Jamiyat
Qashqadaryoda ayol eri va uning qarindoshlari tomonidan «samosud» qilindi
Qashqadaryoda ayol o‘zining eri va uning qarindoshlari tomonidan kaltaklandi. Viloyat IIB bunga ayol boshqa fuqaro bilan ishqiy munosabatda bo‘lib yurgani sabab bo‘lganini aytmoqda. Ayolni bog‘lab qo‘yib, sochini kesib, kaltaklagani va qamchi bilan muttasil urgani uchun gumondorlarga nisbatan jinoyat ishi qo‘zg‘atildi.
27 ta tuman va shaharda innovatsiya bo‘yicha hokim o‘rinbosari lavozimi joriy etiladi
O‘zbekistonning to‘rt yilga mo‘ljallangan innovatsion rivojlanish strategiyasi tasdiqlandi. Bu vaqt davomida innovatsion texnologiyalar yaratishning g‘oyadan yakuniy iste’molchigacha bo‘lgan kompleks tizimi yaratiladi. 26 ta tuman va bitta shaharda innovatsiya bo‘yicha hokim o‘rinbosari lavozimi joriy etiladi.
OTM talabalardan «obxodnoy» to‘ldirishni talab qilishi prezident farmoniga zid — Adliya vazirligi
Ayrim OTMlarda prezident farmoniga zid ravishda talabalardan «aylanma varaqa»ni qog‘oz shaklda to‘ldirib kelish talab etilmoqda. Adliya vazirligi o‘tkazgan tekshiruvlarda bu o‘z tasdig‘ini topdi. Oliy ta’lim vazirligi va tegishli OTMlarga prezident farmoni ijrosini so‘zsiz ta’minlash bo‘yicha taqdimnoma kiritildi.
O‘zbekistonda o‘tkazilishi kutilayotgan ilk xalqaro adabiy festival nega to‘xtatildi?
sentabr oyida Toshkent va Buxoroda xalqaro adabiy festival o‘tkazilishi kutilayotgandi. Biroq, tadbir dasturi, ishtirokchilar ro‘yxati shakllantirilgan bo‘lishiga qaramay, mahalliy hamkor — Yozuvchilar uyushmasi tashkilotchilar safidan chiqdi va festival to‘xtatildi. «Gazeta.uz» Yozuvchilar uyushmasidan izoh ololmadi.
«IT sohasi faqat aqllilarniki emas, bu soha sabrlilarniki» — Mastercard dasturiy muhandisi Azamat Toshtemirov
Mastercard kompaniyasi dasturiy muhandisi Azamat Toshtemirov — «Xorijdagi o‘zbekistonliklar» loyihasining navbatdagi mehmoni. Biz undan davlat organlari va xususiy sektorda ishlash o‘rtasidagi farqlar, AQShdagi o‘qish va Mastercard`dagi ishi, shuningdek, yoshlarga beradigan maslahatlari haqida so‘radik.
Qo‘rg‘ontepa tuman prokurori yordamchisi $1500 pora bilan qo‘lga tushdi
Andijon viloyati Qo‘rg‘ontepa tuman prokurori yordamchisi 1500 dollarni pora tariqasida olgan vaqtida huquq-tartibot organlari tomonidan ushlandi. Gumondorning aybi sudda o‘z tasdig‘ini topsa, u 5 yilgacha qamalishi mumkin.
O‘zbekiston va Qozog‘iston o‘rtasidagi ikkita chegara bojxona punkti ochildi
O‘zbekiston va Qozog‘istonni bog‘laydigan «Malik» va «Oqoltin» chegara bojxona punktlari faoliyati qayta tiklandi. Ular faqat kunning yorug‘ vaqtlari ishlaydi.
Ikkinchi mutaxassislikka hujjatlar qabuli boshlandi
O‘zbekistonda davlat oliy ta’lim muassasalariga ikkinchi va undan keyingi oliy ma’lumot bo‘yicha o‘qishga kirish uchun hujjatlarni qabul qilish boshlandi.
«Toshkent-O‘sh» trassasidagi avariyada ikki kishi halok bo‘ldi
«Toshkent-O‘sh» avtomobil yo‘lining Farg‘ona viloyati Oltiariq tumanidan o‘tuvchi qismida yuzaga kelgan YTH oqibatida «Isuzu» yuk mashinasining haydovchisi va yo‘lovchisi halok bo‘ldi. Haydovchi harakat vaqtida uxlab qolgani aytilmoqda.
Senatorlar aholini favqulodda vaziyatlardan muhofaza qilishga oid qonunni ma’qulladi
Senat favqulodda vaziyatlarda aholini va hududlarni muhofaza qilish to‘g‘risidagi qonunni ma’qulladi. Hujjat bilan favqulodda vaziyatlarning oldini olish, chora-tadbirlarni muvofiqlashtirish, uning oqibatlarini bartaraf etish, moliyaviy va moddiy resurslar ajratish tartibi belgilab berilgan.
O‘zining farzandini sotishga uringan ayollar qo‘lga olindi
Toshkentda 28 yoshli ayol salkam bir oylik chaqalog‘ini 35 ming dollarga sotishga uringanlikda gumonlanmoqda. Sirdaryoda esa 29 yoshli ayol 4 yoshli farzandini 16 ming dollarga sotayotgan vaqtida ushlangani aytilmoqda. Gumondorlarga nisbatan jinoyat ishi qo‘zg‘atildi.
«Katta dubulg‘a» turnirini o‘zbekistonliklar ikkita medal bilan yakunladi
Vengriyada o‘tgan «Katta dubulg‘a» turkumidagi turnirda o‘zbekistonlik Shoxruh Baxtiyorov (bronza) va Rahimjon Subxonov (kumush) medallarga ega chiqdi.
“Tashkent City” bog‘ida “Muzzday 2022” muzqaymoq va ichimliklar festivali bo‘lib o‘tadi
O‘nlab turdagi salqin shirinliklar, tanlovlar, tomoshalar, konsertlar va sovg‘alarni o‘z ichiga olgan keng ko‘lamli uch kunlik bayram mehmonlarni kutmoqda.
Qoraqalpog‘istonlik abituriyentlar uchun OTMga qabul muddati uzaytiriladi
Oliy ta’lim vazirligi Qoraqalpog‘istondagi internet bilan bog‘liq muammolar tufayli respublikadagi abituriyentlar uchun OTMlarga qabul muddati uzaytirilishini ma’lum qildi. Vaziyat hukumat tomonidan nazoratga olingan, qabul sanasi esa tez orada SMS-xabarnoma hamda telekanallar orqali yetkaziladi.
«Qurol ishlatish mumkin emasligi bo‘yicha buyruq olgandik». Harbiylar Nukusdagi voqea haqida
Mudofaa vazirligi Qoraqalpog‘istonda namoyishchilar tomonidan to‘xtatilgan BTR maxsus texnikasi ichida bo‘lgan harbiylarning intervyusini e’lon qildi. Ular o‘shanda kaltaklangandi. Askarlar o‘sha kuni qurol ishlatish mumkin emasligi to‘g‘risidagi buyruqqa bo‘ysunishganini so‘zlab berishdi.
“MEDIAPARK” tarmog‘i o‘zining yetti yoshini nishonlaydi
“MEDIAPARK” tashkil topganining yetti yilligi munosabati bilan kompaniya konkurs e’lon qildi. Ushbu konkurs orqali 15 mln so‘mgacha bo‘lgan maishiy texnika xarid qilish uchun sertifikat yutib olish mumkin.
Foto: O‘zbekiston Qurbon hayitini nishonlamoqda
O‘zbekistonliklar pandemiya boshlanganidan beri birinchi marotaba Qurbon hayiti namozini ado etdilar. «Gazeta.uz» muxbiri Yevgeniy Sorochin Toshkentdagi «Ko‘kcha» masjididan fotoreportaj tayyorladi. Namozga kelganlar bayram tilaklari bilan ham bo‘lishishdi.
Nima tayyorlaymiz: Olxo‘rili pishiriqlar
Olxo‘ri va bezeli pirog, krambl, brauni-chizkeyk, olxo‘ri solib pishirilgan shokoladli pirog, tvorogli galeta — Zira.uz turli xil mazali olxo‘rili pishiriqlar retseptlari ro‘yxatini taqdim etadi.
8 iyul kuni O‘zbekistonda sodir bo‘lgan eng muhim xabarlar dayjesti
Ishdan ketgan prezident Administratsiyasi rahbari, Qoraqalpog‘istondagi voqealar yuzasidan hibsga olinganlar, Sindzo Abe vafotiga hamdardlik bildirgan Shavkat Mirziyoyev, hayit kuni masjidga yetib olish uchun maxsus avtobuslar va boshqalar — «Gazeta.uz»ning 8 iyuldagi eng muhim xabarlari dayjestida.
Qozog‘istonda 20 yil qidiruvda bo‘lgan ayol qo‘lga olindi
Chimkentda qotillik sodir etgani uchun qariyb 20 yildan beri qidiruvda bo‘lgan O‘zbekiston fuqarosi qo‘lga olindi.
Qo‘shimcha imkoniyatlardan foydalanish uchun saytda ro‘yxatdan o‘ting