Jamiyat
YUNESKOning 44-sessiyasida Shahrisabzning tarixiy qismini regeneratsiya qilish masalasi ko‘tariladi
YUNESKO Umumjahon merosi qo‘mitasining Xitoyda bo‘lib o‘tadigan 44-sessiyasida Shahrisabzning tarixiy qismini regeneratsiya qilish loyihasi muhokama qilinadi. O‘zbekiston taklifiga binoan xorijlik ekspertlar 3 xil konsepsiyani ishlab chiqqan. Loyihalardan biri tanlangach, 2022 yildan amaliy ishlar boshlanishi mumkin.
O‘zbekistonda vaksinaning 2-dozasini olganlar soni 500 ming nafarga yetdi
O‘zbekistonda koronavirusga qarshi emlanganlar soni 1,7 mln nafardan oshgan bo‘lib, emlanganlar orasida 499 094 nafar fuqaro vaksinaning 2-dozasini qabul qilgan. Shuningdek, so‘nggi kun ichida 269 nafar bemor kasallikdan sog‘aygan bo‘lib, O‘zbekistonda sog‘ayish ko‘rsatkichi 96 foizni tashkil etmoqda.
Jizzaxda Lacetti «lyuk"idan tana qismini chiqarib ketgan qiz jarimaga tortildi
Jizzaxda Lacetti harakatlanayotgan paytida «lyuk» dan tana qismini chiqarib ketgan qiz aks etgan video tarqaldi. Viloyat IIB tomonidan fuqaroga nisbatan ma’muriy bayonnoma tuzilib, 245 ming so‘m miqdorida jarimaga tortildi.
26 may kuni O‘zbekistonda sodir bo‘lgan eng muhim xabarlar dayjesti
Senatning o‘ng beshinchi yalpi majlisi, Toshkent viloyatida bir yarim ming gektardan ortiq yer o‘zboshimchalik bilan egallab olinishi, Equinox`ning Qozog‘istondagi narxi, Samarqandda maktab-internati tarbiyalanuvchilari kaltaklanishi, Shahrisabzda masjid hovlisida ayvon qurilishi nima sababdan to‘xtatilgani — “Gazeta.uz"ning 26 maydagi eng muhim xabarlari dayjestida.
Sobiq mehribonlik uyi tarbiyalanuvchilariga murojaati bo‘yicha to‘liq tushuntirish berilgan edi — Vazirlar mahkamasi xodimi
Vazirlar mahkamasi mas’ul xodimi murojaat bilan kelgan sobiq mehribonlik uyi tarbiyalanuvchilariga masala hal qilinishi bo‘yicha tushuntirish berilganligini ta’kidladi. Uning so‘zlariga ko‘ra, murojaatchilar har biriga 100 mln so‘mdan pul to‘lab berilmasa, uylariga qaytmasliklarini aytib shart qo‘ygan. Hukumat apparati xodimi voqea Vazirlar mahkamasi binosida emas, binoning oldida, fuqarolar qabul qilinadigan hududda sodir bo‘lganligini ma’lum qildi.
MIB xodimi ikki yilda 596 mln so‘mni o‘zlashtirib yuborgani ma’lum bo‘ldi
Toshkentda MIB xodimi ikki yil ichida depozit hisobvarag‘iga kelib tushgan 596 mln so‘mdan ko‘proq pulni talon toroj qilgani aytilmoqda. U buni elektron to‘lov topshiriqnomalariga soxta ma’lumotlarni kiritish yo‘li bilan amalga oshirgan. Sudlanuvchiga 2 yil muddatga axloq tuzatish ishlari jazosi tayinlangan.
«Murodboy ishi» bo‘yicha sud zalida yuz bergan tartibsizlik yuzasidan IIV izoh berdi
Ijtimoiy tarmoqlarda JIB Yangiyo‘l shahar sudi majlislar zalida sudlanuvchilar qo‘llarini kesib, tartibsizlikni yuzaga keltirgani aks etgan video tarqaldi. IIV mahbuslar lezviya bo‘laklari bilan o‘zlariga tan jarohati yetkazgani, noo‘rin talablarni qo‘yib, ichki ishlar xodimlarining qonuniy talablarini bajarmaganini ma’lum qildi. Viloyat IIBB esa voqeaning kelib chiqish sabablarini o‘rganmoqda.
Focus maktabida badiiy filmlar rejissyorligiga o‘qish uchun qabul boshlandi
Rejissyor Zulfiqor Musoqov rahbarligidagi Focus maktabi badiiy filmlar rejissyorligining o‘zbek tilidagi guruhiga arizalar qabulini e’lon qildi.
Shahrisabzda masjid hovlisida ayvon qurilishi nima sababdan to‘xtatilgani ma’lum qilindi
Shahrisabz shahridagi Hazrati Imom masjidi hovlisida namoz o‘qish ayvonining qurilishi to‘xtatildi. Bunga qurilish haqida tegishli tashkilotlar ogohlantirilmaganligi sabab bo‘lgan. Musulmonlar idorasining Qashqadaryo viloyatidagi vakili ayvon binosi hududdagi tarixiy obidalarga hech qanday zarar yetkazmasligini ta’kidladi.
«2021 yil hisobidan hali birorta mahkum koronavirusga chalingani yo‘q» — IIV vakili
Ombudsman Feruza Eshmatova boshchiligidagi ekspertlik guruhi 23-son mahkumlarga mo‘ljallangan ixtisoslashgan kasalxonaga bordi. Unga hamrohlik qilgan IIV Jazoni ijro etish departameni tibbiy bo‘limi boshlig‘i Bahodir Yusupovning aytishicha, qamoqxonalarda yil boshidan beri COVID-19`ga chalinish holatlari qayd etilmagan.
Samarqandda 50 ming dollar va mashina evaziga noqonuniy yer sotayotgan shaxslar ushlandi
Oqdaryo tumanida 1 gektar yer maydonini rasmiylashtirib berish evaziga 50 ming dollar va Nexia-3 avtomashinasi talab qilgan mas’ul shaxslar qo‘lga olingan. Shuningdek, Samarqand viloyatining Pastdarg‘om, Samarqand va Payariq tumanlarida ham noqonuniy yer sotish bilan bog‘liq holatlar aniqlandi.
Nurafshon IIB boshlig‘i avtohalokatda vafot etdi
Nurafshon shahar IIB boshlig‘i, podpolkovnik Navro‘z Omonboyev vafot etdi. Podpolkovnik «Kuchlik» neft baza yaqinida avtohalokatga uchragan.
“U yerda bolalar battar buziladi” — yopiq muassasaning sobiq tarbiyalanuvchisi
“Murakkab” bolalarni maxsus muassasalarga joylashtirishni to‘g‘ri deb hisoblovchilar hali ham topiladi. Ba’zida bu qarorlarni ota-onalar qabul qilishadi. “Gazeta.uz” muallifi Yekaterina Soy bir yilini shunday maxsus yopiq muassasalardan birida o‘tkazgan yosh yigit hikoyasini aytib beradi.
Samarqandda maktab-internati tarbiyalanuvchilari kaltaklangani haqidagi xabar hokimlik va senat tomonidan o‘rganiladi
Ijtimoiy tarmoqlarda Samarqand viloyatidagi 63-sonli maxsus maktab-internatining tarbiyalanuvchilari yuz-ko‘zlari ko‘kargani aks etgan surat va xabarlar tarqaldi. Holat hokimlik tomonidan o‘rganilmoqda, Senat tomonidan nazoratga olindi.
COVID-19 ga qarshi 1,2 milliondan ortiq kishi emlandi
O‘zbekistonda koronavirusga qarshi 1-bosqichda emlanganlar 1 212 597 nafarni, 2-bosqichda emlanganlar 470 519 nafarni tashkil qilmoqda. Emlash ko‘rsatkichlari bo‘yicha yuqori o‘rinlarni Farg‘ona, Andijon va Namangan viloyatlari qayd qilmoqda.
Sentyabrdan maktab o‘quvchilariga hokim stipendiyasi joriy etiladi — Jahongir Ortiqxo‘jayev
Toshkent shahar hokimi Jahongir Ortiqxo‘jayev sentyabr oyidan yaxshi o‘zlashtirgan maktab o‘quvchilariga 500 ming so‘m miqdorida hokim stipendiyasi joriy etilishini ma’lum qildi. Bundan tashqari, ularning o‘qituvchilariga 1 mln so‘mdan berilishi belgilandi.
25 may kuni O‘zbekistonda sodir bo‘lgan eng muhim xabarlar dayjesti
Yangi tayinlovlar, XDP deputatining kaltaklanishi, Turizm va sport vazirligiga ishga taklif qilingan talaba, tez tibbiy yordam xizmatidagi yangiliklar — “Gazeta.uz"ning 25 maydagi eng muhim xabarlari dayjestida.
«Odam yo gapirishi, yoki ishlashi kerak. Men ishlashni ma’qul ko‘raman» — Toshkent hokimi
«Men boshqalarga o‘xshab ko‘p va chiroyli gapira olmayman. Yo ishlash, yoki gapirish kerak. Ikkalasidan bittasi, to‘g‘rimi? Men ishlashni ma’qul ko‘raman», — dedi Toshkent hokimi Jahongir Ortiqxo‘jayev.
«Men hokimiyat binosida emas, katta angarda o‘tirishni xohlayapman» — Jahongir Ortiqxo‘jayev
«Biz yaqinda bir model o‘ylab chiqdik. Unga ko‘ra, hokimlik ishchilari umuman hokimlik binosida o‘tirishi noto‘g‘ri deb hisoblaymiz. To‘g‘risini aytsam, o‘zim ham katta bir angarni ichida o‘tirishni xohlayapman», — dedi Toshkent hokimi Jahongir Ortiqxo‘jayev yoshlar bilan uchrashuvda.
«O‘zagrokimyohimoya» AJ tugatilib, uning bir qism vazifalari tadbirkorlarga topshiriladi
«O‘zagrokimyohimoya» aksiyadorlik jamiyati tugatilib, uning vakolat va vazifalari boshqa tuzilmalarga o‘tkazish taklif qilindi. Xususan, mineral o‘g‘itlar va kimyoviy vositalar bilan ta’minlash erkin bozor tamoyillari asosida to‘liq xususiy sektorga beriladi. Shuningdek, o‘simliklarga kimyoviy ishlov berish xizmatlari ham tanlov asosida tadbirkorlar tomonidan amalga oshiriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting