Jamiyat
Toshkentning 4 ta tumanidagi ayrim ko‘chalar elektrdan vaqtincha uzildi
Bektemir, Chilonzor, Yakkasaroy va Sergeli tumanlarining ayrim ko‘chalarida soat 17:00 gacha elektr ta’minoti to‘xtatildi.
Navoiyda mablag‘larni talon-toroj qilgan mansabdor yangi tayinlovdan bir kun o‘tib ishdan bo‘shatildi
21-iyun kuni Navoiy shahri hokimi 2021-yilda 1 mlrd so‘mdan ortiq mablag‘ni talon-toroj qilgani uchun ishdan bo‘shatilgan Yusuf Tursunovni obodonlashtirish boshqarmasi boshlig‘i etib tayinlagandi. OAV bunga e’tibor qaratganidan so‘ng 22-iyun kuni Tursunov “o‘z xohishiga ko‘ra” ishdan bo‘shatildi.
Qibrayda mast haydovchi uch bolani urib yubordi, 14 yoshli bola vafot etdi
Toshkent viloyati Qibray tumanida mast haydovchi “VAZ-2106” avtomashinasi bilan uch nafar bolani urib yubordi. 14 yoshli bola vafot etdi.
Jurnalistika universiteti kafedrasiga Qudrat Irnazarov nomi beriladi
Marhum professor Qudrat Irnazarov ishlagan O‘zbekiston jurnalistika universitetining “Jamoatchilik bilan aloqalar” kafedrasi va auditoriyalardan biriga uning nomi beriladi, deya ma’lum qildi universitet rektori Sherzodxon Qudratxo‘ja.
Toshkent viloyatida 11 yoshli bola onasining tazyiqlari sababli Bolalar ombudsmanidan yordam so‘radi
Toshkent viloyatida 11 yoshli bola onasidan shikoyat qilib Bolalar ombudsmaniga murojaat qildi. Uning maktabga bormasligi, o‘qish-yozishni bilmasligi ma’lum bo‘ldi. Hozirda ayol alkogolizmdan davolanishga, bolalari esa ijtimoiy huquqiy yordam ko‘rsatish markaziga joylashtirilgan.
“Kaxovka GESi portlatilishi suv omborlarimizga ko‘proq e’tibor berish kerakligini ko‘rsatdi” — suv vaziri
Ukrainadagi “Kaxovka” GESi portlatilishi O‘zbekistondagi suv omborlariga ham ko‘proq e’tibor qaratish kerakligini ko‘rsatdi, dedi suv xo‘jaligi vaziri Shavkat Xamrayev. Uning so‘zlariga ko‘ra, shartli ravishda “Chorvoq” GESi portlatilgan va zudlik bilan choralar ko‘rish bo‘yicha o‘quv mashg‘uloti o‘tkazilgan. Video.
Toshkentda iyul va avgust oylarida issiq suv vaqtincha o‘chiriladi. Ro‘yxat
Toshkentdagi issiqlik markazlarida ta’mirlash ishlari amalga oshirilishi sababli ayrim tumanlarda iyul-avgust oylarida issiq suv bo‘lmaydi. Ro‘yxat.
Chinozda 11 gektar somonpoya qoldiqlarini yoqib yuborgan fermer jarimaga tortildi
Toshkent viloyatida g‘alladan bo‘shagan 11,6 gektar maydondagi somonpoya qoldiqlari yoqilgani sabab dala chetidagi daraxtlar shikastlandi. Tuproq unumdorligiga 24,6 mln so‘m, o‘simlik dunyosiga 16,8 mln so‘m zarar yetdi. Fermer jarimaga tortildi. Ekologiya vazirligi somonpoya qoldiqlarini yoqmaslikka chaqirmoqda.
O‘zbekistonda chiroyli avtoraqamlar ro‘yxati va narxi yangilandi
Hukumat qarori bilan chiroyli avtoraqamlar ro‘yxati va narxi yangilandi. 1-iyuldan auksion savdolari orqali sotilishi belgilanmagan, harflari bir xil kombinatsiyada bo‘lgan 680 juft davlat raqami boshlang‘ich narxda auksion savdolariga qo‘yiladi.
Akvaparkdagi raqqosalardan OITS va OIV uchun tahlil olinmagan — IIV
Samarqandda akvaparkdagi raqqosalardan OITS va OIV uchun qon tahlillari olinib, ular bilan suhbat uyushtirilgani aytilgandi. IIV holatni rad etib, buni “shoshma-shosharlik bilan tayyorlangan ma’lumot” deb atadi va viloyat IIB xodimlarining harakatlari bo‘yicha xizmat tekshiruvi tayinlanganini bildirdi.
Nodirjon Xolbo‘tayev Davlat tilini rivojlantirish departamenti mudiri bo‘ldi
“Yoshlik” jurnali bosh muharriri, Prezident maslahatchisi o‘rinbosari, Yozuvchilar uyushmasi raisi birinchi o‘rinbosari kabi lavozimlarda ishlagan Nodirjon Xolbo‘tayev Davlat tilini rivojlantirish departamentiga mudir etib tayinlandi.
Koronavirusga chalinganlar bilan ishlayotgan shifokorlarga beriladigan ustama miqdori kamaydi
Prezident farmoniga ko‘ra, koronavirusga chalingan bemorlar bilan ishlayotgan shifokor va boshqa xodimlarga ishlagan davri uchun beriladigan maxsus ustama to‘lovi 200 foizdan 50 foizga tushirildi.
Narkologik kasallikka chalingan shaxsni majburiy davolash zaruriyati narkologiya dispanserida aniqlanadi
Qonunchilikka narkologik kasallikka chalingan shaxsni majburiy davolash zaruriyatini aniqlash bilan bog‘liq barcha klinik tekshiruvlar narkologiya dispanserining o‘zida, zarur hollarda esa tegishli mutaxassislar mavjud bo‘lgan boshqa tibbiyot muassasalarida ham o‘tkazilishi haqidagi norma kiritilmoqda.
Toshkent metrosida 5 oyda 70 millionga yaqin yo‘lovchi tashildi
2023-yilning besh oyi davomida Toshkent metropoliteni 68,5 million yo‘lovchi tashdi. Eng ko‘p yo‘lovchi oqimi — 15,8 mln nafar yo‘lovchi may oyida qayd etildi.
MIB tomonidan qo‘llaniladigan jarima miqdori undirilishi belgilangan summadan oshmasligi belgilanmoqda
Ma’muriy javobgarlik to‘g‘risidagi kodeksiga qo‘llaniladigan jarimaning miqdori ijro hujjatida undirilishi belgilangan summadan yuqori bo‘lishi mumkin emasligi haqida norma kiritilmoqda. “150 ming so‘m qarzni to‘lamaganlik uchun 300 ming so‘m jarima solish — bu adolatdan emas”, — dedi Senat raisi.
O‘zbekiston BAAning sun’iy yomg‘ir hosil qilish tajribasini o‘rganadi
Tashqi ishlar vaziri Baxtiyor Saidov BAAga tashrifi chog‘ida yomg‘ir hosil qilish texnologiyasi bilan tanishdi va Jahon meteorologiya tashkiloti prezidenti Abdulloh Al Mandus bilan ushbu tajribani O‘zbekistonda, ayniqsa, Orolbo‘yi mintaqasida joriy etish istiqbollarini muhokama qildi.
Qashqadaryoda obodonlashtirish ishchisi kanalga tushib ketib, halok bo‘ldi
Qarshi shahrida 35 yoshli Obodonlashtirish boshqarmasi ishchisi kanalga tushib ketib, halok bo‘ldi. Marhum tanasida tan jarohati aniqlanmagan, uning o‘limi sabablarini aniqlash bo‘yicha tergovga qadar tekshiruv olib borilmoqda.
Termizda chang-g‘ubor hodisasi kuzatildi, niqob va ko‘zoynak taqish tavsiya etilmoqda
Payshanba kuni Termizda chang-g‘ubor hodisasi kuzatildi. Soat 9:00 da havodagi mayda PM10 zarralari maksimal ruxsat etilgan konsentratsiyadan 14 barobar oshib ketdi. Soat 12:00 ga kelib, bu ko‘rsatkich 9 ga tushdi. Aholiga ochiq havoda bo‘lmaslik, tashqarida niqob va ko‘zoynak taqish tavsiya etildi.
Misr O‘zbekistonga gepatit S`ga qarshi dorining navbatdagi partiyasini yetkazib berdi
Misrdan gepatit S kasalligiga qarshi “Daklatasvir” dorisining 12 ming donadan ortiq partiyasi O‘zbekistonga keltirildi. Bu yetkazilayotgan preparatlarning 8-partiyasidir. Ikki davlat o‘rtasida jami 4,8 mln dollarlik 800 ming dona dorini O‘zbekistonga bepul yetkazib berish bo‘yicha kelishuv tuzilgan.
Yoshlar kuni munosabati bilan O‘zbekistonning 16 shahrida Yangi Nafas musobaqasi o‘tkaziladi
25-iyun kuni O‘zbekiston bo‘ylab Yoshlar kuni va Olympic Day munosabati bilan Yangi Nafas yugurish musobaqasi o‘tkaziladi. Shuningdek, ilk bor Qozog‘iston, Qirg‘iziston va Tojikistondan yuguruvchilar qatnashadi.
Qo‘shimcha imkoniyatlardan foydalanish uchun saytda ro‘yxatdan o‘ting