Jamiyat
Britaniyaning Morris Garages avtomobil brendi O‘zbekiston bozoriga kirishini e’lon qildi
MG avtomobil markasi O‘zbekiston bozoriga kirishini e’lon qildi. Savdolarning boshlanishi kuzga rejalashtirilgan va to‘rtta model taqdim etiladi: MG ZS va MG HS krossoverlari, MG 7 liftbeki, shuningdek, Cyberster elektrik rodsteri.
Toshkentdagi Sodiq Azimov ko‘chasining bir qismini gastronomik qilish rejalashtirilmoqda
Toshkent shahridagi Sodiq Azimov ko‘chasining bir qismini ham 24 soatlik gastronomik ko‘chaga aylantirish reja qilinmoqda. Avvalroq Taras Shevchenko ko‘chasini gastronomik ko‘chaga aylantirish rejalashtirilgandi.
Elektrosamokatlar trotuarlarda 10 km/soatdan yuqori tezlikda harakatlanishi taqiqlandi
O‘zbekistonda Yo‘l harakati qoidalariga individual harakatlanish vositalari (IHV), jumladan, elektrosamokatlar harakatini tartibga soluvchi o‘zgartirishlar kiritildi. IHV trotuarlarda 10 km/soatgacha (6 km/soatgacha bo‘lishi taklif qilingan edi), avtomobil yo‘lida 20 km/soat tezlikda yurishiga ruxsat berildi.
Moskvadan Samarqandga uchgan samolyotda portlovchi modda borligini aytgan mast yo‘lovchiga ish ochildi
Moskva shahridan Samarqandga uchgan mast holdagi yo‘lovchi yolg‘ondan samolyotda portlovchi modda borligini aytgani ma’lum bo‘ldi. Unga nisbatan ish ochildi.
2024-yilning ilk 6 oyida javobgarlikka tortilgan mansabdorlar soni 34 foizga oshdi
2024-yilning birinchi yarmida 2389 nafar mansabdor jinoiy javobgarlikka tortildi (+34,4%). Ular, asosan, o‘zlashtirish, talon-toroj qilish, firibgarlik va pora oldi-berdisi bilan bog‘liq jinoyatlarga qo‘l urgan.
Samarqandda Isuzu avtobusi urib yuborgan piyoda vafot etdi
Kattaqo‘rg‘on tumanida Isuzu yo‘lning belgilanmagan qismidan o‘tayotgan piyodani urib yubordi. Jabrlanuvchi ko‘rsatilgan tibbiy muolajalarga qaramasdan shifoxonada vafot etdi.
Toshkentdagi Amerika texnologiya universiteti 2024/2025 o‘quv yilidan ish boshlaydi
Shu yildan Arizona davlat universiteti bilan hamkorlikda tashkil etilgan Toshkentdagi Amerika texnologiya universiteti talabalarni qabul qila boshlaydi. Unga to‘liq akademik mustaqillik beriladi. Oliygoh nafaqat ushbu universitetning, balki AQShda tan olingan boshqa xorijiy OTMlarning ham diplomini beradi.
Endi Toshkent-Andijon poyezdi Quvada ham to‘xtab o‘tadi
18-iyuldan boshlab Toshkent-Andijon-Toshkent yo‘nalishida harakatlanuvchi poyezd “Quva” bekatida ham 2 daqiqa to‘xtab o‘tadi. Transport vazirligi reyslar jadvalini e’lon qildi.
17-iyul kuni e’lon qilingan eng muhim yangiliklar dayjesti
Ishdan olingan 10 nafar hokim, O‘zbekistonga keladigan Sadir Japarov, olti oyda 6 foizdan ko‘pga o‘sgan YIM, Raqobat qo‘mitasi va Korzinka mojarosi va boshqalar — “Gazeta.uz"ning kunlik dayjestida.
Toshkentda Lada Largus yonib ketdi
Yunusobod tumanida qisqa tutashuv sabab Lada Largus mashinasi yonib ketdi. Yong‘inda hech kim jarohatlanmadi. Hozirda holat sabablari o‘rganilmoqda.
O‘zbekistonlik tadbirkor “Ozodlik” radiosi va uning jurnalistini sudga berdi
O‘zbekistonda gaz resurslari savdosi bilan shug‘ullanuvchi Ultimo Group Limited direktori Tuhfatxo‘ja Anvarxo‘jayev uning kompaniyasi haqida surishtiruv e’lon qilgan “Ozodlik” va mazkur OAV jurnalistini sudga berdi. Tadbirkor raddiya e’lon qilish va 100 mln so‘m tovon puli to‘lashni talab qilmoqda.
“Baxti Tashkentskiy”: “Biz terrorist va korrupsioner bo‘lmaganmiz”
“Baxti Tashkentskiy” va jami 37 kishiga nisbatan ochiq sud ishi davom etmoqda. 15-iyul kungi tomonlar muzokarasida advokatlar va sudlanuvchilar tinglandi. “Biz terrorist, korrupsioner bo‘lmaganmiz, odamxo‘r emasmiz. Iloji bo‘lsa, shu yerda o‘tirgan bolalarga yengillik bersangiz”, — dedi Baxtiyor Qudratullayev.
Raqobat qo‘mitasi Korzinka tarmog‘idan jarima undirmoqchi
Raqobatni rivojlantirish va iste’molchilar huquqlarini himoya qilish qo‘mitasining maxsus komissiyasi Anglesey Food (Korzinka) tarmog‘ini reklama qonunchiligini buzganlikda aybdor deb topdi. Qo‘mita kompaniyadan jarima undirmoqchi. Korzinka komissiya qarorini olmaganini aytib, bayonotni asossiz deya atadi.
Samarqandda 7 tup daraxtni kesib tashlagan shaxs 11,7 mln so‘m jarimaga tortildi
Narpay tumanida 7 tup har xil turdagi mevali daraxtlarni noqonuniy tarzda kesib tashlagan fuqaro 11 mln 730 ming so‘m miqdorida jarimaga tortildi.
Yil yakunigacha suv ta’minoti, yo‘l va ko‘p qavatli uy-joy qurilishi bo‘yicha 2 trln so‘mlik ishlar bajariladi
Prezident 2024-yil oxirigacha 2 trln so‘mlik ishlarni bajarish, jumladan, 570 ming gektarda suv ta’minotini yaxshilash, 13 ming kilometr yo‘l, 195 ta ko‘prikni foydalanishga topshirish zarurligini ta’kidladi. Shuningdek, 2 mingdan ortiq ko‘p qavatli uy barpo qilish rejalashtirilmoqda.
O‘zbekistonda nogironlikni belgilash tizimi takomillashtiriladi
O‘zbekistonda fuqarolarga nogironlikni belgilash bo‘yicha YAIDXP, “Inson” ijtimoiy xizmatlar markazlari yoki ijtimoiy xodimlar orqali oilaviy shifokorlarga murojaat qilish imkoniyati yaratiladi. SSVda nogironligi bo‘lgan shaxslarga tibbiy xizmatlar ko‘rsatilishi bo‘yicha vazir maslahatchisi lavozimi joriy etiladi.
OTB perinatal xizmatni yaxshilash uchun O‘zbekistonga 100 mln dollar qarz ajratadi
O‘zbekistonda onalar o‘limi kamaygan bo‘lsa-da, hamon Yevropa va Markaziy Osiyodagi o‘rtacha ko‘rsatkichdan yuqori, deyiladi Osiyo taraqqiyot banki bayonotida. Bank homiladorlar va chaqaloqlar uchun ko‘rsatiladigan perinatal xizmatni yaxshilashga yordam berish uchun 100 mln dollar imtiyozli qarz ajratishni ma’qulladi.
Andijonda alyuminiy sexi 6,8 mlrd so‘mlik gazdan noqonuniy foydalangani aniqlandi
Andijon shahridagi alyuminiyni qayta ishlash sexi tabiiy gazdan noqonuniy foydalanib, davlat manfaatlariga 6,8 mlrd so‘m zarar keltirgani ma’lum bo‘ldi. Tegishli hujjatlar huquqni muhofaza qilish organlariga yuborildi.
16-iyul kuni e’lon qilingan eng muhim yangiliklar dayjesti
OTM imtihonlaridagi huquqshunoslik fanlari savollariga e’tirozlar, Korzinka`ning Raqobat qo‘mitasiga javobi, prezident yordamida o‘qishga kirgan farg‘onalik qiz, litsenziyasi qaytarib olingan Qulay Pul va boshqalar — “Gazeta.uz"ning kunlik dayjestida.
Chirchiq daryosi o‘zanida chiqindixona tashkil qilgan erkak qariyb 4 yilga ozodlikdan mahrum etildi
Toshkent viloyatida uzoq vaqt davomida pul evaziga Chirchiq daryosi o‘zaniga chiqindi tashlab yurgan shaxs u yerda chiqindi to‘g‘oni hosil qilgani aniqlandi. U 3 yil 9 oy muddatga ozodlikdan mahrum qilinishi va 3 mlrd so‘m zararni qoplashi belgilandi.
Qo‘shimcha imkoniyatlardan foydalanish uchun saytda ro‘yxatdan o‘ting