Siyosat
18−19-may kunlari Sian shahrida “Xitoy-Markaziy Osiyo” sammiti bo‘lib o‘tadi
18−19-may kunlari Sian shahrida “Xitoy-Markaziy Osiyo” birinchi sammiti bo‘lib o‘tadi. Unda O‘zbekiston, Qozog‘iston, Qirg‘iziston, Tojikiston va Turkmaniston rahbarlari ishtirok etadi.
MSK barcha beshta partiyaning prezident saylovida qatnashishiga ruxsat berdi
Dushanba kuni Markaziy saylov komissiyasi 5 ta siyosiy partiya — XDP, O‘zLiDeP, “Adolat”, Ekologik partiya va “Milliy tiklanish” partiyalariga 9-iyuldagi muddatidan avvalgi prezident saylovida qatnashishga ijozat berdi. Ular 1-iyungacha o‘z nomzodini ro‘yxatdan o‘tkazishi mumkin.
Mirziyoyev Erdog‘anni saylov “muvaffaqiyatli o‘tgani” bilan tabrikladi
Shavkat Mirziyoyev Turkiya rahbari Rejep Tayyip Erdog‘anni prezidentlik va parlament saylovlari muvaffaqiyatli o‘tgani bilan telefon orqali tabrikladi. 99,31 foiz ovozni sanab chiqish yakuniga ko‘ra, nomzodlarning hech biri kerakli 50 foizni to‘play olmadi, ovoz berishning ikkinchi turi o‘tkazilishi kutilmoqda.
O‘zbekiston BMT Inson huquqlari bo‘yicha Oliy komissari boshqarmasiga 100 ming dollar o‘tkazadi
Inson huquqlari umumjahon deklaratsiyasi qabul qilinganining 75 yilligi munosabati bilan O‘zbekiston BMT Inson huquqlari bo‘yicha Oliy komissari boshqarmasi fondiga ixtiyoriy badal sifatida 100 ming dollar o‘tkazadi.
Toshkentda transafg‘on temir yo‘li loyihasini muvofiqlashtirish ofisi ochildi
Toshkentda O‘zbekiston-Afg‘oniston-Pokiston temir yo‘l liniyasini qurish loyihasini muvofiqlashtirish ofisi ochildi. 20 mln tonnagacha yuk tashish imkonini beruvchi yo‘l Yevropa Ittifoqi, Rossiya, O‘zbekiston, Afg‘oniston, Pokiston, Hindiston va undan keyingi Janubi-Sharqiy Osiyo davlatlarini bog‘lashi kerak.
Sudya, pedagog, agronom va amaldagi prezident — kelgusi 7 yillikdagi O‘zbekiston rahbarligi uchun kimlar kurashadi?
9-iyulda o‘tkaziladigan muddatidan avvalgi prezidentlik saylovi uchun siyosiy partiyalar o‘z nomzodlarini ilgari surdi. “Milliy tiklanish” O‘zLiDeP izidan borib, amaldagi davlat rahbari nomzodini qo‘llab-quvvatladi. “Gazeta.uz” ularning hayoti va faoliyatiga oid ma’lumotlarni bir materialga jamladi.
“Milliy tiklanish” partiyasi Shavkat Mirziyoyev nomzodini qo‘llab-quvvatlaydi
2021-yilgi prezident saylovida nomzod bo‘lgan Alisher Qodirov muddatidan oldingi saylovda “Milliy tiklanish” partiyasi O‘zLiDePdan ko‘rsatilgan Shavkat Mirziyoyev nomzodini qo‘llab-quvvatlashini ma’lum qildi.
O‘zLiDeP Shavkat Mirziyoyevni prezidentlikka nomzod sifatida ko‘rsatadi
O‘zbekiston Liberal-demokratik partiyasi (O‘zLiDeP) amaldagi davlat rahbari Shavkat Mirziyoyevni O‘zbekiston prezidentligiga nomzod sifatida ko‘rsatadi.
Robaxon Mahmudovaning sudyalik vakolatlari to‘xtatib turiladi — Oliy sud
Sudyalar oliy malaka hay’ati “Adolat” partiyasidan prezidentlikka nomzod bo‘ladigan O‘zbekiston Oliy sudi raisining birinchi o‘rinbosari Robaxon Mahmudovaning sudyalik vakolatlarini to‘xtatib turish to‘g‘risida qaror qabul qildi.
“Adolat” partiyasi Robaxon Mahmudovani prezidentlikka nomzod sifatida ko‘rsatadi
“Adolat” sotsial-demokratik partiyasi Oliy sud raisining birinchi o‘rinbosari Robaxon Mahmudovani O‘zbekiston prezidentligiga nomzod sifatida ko‘rsatmoqda.
XDP Ulug‘bek Inoyatovni prezidentlikka nomzod sifatida ma’qulladi
Xalq demokratik partiyasidan partiya raisi Ulug‘bek Inoyatov prezidentlikka nomzod sifatida Qurultoyda ko‘rib chiqish uchun ma’qullandi.
Ekopartiya O‘zbekiston prezidentligiga nomzodini e’lon qildi
O‘zbekiston Ekologik partiyasi o‘z rahbari Abdushukur Xamzayevni prezidentlikka nomzod sifatida ko‘rsatishni rejalashtirmoqda. U bu lavozimda dekabr oyidan buyon faoliyat yuritadi.
Xitoy tajribasi asosida har bir viloyatda bittadan tumanda kambag‘allikdan chiqarish dasturi amalga oshiriladi
Xitoy tajribasi asosida har bir viloyatda bittadan tumanni kambag‘allikdan chiqarish bo‘yicha alohida dastur amalga oshiriladi. Korxonalar bilan malakali ishchilar tayyorlash bo‘yicha shartnomalar tuziladi. Prezident kredit va subsidiyalar ajratish tartibini o‘zgartirish bo‘yicha topshiriq berdi.
O‘zbekistonda deputatlarni saylashning aralash tizimiga o‘tiladi
O‘zbekistonda Qonunchilik palatasi va mahalliy kengashlar deputatlari korpusini shakllantirish uchun majoritar-proporsional (aralash) saylov tizimini joriy etish rejalashtirilmoqda.
O‘zbekiston prezidentligi uchun saylov kampaniyasiga start berildi
O‘zbekistonda bo‘lib o‘tadigan prezident saylovi kampaniyasi 10-maydan boshlandi. MSK saylovga tayyorgarlik ko‘rish va uni o‘tkazish bo‘yicha Kalendar rejani tasdiqladi. Unga ko‘ra prezidentlikka nomzodlarni ro‘yxatga olish 6-iyungacha amalga oshiriladi.
Foto: Shavkat Mirziyoyev Moskvadagi G‘alaba paradida ishtirok etdi
O‘zbekiston prezidenti Shavkat Mirziyoyev Rossiya, Belarus, Qozog‘iston, Qirg‘iziston, Tojikiston va Turkmaniston prezidentlari, shuningdek, Armaniston bosh vaziri bilan birgalikda Moskvadagi G‘alaba paradida ishtirok etdi. Noma’lum askar qabriga gulchambar ham qo‘ydi.
Shavkat Mirziyoyev Moskvada Vladimir Putin bilan uchrashdi
Moskvaga amaliy tashrif bilan borgan O‘zbekiston prezidenti Kremlda Rossiya prezidenti bilan uchrashdi. Ikki davlat o‘rtasidagi munosabatlarni mustahkamlash masalalari muhokama qilindi.
P2P o‘tkazmalari ustidan soliq nazoratini o‘rnatish bo‘yicha yangi qoida bekor qilinadi
Shavkat Mirziyoyev 1-iyundan jismoniy shaxslar o‘rtasidagi pul o‘tkazmalari ustidan soliq nazorati o‘rnatilishini bekor qilishni nazarda tutuvchi yangi Konstitutsiyani amalga oshirish bo‘yicha birinchi navbatdagi chora-tadbirlar to‘g‘risidagi farmonni imzoladi.
O‘zbekiston prezidenti Moskvada G‘alabaning 78 yilligiga bag‘ishlangan tadbirlarda ishtirok etadi
O‘zbekiston prezidenti Shavkat Mirziyoyev Rossiya prezidenti Vladimir Putinning taklifiga binoan amaliy tashrif bilan Moskvaga jo‘nab ketdi. Davlat rahbari Ikkinchi jahon urushidagi g‘alabaning 78 yilligiga bag‘ishlangan tantanali tadbirlarda ishtirok etadi.
MSK muddatidan avvalgi prezident sayloviga tayyorgarlik ko‘rishni boshladi
Markaziy saylov komissiyasi 9-iyulda bo‘lib o‘tadigan muddatidan avvalgi O‘zbekiston prezidenti saylovini o‘tkazishga tayyorgarlik ishlarini boshladi. Komissiya 10-may kuni saylov kampaniyasi boshlanishini e’lon qilmoqchi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting