Jamiyat
O‘zLiDeP va «Milliy tiklanish» Konstitutsiyani isloh qilishni boshlash taklifini bildirdi
O‘zLiDeP va «Milliy tiklanish» fraksiyasi a’zolari Konstitutsiyaga o‘zgartirish va qo‘shimchalar kiritish jarayonini boshlash taklifi bilan chiqishdi. Partiya deputatlari islohotlardan kelib chiqib, Konstitutsiyani bugungi real voqelikka moslashtirish zarur deb hisoblaydi. Avvalroq, Shavkat Mirziyoyev Konstitutsiyaga 10 dan ortiq holat bo‘yicha o‘zgartirishlar kiritishni taklif qilgandi.
Hafta iliq bo‘ladi, ayrim joylarda yomg‘ir yog‘adi
16−17 may kunlari O‘zbekistonda quruq ob-havo saqlanib turadi. Harorat +30 darajagacha isiydi. 18−19 may kunlari Toshkent, Samarqand, Jizzax, Sirdaryo viloyatlarida va Farg‘ona vodiysida qisqa muddatli yomg‘irlar bo‘lishi kutilmoqda.
Surxondaryoda o‘quvchini urgan o‘qituvchiga xizmat tekshiruvi tayinlandi
Ijtimoiy tarmoqlarda Surxondaryoning Bandixon tumanidagi 4-maktabda ingliz tili o‘qituvchisi darsga tayyorlanmay kelgan o‘quvchini kaltaklagani aks etgan videolar tarqaldi. Bosh prokuratura holat yuzasidan o‘qituvchiga nisbatan xizmat tekshiruvi tayinlanganini ma’lum qildi. XTV esa o‘quvchilarga kuch ishlatish holatini keskin qoraladi.
Qoraqalpog‘istonda fuqarolarga o‘qimasdan «prava» olib berishga uringan avtomaktab xodimi ushlandi
Beruniy tumanida avtomaktab xodimi 4 kishini o‘quv jarayonlariga qatnashtirmasdan, tanishlari yordamida haydovchilik guvohnomasini olib berishiga ishontirgani aytilmoqda. Buning evaziga u 800 dollar va 16 mln so‘mni olganida qo‘lga tushgan.
Qirg‘izistonda Marokko chigirtkasi ko‘paymoqda. Bu O‘zbekiston uchun xavflimi?
Qirg‘izistonning Aksiy tumanida ekin maydonlarda Marokko chigirtkasi keskin ko‘payib ketayotgani aytilmoqda, bu O‘zbekiston qishloq xo‘jaligiga ham xavf tug‘dirishi mumkin. Qishloq xo‘jaligi vazirligi ushbu vaziyat nazoratga olingani va tegishli choralar ko‘rilganini ma’lum qildi. Ta’kidlanishicha, joriy yilda qo‘shni davlatlardan 50−60 ming gektarga chigirtkalar uchib o‘tish xavfi bor, shu bois Surxondaryo, Qashqadaryo, Samarqand va Jizzaxda kimyoviy ishlov ishlari olib borilmoqda.
O‘zbekiston maktablarida odob-axloq qoidalari qayta ko‘rib chiqiladi
Xalq ta’limi vazirligi 1 avgustga qadar maktablarda ichki tartib va odob-axloq qoidalarini qayta ko‘rib chiqadi. Unda maktab va ota-onaning ta’lim va tarbiyada ishtiroki, mas’uliyati hamda majburiyatlari aks ettiriladi. Qolaversa, 2023−2024 yillarda maktablarda eskirgan kompyuter sinflarini yangilash uchun jami 400 mlrd so‘m ajratiladi, internet tezligi 100 Mbit/s gacha oshiriladi.
DXX xodimi Surxondaryo viloyati hokimiga o‘rinbosar bo‘ldi
Abdurasul Abduraxmanov Surxondaryo viloyati hokimining jamoat va diniy tashkilotlar bilan aloqalar bo‘yicha o‘rinbosari lavozimiga tayinlandi. U bunga qadar Davlat xavfsizlik xizmatining viloyat bo‘yicha boshqarmasida faoliyat yuritgan.
Xorazmda odamlarni do‘pposlashda gumonlanayotgan guruh qo‘lga olindi
Xorazm viloyatida odamlarni urib, do‘pposlab kelganlikda gumonlanayotgan 3 nafar shaxs qo‘lga olindi. Gumonlanuvchilarga tegishli avtomashinalardan pichoq va temir bita topilgan.
«Uyga yo‘l»
Toshkent hayvonot bog‘ida «Uyga yo‘l» xayriya ko‘rgazmasi bo‘lib o‘tmoqda. Uning asosiy faol ishtirokchilari qarovsiz qolgan yoki ko‘chadan topib olingan kuchuklar va mushuklardir. Tashkilotchilarning fikricha, ko‘rgazma hayvonlarga mehribon oilada yashash uchun yangi imkoniyat beradi. «Gazeta.uz» kimlar uyga yo‘l topa olgani haqida hikoya qiladi.
Foto: Toshkent hayvonot bog‘idagi «Uyga yo‘l» ko‘rgazmasi
Toshkent hayvonot bog‘ida «Uyga yo‘l» xayriya ko‘rgazmasi davom etmoqda. Ko‘rgazmadan maqsad — uysiz kuchuk va mushuklarga ularni sevadigan oilani topishlariga ko‘maklashish. Ko‘rgazmaning birinchi kunidan Yevgeniy Sorochin fotoreportaji.
Namanganda tomorqasida ko‘knori yetishtirayotgan fuqaro aniqlandi
Namangan viloyatining Norin tumanida o‘z tomorqasida 57 tup ko‘knori yetishtirayotgan fuqaro aniqlandi.
O‘zbekistonda o‘smirlar salomatligi va farovonligini himoya qilish strategiyasi qachon qabul qilinadi?
O‘zbekistonda qariyb ikki yildan beri o‘smirlar salomatligi va farovonligini himoya qilish strategiyasi loyihasi muhokama qilinmoqda. Bu vaqtda esa yo‘l-transport hodisalarida bolalar o‘limi hamda qiz va o‘g‘il bolalar orasida suitsid chidab bo‘lmas darajada yuqoriligicha qolmoqda, bu shoshilinch kompleks choralar ko‘rishni talab etadi, degan fikrda mutaxassislar.
Soxta pasport bilan Toshkentdan Londonga uchmoqchi bo‘lgan xorijliklarga sud hukmi o‘qildi
Aprel boshida 8 nafar shri-lankalik Toshkentdan Londonga uchishga uringanida reysdan to‘xtatib qolindi. Ekspertiza ulardagi 2ta Italiya va 6 ta Fransiya pasporti qalbaki ekanligini aniqladi. Xorijlik fuqarolarga nisbatan sud hukmi o‘qildi.
Xasan Maycheyev: «Birovning ishini buzish niyatim yo‘q edi va rassomdan uzr so‘rashga tayyorman»
Oksana Chusovitina tasvirlangan graffitiga yetkazilgan zararni to‘g‘rilash so‘ralgan poytaxtdagi murallar muallifi Xasan Maycheyev voqea aslida qanday bo‘lganini so‘zlab berdi. U boshqalarning ishini buzish niyati bo‘lmaganligini aytib, hamkasbidan uzr so‘radi. Shanbaga o‘tar kechasi Inkuzart graffitidagi o‘zining logosini o‘chirib tashladi.
Soliq huquqbuzarliklari haqida xabar berganlarni mukofotlash tartibi belgilandi
Hukumat qarori bilan soliq huquqbuzarliklari haqida xabar berganlarga jarimaning 20 foizi miqdorida pul mukofotini to‘lash tartibi belgilandi. Fuqarolar terminal mavjud emasligi, naqd va karta orqali to‘lovda tafovut, tovarlarni qalbaki markirovkalash va xizmat ko‘rsatish qoidalarini buzish kabi holatlarni aniqlasa Soliq mobil ilovasi orqali xabar berishi mumkin.
Qozog‘istondagi avariya qurbonlari soni oshdi. Jabrlanganlar evakuatsiya qilindi
Qozog‘istonning Jambil viloyatida avtobus YTHga uchrashi oqibatida jabrlangan 23 nafar o‘zbekistonlik evakuatsiya qilindi. Vafot etgan ikki fuqaro jasadi yashash manzillari — Buxoro va Xorazm viloyatlariga yuborildi. Shanba kuni jarohat olganlarning yana biri olamdan o‘tdi.
Navoiy viloyati hokimining o‘rinbosari o‘zgardi
Uchko‘prik tumani hokimi Akmaljon Mahmudaliyev Navoiy viloyati hokimining qishloq va suv xo‘jaligi masalalari bo‘yicha o‘rinbosari etib tayinlandi. U mazkur lavozimda Sa’dullo Istamovning o‘rnini egalladi.
Nima tayyorlaymiz: gulkaramdan taomlar
Qovurilgan gulkaram, gaz pechi hamda pishloqli klyarda pishirilgan gulkaram, tovuq go‘shti bilan tayyorlangan kotletlar, gulkaramli krem sho‘rva — Zira.uz gulkaramdan tayyorlanadigan taomlar retseptlari ro‘yxatini taqdim etadi.
Kelinini o‘ldirgan qaynona hibsga olindi
Toshkent viloyatida janjal oqibatida qaynona kelinini pichoqlab qo‘ydi, u kasalxonada vafot etdi. Kelinning uch nafar farzandi bor edi.
O‘zbekcha Vikipediyaning faol muharrirlariga 50 mln so‘mgacha pul beriladi
O‘zbekistonda internetda o‘zbek tilidagi sifatli ma’lumotlarni ko‘paytirish va iqtidorli talabalarni munosib rag‘batlantirishga qaratilgan WikiStipendiya marafoniga start berildi. O‘zbekcha Vikipediyaning eng faol muharrirlari 50 mln so‘mgacha bir martalik stipendiyani qo‘lga kiritishi mumkin. Aprel oyida Vikipediyaning o‘zbekcha sahifalari 14,6 mlndan ortiq marotaba ko‘rilgan.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Foto, video: Vodorod sulfid sizib chiqqan M-25 konidagi quduqda so‘ndirish jarayoni yakunlandi
- O‘zbekistonga Rossiya, Tojikiston va Qirg‘izistondan narkotik moddalar olib kirishga uringanlar qo‘lga olindi
Qo‘shimcha imkoniyatlarga ega bulish uchun saytda ro‘yxatdan o‘ting