Issiqlik tarmoqlarida baxtsiz xodisalar, isitishning uzilish xolatlarida issiqlik ta’minoti tashkilotlarining uzluksiz ishlaydigan shoshilinch dispetcherlik xizmati yo‘lga qo‘yildi.
Prezident Shavkat Mirziyoyev hududlar rivoji, aholi hayoti bilan yaqindan tanishish maqsadida Buxoro viloyatiga jo‘nab ketdi.
Toshkent viloyatidagi korxona rahbari Q.T. 460 ga yerni bir tadbirkorga noqonuniy rasmiylashtirib berishni taklif qiladi. Evaziga esa 3 mln 720 ming AQSH dollari talab qiladi. Tadbirkordan aytilgan summani olayotgan vaqtida Q.T. ashyoviy dalil bilan qo‘lga olinadi.
Yunusobod tumanidagi mahalla raisining birinchi o‘rinbosari prezident bilan uchrashuvda nikohdan keyin 2−3 yil muddatga ajrashishlarni taqiqlashni va televideniyega senzura qo‘yishni taklif etdi. U «o‘zbek mentalitetiga umuman to‘g‘ri kelmaydigan» deb hisoblaydigan Yor-Yor dasturini misol qilib keltirdi. Shavkat Mirziyoyev cheklash va taqiq qo‘yish bilan muammo hal bo‘lmasligini aytdi.
Toshkent shahrining Yuzrabod va Kozeva ko‘chalari kesishmasida Damas va VAZ-2115 avtomashinalari to‘qnashishi oqibatida ikki kishi vafot etdi va ikki kishi jarohatlandi.
Polkovnik Timur Xolmatov Toshkent shahar IIBB boshlig‘ining o‘rinbosari — Xavfsiz turizmni ta’minlash boshqarmasi boshlig‘i etib tayinlandi. Poytaxt IIBBsi Moliya va moddiy-texnika ta’minoti boshqarmasi boshlig‘i esa polkovnik Xusniddin Shamsutdinov bo‘ldi.
Oliy sud ma’lumotlariga ko‘ra, 2020 yilda 38 149 nafar shaxsga nisbatan 30 284 ta jinoyat ishi ko‘rilgan. Sudlanganlar esa 27 999 nafarni tashkil etgan. Shundan 7 110 nafariga qamoq jazosi tayinlangan. Yil davomida 781 nafar shaxs oqlangan.
Samarqand viloyatida 2 nafar fuqaro voyaga yetmagan qizni zo‘rlaganlikda gumonlanmoqda. Gumondorlardan biri o‘z uyida vafot etdi, jabrlangan qiz bedarak yo‘qoldi.
Yangi — Angren IES 5 blokidagi rejali xizmat ko‘rsatish paytida portlash yuz berdi. Hodisa natijasida uch kishi olingan jarohatlar sababli vafot etdi.
Sobiq xonanda Jahongir Otajonov O‘zbekiston prezidenti saylovlarida qatnashish istagi borligini ma’lum qildi. «Kerak bo‘lsa, partiya tuzaman», — dedi u.
Samarqand viloyati Kattaqo‘rg‘on tumani Payshanba shaharchasida «Shavkat Miromonovich Mirziyoyev» oilaviy korxonasi faoliyat yuritadi. Ma’lumotlarga ko‘ra, korxona 2020 yil 14 fevral kuni Davlat xizmatlari markazi tomonidan ro‘yxatga olingan va ustav fondi 1000 so‘mni tashkil etadi.
Rashid Pirmatov «O‘zbekiston metallurgiya kombinati» aksiyadorlik jamiyati rahbari etib tayinlandi.
Oliy ta’lim vaziri Abduqodir Toshqulov ish faoliyatining birinchi kunlari bo‘yicha o‘z taassurotlari bilan bo‘lishdi. Uning aytishicha, xodimlar horg‘in, ba’zi strukturalar esa talablarga javob bermaydi. U endilikda vazirlik «yangicha ish tartibiga» o‘tishini ma’lum qildi.
Shavkat Mirziyoyev xorijda ta’lim olgan yoshlarni katta lavozimlarga tayinlaganda ularda shoshib qolish holatlari kuzatilayotganini ta’qidladi. Davlat rahbari bunday yoshlarga milliy tarix va qadriyatlarning o‘rni haqida aytib o‘tdi.
Qonunchilik palatasi deputatlari shaxsiy avtomobilda yo‘lovchi tashishni litsenziya talab qilinadigan faoliyat turlari ro‘yxatidan chiqarish taklifini bildirishdi. Bu tegishli qonun loyihasini takomillashtirish jarayonida ko‘rib chiqilishi ma’lum qilindi.
“Yuksalish” UMH raisi Bobur Bekmuradov 2020-yilgi davlat dasturining 70 dan ortiq bandi 10 oygacha kechikib bajarilganini ma’lum qildi. Uning aytishicha, mas’ul vazirlik va idoralar “bajarilgan” deb hisobot bergan ayrim vazifalar aslida bajarilmagani ham aniqlangan.
Markaziy saylov komissiyasi raisi o‘rinbosari Mahmud Istamov Buxoro viloyatiga prokuror bo‘ldi. U ushbu lavozimda ishdan olingan Dilshod Fayziyevning o‘rnini egalladi.
Toshkentning Bektemir tumanida Howo og‘ir yuk mashinasi Cobalt ustiga ag‘darilib ketdi. Hodisa natijasida Cobalt yo‘lovchisi vafot etgan.
Ichki ishlar vaziri o‘rinbosari Azizbek Ikromov Mahalla va oilani qo‘llab-quvvatlash vazirining o‘rinbosari lavozimidan ozod etildi. U o‘tgan yilning fevral oyidan buyon ikkala lavozimda ham bir vaqtning o‘zida faoliyat olib borgan.
Xalqaro Vestminister universiteti ro‘parasida Hampton by Hilton mehmonxonasi qurilmoqda. Uni International Foodchain (KFC'ni boshqaradi) ta’sischilaridan biri va mehmonxona ishi bilan shug‘ullanuvchi tadbirkor ochmoqda.
Qo‘shimcha imkoniyatlarga ega bulish uchun saytda ro‘yxatdan o‘ting