetik neft mahsuloti olingan edi.
29 iyun kuni O‘zbekistonda sodir bo‘lgan eng muhim habarlar dayjesti
O‘zbekiston kompaniyasining AQSh sanksiyalariga tushishi, elektr ta’minotidagi uzilishlar, xalqning o‘zi ham muxolifat bo‘lishi mumkinligini aytgan Tanzila Narbayeva, qayta tiklangan kovid-poliklinikalar, o‘zini osib qo‘ygan erkak va boshqalar — «Gazeta.uz» ning 29 iyundagi xabarlari dayjestida.
«Savdogar» bank nomi o‘zgarmoqda
«Savdogar» bank aksiyadorlari uning nomini «Garant bank» etib o‘zgartirishni ma’qulladi. Bu bank egasi o‘zgarganidan bir necha oy o‘tgach sodir bo‘ldi.
Toshkentda elektr ta’minotidagi uzilishlarga izoh berildi
Toshkentda bir necha kundan beri elektr ta’minotida uzilishlar kuzatilmoqda. Ayrim hududlarda soatlab tok bo‘lmayapti, svetoforlar ishlamay qolmoqda, suv bosimi pasaygan. Toshkent ETK buni anomal issiqlik va qish mavsumiga tayyorgarlik ko‘rish uchun tarmoqlar modernizatsiya qilinayotgani bilan izohladi.
Barcha fuqarolarga teng muomala qilishga qaratilgan qonun loyihasi ishlab chiqildi
O‘zbekistonda barcha fuqarolarning jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeidan qat’i nazar, qonun oldida tengligini ta’minlash sohasidagi munosabatlarni tartibga soluvchi qonun loyihasi ishlab chiqildi.
«Xalqning o‘zi ham muxolifat bo‘lishi mumkin» — Tanzila Narbayeva
Senat raisi Tanzila Narbayeva «Amerika ovozi» ning O‘zbekistonda haqiqiy muxolifat yo‘qligi haqidagi savoliga javob berar ekan, muxolifat borligi va internetda rasmiylar tanqid qilinishini ta’kidladi. «Xalqning o‘zi ham muxolifat bo‘lishi mumkin», — dedi u.
Qo‘shimcha imkoniyatlarga ega bulish uchun saytda ro‘yxatdan o‘ting