Jamiyat
Navoiydagi savdo markazida fuqaro 3 yoshli nabirasi bilan eskalatordan tushib ketdi (to‘ldirildi)
Juma kuni Navoiydagi «Yangi hayot» savdo majmuasida 52 yoshli fuqaro 3 yoshli nabirasi bilan 5 va 4 qavat oralig‘idagi eskalatorda muvozanatni yo‘qotib, 1 qavatga tushib ketdi. Erkak voqea joyida vafot etdi, bolakay esa shifoxonaga yotqizildi.
Shaxmat federatsiyasiga budjetdan mablag‘lar to‘g‘ridan-to‘g‘ri ajratilmagan — Antikorrupsiya agentligi
Antikorrupsiya agentligi Shaxmat federatsiyasi bilan bog‘liq moliyaviy operatsiyalarni o‘rganib, federatsiyaga 2020−2021 yillarda budjetdan mablag‘lar to‘g‘ridan-to‘g‘ri ajratilmaganini aniqladi. 2021 yilda faqat Turizm va sport vazirligi 6 ta tadbir uchun federatsiyaga 2,8 mlrd so‘m mablag‘ bergan. Agentlik Shaxmat federatsiyasi NNT bo‘lgani bois, uning faoliyatini to‘xtatib qo‘yish uchun hujjatlarni Adliya vazirligiga yubordi.
Kovidning kunlik holati 200 dan kamaydi
Juma kuni 191 kishining koronavirusga topshirgan test tahlili musbat natijani ko‘rsatdi, bu 5 yanvardan beri eng past ko‘rsatkich hisoblanadi. Shu kuni 3 kishi kovid asoratlari oqibatida vafot etdi. 42 kishida esa pnevmoniya aniqlandi.
Eynshteyn tasvirlangan graffiti bo‘yab ketildi
Toshkentda Eynshteyn portreti va uning formulalari aks ettirilgan devor bo‘yab ketildi. Asar muallifi, taniqli ko‘cha rassomi Inkuzart buning uchun Chilonzor hokimiga «minnatdorchilik» bildirdi. Chilonzor tumani hokimiyati bino snosga tushgani bois graffiki bo‘yalgani va rassom uchun boshqa «qulay joy tavsiya etiladi».
18 fevral kuni O‘zbekistonda sodir bo‘lgan eng muhim xabarlar dayjesti
Sergelidagi buziladigan 409 ta yog‘och uy, ikkiga ajratilgan Turizm va sport vazirligi, 1 noyabrgacha Toshkentda ishga tushadigan pullik yo‘l bo‘yi «parkovkalari», «Yetti o‘lchab bir kesib» tramvaylar marshrutlari aniqlanishi, poytaxtga olib kelinadigan 18 metrli «garmoshkali avtobuslar», Navro‘zda ketma-ket 5 kun dam oladigan o‘zbekistonliklar va boshqalar — «Gazeta.uz» ning 18 fevraldagi eng muhim xabarlari dayjestida.
Prezident: «Qiyinchiliksiz oila bo‘lmaganidek, qiyinchiliksiz davlatning o‘zi yo‘q»
Shavkat Mirziyoyev Yangihayot tumaniga tashrifi chog‘ida mahalla davlatning asosi ekani, u obod bo‘lsa, mamlakat obod bo‘lishini ta’kidladi. «Ko‘rayapsizlar, zamon tahlikali bo‘lib turibdi. Qiyinchiliksiz oila bo‘lmaganidek, qiyinchiliksiz davlatning o‘zi yo‘q. Biz ham sabr bilan, ilm bilan, mehnat va harakatimiz bilan rejalarimizni amalga oshirayapmiz», — dedi u.
Keyingi yilda Toshkent shahrida 18 metrli “garmoshkali avtobuslar” harakatlana boshlaydi
Prezident qaroriga ko‘ra, 2025-yilgacha poytaxtda 1063 ta yangi avtobuslar harakatlanishni boshlaydi. Ulardan 53 tasi 2023-yilda harakatga tushiriladigan katta sig‘imli 18 metrli avtobuslar bo‘ladi. Ushbu “garmoshkali avtobuslar” poytaxtning 11 ta magistral yo‘nalishida harakatlanadi.
Farg‘ona yo‘lidagi ajratilgan yo‘lakning «ishlashini» ta’minlaymiz — Anvar Jo‘rayev
Toshkentda 2025 yilgacha 11 ta ko‘chada tezyurar avtobuslar harakati uchun alohida yo‘laklar tashkil etish rejalashtirilgan. Hozirda faqat Farg‘ona yo‘li ko‘chasida avtobuslar yurishi uchun mo‘ljallangan, biroq mashinalar ham yuraveradigan yo‘lak mavjud. Transport boshqarmasi rahbari Anvar Jo‘rayev kameralar o‘rnatgan holda yo‘laklarning avtomobillardan holiligi ta’minlanishini ma’lum qildi.
Dam olish kunlari iliq ob-havo kutilmoqda
Dam olish kunlarida quruq va biroz bulutli ob-havo kuzatiladi. Havo bahorgi qiymatlarga qadar isiydi, yakshanba kuni termometr ustuni +17 darajaga ko‘tariladi.
Qo‘llanma: Telefon orqali kommunal to‘lovlarni amalga oshirish
«Gazeta.uz» kommunal to‘lovlarni tashkilot kassalariga bormasdan, to‘lov ilovalari Click, PayMe va Apelsin orqali to‘lash haqida qo‘llanmani taqdim etadi.
«Nega hammayoqqa shunday qilmaysizlar?» — prezident Yangihayot tumanidagi mural haqida
Shavkat Mirziyoyev Yangihayot tumanidagi «Do‘stlik» mahallasiga tashrifi davomida ko‘p qavatli uyning devoriga chizilgan «Do‘stlik ramzi» muraliga e’tibor qaratgan. «Bu mural ham odamning kayfiyatiga ijobiy ta’sir qiladi», degan prezident.
O‘zbekistonliklar Navro‘zda ketma-ket 5 kungacha dam oladi
Prezident farmoniga ko‘ra, Navro‘zda haftasiga besh kun ishlaydigan xodimlar ketma-ket besh kun dam oladi.
Farg‘ona viloyatida «Hizb ut-Tahrir» g‘oyalarini targ‘ib qilishda gumon qilingan shaxs qo‘lga olindi
Qo‘qon shahrida «Hizb ut-Tahrir» diniy-ekstremistik tashkiloti g‘oyalarini targ‘ib qilishda gumonlanayotgan shaxs qo‘lga olindi. U oldin ham «Hizb ut-Tahrir» safida faoliyat olib borganligi uchun ikki marta jazo muddatini o‘tab chiqqan.
Turizm va madaniy meros hamda Sportni rivojlantirish vazirliklari tashkil etildi
O‘zbekistonda Turizm va madaniy meros hamda Sportni rivojlantirish vazirliklari tashkil etildi. Deputatlar tomonidan turizm vaziri sifatida Aziz Abduhakimov, sport vaziri sifatida esa Adham Ikramov nomzodlari ma’qullandi.
Farg‘ona vodiysidagi AGTKSH 19 fevral 06:00 gacha vaqtincha yopildi
«O‘ztransgaz» respublikada kuzatilgan sovuq ob-havo tufayli avtomobillarga gaz to‘ldirish kompressor shoxobchalarida cheklovlar joriy etilishini ma’lum qildi. Jumladan, Farg‘ona vodiysidagi AGTKSHlar faoliyati 18 fevral kuni 14:00 dan 19 fevral 06:00 gacha vaqtincha to‘xtatildi.
1 noyabrgacha Toshkentning 11 ta ko‘chasida pullik yo‘l bo‘yi «parkovkalari» ishga tushiriladi
1 noyabrgacha Toshkentning Amir Temur, Nukus, Mirobod, Shevchenko va boshqa ko‘chalarida (jami — 11 ta) avtomatlashtirilgan yo‘l bo‘yi pullik avtomobil to‘xtash joylari tashkil etiladi. Shuningdek, 5 yil ichida 80 ta ko‘p qavatli avtoturargohlar qurilishi rejalashtirilgan.
Bir kunda 272 ta yangi koronavirus holati aniqlandi
Payshanba kuni O‘zbekistonda 272 ta holatda koronavirus infeksiyasi aniqlandi. Bu oldingi kunga nisbatan 31 taga ko‘p. Shu vaqtgacha sakkiz kun ketma-ket pasayish kuzatilayotgandi.
Karantin sababli harbiy xizmatga borolmagan chaqiriluvchi Mudofaa vazirligidan xizmatni o‘tashga ruxsat so‘ramoqda
«Gazeta.uz»ga ma’lum bo‘lishicha, 2021 yilda bir oylik harbiy xizmatga borish uchun to‘lovlarni to‘liq amalga oshirgan chaqiriluvchi karantin choralari sababli 27 yoshga to‘lishidan oldin harbiy xizmatga safarbar qilinmagan. U Mudofaa vazirligidan harbiy xizmatni o‘tashga ruxsat berishni so‘ramoqda, chunki 2020 yilda vazirlik xuddi shunday vaziyatdagi 27 yoshdan oshganlarga harbiy xizmatga ruxsat bergan. Deputat Rasul Kusherbayev bunday fors-major holatlarda masala fuqaro foydasiga hal qilinishi kerakligini ta’kidladi.
Poytaxtdagi Gagarin ko‘chasi va maydonini rekonstruksiya qilish boshlandi
Toshkentning Gagarin ko‘chasida ham rekonstruksiya ishlari boshlandi. Bu yerda allaqachon yo‘lak plitalari olib tashlangan, uylarning fasadlari yangilanadi, o‘rindiqlar o‘rnatilib, yangi yashil maydonlar barpo etiladi. Gagarin maydoni Madaniy meros agentligidan ruxsat olinganidan keyin ta’mirlanadi.
Andijon viloyati hokimi o‘rinbosari, Xo‘jaobod va Paxtaobod tumanlariga yangi hokimlar tayinlandi
Nasibulla Mo‘minov Andijon viloyati hokimining o‘rinbosari etib tayinlandi. Shuningdek, viloyatning Xo‘jaobod va Paxtaobod tumanlariga hokimlar tayinlandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting