Jamiyat
Shavkat Mirziyoyev Qoraqalpog‘istonga jo‘nab ketdi
Shavkat Mirziyoyev saylovchilar bilan uchrashish maqsadida Qoraqalpog‘iston Respublikasiga jo‘nab ketdi.
O‘zbekistonda yurak va o‘pka transplantatsiyasi yo‘lga qo‘yiladi — Senat
O‘zbekistonda kelajakda buyrak ko‘chirib o‘tkazish amaliyotini yiliga 250 taga yetkazish, jigar transplantatsiyasini esa 50 taga yetkazish rejalashtirilgan, ma’lum qildi Senat matbuot xizmati. Shuningdek, yurak transplantatsiyasini joriy etish va yiliga 50 ta amaliyot hamda o‘pka transplantatsiyasini yo‘lga qo‘yish ko‘zda tutilmoqda.
Poyezd jo‘nab ketdi. Elektrichkalarda kimlar yuradi va nega yo‘lovchilar undan qoniqishmayapti?
Shahar atrofidagi temir yo‘l aloqasi — yirik shaharlar transport tizimini rivojlantirishning istiqbolli yo‘nalishi hisoblanadi, lekin Toshkent elektropoyezdlari yo‘lovchilari ko‘rsatilayotgan xizmatlardan qoniqish hosil qilayotgani yo‘q. “Gazeta.uz” fotomuxbiri Yevgeniy Sorochin ulardan buning sababini so‘rab ko‘rdi.
Qishloq xo‘jaligi vaziri o‘rinbosari o‘g‘lining kompaniyasi 9,9 mlrd so‘mlik tenderda g‘olib bo‘ldi
1 mln dona uzum ko‘chatlarini yetkazib berish bo‘yicha 9,95 mlrd so‘mlik tenderda qishloq xo‘jaligi vaziri o‘rinbosari, Qishloq xo‘jaligida milliy bilim va innovatsiyalar markazi (buyurtmachi) rahbari Alisher To‘rayevning o‘g‘liga tegishli kompaniya g‘olib bo‘ldi.
«Maroqand neft bazasi»da neft mahsulotlari o‘g‘rilanib, noqonuniy sotib yuborilgan
«Maroqand neft bazasi»da neft mahsulotlarining o‘g‘rilanib, noqonuniy sotib yuborilgani aniqlandi, deya xabar qildi «O‘zbeknaftgaz». Jumladan, neft bazasida 23,3 mlrd so‘mlik 3219 tonna avtobenzin birja savdolari orqali sotib olinmasdan, iste’molchilarga jo‘natib yuborilgan. Bundan tashqari, ayrim xodimlar yoqilg‘i sig‘imlarining kalibrovka jadvallarini o‘zgartirilib, zaxiralarni yashirgan, haydovchilar esa mexaniklar bilan kelishib, benzinni hisobdan chiqarishgan. 11 xodim ishdan bo‘shatildi, jinoiy ish qo‘zg‘atildi.
20 sentabr kuni O‘zbekistonda sodir bo‘lgan eng muhim xabarlar dayjesti
Prezidentlikka nomzodlarning saylovoldi kampaniyasi boshlanishi, Respublika maxsus komissiyasining qarorlari, YTH oqibatida jurnalistning halok bo‘lishi — “Gazeta.uz"ning 20 sentabrdagi eng muhim xabarlari dayjestida.
Texpasportlarni topshirish ishlari davom etmoqda — Toshkent IIBB
Toshkent IIBB YHXB bo‘linmalarida avtomototransport vositasini davlat ro‘yxatidan o‘tkazganlik to‘g‘risida guvohnoma berish ishlari qayta tiklandi. Texpasportlarni almashtirish bo‘yicha murojaatlar sonining ortib ketgani ularni berishda muammolarni keltirib chiqargani aytildi.
Fuqarolik sudlarida ishlar soddalashtirilgan tartibda ko‘rib chiqiladi
Qonunchilikka fuqarolik protsessida soddalashtirilgan tartibda ish yuritish instituti kiritildi. Da’voning bahosi yuridik shaxslarga nisbatan BHMning 20 baravaridan, YATTga nisbatan 10 baravaridan, jismoniy shaxslarga nisbatan esa 5 baravaridan oshmasa, ishlar soddalashtirilgan tartibida ko‘rib chiqiladi.
Prezident Toshkentdagi yangi qurilish loyihalari bilan tanishdi
Prezident Shavkat Mirziyoyev poytaxtda amalga oshirilayotgan qurilish loyihalari bilan tanishdi. Respublika onkologiya va radiologiya tibbiyot markazining 10 qavatli, 650 statsionar va 100 ambulator o‘ringa ega bino loyihasi taqdim etildi. Shuningdek, «Yangi O‘zbekiston» universitetining o‘quv kampusi va Alisher Navoiy nomidagi O‘zbekiston Milliy bog‘i hududidagi yangi kutubxona loyihasi ko‘rib chiqildi.
«Xalq so‘zi» muxbiri Said Maxsumov avtohalokatda vafot etdi
Qoraqalpog‘istondagi YTHda to‘rt kishi, jumladan «Xalq so‘zi» gazetasi muxbiri 36 yoshli Said Maxsumov vafot etdi.
Metro poyezdlaridan birida texnik nosozlik yuzaga keldi
Toshkent metropoliteni bo‘sh vagonning yopiq eshiklari oldida ko‘plab yo‘lovchilar yig‘ilgan videoga izoh berdi. Poyezdlardan biridagi havo taqsimlash tizimida texnik nosozlik yuzaga kelgan, yo‘lovchilar bekatda tushurilgan va poyezd texnik ko‘rik punktiga olib ketgan.
Hafta davomida havo salqin bo‘ladi
Haftaning katta qismida O‘zbekiston bo‘yicha asosan quruq va salqin ob-havo hukumronlik qiladi. Hafta oxiriga havo harorati yana ko‘tariladi.
Andijonda 6 ta avtomobil ishtirokida sodir bo‘lgan YTH oqibatida 1 kishi vafot etdi
Andijon viloyati Oltinko‘l tumanida 6 ta avtomashina oqibatida YTH sodir bo‘ldi. Oqibatda 1 kishi vafot etdi. Holat yuzasidan tergovga qadar tekshiruv harakatlari olib borilmoqda.
Muhtoj bo‘lgan 100 nafar xotin-qizning to‘lov-kontrakti hokimliklar tomonidan to‘lab beriladi
Hukumat qarori bilan har bir hududdan ota-onasi yoki ularning biridan ayrilgan muhtoj qizlar, boquvchisi yo‘q yolg‘iz 100 nafar ayollarning to‘lov-kontrakti hokimliklar tomonidan har yili to‘lab beriladi. 50 nafargacha xotin-qizlar birinchi o‘quv yilida bepul o‘qitilishi ham ko‘zda tutimoqda.
To‘y va oilaviy marosimlarni 100 kishidan ko‘p bo‘lmagan holda o‘tkazishga ruxsat berildi
20 sentabrdan to‘yxonalarda oilaviy tantana, to‘y, ma’raka va marosimlarni o‘tkazish 100 kishidan ko‘p bo‘lmagan hamda sanitariya va gigiyena talablariga qatiy rioya etgan holda o‘tkazilishiga ruxsat berildi.
Juma namozini faqat ochiq sahnalarda ado etish bo‘yicha cheklov bekor qilindi
Respublika maxsus komissiyasi qarori bilan 24 sentabrdan boshlab juma va boshqa namozlarni masjidning faqat ochiq sahnalarida ado etish bo‘yicha cheklov bekor qilindi.
Ommaviy tadbirlar va yig‘ilishlarni o‘tkazishga ruxsat berildi
20 sentabrdan boshlab O‘zbekistonda tomosha, madaniy-ko‘ngilochar, ommaviy tadbirlar va yig‘ilishlarni ochiq maydonlar hamda yopiq majmualarda o‘tkazishga ruxsat berildi. Madaniy-ko‘ngilochar obyektlar xodimlari va ommaviy tadbirlari tashkilotchilari koronavirusga qarshi vaksinaning kamida 2 ta dozasi bilan emlanishi shart. Tashrif buyuruvchilarda emlanganlik to‘g‘risidagi QR-kodli sertifikati bo‘lishi tavsiya etildi.
50:50:50. Yevgeniy Sorochinning shahardagi tong fotoloyihasi
Roppa-rosa bir yil oldin “Gazeta.uz” fotomuxbiri Yevgeniy Sorochin karantin paytidagi Toshkent tongi haqidagi loyihasini yakunladi. U 50 kun davomida shaharni tong otar payti 50 mm obyektivda suratga oldi. Loyihaning g‘oyasi va shahar bir yil ichida qanday o‘zgargani haqida bizning fotomaterialimizda.
Namanganda YTH oqibatida piyoda va uning 2 yoshli nabirasi vafot etdi
Namanganda “VAZ-2106” avtomashinasi yo‘lni kesib o‘tayotgan piyoda va uning 2 yoshli nabirasini urib yubordi. Oqibatda piyodalar shifoxonada vafot etganlar. Holat yuzasidan jinoyat ishi qo‘zg‘atilib, haydovchi ushlandi.
Akademik litsey imtihonlari natijalari 22 sentabrda e’lon qilinadi
Respublika OTMlari tasarrufidagi akademik litseylarga kirish imtihonlarini natijalari 22 sentabrda e’lon qilinadi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting