BMT Termizdan Afg‘onistonga insonparvarlik yordami jo‘natdi
BMTning Qochqinlar bo‘yicha agentligi va Qochqinlar bo‘yicha oliy komissarligi Termiz shahridagi transport-logistika xabi orqali Afg‘onistonga navbatdagi insonparvarlik yordamini jo‘natdi. Sovuqda himoyaga muhtoj afg‘on xalqi uchun 12 ta yuk mashinasida 48 mingdan ortiq ko‘rpa jo‘natildi.
O‘zbekistonlik qutqaruvchilar Turkiyada 9 kishini vayronalar ostidan chiqarib oldi
Turkiyaga ketgan o‘zbekistonlik FVV xodimlari tonggacha vayronalar ostidan 21 kishini chiqarib oldi. Ularning 12 nafari vafot etgan. Qolganlari turli tan jarohatlari olgan.
O‘zbekiston Turkmanistonga 20 ta «Tez yordam» mashinasi topshirdi
O‘zbekiston Turkmanistonga 20 ta Volkswagen Caddy «Tez yordam» mashinasi sovg‘a qildi. O‘z navbatida, Turkmanistondan suyultirilgan gaz partiyasi yetib keldi va uni ehtiyojmand oilalar o‘rtasida taqsimlash rejalashtirilgan.
Xalq nazorati xizmati orqali yer va daraxtlardagi elektr kabellari haqida xabar berish mumkin
Daraxtlarga osilgan yoki yerda yotgan elektr kabellarini ko‘rgan Toshkent shahri aholisidan Xalq nazorati portali orqali xabar berishlari so‘ralmoqda. Hokimlik anomal sovuq paytida tezroq elektr uzatib berish uchun simlar shu tarzda o‘tkazilganini ma’lum qildi.
O‘zbekistonda har oyda kamida bir marotaba «Hukumat kuni»ni o‘tkazish taklif qilinmoqda
2023 yilgi davlat dasturi loyihasida har oyda kamida bir marta barcha viloyat va hududlarda hukumat a’zolari ishtirokida «Hukumat kuni»ni o‘tkazib borish taklif qilinmoqda. Bunda hududlarda aholi ko‘tarayotgan dolzarb muammolarning hukumat vakillariga yetib borishini ta’minlash maqsad qilingan.
Malaysia Airlines Kuala-Lumpurdan Toshkentga parvozlarni tiklamoqda
Malaysia Airlines aviakompaniyasi Kuala-Lumpur-Toshkent-Kuala-Lumpur yo‘nalishi bo‘yicha parvozlarni tiklamoqda. Reyslar har o‘n kunda bir marta amalga oshirilishi rejalashtirilgan.
Samarqandda Qizil kitobga kiritilgan tasqara hayoti saqlab qolindi
Samarqand shahri Ekologiya va atrof-muhitni muhofaza qilish bo‘limiga shahardagi avtomobillarga gaz quyish shoxobchasida tasqara qushining kelgani bo‘yicha ma’lumot berilgan. U veterinar ko‘rigidan so‘ng, «Zarafshon» milliy tabiat bog‘i pitomnigiga topshirilgan.
Toshkentning yangi hokimi dastlab qaysi muammolarni hal qilishi zarur? «Yuksalish» so‘rovi
«Yuksalish» harakati Toshkent shahrining yangi hokimi birinchi navbatda qaysi muammolarni hal qilishi zarurligi haqida so‘rovnoma o‘tkazdi. Javoblar orasida qurilishga moratoriy e’lon qilish, kommunal xo‘jalik xizmatlari va jamoat transportini yaxshilash hamda hokimni saylash amaliyotini joriy etish takliflari bor.
Banklarda dollarning sotish kursi 11 405 so‘mgacha ko‘tarildi
Tijorat banklari 8 fevral kuni aholidan 1 AQSh dollarini 11 285 — 11 385 so‘mdan sotib olmoqda, sotish kursi esa aksariyat banklarda 11 405 so‘m.
Jahon yangiliklari dayjesti
Turkiyadagi zilzilalar bo‘yicha eng so‘nggi vaziyat, Parijda pensiya islohotlariga qarshi namoyishchilarga qarshi kuch ishlatilgani, Latviyada dronlar zavodida yong‘in yuzaga kelgani, Shvetsiyaning Turkiya bilan NATO bo‘yicha muzokaralarni davom ettirmoqchiligi va boshqalar — «Gazeta.uz»ning jahon yangiliklari dayjestida.
Prezident inflyatsiya darajasini pasaytirish masalalariga bag‘ishlangan yig‘ilish o‘tkazdi
2023 yilda O‘zbekiston barcha iqtisodiy mexanizmlarni qo‘llagan holda inflyatsiya darajasini 10 foizdan pastga tushirishni rejalashtirmoqda. Prezident oziq-ovqat mahsulotlari ishlab chiqarish hajmini oshirish, ularni «daladan dasturxongacha» yetkazib berishdagi xarajatlarni qisqartirish bo‘yicha topshiriqlar berdi.
7 fevral kuni O‘zbekistonda sodir bo‘lgan eng muhim xabarlar dayjesti
2023 yilgi davlat dasturi loyihasining muhim bandlari, gaz va elektrda o‘g‘rilik kattaligini aytgan prezident, Qamchiqda kutilayotgan sovuq ob-havo, IMEI-kodlarini klonlash uchun javobgarlik, o‘zbek-qirg‘iz chegarasini demarkatsiyalash muzokaralari boshlangani va boshqalar — «Gazeta.uz»ning kun dayjestida.
Yanvarda O‘zbekistonda 85 mlrd so‘mlik gazdan noqonuniy foydalanilgan
Yanvarda O‘zbekistonda ulgurji iste’molchilar tomonidan 85 mlrd so‘mlik tabiiy gazdan noqonuniy foydalanish bilan bog‘liq 614 ta holat aniqlandi, deb xabar qildi Energetika vazirligi. Xususan, AGTKSlarda 20 ta holat qayd etilgan bo‘lib, ularda 76,8 mlrd so‘mlik gazdan foydalanilgan.
Turkiyada O‘zbekistonning 13 fuqarosi qidirilmoqda
Turkiyaning zilzila sodir bo‘lgan hududlarida 13 nafar O‘zbekiston fuqarosini qidirish ishlari olib borilmoqda. Ikki kishi bilan aloqa o‘rnatishga muvaffaq bo‘lindi. Hozirda tabiiy ofat natijasida 3549 kishi qurbon bo‘ldi, 22,1 ming kishi jarohatlangan.
Qamchiqda qor yog‘ishi, tuman tushishi va kuchli shamol esishi kutilmoqda
O‘zbekistonning tog‘li hududlarida kutilayotgan sovuqlar fonida qor ko‘chkisi xavfi e’lon qilindi. Qamchiq dovonida 8−9 fevral kunlari qor yog‘ishi, tuman tushishi va kuchli shamol esishi kutilmoqda.
Yanvarning 8 kunida budjet taqchilligi 5,5 trln so‘mga yetdi. Bu kutilayotgan yillik defitsitning beshdan biriga teng
Yanvarning 8 kunida davlat budjeti xarajatlari daromaddan 2,3 baravar ortib, defitsit 5,5 trln so‘mga yetdi. Bu 2023 yil uchun defitsit kutilmasining beshdan bir qismidan ko‘proq degani (25,1 trln so‘m). Shundan so‘ng Iqtisodiyot va moliya vazirligi daromad va xarajatlar bo‘yicha ma’lumot berishni to‘xtatdi.
O‘zbekistonda 2024 yildan tibbiy ma’lumotnomalar elektron shaklda beriladi
2023 yilgi davlat dasturi loyihasiga ko‘ra, 2024 yil 1 yanvardan tibbiy ma’lumotnomalarni qog‘oz shaklda talab qilish taqiqlanadi. Bu amaliyot Navoiy, Sirdaryo, Toshkent shahri, Toshkent va Samarqand viloyatlarida 2023 yildan boshlanadi.
Xivadagi tarixiy Bog‘bonli masjidi ta’mirlandi
Xivadagi tarixiy Bog‘bonli masjidini ta’mirlash ishlari yakunlandi. Loyiha Yevropa Ittifoqi tomonidan moliyalashtirilgan YUNESKOning «Afg‘oniston, Markaziy Osiyo va Erondagi Ipak yo‘li merosi yo‘laklari — Yevropa madaniy meros yilining xalqaro o‘lchovi» tashabbusi doirasida amalga oshirildi.
O‘zbekistonga ilk bor noqonuniy dron olib kirganlarni ma’muriy javobgarlikka tortish taklif etildi
O‘zbekistonga birinchi marta qonunga zid ravishda dron olib kirgan yoki undan foydalanganlarni ma’muriy javobgarlikka tortish taklif qilinmoqda. Amalda esa mazkur huquqbuzarlik uchun faqat jinoiy javobgarlik — 3 yilgacha qamoq jazosi belgilangan.
Qoraqalpog‘istonning barcha hududlarida eskirgan uylar ta’mirlanadi
Qoraqalpog‘istondagi og‘ir turmush sharoitidagi oilalarga tegishli uylarning tom qismini ta’mirlash (yopish), yashash uchun yaroqsiz va avariya holatidagi uylarni yangidan qurish ishlarining parametrlari tasdiqlandi. Buyurtmachilarga elektron shaklda taklif bermasdan, eng yaxshi takliflarni aniqlash huquqi beriladi.
Qo‘shimcha imkoniyatlardan foydalanish uchun saytda ro‘yxatdan o‘ting