Jamiyat
Omikron O‘zbekistonda yangi koronavirus to‘lqinini boshlashi mumkinmi?
O‘zbekistonda koronavirus pandemiyasining ikkinchi to‘lqini tugashi bilanoq kunlik koronavirus holatlarida yana keskin o‘sish kuzatildi. 8 yanvar kuni pandemiya boshidan buyon qish mavsumidagi eng yuqori ko‘rsatkich qayd etildi, keyinroq mamlakatda omikron shtammi aniqlangani aytildi. Hozirgacha O‘zbekistonda koronavirus to‘lqinlari asosan bahorning oxirida boshlanib, qishgacha davom etayotgan edi.
O‘zbekistonda karantin choralari yana kuchaytirildi
COVID-19`ga qarshi kurash bo‘yicha maxsus komissiya karantin choralarini kuchaytirish to‘g‘risida qaror qabul qildi. Barcha tashkilotlarga xodimlarni faqat emlanganidan keyin ish joyiga kiritishga ruxsat beriladi. Davlat organlariga har qanday tadbir o‘tkazish taqiqlanadi. Aholini to‘liq emlash jarayoni jadallashtiriladi.
O‘zbekistonda minimal iste’mol xarajatlari miqdori 498 ming so‘m etib belgilandi
O‘zbekistonda bir oyda kishi boshiga minimal iste’mol xarajatlari 13,2 foizga oshib, 498 ming so‘mni tashkil etdi. Minimal iste’mol xarajatlarining oshirilishi natijasida ayrim turdagi pensiya va nafaqalar miqdorlari ham kamida shu summaga yetkazilishi kutilmoqda.
Maktablarda qishki ta’til 24 yanvarga qadar uzaytirildi
XTV maktablarda qishki ta’til 24 yanvarga qadar uzaytirilganini ma’lum qildi. Mazkur qaror maktab rahbarlari va pedagoglar uchun yangi Milliy o‘quv dasturlari asosida malakalarini oshirish kurslarini tashkil etish maqsadida qabul qilindi.
8 yanvar kuni O‘zbekistonda sodir bo‘lgan eng muhim xabarlar dayjesti
Prezident tashrifi chog‘ida o‘rnatilgan cheklovlarga bo‘ysunmasdan Malibu`ga qarshi o‘qotar qurol ishlatilgani, narxi azonlashgan AI-80 benzini, O‘zbekistonda «omikron» aniqlanmaganini aytgan Nurmat Otabekov, Denovdagi portlash yuzasidan Hukumat komissiyasi xulosasi, Qozog‘istondagi vaziyatning O‘zbekiston iqtisodiyotiga ta’siri va boshqa xabarlar — «Gazeta.uz» ning 8 yanvardagi eng muhim xabarlari dayjestida.
O‘zbekistonda «omikron» aniqlanmadi — Nurmat Otabekov
Sanitariya-epidemiologik osoyishtalik xizmati boshlig‘i o‘rinbosari Nurmat Otabekovning so‘zlariga ko‘ra, O‘zbekistonda koronavirusning «omikron» shtammi aniqlanmagan. «Biroq, ortiqcha xotirjamlikka berilish ham yaramaydi… Yangi shtammning yurtimizga kirib kelish ehtimoli yo‘q emas», — dedi u.
Denovdagi portlash yuzasidan Hukumat komissiyasi xulosasi e’lon qilindi
Hukumat komissiyasi xulosasiga ko‘ra, Denov shahridagi «savdo majmuasidagi chaqnashda portlovchi moddalar qo‘llanilmagan». Majmua ostidan o‘tgan, biroq, foydalanishda bo‘lmagan quvurning 6 ta joyidan sizib chiqqan gaz bino ichida to‘plangan va portlash yuzaga kelgan. Voqeadan bir kun oldin shahar gaz ta’minoti bo‘limi ushbu uzilmay qolgan gaz quvuri liniyasini tarmoqqa ulagani aytilmoqda.
Uchta xususiy bandlik agentligi litsenziyasi vaqtincha to‘xtatildi
Bandlik va mehnat munosabatlari vazirligi BHMning 8500 baravari miqdoridagi — 2,3 mlrd so‘m zaxira mablag‘larini to‘ldirmaganligi sababli uchta xususiy bandlik agentligi litsenziyasini vaqtincha to‘xtatdi.
Denovdagi portlashda 226 ta ko‘chmas mulkka 22,6 mlrd so‘mlik zarar yetgan — FVV
FVV Denovdagi savdo majmuasida yuz bergan portlash oqibatida jami 226 ta ko‘chmas mulkka 22,6 mlrd so‘mlik zarar yetganini ma’lum qildi. Talofat ko‘rgan binolarning 25 tasi yaroqsiz deb topilgan, shundan 13 ta xonadon egalari boshqa joyga ko‘chirilib, uylari ta’mirlab berilmoqda.
Nima tayyorlaymiz: bananli shirinliklar
Bananli krambl, qatlamachalar, shokolad va bananli maffinlar, shokolad va yong‘oq solib pishirilgan bananli non, pechenelar va quymoqlar — Zira.uz bananli shirinliklar retseptlari ro‘yxatini taqdim etadi.
Qishki ta’til uzaytirilishi sabab OTMlarda o‘quv muddati o‘zgarmaydi
Oliy va o‘rta maxsus ta’lim vazirining birinchi o‘rinbosari Komiljon Karimov talabalar uchun qishki ta’til 24 yanvargacha uzaytirilgani ortidan OTMlarda o‘quv haftalari cho‘zilmasligini ma’lum qildi. Yangi kredit-modul tizimi tufayli talabalar ikkinchi semestrda 15 hafta o‘qiydi, ilgari 19−20 haftani tashkil qilgan.
Yunusobodda Malibu haydovchisini to‘xtatishda o‘qotar quroldan foydalanildi
Davlat raqamisiz bo‘lgan Malibu haydovchisi prezident tashrifi chog‘ida o‘rnatilgan cheklovlarga bo‘ysunmadi. Huquqni muhofaza qilish organlari xodimlari mashinaga qarata bir necha marotaba o‘q uzishdi. Haydovchi qo‘lga olingan. U mast holatda bo‘lgani aytilmoqda.
Navoiyda «Turizm ko‘chasi» bunyod etiladi
Navoiy shahrida sayyohlar uchun qiymati 13,7 mlrd so‘mlik «Turizm ko‘chasi» qurilishi boshlandi. Loyihaga ko‘ra, hududga yangi granit toshlari yotqiziladi, piyoda va velosiped yo‘laklari, selfi hududlar, mahalliy aholi va sayyohlar uchun ovqatlanish joylari bunyod etiladi.
Qozog‘istonda tahsil olayotgan bir guruh o‘zbekistonlik talabalar vatanga qaytarildi
Narikbayev nomidagi Qozog‘iston davlat yuridik universitetida tahsil olayotgan 35 nafar talaba Nursultondan Toshkentga qaytarildi.
7 yanvar kuni O‘zbekistonda sodir bo‘lgan eng muhim xabarlar dayjesti
Mehnat ta’tilidan 2 kunda qaytgan Shavkat Mirziyoyev, nomi oqlangan 120 nafar qatag‘on qurbonlari, O‘zbekistonning kovid-sertifikatlarini tan olishni boshlagan Buyuk Britaniya, tuxum eksporti cheklanganini vaqtincha chora deya atagan Iqtisodiy taraqqiyot vazirligi, piyodani urib yuborgan avtobus, xarid chekini ro‘yxatdan o‘tkazish bo‘yicha qo‘llanma va boshqa xabarlar — «Gazeta.uz» ning 7 yanvardagi eng muhim xabarlari dayjestida.
Coca-Cola`dan haqiqiy Yangi yil sehrining retsepti: karvon, taomlar festivali, tanlovlar va raqslar
O‘zbekiston bo‘ylab bo‘lib o‘tgan Coca-Cola yangi yil tadbirning mehmonlari va tashkilotchilari bayram nimalar bilan esda qolgani haqida so‘zlab berishdi.
Toshkentda avtobus piyodani urib yubordi
Olmazor tumanida 43-sonli yo‘nalishdagi «ISUZU» rusumli avtobus svetoforning qizil chirog‘ida to‘xtash paytida yo‘l chetiga yiqilib tushgan piyodani urib ketdi. Buning oqibatida fuqaro voqea joyida vafot etgan. Piyoda mast holatda bo‘lganligi aytilmoqda.
Chiptalarni muddati o‘tgandan keyin ham — 24 yanvargacha almashtirish mumkin
Temiryo‘l kassalari oldida yuzaga kelgan navbatlar va tartibsizliklar ortidan — Oliy va o‘rta maxsus ta’lim vazirligi 11 yanvargacha xarid qilingan chiptalarni almashtirish muddati ham 24 yanvarga qadar uzaytirilganini ma’lum qildi. «O‘zbekiston temir yo‘llari» esa «chipta almashtirish uchun qo‘shimcha to‘lovlar olinmasligi va qo‘shimcha poyezdlar ham yo‘lga qo‘yilishini» qayd etdi.
Qo‘llanma: Xarid chekini ro‘yxatdan o‘tkazish va keshbek olish
1 yanvardan boshlab xarid chekini «Soliq» mobil ilovasidan ro‘yxatdan o‘tkazgan fuqarolarga xarid summasining 1 foizi qaytariladi. Qaysi xarid cheki haqiqiy hisoblanadi, xarid chekini qanday ro‘yxatdan o‘tkazish mumkin va keshbekni bank kartasiga o‘tkazish haqida «Gazeta.uz» qo‘llanmasida.
Chigit ishi: Samarqandlik tadbirkorning mahsuloti 10 kunda yetkazib berilishi aytilmoqda
Qashqadaryo viloyati chegarasida 100 tonna chigit to‘xtatib qolinganiga «texnik xatolik tufayli ta’minotchi korxona urug‘lik chigit berib yuborganligi» sabab qilib ko‘rsatildi. Samarqandlik tadbirkorning mahsuloti 10 kunda yetkazib berilishi aytilmoqda. Antimonopoliya qo‘mitasi 2020 yilgi chigit ishidan keyin ushbu holat Qashqadaryoda yana takrorlanganini hamda vaziyat o‘rganilayotganini ma’lum qildi.
Qo‘shimcha imkoniyatlardan foydalanish uchun saytda ro‘yxatdan o‘ting