Jamiyat
Talabalarni Tashkent Index hududidagi 10 ming o‘rinli binoga joylashtirish taklif qilindi
Poytaxt hokimi Jahongir Ortiqxo‘jayev Tashkent Index majmuasi hududida bo‘sh turgan 10 ming o‘rinli binoni bir hafta muddatda xususiy sherikchilik asosida TTJga aylantirishga ko‘rsatma berdi.
Sirdaryoda $3 ming evaziga TIQXMI Qarshi filiali diplomini olib bermoqchi bo‘lgan fuqarolar ushlandi
Boyovut tumanida ikki fuqaro Toshkent irrigatsiya va qishloq xo‘jaligini mexanizatsiyalash muhandislari institutining Qarshi filialini tugatganligi to‘g‘risida diplom olib berish uchun 3 ming dollar olgan vaqtida ushlandi. Ularga nisbatan jinoyat ishi ochildi.
Toshkentda musiqa festivali bo‘lib o‘tadi
Toshkentda bo‘lib o‘tadigan musiqa festivalida Gayazov$ Brother$, Minelli va HammAli & Navai chiqishlari kutilmoqda.
Gulistonda ham 16 tup daraxt noqonuniy kesilgani aniqlandi
Gulistondagi istirohat bog‘ida 16 tup tol va terak daraxtlari kesilib, 5 tup daraxtga jiddiy zarar yetkazilgani aniqlandi. Holat yuzasidan shahar prokuraturasi tomonidan jinoyat ishi qo‘zg‘atildi.
Amanbay Orinbayev Senat a’zoligiga saylandi
Nukusda Qoraqalpog‘iston Jo‘qorg‘i Kengesi, Xalq deputatlari tuman va shahar kengashlarining qo‘shma majlisi bo‘lib o‘tdi. Unda Jo‘qorg‘i Kengesi raisi Amanbay Orinbayev Senat a’zoligiga saylandi.
«Tadbirkorlar bizga manfaati yo‘q deyishdi» — Oliy ta’lim vaziri xususiy sheriklikda yotoqxonalar qurish oqsagani haqida
Oliy ta’lim vaziri Abduqodir Toshqulov davlat-xususiy sheriklikda yotoqxonalar qurish nima sababdan oqsagani haqida gapirdi. Vazir tadbirkorlar yotoqxona qurishdan manfaat yo‘qligini va qurmasliklarini aytganini qayd etdi. Hozir esa talablar o‘zgarib, yotoqxonalar qurilayotganini ta’kidladi.
Asia Alliance Group mulkchilik tarkibida o‘zgarishlar yuz berdi
Asia Alliance Group mulkchilik tarkibidagi o‘zgarishlar natijasida Kamo Tumasovning ustav kapitalidagi ulushi 85 foizni tashkil etdi.
Soliq qarzini undirish bilan bog‘liq sud va ijro ishlari tugatiladi
Prezident farmoni bilan ta’sirchan soliq mexanizmi natijasida hosil bo‘lgan mol-mulk solig‘i va yer solig‘i bo‘yicha ️mavjud soliq qarzi hisobdan chiqariladi. Shuningdek, soliq qarzini undirish bilan bog‘liq sud va ijro ishlarini tugatish belgilandi.
Stroymart tarmog‘i o‘zining ikki yilligini nishonladi
Stroymart do‘konlar tarmog‘i ikki yilligi munosabati bilan o‘tkazilgan tantanali tadbirda o‘zbek estradasi yulduzlari va blogerlari ishtirok etishdi. Hamda tadbirda Skyworth EV6 elektromobilning g‘olibi aniqlandi.
Dam olish kunlari havo salqin bo‘ladi
Dam olish kunlari Volga bo‘yi hududlaridan salqin va biroz nam havo massalari kirib keladi, harorat +23…+28 darajagacha tushadi. Yakshanba kuni kuzgi salqin qayd etiladi, ayrim hududlarda yomg‘ir yog‘ishi kutilmoqda. Surxondaryo viloyati va Farg‘ona vodiysida shamol tezligi 20−23 m/s ga yetishi mumkin.
DXX psixotrop dorilar aylanmasiga chek qo‘ydi
DXX Farg‘onadan Toshkentga kelayotgan fuqaro mashinasida psixotrop dori vositalari borligini aniqladi. Gumonlanuvchi «Regapen» va «Tropikamid» tabletkalarini voyaga yetmagan qizi orqali olib o‘tmoqchi bo‘lgan. Holat yuzasidan jinoyat ishi qo‘zg‘atildi.
«Turar-joyga ehtiyoji bor talabalarning 47 foizi yotoqxona bilan ta’minlangan» — Abduqodir Toshqulov
O‘zbekistondagi OTMlarda ta’lim olayotgan 211 ming nafar talabaning turar-joyga ehtiyoji bor, shundan faqat 91 ming talaba yotoqxonaga joylashishi mumkin. «Turar-joyga ehtiyoji bor talabalarning 47 foizi yotoqxonalar bilan ta’minlangan», — dedi Abduqodir Toshqulov.
Talabalar ijara subsidiyasining shartnomasiz varianti yo‘lga qo‘yilishi mumkin
Oliy ta’lim vaziri Abduqodir Toshqulov talabalar ijara subsidiyasining shartnomasiz varianti ustida ish olib borilayotganini aytdi. Unga ko‘ra, ijara subsidiyasini kimlarga berishni talabalar guruhda o‘zi hal qiladi. Ilmiy kengash tasdiqlagach, subsidiya talabalarning plastik kartalariga o‘tkazib beriladi.
Andijonda maktabga o‘quvchilarni oyoq kiyimsiz kirgizgan direktor va uning o‘rinbosari ogohlantirildi
Andijonning Paxtaobod tumanidagi 38 maktabda o‘quvchilarning yo‘lakda oyoq kiyimsiz yurgani aks etgan videolar ijtimoiy tarmoqlarda tarqaldi. Viloyat XTB bayonotiga ko‘ra, ushbu holatning ta’lim sifatiga umuman ta’siri yo‘q. Voqea sabab maktab direktori va o‘rinbosariga intizomiy chora qo‘llandi.
Samarqandda korxona kanalga 1 tonna neft mahsulotlarini oqizib yubordi
Davlat ekologiya qo‘mitasi Samarqand tumanidagi korxona «Darg‘om» kanaliga 1 tonna neft mahsulotlarini oqizib yuborganini aniqladi. Buning ortidan 1,2 mlrd so‘m kompensatsiya to‘lovi undirilishi, qolaversa, korxona faoliyati to‘xtatilishi mumkin. Hujjatlar tayyorlanib, sudga yuboriladi.
«Tashabbusli budjet» loyihasidagi ovozlar tekshirib chiqiladi — Moliya vazirligi
Ijtimoiy tarmoqlarda fuqarolar Open budget platformasida ayrim loyihalarning qisqa muddat ichida minglab ovozlar to‘playotgani yuzasidan e’tirozlar bildirmoqda. Moliya vazirligi holatga munosabat bildirib, ovozlar qayta tekshirib chiqilishini ma’lum qildi.
Yana bir bola ariqning panjarasiga tiqilib qoldi. FVV yana ota-onalarga murojaat qildi
Toshkentda 11 yoshli bolaning oyog‘i ariq panjarasiga qisilib qoldi. Shu kabi holat avvalroq Sirdaryoda ham kuzatilgandi. FVV yana bir marta ota-onalarni o‘z farzandlarini nazoratsiz qoldirmaslikka chaqirdi.
Kechasi zilzila sodir bo‘ldi. Epitsentr — Andijon
9 sentabr kuni Toshkent vaqti bilan 02:00 da Andijonda zilzila sodir bo‘ldi. Zilzila magnitudasi epitsentr — Asaka tumanida 3,3 ballga teng bo‘lgan. Bundan yarim soatcha oldinroq esa Qirg‘izistonda yer qimirladi, uning ta’siri Toshkent, Sirdaryo va Jizzaxda sezildi.
«Nukus — Mo‘ynoq» yo‘nalishida muntazam aviaqatnov yo‘lga qo‘yiladi
12 sentabrdan boshlab Uzbekistan Airways har dushanba «Nukus — Mo‘ynoq» yo‘nalishida aviaqatnovni amalga oshiradi. Qolaversa, kompaniya faqat 9 sentabr kuni Nukusdan uchgan samolyot Mo‘ynoqda to‘xtab, keyin Toshkentga uchishini ma’lum qildi.
8 sentabr kuni O‘zbekistonda sodir bo‘lgan eng muhim xabarlar dayjesti
Toshkentda o‘tgan Parlamentlararo ittifoqning ayol rahbarlari sammiti, Chilonzor prokuraturasi ro‘parasida yana daraxtkushlik, «O‘zbek tili» kitobida Murod Nazarov haqidagi matn, 57 ta timsoh bolasining ahvoli, asosiy stavkani 15% darajada o‘zgarishsiz qoldirgan MB va boshqalar — «Gazeta.uz»da kun dayjesti.
Qo‘shimcha imkoniyatlardan foydalanish uchun saytda ro‘yxatdan o‘ting