Siyosat
Ozodbek Nazarbekovga birinchi o‘rinbosar tayinlandi
Prezident qarori bilan Jamol Nosirov madaniyat vazirining birinchi o‘rinbosari etib tayinlandi.
Shavkat Mirziyoyev Rejep Tayyip Erdog‘an bilan telefon orqali muloqot qildi
O‘zbekiston prezidenti Shavkat Mirziyoyev telefon orqali muloqotda Turkiya prezidenti Rejep Tayyip Erdog‘anni Ramazon boshlanishi, shuningdek, davlat bayrami — Milliy suverenitet va bolalar kuni bilan tabrikladi.
Prezident propiska tizimini isloh qilish haqidagi farmonni imzoladi
Prezident farmoni bilan propiska tizimi tubdan isloh qilinadi. Xususan, 1 apreldan Toshkent shahri va viloyatida ko‘chmas mulkka ega bo‘lishda fuqarodan doimiy yashash joyi bo‘yicha ro‘yxatga olish talab etilmaydi, poytaxtda ro‘yxatdan o‘tmasdan yashash muddati 15 kunga uzaytiriladi. Shuningdek, yagona «Manzil» avtomatlashtirilgan axborot tizimi yo‘lga qo‘yiladi.
Tuproqqal’a tumaniga hokim va boshqa rahbarlar tasdiqlandi
Xorazm viloyatida yangi tashkil etilgan Tuproqqal’a tumaniga hokim, prokuror, IIB, DSI boshliqlari tayinlandi.
Ekologiya qo‘mitasi raisiga o‘rinbosarlar tayinlandi
Narzullo Oblomurodov Ekologiya va atrof muhitni muhofaza qilish davlat qo‘mitasi raisining birinchi o‘rinbosari, Islombek Boqijonov esa rais o‘rinbosari etib tayinlandi.
Qonun va hujjatlar loyihasi o‘zbek tilida bo‘lishi shart — Adliya vazirligi
Regulation.gov.uz portaliga davlat tilida matni bo‘lmagan loyihalar portal ma’muriyati tomonidan avtomatik ravishda o‘chiriladi. Bu haqda ogohlantirish 20 apreldan joylashtirilgan.
JB vitse-prezidenti «Do‘stlik» ordeni bilan mukofotlandi
Shavkat Mirziyoyev Jahon bankining Yevropa va Markaziy Osiyo mintaqalari bo‘yicha vitse-prezidenti Siril Myullerni «Do‘stlik» ordeni bilan mukofotladi.
YeI koronavirusga qarshi kurashda O‘zbekistonga moliyaviy-texnik ko‘mak ajratadi
Yevropa kengashi prezidenti Sharl Mishel koronavirusga qarshi kurashishda O‘zbekistonga moliyaviy-texnik ko‘mak ajratish to‘g‘risida qaror qabul qilingani to‘g‘risida xabar berdi.
Bir qator hujjatlarning amal qilish muddati uzaytirildi
O‘zbekistonda bir qator hujjatlarning amal qilish muddati avtomat ravishda 1 iyungacha uzaytirildi. Muddati o‘tib ketgani uchun hujjat egalariga nisbatan javobgarlik choralari qo‘llanilmaydi.
Oqdaryo va Jomboy tumanlariga yangi hokim tayinlandi
Samarqand viloyatining Oqdaryo va Jomboy tumanlarida yangi hokimlar tayinlandi.
«Obod va xavfsiz mahalla» jamg‘armasi tashkil etildi
Mahalla va oilani qo‘llab-quvvatlash vazirligi huzurida byudjetdan tashqari «Obod va xavfsiz mahalla» jamg‘armasi tashkil etildi. Jamg‘arma mablag‘lari «xavfsiz mahalla» tamoyilini joriy etish, ehtiyojmandlarni moddiy qo‘llab-quvvatlash va fuqarolar yig‘inlarini moddiy-texnik jihozlash kabi maqsadlarda sarflanadi.
Cotton Campaign O‘zbekiston paxtasiga boykot hozircha bekor qilinmasligini bildirdi
Cotton Campaign O‘zbekiston paxtasiga boykot hozircha bekor qilinmasligini bildirdi. Koalitsiya mamlakatda hali majburiy mehnatga barham berilmagani hamda ishchilarni himoya qilishda qo‘shimcha kafolatlarga ehtiyoj sezilayotganini qayd etib o‘tdi.
O‘zbekistonda Jamoatchilik palatasi tashkil etiladi
Prezident farmoni bilan, Jamoatchilik palatasi tashkil etiladi. 50 nafar a’zodan iborat Jamoatchilik palatasining raisi maqomiga ko‘ra vazirga tenglashtiriladi.
Mehnat vaziri Cotton Campaign rahbarlariga murojaat qildi
Bandlik va mehnat munosabatlari vaziri Nozim Husanov Cotton Campaign koalitsiyasini o‘zbek paxtasidan boykotni olib tashlashga chaqirdi. Vazir o‘z murojaatida o‘zbek matolaridan tayyorlangan niqoblar, jarrohlik xalatlar va boshqa turdagi shaxsiy himoya vositalari global tanqislikni hal qilishda yordam berishini ta’kidlab o‘tdi.
Ukrainaning O‘zbekistondagi elchisi tayinlandi
Nikolay Doroshenko Ukrainaning O‘zbekistondagi elchisi etib tayinlandi. U oldin Qirg‘izistonda elchi bo‘lib ishlagan.
Baxrom Ashrafxanov O‘zbekistonning Ozarbayjondagi elchisi etib tayinlandi
Pensiya jamg‘armasiga rahbarlik qilgan Baxrom Ashrafxanov O‘zbekistonning Ozarbayjondagi elchisi etib tayinlandi.
Transport vaziriga yangi o‘rinbosar tayinlandi
Choriyev Jasurbek Ergashevich O‘zbekiston Respublikasi transport vazirining o‘rinbosari lavozimiga tayinlandi.
O‘zbekiston Vengriyaga 500 mingta tibbiy niqob jo‘natdi
O‘zbekiston Vengriyaga koronavirus bilan kurashish uchun 500 mingta tibbiy niqob jo‘natdi.
Milliy gvardiya qo‘mondonining o‘rinbosarlari tayinlandi
Milliy gvardiya qo‘mondoniga o‘rinbosarlar tayinlandi. IIV Patrul-post xizmati va jamoat tartibini saqlash bosh boshqarmasi boshlig‘i polkovnik Bekmurod Abdullayev Milliy gvardiya qo‘mondonining jamoat xavfsizligini ta’minlash bo‘yicha birinchi o‘rinbosari bo‘ldi.
Tojikistondagi O‘zbekiston fuqarolarining vizalari uzaytiriladi
Tojikistonda vaqtincha bo‘lib turgan xorijiy mamlakatlar fuqarolari va fuqaroligi bo‘lmagan shaxslarning viza hamda ro‘yxatda turish muddatlari epidemiologik vaziyat barqarorlashgunicha uzaytiriladi.
Qo‘shimcha imkoniyatlardan foydalanish uchun saytda ro‘yxatdan o‘ting