Jamiyat
O‘zbekistonda hafta yomg‘irli o‘tadi
Hafta davomida O‘zbekistonning katta qismida yomg‘ir yog‘ishi prognoz qilinmoqda. Ayrim joylarda shamol kuchayib, chang-to‘zonlar, do‘l yog‘ishi kuzatiladi. Harorat +15…+23 daraja atrofida bo‘ladi.
Hokimlarning targ‘ibot guruhlarini tuzish to‘g‘risidagi qarorlari E-Qaror portalidan g‘oyib bo‘ldi
Hokimlik qarorlari e’lon qilinadigan E-Qaror portalida yangi tahrirdagi O‘zbekiston Konstitutsiyasi loyihasini targ‘ib etish bo‘yicha guruhlar tuzish to‘g‘risidagi hokimlar qarorlari berkitildi, bu haqdagi Toshkent shahri hokimi v.b.ning qarori esa o‘chirib tashlangan.
Ro‘zador fermerlarni suv ichishga majburlagani aytilgan Koson hokimi ustidan Bosh prokuraturaga shikoyat qilindi
Fermerlar kengashi ro‘zador fermerlarni suv ichishga majburlagani aytilgan Koson tumani hokimi Asrol Boyqorayevning xatti-harakatlari yuzasidan Bosh prokuraturaga murojaat yo‘lladi. BP matbuot xizmati holat bo‘yicha o‘rganish ishlari olib borilayotganini ma’lum qildi.
Poytaxt hokimligi — kuchli yomg‘irlardan so‘ng suv bosgani haqida
2-aprelda Toshkentda kuchli yog‘ingarchilik kuzatilib, shahar ko‘chalari, tunnellar va hatto metro bekatlarini suv bosdi. Hokimlik holatga munosabat bildirib, buni “lotoklar bir paytning o‘zida bunday katta oqimni qabul qilishga mo‘ljallanmagani” bilan izohladi.
Navoiyda gaz taqsimlash stansiyasi davlatga 14 mlrd so‘m zarar yetkazdi
Qiziltepa tumanidagi “Xo‘ja-Hasan” gaz taqsimlash stansiyasi elektron gaz hisoblagichga tashqi ta’sir ko‘rsatib kelgani aniqlandi. Buning oqibatida davlat manfaatlariga 14,1 mlrd so‘m zarar yetgan.
Surxondaryoda yuk mashinasi jarlikka qulashi oqibatida haydovchi halok bo‘ldi
Uzun tumanidagi Bobotog‘ massivida yuk mashinasi jarlikka qulab, haydovchi voqea joyida halok bo‘ldi. Holatga uning harakatlanish uchun mo‘ljallanmagan yo‘ldan yurgani va boshqaruvni yo‘qotgani sabab bo‘lgan.
Urganchdagi mehribonlik uyining 3 nafar tarbiyalanuvchisi himoyaga olindi
Urganchdagi mehribonlik uyining zo‘ravonlikka uchragan 3 tarbiyalanuvchisi himoyaga olindi. Prezidentning qizi Saida Mirziyoyeva ular xavfsizlikda ekanini bildirdi. “Barcha darajadagi zo‘ravonlikka qarshi mutlaq toqatsizlik normalarini yaratish vaqti keldi”, — dedi va OAV hamda faollarga minnatdorlik bildirdi.
Buxoro viloyatida zilzila sodir bo‘ldi
Buxoro viloyati Jondor tumanida 3,3 magnitudali yer silkinishi qayd etildi. Viloyat FVB zilzila oqibatida hududdagi o‘ta muhim va toifalangan obyektlar, aholi punktlari talafot ko‘rgani to‘g‘risida ma’lumot kelib tushmaganini bildirdi.
Inqirozdan inqirozgacha: nima uchun tizimli muammolar hal etilmayapti?
O‘zbekiston media maydoni yana jo‘shdi. Yana minbarlardan aybdorlarni jazolashga chaqiruvchi g‘azabnok ovozlar yangraydi. Ammo tez orada hammasi — yangi inqirozgacha unutiladi. Xorazmlik amaldorlarning qizlarni zo‘rlagani nosoz tizimning yorqin namunasidir, deb yozadi “Gazeta.uz” kolumnisti Yuriy Saruxanyan.
Toshkent ko‘chalarini suv bosdi — video
Toshkentda yakshanba kuni tushdan keyin yog‘ib o‘tgan momaqaldiroqli do‘l va yomg‘irdan so‘ng shahar ko‘chalarini suv bosdi. Poytaxt aholisi tunellar va metro bekatlari suvga to‘lgani aks etgan foto-videolani ulashdi. Metropoliten matbuot xizmati holatni ariqlarning to‘lib qolgani bilan izohladi.
YUNISEF vakolatxonasi rahbari bolalarni jinsiy zo‘ravonlikdan himoya qilish uchun choralarni kuchaytirishga chaqirdi
YUNISEFning O‘zbekistondagi vakolatxonasi rahbari Munir Mamedzade Xorazmdagi mehribonlik uyi qizlarining jinsiy ekspluatatsiya qilingani haqidagi xabarlardan xavotirini bildirdi. U bolalarni jinsiy zo‘ravonlikdan himoyalash va muqobil parvarish standartlarini yaxshilash uchun harakat qilishga chaqirdi.
Koson hokimi ro‘zador fermerlarni suv ichishga majburlagani aytilmoqda
Koson tumani hokimi Asrol Boyqorayev 31-mart kuni o‘tkazgan majlisda ro‘zador fermerlarni suv ichishga majburlagani aytilmoqda. Hokimlik matbuot kotibi holatni rad etdi, biroq keyinroq o‘z xabarini o‘chirdi.
Toshkent va Farg‘onada tadbirkorlar 25 mlrd so‘mlik gazdan noqonuniy foydalangani aniqlandi
Toshkentdagi 4 ta gaz “zapravka” va Farg‘onadagi bitta ohak sexida tabiiy gazdan noqonuniy foydalanishi oqibatida davlatga jami 25 mlrd so‘mlik zarar yetkazilgani aniqlandi.
Xorazmda qizlarning zo‘rlangani haqida rasmiylarga 2 oy oldin xabar berilgan — Irina Matviyenko
Tanzila Narbayeva Xorazmda qizlarning zo‘rlangani bilan bog‘liq vaziyatga “davlat va jamiyatning murosasiz javobi bo‘lishi shart”ligini bildirdi. Saida Mirziyoyeva prokuraturadan holatga huquqiy baho berishni so‘radi. Irina Matviyenko esa vaziyat haqida rasmiylarga 2 oy oldin xabar berganini ta’kidladi.
Bosh prokuratura mehribonlik uyi tarbiyalanuvchilarini zo‘rlash ishi bo‘yicha protest kiritdi
Bosh prokuratura mehribonlik uyi tarbiyalanuvchilari bilan jinsiy aloqada bo‘lgani uchun 1,5 yilga ozodlikdan mahrum qilingan Xorazm viloyatining sobiq amaldorlariga nisbatan hukmni “yengil” deb topib, Oliy sudga protest kiritdi. U 29-mart kuni, voqea oshkor etilishidan ikki kun oldin chiqarilgan.
“Sharqning ilk qaldirg‘ochi”. Tamaraxonimning uy-muzeyidan fotoreportaj
Mart oyida professional o‘zbek raqsi asoschilaridan biri, qo‘shiqchi, raqqosa, baletmeyster Tamaraxonim tavalludiga 117 yil to‘ldi. “Gazeta.uz” xonimni xotirlash maqsadida uning Toshkent shahri Mirzo Ulug‘bek tumanida joylashgan uy-muzeyida bo‘ldi.
Qirolichaning yurishi: Ayollar shaxmati jahonda va O‘zbekistonda
Xitoyning Chunsin shahrida ayollar shaxmati bo‘yicha jahon chempionati o‘tkazilmoqda. O‘zbekistonliklar erkaklar terma jamoasi o‘yinlarini diqqat bilan kuzatadi, ayollar jamoasi esa soyada qolib ketmoqda. Ayollar shaxmatining xususiyatlari va o‘zbek shaxmatchi qizlari haqida murabbiy Georgiy Shvanov hikoya qiladi.
Bolalar ombudsmani mehribonlik uyi tarbiyalanuvchilarini zo‘rlash bilan bog‘liq vaziyatni o‘rganmoqda
Bolalar ombudsmani Urganchdagi oilaviy bolalar uyi tarbiyalanuvchilarining zo‘rlanishi bilan bog‘liq vaziyatni o‘rganayotgani ma’lum qilindi. “Bolalarga nisbatan har qanday jinsiy jinoyatlarga og‘ir jazo qo‘llanishi kerak”, — deyiladi bayonotda.
Oliy sud mansabdorlarning qizlar bilan jinsiy aloqa qilgani bo‘yicha sud qarori ustidan protest yoki shikoyat olmaganini ma’lum qildi
Oliy sud amaldorlar va mehribonlik uyi tarbiyalanuvchilari o‘rtasidagi jinsiy aloqa ishi bo‘yicha Xiva sudi 7 oy avval hukm chiqarganini tasdiqladi. Mudira va mansabdorlar apellyatsiya bergan, biroq yutqazgan. Oliy sud kassatsiya instansiyasida ko‘rib chiqilgunga qadar ishga huquqiy baho bera olmasligini bildirdi.
Mehribonlik uyi tarbiyalanuvchilari bilan jinsiy aloqada bo‘lgan amaldorlar ozod etilgan
Xorazm viloyatida oilaviy mehribonlik uyining voyaga yetmagan 3 nafar tarbiyalanuvchisi viloyat adliya boshqarmasi va tuman FVV rahbarlari bilan jinsiy aloqa qilishga majburlangan. Mehribonlik uyi rahbari 5 yilu 6 oyga qamalgan, mansabdor shaxslarning esa ozodligi cheklanib, qo‘yib yuborilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting