“Gazeta.uz” o‘quvchilaridan yetim bolalar va ota-ona qaramog‘idan mahrum bo‘lgan bolalar joylashtirilgan mehribonlik uylari va ixtisoslashtirilgan muassasalarga o‘z munosabatlarini bildirishlarini so‘ramoqda.
Bitiruvchilar uchun «So‘nggi qo‘ng‘iroq» tadbiri bu yil onlayn tarzda bo‘lib o‘tadi, uni Uzreport TV telekanali, Toshkent shahar hokimligi va Xalq ta’limi vazirligi tashkillashtirishmoqda. Tadbirni 25 may soat 8:30 dan boshlab tomosha qilish mumkin bo‘ladi.
Bosh prokuratura Sardoba suv ombori bilan bog‘liq jinoyat ishi bo‘yicha ikki kishining gumonlanuvchi tariqasida ishga jalb etilganini ma’lum qildi. Ular qamoqqa olingan.
Toshkentda yer usti metrosi ustunlari yaqinida yer o‘pirilishiga suv quvuri ustiga o‘rnatilgan P shaklidagi himoyalovchi beton plitaning yuk mashinalari og‘irligini ko‘tara olmasdan sinib ketgani sabab qilib ko‘rsatildi.
Andijonda dron yordamida klip olmoqchi bo‘lgan videooperator bir yil sinov muddati bilan shartli ravishda uch yilga ozodlikdan mahrum qilindi. Deputat Rasul Kusherbayev sudlanuvchining jinoyatini istehzo bilan “Yil jinoyati” deb ta’rifladi va bu kabi jazolarni jinoyat qonunchiligidan butunlay chiqarib tashlash kerakligini ta’kidladi.
O‘zbekiston Tiklanish va taraqqiyot jamg‘armasi qaytarib bermaslik asosida Davlat byudjetiga 100 mln dollar ekvivalentidagi mablag‘lar ajratadi. Bu mablag‘lar Sirdaryodagi suv toshqini oqibatida jabrlangan fuqarolarni qo‘llab-quvvatlash va infratuzilmani tiklash chora-tadbirlarini moliyalashtirishga yo‘naltiriladi.
Dam olish kunlari issiq ob-havo bo‘lishi kutilmoqda. Kunduzgi harorat +35…+37, shimol, janub va cho‘l hududlarida esa +40 darajagacha ko‘tariladi. Shamol tezligi kuchayishi mumkin.
Buxoro viloyat sanitariya va epidemiologik osoyishtalik markazi bosh vrachi va vrach-dezinfeksionisti inqirozga qarshi kurashish jamg‘armasiga ajratilgan juda ko‘p miqdordagi pullarni talon-taroj qilgani aniqlandi.
Milliarder Alisher Usmonov Hayit bayrami arafasida Toshkent viloyati Zangiota tumanidagi 1004 ta ehtiyojmand oilaga 2,51 milliard so‘m miqdorida moddiy yordam ajratdi. Bu pullar har bir oilaga qariyb 2,5 million so‘mdan taqsimlab berildi.
O‘zbekiston musulmonlari idorasi pandemiya davrida Ramazon hayiti namozini o‘qish bo‘yicha fatvo berdi. Unga ko‘ra, jamoat bo‘lib o‘qish imkoniyati mavjud emasligi ushbu ibodatni mo‘min-musulmonlarning zimmasidan soqit qiladi.
Beeline Uzbekistan mobil operatorining 749 ming abonentiga 100 mln so‘m yutib olgani aytilgan yolg‘on xabar tarqatildi. Buning ortidan 1 mlrd so‘m daromad olgan MCHJ rahbariga nisbatan ish qo‘zg‘atildi.
Fitr sadaqasi qachon va nima uchun, kimlar uchun va kimlarga, qachon va qancha miqdorda berilishi kerak?
O‘zbekistonda Ramazon hayiti 24 may kuni nishonlanadi. Prezident ushbu bayramni nishonlash to‘g‘risidagi qarorni imzoladi.
Prezident Ramazon hayiti munosabati bilan jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 258 fuqaroni afv etdi. Afv etilganlarning 164 nafarini taqiqlangan tashkilotlar ishtirokchilari tashkil etadi.
Turkmanistonda 61 nafar O‘zbekiston fuqarosi amnistiyaga tushdi. Ular vatanga qaytarilganidan keyin Toshkent viloyatida ikki haftalik karantinga olindi.
Buxoro viloyatida yil davomida 12 marta yo‘l harakati qoidalarini buzgani uchun jarimaga tortilgan haydovchi o‘n uchinchisida halok bo‘ldi. O‘zidan tashqari 19 yoshli qizning ham o‘limiga, yana besh kishining og‘ir jarohatlanishiga sababchi bo‘ldi.
Milliarder Alisher Usmonov Andijon viloyati Marhamat tumanidagi 1000 ta ehtiyojmand oilaga 2,5 milliard so‘m miqdorida moddiy yordam ajratdi. Bu pullar har bir oilaga 2,5 million so‘mdan taqsimlab berildi.
Prezident topshirig‘i bilan Sardoba toshqinida ilmiy yozmalarini yo‘qotgan sirdaryolik yosh olimaga doktorlik darajasi istisno tariqasida berildi. Tayanch doktori O‘zbekistonda birinchi bo‘lib onlayn tarzda o‘z dissertatsiyasini yoqladi.
Respublika maxsus komissiyasi qaroriga ko‘ra, 22 maydan boshlab “sariq” va “yashil” toifadagi hududlarda ochiq sayilgoh, muzey va san’at galereyalarining faoliyatini yo‘lga qo‘yishga ruxsat beriladi. Tashrif buyuruvchilar uch kishidan ko‘p bo‘lib to‘planishlari mumkin emas. O‘yingoh va ovqatlanish shoxobchalari bundan mustasno.
Toshkentdagi Homiylik xayriyalairni muvofiqlashtirish markazi o‘z ishini yakunladi. 50 kunlik faoliyat davomida markaz tomonidan 85 mingga yaqin ijtimoiy himoyaga muhtoj oilalarga yordam ko‘rsatilib, ularga jami 11,8 mlrd so‘mlik mahsulotlar va dori vositalari yetkazib berilgan.
Qo‘shimcha imkoniyatlarga ega bulish uchun saytda ro‘yxatdan o‘ting