Jamiyat
O‘z joniga qasd qilgan tadbirkorning singlisi akasi vafotining ehtimoliy sabablari haqida gapirdi
Andijon viloyatida «Bo‘z Iqbol chorvasi» kompaniyasi rahbari daraxtga osilgan holda topildi. Singlisining aytishicha, u bog‘chalarga oziq-ovqat yetkazib berish bilan shug‘ullangan va muassasalar qarzlarini to‘lamagani uchun o‘z joniga qasd qilgan bo‘lishi mumkin. Maktabgacha ta’lim vazirligi holatga izoh berdi.
Dam olish kunlari qulay havo harorati bo‘lishi kutilmoqda — O‘zgidromet
Dam olish kunlari havo harorati tungi vaqtda +23 darajagacha tushadi, kunduzi esa +36 darajadan oshmaydi. Tog‘li va tog‘ oldi hududlarda yomg‘ir yog‘ishi va momaqaldiroq bo‘lishi, cho‘l zonalarda esa chang-to‘zonlar ko‘tarilishi kutilmoqda.
Ekoqo‘mita 831 ta holatda tadbirkorlar huquqlarini buzgan — Biznes-ombudsman
Davlat ekologiya qo‘mitasi korxonalarda tekshirish o‘tkazish, davlat xizmatini ko‘rsatish va murojaatlarni ko‘rib chiqish bo‘yicha jami 831 ta holatda tadbirkorlarning huquqlarini buzgani aniqlandi. Biznes-ombudsman qo‘mitaning 99 nafar mansabdoriga nisbatan ma’muriy bayonnoma rasmiylashtirdi.
Magistraturaga topshirilayotgan sertifikatlarning 70 foizi soxtalashtirilgan — Abduqodir Toshqulov
Magistraturaga qabul uchun topshirilayotgan sertifikatlarning 70 foizi soxtalashtirilgan, deya tanqid qildi oliy va o‘rta maxsus ta’lim vaziri Abduqodir Toshqulov. U mas’ullarga qabul yakunida sertifikatlarni yana bir bor tekshirish, soxta hujjatlar topshirganlarni esa o‘qishdan chetlatish yuzasidan ko‘rsatma berdi.
Surxondaryoda fuqaro qarindoshini o‘ldirish uchun odam yolladi
Sariosiyo tumanida fuqaro o‘zining qarindoshini o‘ldirish uchun 50 mln so‘mga odam yolladi. Huquq-tartibot organlari tomonidan o‘tkazilgan tezkor tadbirda gumondor kelishilgan puldan 1,8 mln so‘mini berganida ushlandi. Uning aybi sudda o‘z tasdig‘ini topsa, 10 yildan 15 yilgacha qamalishi mumkin.
«Avj olsa, kurashish qiyin». O‘zbekistonda termitlar va ular yetkazayotgan zarar ortib bormoqda
Termitlar dunyo bo‘ylab aholi uylari va tarixiy yodgorliklarga jiddiy zarar yetkazmoqda. Respublika termitlarga qarshi kurashish markazi direktori «Gazeta.uz» bilan suhbatda termit qanday hasharot ekanligi, hukumat ushbu muammoga qarshi qay darajada kurashayotgani va yechimini kutayotgan masalalar haqida gapirdi.
28 iyul kuni O‘zbekistonda sodir bo‘lgan eng muhim xabarlar dayjesti
O‘qishga hujjat topshirgan 1,2 mln nafar abituriyent, xalqaro plastik kartalardan pul yechishga komissiya o‘rnatayotgan banklar, AQShning O‘zbekistondagi yangi elchisi, yarim yilda javobgarlikka tortilgan 1785 nafar mansabdor shaxs, sel kelish xavfi, Gruziyaga sayohat va boshqalar — «Gazeta.uz» da kun dayjesti.
Xususiy sektorda ishlayotgan ayollarga ham budjetdan 2 mln so‘m «dekret» puli to‘lanadi
1 sentabrdan boshlab xususiy sektorda ishlovchi ayollarga ham davlat budjetidan 2 mln so‘m miqdordagi homiladorlik va tug‘ish nafaqasi to‘lab beriladi. Buning uchun Ijtimoiy sug‘urta jamg‘armasi tashkil etildi. Avvalroq prezident ushbu maqsadlar uchun 170 mlrd so‘m ajratilishini ma’lum qilgandi.
Uchta hududda o‘qishga kiritib qo‘yishni va’da qilgan shaxslar ushlandi
Poytaxtning Chilonzor tumanida $10 ming evaziga Toshkent tibbiyot akademiyasiga, Sirdaryoda $5 ming evaziga Guliston davlat universitetiga kiritib qo‘yishga uringanlikda gumonlangan shaxslar qo‘lga olindi. Samarqandda esa soxta hujjatlar asosida Qozog‘istondan o‘qishni ko‘chirmoqchi bo‘lgan shaxs ushlandi.
Farg‘ona vodiysi va Toshkent viloyatida sel kelish xavfi e’lon qilindi
29 iyuldan 1 avgustga qadar yomg‘irlar yog‘ishi tufayli Toshkent, Namangan va Farg‘ona viloyatlarining tog‘li va tog‘ oldi hududlarida sel-suv toshqinlari yuzaga kelishi kutilmoqda. O‘zgidromet aholi va haydovchilardan ehtiyot choralarini ko‘rishni so‘ramoqda.
Gruziyaga muhabbat bilan. O‘zbekistonliklarning Gruziyaga sayohat qilishga qiziqishi nega ortmoqda? (1-qism)
O‘zbekiston mediamakonida Gruziyaga qiziqish va sayohat qilish ko‘p muhokama qilinadigan mavzulardan biriga aylanmoqda. «Gazeta.uz» ushbu qiziqish nega ortayotganligi, Gruziyaning o‘ziga xos tomonlari va undan nimalarni o‘rganish mumkinligi haqidagi savollarga u yerga sayohat qilganlardan javob oldi.
Yarim yilda 1785 nafar mansabdor shaxs javobgarlikka tortildi
Yarim yilda 1429 ta jinoyat ishi doirasida 1785 nafar mansabdor shaxs javobgarlikka tortildi. Bunda ular yetkazgan moddiy zarar qariyb 700 mlrd so‘mni tashkil etdi. 1210 nafar mansabdor talon-toroj qilish, 158 nafari o‘z mavqeini suiiste’mol qilish, 129 nafari firibgarlik, 74 nafari poraxo‘rlikda ayblangan.
2022-yilda 1,2 mlndan ortiq abituriyent o‘qishga hujjat topshirdi
2022-yilda OTMlarga kirish uchun jami 1 mln 214 ming 232 nafar abituriyent hujjat topshirdi. Ularning 67 foizi avvalgi yillar bitiruvchilari hisoblanadi. Abituriyentlarning yarmidan ko‘pi kunduzgi ta’limni, 8,3 ming nafari esa masofaviy ta’limni tanlagan.
Prezident topshiriqlarini bajarmagani uchun 5 nafar davlat xizmatchisi ishdan bo‘shatildi
Shu yilning birinchi yarim yilligida prezident hujjatlari ijrosini ta’minlamagani uchun Moliya, Qurilish hamda Energetika vazirliklari, Davlat soliq qo‘mitasi va boshqa idoralardagi 5 nafar davlat xizmatchisi ishdan bo‘shatildi, 6 nafariga hayfsan va 1 nafariga jarima jazosi qo‘llanildi.
27 iyul kuni O‘zbekistonda sodir bo‘lgan eng muhim xabarlar dayjesti
Yagona maktab formasining hali beri majburiy bo‘lmasligi, ayrim soliqlarni to‘lashdan ozod qilinganlar, Komil Allamjanv bugundan biznesmen emas, hafta oxiridagi yomg‘irlar, Alisher Usmonovning ikki jiyaniga qarshi sanksiyalar, «Qo‘rqinchli Tehron» asari muhokamasi va boshqalar — «Gazeta.uz» da kun dayjesti.
29 iyuldan 7 avgustgacha poytaxtdagi ayrim yo‘llar avtomobillar harakati uchun yopiladi
Juma kunidan boshlab 7 avgustga qadar poytaxtda Food Fest-2022 gastronomik festivali o‘tkazilishi munosabati bilan Buyuk Turon ko‘chasi, Mustaqillik shoh ko‘chasi hamda Hyatt Regency mehmonxonasigacha bo‘lgan yo‘llar avtotransport harakati uchun vaqtincha yopiladi.
28−29-iyul kunlari O‘zbekistonning katta qismida qisqa muddatli yomg‘ir yog‘ishi kutilmoqda
O‘zgidromet rahbari 28−29 iyul kunlari O‘zbekiston hududining aksariyat qismida havo harorati pasayib, qisqa muddatli yomg‘ir yog‘ishi mumkinligini ma’lum qildi.
Uy-joyga muhtoj 12 ming xotin-qizlarning 500 nafardan ortiqrog‘iga uy berilgan, xolos — Senat raisi
Tanzila Narbayeva prezident topshirig‘iga ko‘ra bu yil 12 ming xotin-qizlar uy-joy bilan ta’minlanishi kerakligi, biroq ularning 500 nafardan sal ortiqrog‘iga uy berilganini aytdi. U joylardagi mas’ul tuzilmalar topshiriqni bajarish o‘rniga tadbirbozlik qilib yurganini tanqid ostiga oldi.
O‘zbekiston sharqida zilzila sezildi
Seysmoprognostik monitoring Respublika markazi epitsentri Qirg‘izistonda joylashgan 4,5 magnitudali zilzila O‘zbekiston hududida ham sezilganini ma’lum qildi. Mamlakat sharqida zilzila kuchi 2−3 ballni tashkil etgan.
Fuqarolar va tadbirkorlar bir qator soliqlarni to‘lashdan ozod qilindi — Soliq kodeksiga o‘zgartishlar
Fuqarolarning xususiy bog‘cha va maktablarga to‘laydigan 3 mln so‘mgacha mablag‘lari soliqdan ozod etiladi, mobil aloqa xizmatlari uchun soliq stavkalari 15 foizdan 10 foizga tushiriladi, tadbirkorlar va baliq yetishtiruvchilarga soliq imtiyozlari beriladi — Soliq kodeksiga qo‘shimcha va o‘zgartirishlar kiritildi.
Qo‘shimcha imkoniyatlardan foydalanish uchun saytda ro‘yxatdan o‘ting