Jamiyat
“Tog‘lar bag‘ridagi G‘elon qishlog‘i” — Madina A’zam obyektivida
Tashqi dunyodan uzilgan, mobil aloqa ishlamaydigan, biroq, aholisining yuzidan doimo tabassum arimaydigan G‘elon qishlog‘i hayotining bir kuni — “Gazeta.uz” muxbiri Madina A’zam fotohikoyasida.
Qoraqalpog‘istonda hibsga olinganlar qiynoqqa solingan bo‘lishi mumkinligi haqida ilk bor rasman xabar berildi
Ombudsman Qoraqalpog‘istondagi namoyishlarda hibsga olinganlarning advokatlariga tayanib, uchrashuvlarga to‘sqinlik qilingani va tergovda qiynoqqa solishlar bo‘lganini ma’lum qildi. «Gazeta.uz» reportajida qiynoqqa solish holatlari haqida yozgandi, komissiya a’zosi Alisher Qodirov esa buni yolg‘on deya atagandi.
To‘raqo‘rg‘on IESga tabiiy gaz yetkazib berish qayta tiklandi
Chorshanba kuni magistral gaz quvuriga shikast yetkazilishi oqibatida Namangan viloyatidagi To‘raqo‘rg‘on issiqlik elektr stansiyasi faoliyati favqulodda to‘xtatilgandi. «O‘ztransgaz»ning ma’lum qilishicha, nosozlik maxsus brigada tomonidan bartaraf etilib, To‘raqo‘rg‘on IESga tabiiy gaz yetkazib berish qayta tiklandi.
Hukumat maktablar yaqinida gazlangan va energetik ichimliklar sotishni cheklashni taklif qilmoqda
Hukumat maktablarga 500 metrga yaqin hududlarda shakarli, gazlangan va energetik ichimliklar hamda tez tayyorlanadigan taomlar savdosini taqiqlashni taklif etmoqda. Hujjat bilan 2022 yil yakuniga qadar umumta’lim va chekka hududlardagi maktablarni avtobuslar bilan ta’minlash rejalashtirilmoqda.
Buxoroda 18 yoshli qiz yangi tug‘ilgan chaqalog‘ini hojatxonaga tushirib yuborgani aniqlandi
Buxoroning G‘ijduvon tumanida 18 yoshli qiz yangi tug‘ilgan chaqalog‘ini hojatxonaga tushirib yuborishi oqibatida uning o‘limiga sababchi bo‘lgani aniqlandi. Sud onaning qilgan ishidan pushaymonligi, yoshligini inobatga olib, unga bir yil muddatga ozodlikni cheklash jazosini tayinladi.
Mehnat qonunchiligini buzgan 6 mingga yaqin mansabdor jarimaga tortildi — Mehnat vazirligi
Yil boshidan beri 14 mingdan ortiq tashkilot va korxonalarda o‘rganishlar o‘tkazilib, 41 150 ta qonunbuzilish holatlari aniqlandi. Shunga ko‘ra, 5935 nafar mansabdor 12 mlrd 57 mln so‘mlik jarimaga tortildi. Qonunbuzarliklar ko‘proq — Qashqadaryo, Samarqand, Namangan, Toshkent va Farg‘ona viloyatlarida uchramoqda.
Jizzaxda 3 yoshli qizaloq qarindoshi kaltaklashi oqibatida vafot etdi
Jizzax viloyatining Paxtakor tumanida 3 yoshli qizaloq qarindoshi tomonidan kaltaklashi oqibatida vafot etdi. Prokuratura jinoyat ishi qo‘zg‘atdi, gumonlanuvchi ayol hibsga olindi.
Oilaviy bolalar uyidagi tarbiyalanuvchilarning yashash xarajatlari budjetdan qoplab beriladi
Hukumat qarori bilan bolalarni oilalarga tarbiyaga olish tartibi belgilandi. Unga koʻra, tugʻilganidan boshlab 18 yoshgacha boʻlgan bolalar oilaviy tarbiyalashga berilishi mumkin. Tarbiyalovchi ota-onalarga har bir bolaning yashash xarajatlari uchun davlat budjetidan oyiga 1,5 mln soʻmdan 2,1 mln soʻmgacha pul ajratiladi.
To‘raqo‘rg‘on IESda favqulodda o‘chish sodir bo‘ldi
Magistral gaz quvuriga shikast yetkazilgani oqibatida Namangan viloyatidagi To‘raqo‘rg‘on issiqlik elektr stansiyasi faoliyati favqulodda to‘xtatildi, deb xabar berdi Energetika vazirligi. Ayrim hududlarda elektr ta’minotida qisqa muddatli uzilishlar kuzatilishi mumkin.
$50 ming pora bilan qo‘lga tushgan prokuratura tergovchisiga hukm o‘qildi
May oyida Uchtepa tuman prokuraturasi tergovchisi 50 ming dollar pora bilan ushlangan edi. Yashnobod tuman sudi gumonlanuvchini aybdor deb topib, 13 yilga ozodlikdan mahrum qilish jazosi tayinladi.
Qarshi Leather bir necha bor qonunbuzarliklari uchun ogohlantirilgan — Qashqadaryo Ekologiya boshqarmasi
Qashqadaryo viloyati Ekologiya boshqarmasi Qarshi Leather zavodi ekologiyani ifloslantirgani uchun bir necha bor ogohlantirilgani, mart oyida faoliyatini to‘xtatganini ma’lum qildi. Avvalroq atrofga badbo‘y hid taratayotgan ushbu zavod oldida fuqaro o‘zini yoqib yuborgan edi.
Navoiy ko‘chasining bir qismi ta’mir ishlari uchun yopiladi
Toshkentdagi Navoiy ko‘chasining Xadra maydonidan Chorsu maydonigacha bo‘lgan qismi 17 avgustdan ta’mir ishlari uchun yopiladi.
Toshkentda obodonlashtirish ishchisi Spark urib yuborishi oqibatida halok bo‘ldi
Toshkent hayvonot bog‘i oldidagi ko‘chada Spark haydovchisi yo‘l chetida turgan shahar obodonlashtirish boshqarmasi ishchisini urib yubordi. Hodisa oqibatida piyoda voqea joyida vafot etdi.
DSQ raisi shaxmat olimpiadasi g‘olibining otasiga navbatdagi unvonni topshirdi
Davlat soliq qo‘mitasi raisi Sherzod Kudbiyev shaxmat olimpiadasi g‘olibi Nodirbek Yakubbayevning otasi, soliq xizmati xodimi Murodbek Iskandarovga navbatdagi unvonni topshirdi. Shuningdek, chempionning ota-onasiga «Xumson» sanatoriysiga yo‘llanma hamda qimmatbaho esdalik sovg‘alari berilgan.
Magistraturada o‘qiyotgan xotin-qizlarning kontrakt to‘lovlarini qoplab berish tartibi belgilandi
Magistraturada to‘lov-shartnoma asosida o‘qiyotgan xotin-qizlarning kontrakt summasini Davlat budjetidan qoplab berish tartibi tasdiqlandi. Buning uchun talabgorlar 15 sentabrga qadar o‘zlari ta’lim oladigan muassasa rektori nomiga ariza bilan murojaat etishlari talab qilinadi.
«Forish» poligonida Xalqaro armiya o‘yinlari start oldi
15 avgust kuni Jizzax viloyatida Xalqaro armiya o‘yinlari doirasida O‘zbekiston mezbonlik qilayotgan «Dala oshxonasi» va «Qurolsoz usta» musobaqalari boshlandi. Unda dunyoning 37 davlatidan jami 257 jamoa qatnashmoqda. O‘yinlar Rossiya Mudofaa vazirligi tomonidan tashkil etilgan.
Toshkentda Interpol byurosi xalqaro qidiruvdagi Turkiya fuqarosini ushladi
Toshkent aeroportida Interpolning O‘zbekistondagi byurosi xodimlari xalqaro qidiruvda bo‘lgan fuqaroni turkiyalik hamkasblariga topshirdi. U muhrlarga qasddan zarar yetkazish va narkotik moddalarning noqonuniy aylanishi bilan bog‘liq huquqbuzarlik uchun qidiruvda bo‘lgan.
Andijonda ikki bank xodimi 111 mln so‘mni o‘zlashtirganligi ma’lum bo‘ldi
Andijonning Buloqboshi tumanidagi “Xalq banki” xodimlari tomonidan bankomatga joylanishi kerak bo‘lgan 111 mln so‘m o‘zlashtirilganligi aniqlandi. Tekshiruv davomida yetkazilgan zarar to‘liq qoplangan.
Qarshida fuqaro o‘zini yoqib yuborishga urindi
Prokuratura Qarshidagi charm zavodi yaqinida sodir bo‘lgan voqeani o‘rganmoqda. Bu yerda aholi kasalliklarni keltirib chiqarayotgan hid va havoning ifloslanishidan shikoyat qilib yig‘ilishgandi. Fuqarolardan biri zavod rahbariyati tahdid qilganini aytib, o‘zini yoqib yubordi.
RF Afg‘onistondan O‘zbekiston va Tojikistonga olib qochilgan harbiy samolyotlarning Ukrainaga o‘tib qolishidan xavfsiramoqda
Rossiya prezidentining Afg‘oniston bo‘yicha maxsus vakili Zamir Kabulov: «Afg‘onistonlik qo‘mondonlar va harbiy xizmatchilar qochib ketgan paytda O‘zbekiston va Tojikiston hududida qolgan harbiy vertolyot va samolyotlar Ukrainaga o‘tib qolmasligi biz uchun muhim», deya bayonot berdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting