Siyosat
«Biz hech qachon o‘tgan davrdagi ishlarni yomonlamaganmiz» — Shavkat Mirziyoyev Islom Karimovni yodga oldi
Shavkat Mirziyoyev O‘zbekistonning birinchi prezidenti Islom Karimov amalga oshirgan ulkan ishlarni qayd etdi. «Biz hech qachon o‘tgan davrdagi ishlarni yomonlamaganmiz, kelgusida ham bunday qilmaymiz», — deya ta’kidladi u.
TIV O‘zbekiston afg‘on qochqinlari uchun o‘z chegaralarini ochishini rad etdi
O‘zbekiston TIV Afg‘onistondagi toliblar rejimidan qochayotgan odamlar uchun o‘z chegaralarini ochishga tayyor ekanligi haqidagi xabarlarni rad etdi. Vazirlik ma’lumotlariga ko‘ra, hozirda o‘zbek-afg‘on chegarasi to‘liq yopilgan va «Termiz» chegara postini ochish hozircha rejalashtirilayotgani yo‘q.
«Texnik xatolik». Mahalla telekanali — Islom Karimovning xiralashtirilgan surati haqida
Birinchi prezident Islom Karimovning xiralashtirilgan surati Mahalla telekanalida efirga uzatilayotgan serialda namoyish etildi. Kanal rahbariyati videomontaj vaqtida portretga xira tortilganini «texnik xatolik» deb atadi.
O‘zbekiston va Germaniya Afg‘onistondan evakuatsiya qilish yo‘llarini muhokama qilmoqda
O‘zbekiston va Germaniya tashqi ishlar vazirlari «Afg‘oniston hamda favqulodda holatda xalqaro hamkorlik masalalari» ni muhokama qilishdi. Xususan, Germaniya fuqarolari va afg‘on xodimlarini havo va quruqlik orqali evakuatsiya qilish tafsilotlari kelishilmoqda.
Hokim o‘rinbosarlari faoliyati KPI asosida baholanadi
Prezident qarori bilan hokimlar o‘rinbosarlari faoliyatini baholash tizimi joriy etilmoqda. Ular faoliyati «qoniqarsiz», «qoniqarli», «yaxshi» va «a’lo» deb baholanadi. Ular hududning ijtimoiy-iqtisodiy ko‘rsatkichlari uchun shaxsiy javobgar etib belgilandi.
Senatorlar 8 ta qonunni ma’qulladi
18 yalpi majlisda senatorlar jami 8 ta qonunni, shu jumladan, sug‘urta faoliyati, qishloq xo‘jaligi kooperativi, soliq kodeksiga o‘zgartish va qo‘shimchalar kiritish, davlat xavfsizlik xizmati organlari xodimlari kunini belgilash, harbiy xizmat, Sudyalar oliy kengashi to‘g‘risidagi qonunga o‘zgartish kiritish haqidagi hujjatlar ma’qulladi.
O‘zbekiston Kobuldagi teraktni qoraladi
O‘zbekiston ko‘plab insonlarning hayotiga zomin bo‘lgan Afg‘oniston poytaxtidagi teraktni qoralaydi, deyiladi TIV bayonotida. Kobul aeroportida sodir bo‘lgan portlashlar oqibatida halok bo‘lganlar soni 170 nafarga yetdi.
Prezident 215 nafar mahkumni afv etdi
Shavkat Mirziyoyev mustaqillik arafasida 215 nafar mahkumni afv etish to‘g‘risidagi farmonni imzoladi. Ular orasida 69 nafar xorij fuqarosi, shuningdek, 15 nafar taqiqlangan tashkilotlar faoliyatida ishtirok etgan shaxslar bor.
«Biz kelajak uchun javobgarmiz» — Ekopartiya nomzodi Narzulla Oblomurodov saylovoldi dasturini e’lon qildi
Ekopartiya Narzulla Oblomurodovni prezidentlik saylovlari uchun nomzod sifatida tasdiqladi. Oblomurodovning «Biz kelajak uchun javobgarmiz» shiori ostidagi saylovoldi dasturidan yashil iqtisodiyotni rivojlantirish, chiqindilarni resursga aylantirish, aholini ichimlik suvi bilan ta’minlash, Orol mintaqasida vaziyatni yaxshilash, sud organlariga ishonchni oshirish, sog‘liqni saqlash hamda O‘zbekiston atrofida xavfsizlik mintaqasini yaratish yo‘nalishlari o‘rin olgan. Partiyaning to‘liq dasturi.
O‘zbekiston tomonga birorta o‘q otilmasligi uchun har qanday muloqotga tayyorman — Shavkat Mirziyoyev
Prezident Shavkat Mirziyoyev O‘zbekiston toliblar bilan ikki yil oldin muloqotni yo‘lga qo‘yganini ma’lum qildi. «Dohadagi rahbari Mulla Abdul G‘ani Barodar O‘zbekiston tomoniga birorta o‘q otilmasligi bo‘yicha va’da bergan. Va’dasiga vafodor bo‘lib turgani uchun ham ular bilan muloqot qilishimiz tabiiy», — dedi u. «O‘zbekistonning tinchligiga ta’sir ko‘rsatadigan omil bo‘lsa, kim bo‘lishidan qat’i nazar gaplashaman», — deya ta’kiladi davlat rahbari.
Karmanada quvvati 100 MVt bo‘lgan quyosh fotoelektr stansiyasi ishga tushirilmoqda
Navoiy viloyati Karmana tumanida quvvati 100 megaVatt bo‘lgan zamonaviy quyosh fotoelektr stansiyasi ishga tushirilmoqda. Bu yerda yiliga 252 million kiloVatt-soat elektr energiyasi ishlab chiqariladi. Buning hisobidan 80 million kub metr tabiiy gaz tejalib, atmosferaga 160 ming tonna bug‘lanuvchi gazlar chiqishining oldi olinadi.
Shavkat Mirziyoyev Navoiyga yo‘l oldi
Prezident Shavkat Mirziyoyev Navoiy viloyatiga jo‘nab ketdi. Davlat rahbari u yerda quyosh fotoelektr stansiyasi va kimyo sanoati korxonalarining ishga tushirish tadbirlarida ishtirok etib, aholi bilan muloqot qiladi.
O‘zbekiston orqali o‘tayotgan Afg‘oniston qochqinlari orasida terrorchilar borligi haqidagi xabarlarga izoh berildi
Senat yalpi majlisida O‘zbekiston orqali Yevropa va boshqa davlatlarga o‘tib ketayotgan Afg‘oniston qochqinlari orasida terrorchilar borligi haqidagi xabarlarga TIV rahbarining birinchi o‘rinbosari munosabat bildirildi. «O‘zbekiston hududidan tranzit orqali o‘tib ketayotgan shaxslarning oldindan ro‘yxati bo‘ladi, ular tegishli filtrdan o‘tkaziladi. Bizning tegishli vakolatli organlarimiz tomonidan mamlakatimiz hududida qandaydir terrorchilar kirib kelishiga yo‘l qo‘yilmaydi», — dedi Farhod Arziyev.
Afg‘onistonda qiyin ahvolga tushgan O‘zbekiston fuqarolari mavjud emas — TIV
Tashqi ishlar vazirining birinchi o‘rinbosari Farhod Arziyev Senatning navbatdagi yalpi majlisida Afg‘onistonda qiyin ahvolga yoki murakkab vaziyatga tushib qolgan O‘zbekiston fuqarolari mavjud emasligini ma’lum qildi.
«Afg‘onistonda barcha siyosiy kuchlarning manfaatini e’tiborga oladigan koalitsion hukumat shakllanishi tarafdorimiz» — TIV
Senatning yalpi majlisida Tashqi ishlar vazirining birinchi o‘rinbosari Farhod Arziyev Afg‘oniston borasida O‘zbekistonning pozitsiyasini ma’lum qildi. «Eng avvalo biz Afg‘onistonda barcha siyosiy kuchlarni manfaatini e’tiborga oladigan, ularning o‘zaro tinchlik muzokaralari natijasida erishiladigan koalitsion hukumat shakllanishi tarafdorimiz», — dedi u.
Hokimlar, vazirlar va ularning o‘rinbosarlari — 500 dan ziyod kishi mukofotlandi
Prezident farmoni bilan 30 dan ziyod hokim, qator davlat organlari rahbarlari va ularning o‘rinbosarlari mukofotlandi. Ular orasida Toshkent shahri va poytaxtning bir nechta tumanlari, Jizzax viloyati va Jizzax shahri, Xorazm viloyati va uning tumanlari hokimlari hamda boshqalar bor.
25 avgust kuni O‘zbekistonda sodir bo‘lgan eng muhim xabarlar dayjesti
Yangi qabul qilingan qonun va qarorlar, Shavkat Mirziyoyev O‘zbekistondagi yangi elchilaridan ishonch yorliqlarini qabul qilishi, reabilitatsiya qilinmay qolib ketgan qatag‘on qurbonlari oqlanishi — “Gazeta.uz"ning 25 avgustdagi eng muhim xabarlari dayjestida.
Polsha prezidenti fuqarolarni O‘zbekiston orqali evakuatsiya qilishdagi ko‘mak uchun minnatdorchilik bildirdi
Polsha prezidenti Anjey Duda telefon orqali muloqotda fuqarolarni O‘zbekiston hududi orqali evakatsiya qilishdagi ko‘mak uchun prezident Shavkat Mirziyoyevga minnatdorchilik bildirdi.
O‘zbekiston prezidenti Pokiston tashqi ishlar vazirini qabul qildi
O‘zbekiston prezidenti Shavkat Mirziyoyev Pokiston tashqi ishlar vaziri Mahmud Qurayshiyni qabul qildi. Uchrashuvda Afg‘onistondagi vaziyat rivojiga alohida e’tibor qaratildi.
115 nafar qatag‘on qurbonlari nomlari oqlandi — Oliy sud
6 ta jinoyat ishi bo‘yicha reabilitatsiya qilinmay qolib ketgan 115 nafar qatag‘on qurbonlari oqlandi.
Qo‘shimcha imkoniyatlardan foydalanish uchun saytda ro‘yxatdan o‘ting