Yil boshidan buyon noqonuniy valyuta savdosi bilan bog‘liq 245 ta holat aniqlandi
Joriy yilning o‘tgan davri ichida chet el valyutasining noqonuniy muomalaga kiritilishi bo‘yicha 245 ta holat aniqlanib, ularning oldi olindi. Natijada 433,2 ming dollar, 1,1 mln rubl, 702,2 ming tenge va 1,2 mlrd so‘m mablag‘lar musodara qilindi.
IIV Andijondan prezidentga murojaat yo‘llagan qizchaning shikoyatiga munosabat bildirdi
Andijonda qizcha 5 nafar qarindoshi, jumladan, ota-onasi qamab qo‘yilganini aytib, prezidentga videomurojaat yo‘lladi. IIV qizchaning qarindoshlari tuman hokimi o‘rinbosari va bank rahbarini haqoratlab, kuch ishlatgani, 738 mln so‘m kreditni to‘lamagani, qizcha esa qarindoshlari qaramog‘ida ekanini ma’lum qildi.
O‘ziga o‘zi xizmat ko‘rsatish kassalari: savdo tarmoqlarida texnologiyani qanday oqilona ishga tushirish mumkin
CSI kompaniyasining self service mahsulotlari menedjeri Igor Chechulin qanday qilib o‘ziga o‘zi xizmat ko‘rsatish kassalarini yo‘lga qo‘yishda xato qilmaslik va sarflangan mablag‘lardan maksimal foyda olish haqida so‘zlab berdi.
Yagona maktab formasini sotib olish shartligi bo‘yicha prokuratura tilxat yozdirmagan — Bosh prokuratura
Bosh prokuratura Chilonzor tumanidagi maktabda yagona forma xarid qilish uchun prokuratura xodimlari tilxat yozdirib olgani haqidagi xabarni rad etdi. O‘rganish natijasida bu maktab direktorining shaxsiy tashabbusi ekanligi, biroq jarayonga yolg‘ondan prokuratura aralashtirilgani aniqlandi.
“Rejalar amalga oshishiga menda hech qanday shubha yo‘q”. YXHT Oliy komissari O‘zbekistondagi islohotlar haqida
Shavkat Mirziyoyev YXHTning Milliy ozchiliklar masalalari bo‘yicha Oliy komissari Qayrat Abdurahmonov bilan Markaziy Osiyo ta’lim dasturi doirasidagi loyihalarni muhokama qildi. “Mamlakat rahbariyati tomonidan belgilangan barcha rejalar amalga oshishiga menda hech qanday shubha yo‘q”, — dedi YXHT vakili.
Abituriyentlar chet tilidan 56 ta soxta sertifikatni topshirgani aniqlandi
Davlat test markazi OTMlarga kirish uchun onlayn topshirilgan arizalar orasida chet tilidan 56 ta soxta sertifikat mavjudligini aniqladi. Tegishli hujjatlar huquqni muhofaza qilish organlariga yuborildi. 28,1 mingta sertifikat esa tasdiqlandi, yana 955 tasi talabga javob bermasligi ma’lum bo‘ldi.
Xodimlarni xizmat safarlariga yuborishning yangi tartibi belgilandi
Hukumat qarori bilan xizmat safari uchun transport, mehmonxona va boshqa xarajatlarining cheklangan miqdori belgilandi. Qolaversa, ayrim toifadagi ishchilardan tashqari boshqa xodimlar 30 kundan ortiq safarda bo‘lishi taqiqlanmoqda. Xarajatlarni onlayn yuritish uchun maxsus dastur va mobil ilova ishlab chiqiladi.
Toshkentda o‘quvchi maktab devori bosib qolishi oqibatida vafot etdi
Toshkent shahar Olmazor tumanidagi 234-sonli maktabda o‘quvchini devor bosib qolgani, maktab ma’muriyati esa o‘quvchining o‘limini yashirishga uringani aytilmoqda. Holat yuzasidan jinoyat ishi qo‘zg‘atildi, hozirda qo‘shimcha tergov harakatlari olib borilmoqda.
Mustaqillik bayrami arafasida o‘zbekistonliklar ketma-ket 4 kun dam oladi
O‘zbekistonliklar mustaqillikning 31 yilligini nishonlash arafasida ish haftasidan qat’iy nazar ketma-ket 4 kun — 1 sentabrdan 4 sentabrga qadar dam olishi kutilmoqda.
Shaxmat olimpiadasi: O‘zbekiston Slovakiyani mag‘lub etdi
Shaxmat olimpiadasining 5-turida O‘zbekiston erkaklar jamoasi Slovakiyani 4:0 hisobida mag‘lub etib, turnir jadvalida 3-o‘ringa ko‘tarilib oldi. Nodirbek Abdusattorov besh uchrashuvda beshta g‘alaba bilan musobaqaning eng samarali o‘yinchilaridan biri bo‘lib turibdi. Ayollar jamoasi Vetnamga imkoniyatni boy berdi.
Prezident Turkiya va Ozarbayjon TIV rahbarlarini qabul qildi
Prezident Shavkat Mirziyoyev Turkiya tashqi ishlar vaziri Mavlut Chavushog‘li hamda Ozarbayjon tashqi ishlar vaziri Jeyhun Bayramovni qabul qildi. Muzokaralarda uch tomonlama sheriklik, qolaversa, kuzda Samarqandda o‘tkaziladigan Turkiy davlatlar tashkiloti sammiti yuzasidan fikr almashildi.
Avtomobil bozori yarim yilda 2 barobardan ko‘proqqa o‘sdi
O‘zbekistonda avtomobil bozori yilning birinchi yarmida ikki baravardan ziyod oshdi. O‘sishning asosiy qismi eski avtomobillar savdosi bo‘yicha 308 ming bitim tuzilgan ikkilamchi bozorga to‘g‘ri keldi. Xorijiy avtomobillar savdosi 50 foizga oshdi.
Prokuratura maktab formasini sotib olish shartligi to‘g‘risidagi xabarni o‘rganmoqda
Ijtimoiy tarmoqlarda Toshkentdagi maktablardan birida prokuratura maktab formasini majburiy sotib olish uchun tilxat yozdirib olayotgani haqida xabar tarqaldi. Poytaxt prokuraturasi ushbu ma’lumotni tekshirmoqda.
O‘qituvchilar ta’til vaqtida ajriq chopishga jalb qilindi. Maktab direktori jarimaga tortildi
Namangan viloyati To‘raqo‘rg‘on tumanida ta’til vaqtida o‘qituvchilar va boshqa xodimlarni ishdan bo‘shatish tahdidi bilan maktab hududini begona o‘tlardan tozalashga majburlagan direktor 15 mln so‘m jarimaga tortildi.
«Yangi O‘zbekistonda el aziz, inson aziz»
O‘zbekiston mustaqilligining 31 yilligiga bag‘ishlangan «tashkiliy-amaliy, ma’naviy-ma’rifiy tadbirlar hamda targ‘ibot-tashviqot ishlari» shu shior ostida o‘tkaziladi. Tadbirlar dasturi prezident tomonidan tasdiqlandi.
Innovatsiyalar vazirligi ikki marta prezident kitobi uchun mobil ilova yaratishni moliyalashtirishni rad etdi
Deputat Akmal Saidov taklifi bilan prezidentning «Yangi O‘zbekiston strategiyasi» kitobi uchun mobil ilova yaratishga 2,6 mlrd so‘m so‘raldi. Biroq loyiha Innovatsiyalar vazirligi hay’atida ko‘plab savollar tug‘dirdi va ikki marta moliyalashtirish rad etilib, g‘oya qayta ko‘rib chiqish uchun qaytarildi.
Xitoy — Qirg‘iziston — O‘zbekiston temir yo‘li qurilishi bo‘yicha hujjat sentabr oyida imzolanadi
Sentabrda Samarqandda o‘tkaziladigan SHHT sammitida Xitoy — Qirg‘iziston — O‘zbekiston temir yo‘li qurilishi bo‘yicha uch tomonlama hujjat imzolanishi kutilmoqda. Hozir tomonlar loyihaning texnik-iqtisodiy asoslarini ishlab chiqish ustida faol ishlamoqda, — dedi O‘zbekiston TIV rahbari v. b. Vladimir Norov.
OTMlarga kirish test sinovlari 8 avgustdan boshlanishi rejalashtirilmoqda
DTM abituriyentlar uchun imtihonni 8 avgustdan boshlash taklifi loyihasi tegishli tashkilotga kiritilganini ma’lum qildi. Imtihonlar 10−13 kungacha davom etishi mumkin. Bu yil eng ko‘p abituriyent O‘zMU, Namangan, Urganch davlat universitetlari, Jizzax va Toshkentdagi pedagogika o‘quv yurtlarida o‘qish niyatida.
Qashqadaryoda veloyo‘lak va piyodalar yo‘lakchasi qurish uchun ajratilgan 1,1 mlrd so‘m talon-toroj qilindi
Muborak tumanida korxona rahbari va boshqalar tomonidan piyodalar va velosiped yo‘laklari qurish uchun ajratilgan 1,1 mlrd so‘m pul mablag‘lari talon-toroj qilingani aytilmoqda.
AQSh Afg‘onistonda «Al-Qoida» yetakchisining yo‘q qilinganini e’lon qildi
AQSh prezidenti Jo Bayden «Al-Qoida» yetakchisi Ayman az-Zavohiriy Afg‘oniston poytaxti Kobulda o‘tkazilgan aksilterror operatsiyasi chog‘ida o‘ldirilganini ma’lum qildi. Shu bilan birga, uning oila a’zolari jabrlanmagan, tinch aholi orasida qurbonlar yo‘q.
Qo‘shimcha imkoniyatlardan foydalanish uchun saytda ro‘yxatdan o‘ting