HSL kompaniyasi O‘zbekiston va boshqa davlatlar o‘rtasida avtomobil, temir yo‘l va havo transportida yuk tashishni amalga oshiradi.
Surxondaryoning Sariosiyo tumanida fuqaro fermer xo‘jaligiga qarashli yer maydonidan 22 sotix qismini 17,6 ming dollarga sotishga uringanlikda gumonlanmoqda. Mazkur holat yuzasidan jinoyat ishi qo‘zg‘atildi.
Hukumatning tegishli qarori bilan Ekoqo‘mita huzurida havo ifloslanishini kamaytirish, oqova suvlarni tozalash va maishiy chiqindilarni qayta ishlash, shuningdek, atrof-muhitning bugungi holatini o‘rganishning yangi usullarini ishlab chiqadigan ilmiy-tadqiqot instituti tashkil etiladi.
Hukumat qarori bilan mualliflik huquqi obyektlarining elektron nazorat nusxalarini yagona bazada saqlash tartibi belgilandi. Unga ko‘ra, yagona bazani yuritish, texnik ta’minlash hamda obyektlarning elektron nazorat nusxalarini bazaga kiritish vazifalari «Intellektual mulk markazi»ga yuklatildi.
Uzbekistan Airways 12−20−sentabr kunlari Toshkent, qolaversa, Rossiya, Qozog‘iston va Turkiyadan Samarqandga amalga oshirilishi rejalashtirilgan bir nechta reyslarni bekor qildi. Aviakompaniya buni Samarqand xalqaro aeroportidagi texnik sabablar bilan izohladi.
Sirdaryoning Oqoltin tumanida gaz balloni portlagan Isuzu avtobusi bo‘yicha «O‘zavtosanoat» va boshqa mas’ul xodimlar tekshiruv o‘tkazdi. Unga ko‘ra, gaz ballonlar avtobus konstruksiyasiga o‘zgartirish kiritilgan holda o‘rnatilganligi aniqlangan. Holat yuzasidan jinoyat ishi qo‘zg‘atildi.
Ilg‘or texnologiyalardan foydalangan holda, ISH.UZ xodimlarni qidirish va tanlash vaqtini qisqartiradi, shuningdek, kompaniyaning kadrlar bo‘limi samaradorligini oshiradi.
Prezident tomonidan 2022−2023 yillarda AKT sohasini rivojlantirishga doir qaror imzolandi. Unga muvofiq, 2023 yildan boshlab sohadagi startaplar rivoji uchun mukofot jamg‘armasi 1 mln dollar bo‘lgan prezident sovrini uchun tanlov o‘tkaziladi.
O‘zbekistonda bolalar uyi bittaga kamaydi. Turli mojarolar bilan ishlab kelgan Toshkentdagi 21-sonli mehribonlik uyi faoliyati to‘xtatildi. Uning tarbiyalanuvchilari esa 22-sonli muassasaga o‘tkazildi.
Hukumat qaroriga muvofiq, daraxtlarni noqonuniy kesganlik uchun daraxt va butalarni kompensatsiya tarzida ekish jarimalardan ozod etmasligi belgilandi. Qolaversa, yil oxirigacha qarovsiz qolgan daraxtlar xatlovdan o‘tkazilib, yaqin hududdagi mulkdorlarga biriktirilishi ko‘zda tutilmoqda.
Senator Baxtiyor Sayfullayevning fikricha, «Bola huquqlarining kafolatlari to‘g‘risida»gi qonun qabul qilinganiga qariyb 15 yil bo‘ldi, unda 10 dan ortiq havolaki norma mavjud. Qolaversa, unda bolani tarbiyalash bo‘yicha majburiyatlar ham nazarda tutilmagan. Shu bois, qonunni qayta ko‘rib chiqish taklif etilmoqda.
Magistraturaga kirish uchun topshirilgan 10 mingdan ziyod arizalar ko‘rib chiqilib, 5219 tasi qabul qilindi, deb xabar berdi Oliy ta’lim vazirligi. Ular orasida xorijiy til sertifikatiga egalar — 4582 tani tashkil etadi.
Yosh muxbirlar Invento The Uzbek International School haqida videolavha tayyorlashdi va vaqtlarini qayerda o‘tkazishlar haqida so‘zlab berishdi.
Interpol qidiruvidagi shaxs Sankt-Peterburgda qo‘lga olindi. Gumonlanuvchi ikki barobar ko‘proq daromad olishni va’da qilib, fuqarolarning plastik kartalaridan o‘z hisobiga pul mablag‘lari o‘tkazgan. Shundan so‘ng, va’dasini bajarmasdan qochib ketgan. Hozirda uning O‘zbekistonga ekstraditsiya qilinishi kutilmoqda.
DXX Chegara qo‘shinlari Surxondaryo viloyatida Davlat chegarasini noqonuniy kesib o‘tgan 24 nafar Afg‘oniston fuqarosi qo‘lga olinganini ma’lum qildi. Ularning Amudaryo o‘rtasidagi Payg‘ambar oroliga qizilmiya ildizini qazib olishga o‘tgani aniqlandi.
Hukumat qarori bilan «O‘zbekinvest» davlat monopoliyasining harbiy xizmatchilarni majburiy shaxsiy sug‘urta qilish huquqi bekor qilindi. Kompaniya ushbu eksklyuziv huquqdan 2003 yildan boshlab foydalanib kelgan.
Prezident «O‘zbekistonda xizmat ko‘rsatgan tadbirkor» faxriy unvoni ta’sis etiladi. Ushbu mukofot bilan ko‘plab ish o‘rinlarini yaratgan, biznesning yangi yo‘nalishlarini yo‘lga qo‘ygan, o‘z sohasida innovatsiya va islohotlar qilgan va el-yurt orasida obro‘ topgan biznes vakillari taqdirlanadi.
IIV rahbariyati YPX xodimlariga mobil telefonlarni topshirish, xizmatga telefonsiz chiqish va ish vaqtida undan foydalanmaslik bo‘yicha taqiq qo‘ygani aytilmoqda. Bu vazirlik rahbariyati talabi emas, balki joylardagi ayrim rahbarlarning shaxsiy tashabbusi bo‘lishi mumkin, deya qayd etdi IIV matbuot xizmati.
O‘zbekistonda eshitishda nuqsoni bo‘lgan fuqarolar va sayyohlarning hayotini, qolaversa, davlat va biznes bilan suhbatini osonlashtirish uchun imo-ishorani onlayn tarjima qilish dasturi joriy etilishi kutilmoqda. O‘zbekiston karlar jamiyati faollari buning uchun hukumat va homiylarni qo‘llab-quvvatlashga chaqirmoqda.
Banklardan birida mijozning plastik kartasidan 8 mln so‘m miqdorida mablag‘ yechib olingani aniqlandi, deb xabar qildi Kiberxavfsizlik markazi. Pullarni Telegram orqali texnik yordam ko‘rsatuvchi koll-markaz xodimi o‘zlashtirganlikda gumonlanmoqda.
Qo‘shimcha imkoniyatlardan foydalanish uchun saytda ro‘yxatdan o‘ting