Jamiyat
Firdavs Abduxoliqov Kinematografiya agentligining bosh direktori bo‘ldi
«O‘zbekkino» Milliy agentligining bosh direktori lavozimida ishlab kelgan Firdavs Abduxoliqov Kinematografiya agentligining bosh direktori etib tayinlandi.
Surxondaryoda AYOQSHdagi yong‘in natijasida payvandchi vafot etdi
Surxondaryoda AYOQSHda yong‘in kelib chiqishi natijasida payvandchi shifoxonaning jonlantirish bo‘limida vafot etdi.
Xususiy sektorga haydovchilik guvohnomalarini olish uchun imtihonlarni o‘tkazish huquqi berildi
1 iyundan boshlab xususiy sektor barcha toifadagi avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkaza oladi. Prezident qarori bilan xususiy sektorga imtihonlarni tashkil etish huquqi 1 apreldan berilishi qayd etilgan edi.
Antirekord yangilandi: kun davomida 452 kishida koronavirus qayd etildi
5 may kuni O‘zbekistonda 452 kishida koronavirus aniqlanib, yil boshidan eng ko‘p kasallanish holatlari aniqlandi. Umumiy kasallanish holatlari soni 93 ming nafardan oshdi. Mamlakatda 1 milliondan ortiq koronavirusga qarshi vaksina dozalari ishlatilib, 32,5 mingdan ortiq kishi ikkinchi bosqichda emlangan.
O‘quvchilarni maktabda bo‘lish vaqti Face ID tizimi orqali nazorat qilinadi
Respublika bo‘ylab barcha maktablarda o‘quvchilarning muassasada bo‘lish vaqti Face ID tizimi orqali nazorat qilinishi rejalashtirilmoqda. Bundan tashqari, sinf xonalariga ovozli kameralar o‘rnatish va ularni ichki ishlar organlari tomonidan nazorat qilinishini yo‘lga qo‘yish ko‘zda tutilgan. Siyosatshunos Kamoliddin Rabbimovning fikriga ko‘ra, o‘quvchilar kameralar ostida fikrlashga majburlansa, bu mamlakatni to‘laqonli totalitar davlatga aylanishi uchun mustahkam asos bo‘lib xizmat qiladi.
Haydovchilardan ishonchnomani talab etish tartibi bekor qilinadi
1 sentyabrdan haydovchilardan avtomototransportni boshqarish uchun ishonchnoma, texnik ko‘rikdan o‘tkazilganligi to‘g‘risidagi ma’lumot va «tonirovka» ruxsatnomasini talab etish tartibi bekor qilinadi.
Toshkentda yiliga 5 mingta quduq qopqoqlari o‘g‘irlab ketilmoqda
Toshkentda suv tarmoqlari va oqova suv tarmoqlarining quduqlariga o‘rnatilgan «lyuk"larning o‘g‘irlanish holati ko‘paymoqda. So‘nggi paytlarda jami 5 mingta ana shunday qopqoqlar o‘g‘irlab ketilgan. «Toshkent shahar suv ta’minoti» ma’lum qilishicha, temir qopqoqlarning donasi 575 ming so‘mdan 2 mln so‘mgacha narxda xarid qilinadi.
Surxondaryoda sobiq IIB xodimi o‘z joniga qasd qildi
Surxondaryoda IIB boshlig‘i o‘rinbosari lavozimida faoliyat yuritgan, pensiyadagi podpolkovnik Rustam Sirojiddonov o‘z joniga qasd qildi. Holat yuzasidan tergovga qadar tekshirish harakatlari olib borilmoqda.
Prokuror Otabek Sattoriyga 11 yil qamoq jazosi berishni so‘radi
Prokuror suddan Otabek Sattoriyni beshta bandda aybdor deb topib, 11 yilga ozodlikdan mahrum qilishni so‘radi. Bloger tovlamachilik va tuhmat qilishda ayblanmoqda. Sudlanuvchining advokati Umidbek Davlatovning ta’kidlashicha, ayblovda ko‘rsatilgan holatlarning hech biri o‘z isbotini topmagan.
Chorvoqqa 3 kun transport harakati cheklanadi
6−7−8 may kunlari velosportning shosse yo‘nalishi bo‘yicha O‘zbekiston chempionati o‘tkazilishi munosabati bilan Bektemir — Chirchiq — G‘azalkent — Chorbog‘ avtomobil yo‘lida ma’lum vaqtlarda transport harakati cheklanadi.
Toshkentda 87 yoshli onaxon qizi va nevarasi tomonidan kaltaklangani aytilmoqda
Toshkent shahrida 87 yoshli onaxon qizi va nevarasi tomonidan kaltaklangani aytilmoqda. Bunga uy-joy masalasi bo‘yicha ona va qiz o‘rtasida janjal sabab bo‘lgan. Onaxonning nevarasi Davron Tillayevning aytishicha, ayolning qizi uning qo‘l va oyog‘iga pichoq bilan urgan. Holat bo‘yicha jinoiy ish qo‘zg‘atildi.
Yunusobod tumani hokimida koronavirus aniqlandi
Yunusobod tumani hokimi Jaxongir Ibroximovda COVID-19 aniqlangani sababli fuqarolar uchun tashkil etiladigan sayyor qabul vaqtincha tuman hokimining birinchi o‘rinbosariga yuklatildi.
Moliya instituti 14 kunga, SamDCHTI o‘quv yili oxirigacha masofaviy ta’limga o‘tkazildi
Talabalar orasida COVID-19 infeksiyasi aniqlangani sababli, Moliya instituti 14 kunga, Samarqand davlat chet tillar instituti o‘quv yili oxirigacha masofaviy ta’lim tizimiga o‘tdi.
«Xalq nazorati» xizmati nima uchun kerak va u fuqarolarning qanday muammolarini hal qilishi mumkin?
Fevral oyida Toshkent hokimiyati «Xalq nazorati» xizmatini ishga tushirdi. Shahar ma’muriyatining so‘zlariga ko‘ra, loyiha o‘z samarasini ko‘rsatishga ulgurdi. Shunga qaramay, fuqarolarning muammolarini hal qilishda qiyinchiliklar ham mavjud. Loyiha rahbari Oybek Niyozov platformaning vazifalari, kamchiliklari va kelajakdagi rejalar haqida gapirib berdi.
Andijonda 3 yoshli qizaloqning ustiga qaynoq suv quyib yuborgan erkak 8 yilga qamaldi
Andijonda fuqaro o‘z uyida ijarada yashayotgan ayoldan turmush qurib birga yashash taklifiga rad javobini olgach, uning 3 yoshli farzandini ustiga qaynoq suv quyib yuboradi. Oqibatda qizaloq shifoxonada vafot etgan. Sud ayblanuvchini qasddan badanga og‘ir shikast yetkazishda aybli deb topdi.
AQSHdan Orolbo‘yi aholisi uchun gumanitar yordam yuborildi
AQSHning «Project C.U.R.E.» tashkiloti va «Boeing» kompaniyasi tomonidan Qoraqalpog‘istoning Orolbo‘yi hududi aholisi uchun gumanitar yordam yuborildi. Xayriya yuki o‘z ichiga 3 mln dollarlik tibbiyot buyumlari va jihozlari, sun’iy shamollatish moslamalarini oldi. Bundan tashqari, keyingi gumanitar yordamni yetkazish uchun 100 ming dollar miqdoridagi chek topshirildi.
O‘zbekistonda 2020 yilda is gazidan 93 kishi vafot etdi
O‘zbekistonda 2020 yilda 70 ta is gazidan zaharlanish holatlari sodir bo‘lib, jarohat olganlar soni 66 tani, vafot etganlar soni 91 tani tashkil qilgan.
Sobiq madaniyat va sport ishlari vaziri madaniyat vaziriga o‘rinbosar bo‘ldi
Vazirlar Mahkamasida mas’ul lavozimda faoliyat yuritib kelayotgan Bahodir Ahmedov Madaniyat vazirining birinchi o‘rinbosari lavozimiga tayinlandi.
Sherzod Shermatov — maktablarda joy yetishmasligini keltirib chiqargan sabablar haqida
Bugun O‘zbekistonda o‘quvchilar soni (6,24 mln) maktablarning loyihaviy quvvatidan (5,06 mln) sezilarli darajada ortib ketgan. Vaziyat shu holda rivojlanib borsa, o‘rtadagi farq 2 mlntaga yetadi, deya ma’lum qildi xalq ta’limi vaziri Sherzod Shermatov. U maktablarda joy yetishmayotganining ikki asosiy sababini aytib, muammoni hal etish bo‘yicha bir qancha takliflarni ilgari surdi.
Kitob tumani mehribonlik uyidagi bolalar Qamashi tumaniga ko‘chirildi
Kitob tumanidagi 5-sonli Mehribonlik uyida bolalar uchun sharoit yomonligi va uning talabga javob bermasligi aniqlangach, 2 may kuni mehribonlik uyidagi 65 nafar tarbiyalanuvchilarining 10 nafari yaqin qarindoshlari oilasiga, 55 nafari Qamashi tumanidagi 4-sonli mehribonlik uyiga ko‘chirildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting